Wednesday, January 25, 2012

မြစ်သာမြစ်ဝှမ်း စိမ်းလန်းခြင်းဖြင့်အေးမြစေ..(၃)


ထိုင်းနိုင်ငံတွင် အလုပ်လုပ်ပြီး မြန်မာ နိုင်ငံကိုပြန်လည်ရောက်ရှိလာချိန်မှာတော့ ကျွန်မ ဟာ မူလ ကလုပ်ကိုင်ခဲ့ဘူးတဲ့ မြန်မာအော်ဂဲနစ်အဖွဲ့ နှင့်အတူ အချိန်ရသလောက်သင်တန်းများပေးဘို့ စီစဉ်ခဲ့ပါတယ်..။မြန်မာ နိုင်ငံမှာ သုံးလသာ နေထိုင်ပြီး ထိုင်းနိုင်ငံသို့ ၂၀၁၂ နှစ်ဦးပိုင်းမှာ ပြန်လာမယ် လို့လည်းစကားဆိုခဲ့ပါတယ်..။

တိုင်းပြည်အတွက် လိုအပ်လို့ မပြန်ဖြစ်တော့ပဲ ဆက်လက် နေထိုင်ခဲ့ပါတယ်လို့ အသံကောင်း မဟစ် လိုသော် လည်း အကြောင်းကြောင်းများအကြောင်းဖွဲ့ ညီညွတ်တဲ့အခါ ကျွန်မ မြန်မာနိုင်ငံမှာပဲ ဖြစ်တဲ့အခြေ အနေနဲ့ ရပ်တည်နေထိုင် ဘို့ ဆုံးဖြတ်လိုက်ခဲ့ပါတယ်..။

ရာထူးတွေ..ဂုဏ်ထူးတွေ ဘွဲ့ထူးတွေ…ဥစ္စာဓန ၊ ပကာသန ပေတံများ နဲ့ တိုင်းထွာ တွက်ချက်ပြီး ခင်မင် ဆက်ဆံကြတဲ့ အနှစ်ကင်းသော…. အရသာကင်းမဲ့ သော ပေါင်းသင်းဆက်ဆံရေး များသည် နှလုံးသားကို ထုံပေပေ ဖြစ်စေတတ် တာ..။ လှိုက်လှဲ စစ်မှန်သော မေတ္တာ..စေတနာ ကတော့ နှလုံးစိတ်ဝမ်း ချမ်းချမ်းမြေ့မြေ့ ဖြစ်ရတယ်ဆိုတာ ခံစားဘူးသူတိုင်းသိကြ မှာပါလေ။

ဒီလိုနဲ့ ပဲတောနယ် ကျေးလက် တွေဟာ ….သစ္စာပတ်ဝန်းကျင် …မေတ္တာပတ်ဝန်းကျင် အဖြစ် ဘဝထဲမှာ ရှင်သန် စိမ်းလန်း ရပါတော့တယ်။

လက်တွေ့ လုပ်ငန်းများလုပ်ဆောင်ခြင်း

ဂန့်ဂေါ ကိုတော့မလာခင်ကတည်းကကြို တင် ပြင်ဆင် ချိန်ရရှိစေဘို့ ဘာတွေသင်ယူချင်ပါသလဲ ဆွေးနွေး မေးမြန်းခဲ့ပါတယ်။ အော်ဂဲနစ်မြေသြဇာ လုပ်နည်း၊ ပိုးသတ်ဆေးလုပ်နည်း၊Organic Technology, Good Agriculture Practices သဘာဝပတ်ဝန်းကျင် ထိန်းသိမ်းတဲ့ နည်းစံနစ်တွေ အပြင် ရေဆိုးသန့်စင်နည်း ၊ သီးနှံများကြာရှည်ခံအောင်ယိုထိုးနည်း ၊ တစ်ပိုင်တစ်နိုင် မှိုစိုက်ပျိုးနည်းများ ကိုပါ သင်ပေးနိုင်အောင် ကျွန်မ FAO Library ကိုပြေးလွှား ကူးယူစီစဉ် ခဲ့ပါတယ်။

အော်ဂဲနစ် စိုက်ပျိုးရေး မှာ အဓိက မောင်းနှင်ရမှာက အဏုဇီဝပိုးများဖြစ်တာမို့ အကြမ်းစား အဏုဇီဝ ဓာတ်ခွဲခန်း လေး Microbiology Lab လေး နဲ့ မွေးမြူတတ်အောင် ၊ ရတဲ့ ဒေသထွက်ပစ္စည်းတွေ နဲ့ ဒေသပိုး(Indigenous Microorganism) တွေမွေးတတ်အောင် အသုံးပြုတတ်အောင် စီမံရပါတော့တယ်။

လက်တွေ့ဘ၀ ထဲကMicrobiology

ဂန့်ဂေါ ဒေသမှာ စားသုံးတဲ့ မုံညင်းချဉ် သည် Lactobacillus Bacteria ကြောင့်ဖြစ်ကြောင်း ကိုရီးယား ဂင်ချီ နဲ့ဆက်စပ်ပြရပါတယ်။ လှော်စာ၊ ဒိန်ချဉ် ၊ငါးချဉ် ၊ ချဉ်ဖတ်၊ခေါင်ရည် ဆိုတာတွေက ရပ်ထဲရွာထဲက Biotechnology ဖြစ်တယ်ဆိုတော့ လည်း ငယ်ပေါင်း ကိုပြန်တွေ့သလို တရင်းတနှီး ခံစား ရပြန်တာပဲပေါ့။

အဏုဇီဝပိုးများထဲမှ ဘက်တီးရီးယား တို့ ဆိုတာကလည်းပကတိမျက်လုံး နဲ့မြင်ရတာမျိုး မဟုတ်လေတော့ ကွက်ကွက်ကွင်းကွင်း မြင်ရလေအောင် ပုံများ အထောက်အထားပြည့်စုံအောင် စုဆောင်းခဲ့ရပါတယ်..။(နောက်တစ်ခါတော့ Microscopeသယ်ရမှာပေါ့လေ)

DNA, RNA,GMO,EM IMO စတာတွေကိုတော့ ဘာသာမပြန်ပဲ အင်္ဂလိပ်စာလုံး တိုက်ရိုက် နဲ့ရှင်းပြရင်း မိတ်ဆွေတွေလို ရင်းနှီးကျွမ်းဝင်စေခဲ့ပါတယ်..။

ကျွန်မသီအိုရီသင်ပြီးတိုင်း လက်တွေ့ အဏုဇီဝ ပိုးများမွေးမြု ခြင်းကို သင်တန်းအပတ်စဉ် (၁) ဆင်းပြီးကတည်းက ကျွန်မ နှင့် လိုက်ပါခဲ့သူ ဓာတ်ခွဲမှူးဟောင်းတစ်ဦးဖြစ်သူ ဆရာမ ဒေါ်ကြူကြူသင်းက သင်ပြပေးခဲ့ပါတယ်။အဲဒီ မှာလည်း သင်တန်းသားအားလုံး တလေးတစားသင်ယူကြပြီး တက်တက်ကြွကြွ ရှိကြ ပါတယ်။

နွေးသော..အေးသော မေတ္တာရေ

ကျောက်တုံးညိုညိုလေးများ ခြံရံထားတဲ့ မြစ်သာမြစ်ရဲ့ကမ်းပါးယံ တစ်ခု အထက်ဆီမှာတော့ ဂန့်ဂေါမြို့ အတွက် သဘာဝ ရဲ့လက်ဆောင်မွန်တစ်ခုကို ထပ်မံတွေ့ရှိရပါသေးတယ်..။ အဲဒါကတော့မြေသားကမ်းပါးယံထက်ဆီက စဉ်ဆက်မပြတ် ဒလဟော စီးဆင်းနေတဲ့ သန့်သန့်စင်စင် ရေစီးကြောင်း ရေထွက် တစ်ခုရှိနေတာကို တွေ့လိုက် ရ ပါတယ်။

ရောက်ပြီး နှစ်ရက်မြောက်တဲ့အထိ ကျွန်မ ရေချိုးတာမတွေ့တော့ အိမ်ရှင်တွေ ..ကအဖြေထုတ်ကြရင်း ချမ်းလို့ဖြစ်မယ်ဆိုပြီး ဘုန်းဘုန်း ရဲ့ အမ များက စီမံပို့ဆောင်ပေးကြတာပါ။ ဆောင်းမှာ နွေးပြီး၊ နွေမှာ အေးတယ်ဆိုပဲ။

အမှန်တကယ်လည်းနွေးထွေးလှပါတယ်..။ အများတကာ နှင့် စုပေါင်းသုံးစွဲရတဲ့ ရေချိုးဆိပ်ကလေးတစ်ခု ဖြစ်နေပါတယ်..။ သဘာဝ ရေပန်း လို ကမ်းပါးယံထက်မှ ဖေါက်ထွက်လျက် စဉ်ဆက်မပြတ်စီးကျနေပြီး သစ်သား ကွက်ပျစ်လေးတည်ဆောက်ပြီး ရေချိုး အဝတ်လျှော်တဲ့နေရာလုပ်ထားပါတယ်..။အားလုံးသုံးစွဲ ပြီးတဲ့ရေ တွေကတော့ သစ်သားကြမ်းပြင်မှ တဆင့် မြစ်သာမြစ်ထဲကို စီးဆင်းဝင် ရောက်ရရှာပါတယ်။ ဆပ်ပြာ ခေါင်းလျှော်ရည်တို့ဖြင့်မညစ်နွမ်းပါစေကြောင်းဆုတောင်းရပါတယ်။

အုံးတုံးတောင်တောရ

ဘုန်းဘုန်းအမျိုးများနှင့် အုံးတုံးတောင်မှာ

နောက်တစ်နေ့ မနက်ခင်း စာသင်ချိန်မစတင်ခင်မှာ ပဲ ဘုန်းဘုန်းဦးတိက္ခ ထံမှ တယ်လီဖုန်း ရရှိခဲ့ပါတယ်။ စသင်ချိန်ပြီး လျှင် ဂန့်ဂေါမြို့ နဲ့ သုံးမိုင်ခန့်အကွာမှာ ရှိတဲ့ အုံးတုံးတောင်တောရ ကိုသွားရောက်လည်ပတ်ဘို့ ညွှန်ကြားပါတယ်။

တရားနာသူများလို့ဓမ္မာရုံတောင်တိုးချဲ့ရသတဲ့

လွန်ခဲ့တဲ့ နွေရာသီတုံးက ကလေး များ ၅၀၀ ကျော် တရားစခန်းဝင် ကြ တရားအားထုတ်ကြတဲ့ ဓာတ်ပုံများကိုလည်း ကြည်နူးဘွယ် တွေ့မြင်ခဲ့ရပါတယ်။

ဂန့်ဂေါမြို့ ရဲ့မျိုးဆက်သစ်များ

အုံးတုံးတောင်တောရ သည် အေးမြညိမ်းချမ်းမှု အပြည့်အဝ လွှမ်းခြုံထား ပါတယ်..။

တောရ ဝန်းကျင်မှာ လျှို မြောင် ချောက်ကမ်း များ ဝိုင်းပတ်လျက် လုံဟောချောင်းသည်လည်း ခွေခွေရစ်ရစ် စီးဆင်း လျက်ရှိပါတယ်။

ကျွန်း ပျဉ်းကတိုးအင်ပင်တို့ထက်မှာ ရှဉ့်ငယ်လေးများ စိတ်အေးချမ်းသာစွာ နေထိုင် ကျက်စားနေကြတာ သူတော်ကောင်းနယ်မြေရယ်လို့စိတ်ချလက်ချ ရှိနေဟန်ပါ။

ဘုန်းဘုန်းဦးတိက္ခ ကတော့ ပိုင်းလော့ဆရာတော် ဘုရားကြီးကိုပင့်ဖိတ်လျက် ဒီတောရမှာ တရားစခန်း စီစဉ် ချင်ပါသေးတယ်တဲ့..။ လိုင်းတူ ဓာတ်တူဖြစ်ခဲ့လျှင် ဘယ်လောက် ဝေးဝေး နီးနီးလေးပင်မဟုတ်ပါလော။

သင်တန်းဖိတ်ကြား ထားသော်လည်း အချိန်မရ၍ မသွားရောက်နိုင်ခဲ့သော လုံဟော ရွာ လေးရဲ့ ပျပျဝေးဝေး ရေးရေးမျှင်မျှင် မြင်ကွင်းလေးကို မျှော်ငေး လျက် တောင်းပန်စကားဆိုမိပါတယ်..။ ပို၍ ပို၍ တပည့်တော်မ ၏ စေတနာ စွမ်းအားများ စူးရှ ထက်မြက်ရပါစေသား…အရှင်ဘုရား။

ဆက်ပါအုံမည်

မေတ္တာဖြင့်

သစ္စာအလင်း

Wednesday, January 18, 2012

မြစ်သာမြစ်ဝှမ်း စိမ်းလန်းခြင်းဖြင့် အေးမြစေ.. ၂

ဘုန်းဘုန်ဦးသုဇာတ

နမောတဿ ဖြင့်ဖွင့်လှစ်ခဲ့သောသင်တန်း

သဘာဝပတ်ဝန်းကျင်ထိန်းသိမ်းရေးနှင့် အော်ဂဲနစ်စိုက်ပျိုး ရေး နည်းပညာပေးသင်တန်း လို့ နာမည်ပေးထားတဲ့ သင်တန်းလေးတစ်ခုကို ကုသိုလ်အတူပြုကြဘို့ ခရစ်စမတ်အလွန် ၂၆ ရက်နေ့ ဆောင်းနံနက်ခင်း တစ်ခု မှာ ဖွင့်လှစ်ဖြစ်ခဲ့ပါတယ်…။

ကျွန်မ ပို့ချခဲ့ဘူးသောသင်တန်းများထဲမှာ ရတနာသုံးပါးကိုဦးထိပ်ပန်ဆင်လျက် မင်္ဂလာရှိစွာ ဖွင့်လှစ်ခဲ့ရသည်မှာ သည်ဂန့်ဂေါ ကသင်တန်း တစ်ခုသာရှိကြောင်း မှတ်တမ်းပြုရပါတော့မယ်..။

တခြားသော အသင်းအဖွဲ့များ NGO, INGO ပေါင်းများစွာ နဲ့ ပူးပေါင်းလျက် သင်တန်းပေါင်းများစွာ ဖွင့်လှစ် ခဲ့သော်လည်း ယခု တစ်ကြိမ် က ဘာသာရေး အသင်းအဖွဲ့တစ်ခုဖြစ်တဲ့ ပုညဟိတေသီ ဆွမ်းလောင်းအသင်းနဲ့ ဖွင့်လှစ်ရတာမို့ ထူးခြားဖြစ်စဉ် ရယ်လို့ ဆိုနိုင်ခဲ့တာပါ..။

ပုညဟိတေသီများ

ကျွန်မအပါအဝင် လူအများစုက တော့ လက်ရှိ အကျိုးစီးပွား အတွက် ဘဝရဲ့ အချိန်များစွာကို ပေးတယ် အရေးကြီးတယ်လည်းထင်တယ်.. ဦးစားလည်းပေးကြတယ်..ဆောင်ရွက်တတ်ကြပါတယ်..။

ကျွန်မတို့ ဗုဒ္ဒဘာသာဝင်တွေအားလုံးရဲ့ ပန်းတိုင် ဖြစ်တဲ့ သံသရာလွတ်ကြောင်း နိဗာန် ကိုမရမချင်း သံသရာခရီးသည် တွေ ဖြစ်ကြရအုံးမှာ အဘယ်မျှ ရှည်လျားထွေပြားအုံးမည်ဆိုတာ တပ်အပ် မသိနိုင်။

အဲဒီသံသရာခရီးအတွက် ကြိုတင်ပြင်ဆင်ဘို့ အချိန်ပေး တာ ကြိုတင်ဆောင်ရွက်ကြတာ.. တွေးတောကြံဆ မိသူတွေ ဆိုတာ အလွန်ရှားပါးလှပါတယ်..။

ပုညဟိတေသီ တွေကတော့ မိမိ သူတပါး နှစ်ဖြာသော အကျိုးစီးပွား သံသရာအကျိုးစီးပွား အတွက် အချိန်များစွာပေး..လုပ်အားများစွာပေးလှူထား ကြတာမို့ သံသရာ လမ်းကြောင်းဖြောင့်တန်းရမှာ ဆိုတာတော့ယုံကြည်မိပါတယ်.။

ကုသိုလ် ညီညွတ်ကြတာမို့ တစ်ဇွန်းဆန် များလှူဒါန်းမှု အစုစု သည် တစ်လ မှာ ဆန် အိတ် ၅၀ မှ ၆၀ အထိ စုစည်း နိုင်ခဲ့ပါတယ်။

ဂန့်ဂေါမြို့ မှစာသင်တိုက်များကို ဆွမ်းဆန်ထောက်ပံ့ နိုင်သလို..ပြီးခဲ့တဲ့ လက ဖြစ်တဲ့ရေဘေး ဒုက္ခသည်များကိုလည်း ဆန်လှူဒါန်း နိုင်ခဲ့ပါတယ်။

ရန်ကုန်မြို့လုံးဆိုင်ရာ ပရိယတ္တိသာသနနုဂဟ ဆန်လှူ အသင်းကြီးများနှစ်ပေါင်းများစွာ ကုသိုလ် ပြု ဘဝ မြှုပ်နှံခဲ့သော တမလွန်မှ ကျွန်မ ရဲ့ကျေးဇူးရှင်ဖခင်ကြီး ရှိနေလျှင်လည်း ဝမ်းပန်းတသာသာဓုခေါ်မှာ အသေအချာပါပဲ။

မေတ္တာတရား ဖြင့် စီးဆင်းစေ

သင်တန်းသားများ

သင်တန်းနေရာက ဂန့်ဂေါမြို့ဦး ..မြစ်သာမြစ်ကမ်းပါးထက်က တောင်ကုန်းဘုန်းကြီးကျောင်းတိုက်မှာ ဖြစ်ပြီး ကျောင်းထိုင် ဆရာတော် ဘုန်းဘုန်း ဦးသုဇာတ ကိုယ်တိုင်သြဝါဒ စကားချီးမြှင့်ပေး ခဲ့ပါတယ်..။

ဆရာတော်ဘုရား ရဲ့သြဝါဒကတော့ မေတ္တာ တရားထားလျက်သင်ယူ ကြဘို့ညွှန်ကြားတာပါ။

သင်တန်း ကုန်ကျစရိတ် ပေးလှူတဲ့ ဘုန်းဘုန်းဦးတိက္ခ ကအဝေးရောက်နေသော်လည်းမေတ္တာ နှင့် စောင့်ရှောက်ပေး သလို သင်ကြားသူသင်ယူသူများ အားလုံးအပြန်အလှန်မေတ္တာထားဘို့ မိန့်ကြားပေးခဲ့ပါတယ်။

ကောင်းကျိုးလိုလားမှုများစွာ ကိုမေတ္တာ ဆိုတဲ့ကြိုးတစ်ချောင်းနှင် နှောင်တဲစုစည်း ပေးလိုက်တာပါ..။

ဘယ်လိုအဖွဲ့ အစည်း ပဲဖြစ်ဖြစ် မေတ္တာ ဓာတ်နှင့်ချည်နှောင်မှသာ ခိုင်မြဲပါတယ် ဆိုတဲ့ ပိုင်းလော့ဆရာတော်ဘုရား ရဲ့ အဆုံးအမကိုလည်း သတိရမိပါသေးတယ်။

ဝေးခြင်း နီးခြင်း၊ ကွာခြင်းလှမ်းခြင်း ပူခြင်းအေးခြင်း ၊ဖြူစင်ခြင်း ညစ်နွမ်းခြင်း ၊ ကြင်နာခြင်း ရက်စက်ခြင်း တို့အားလုံးကို တစ်သားတည်း ပေါင်းစည်း စေသည် မှာ မေတ္တာတရားပင် မဟုတ်ပါလော..။

စိတ်ပါဝင်စားကြလေသလား

ဘုန်းဘုန်း ဦးတိက္ခဥာဏာ လင်္ကာရ ရဲ့ အမတော် များဖြစ်တဲ့ မခင်မိုးသူ မခင်အေးသူ၊ယောက်ဖတော်များ ကိုရွှေမောင် ၊ ကိုခင်မောင်ထွေး ဘုန်းဘုန်းရဲ့ လက်ရုံး ကပ္ပိယ လေးဦး (ကိုဝင်းမြင့်၊ ကိုနိုင်လင်း၊ ကိုကျော်ဖြိုးဝေ၊ ကိုကျော်မင်းသန်း) တို့ကဦးဆောင်ပြီး လိုအပ်တဲ့သင်တန်းအထောက်အကူပစ္စည်း များဖြည့်ဆည်း ပေးခဲ့ပါ တယ်..။

မြစ်သာမြစ်မှလျှပ်စစ်အလင်း

သင်တန်းကာလ တစ်လျှောက်လုံးလျှပ်စစ်မီး ရရှိနေတာကတော့ မြစ်သာမြစ်ရဲ့ဆန်တက်နိုင်သော အစွမ်းသတ္တိမှ တစ်ဆင့် ရေအားလျှပ်စစ် ထုတ်ယူ လျှက်ပေး လှူထားတာပဲဖြစ်ပါတယ်..။ ရေအားလျှပ်စစ် ထုတ် လုပ်ပေးတဲ့ပညာရှင်ကလည်း ပုညဟိတေသီ တစ်ဦးဖြစ်တဲ့ ကိုမင်းမင်းဖြစ်ပါတယ်။

ဒါကြောင့်လည်း ဝေးသီခေါင်ဖျား အလှမ်းဝေးကွာ လှတဲ့ ခရိုင်မြို့လေးတစ်ခုဖြစ်သော်လည်း နေထိုင်မှု အဆင့်အတန်း က တိုင်းဒေသကြီး ရဲ့ မြို့တော်များ မှာထက် သာလွန်တာ တွေ့ ရလို့လည်းဝမ်းသာမိပါတယ်။

Projector နှင့်ဆိုလျှင် အလင်း ရောင် ဖြင့်မမြင်ရမှာဆိုးလို့ တွက်စစ်ပြီး 32 inches Flat TV ကို သင်ထောက်ကူပစ္စည်းအဖြစ် ပြင်ဆင်ပေးထားတာမို့ စာသင်ရတာ အဆင်ပြေလှပါတယ်။

အသံချဲ့စက် ကလည်း တရွာလုံးကြား ဖြစ်တာမို့ ကျွန်မ ကတော့ကျွန်မ ကွန်ပျူတာ ထဲမှာ ပါလာတဲ့ ဘုန်းဘုန်း ဦးတိက္ခဥာဏာ လင်္ကာရ ရဲ့ အွန်လိုင်းမှာ ဟော ခဲ့ဘူးတဲ့တရားတော်ကို သင်တန်းနားချိန်မှာ လွှင့်ထုတ်ပေးခဲ့ပါတယ်..။

ဘုန်းဘုန်းအတွက်ဂုဏ်ယူကြတဲ့ ဆွေမျိုးများအားတက်ရွှင်လန်း ဝမ်းပန်းတသာ ဖြစ်စေချင်လို့ပါ..။

တရားရေစင်ကြောင့် တကယ် လည်း ကျေနပ်ပျော်ရွှင်ကြရပါတယ်။

Teaching Aids

Black Board, White Board, Flannel Board စတဲ့သင်ထောက်ကူမျိုးစုံ ဖြင့်စာသင်ခဲ့ဘူးသော်လည်း ဂန့်ဂေါက ကျောက်သင်ပုန်းကတော့ တစ်မျိုးပါ..။

ဖျက်မရတဲ့ Permenant Marker ဖြင့် ရေးသားရှင်းပြနိုင်ရန် စာရွက်အညို ကြီးကြီး တွေကို တိပ်ဖြင့်ကပ်ပေး ထားပါတယ်။ စောင့်ကြည့်နေကြပြီး တစ်ရွက်ကုန်တာ နဲ့ တစ်ရွက်လဲလှယ် ပေးကြပါတယ်။

ဒီလိုနဲ့ သင်တန်းဆရာမ ရဲ့ ရှင်းပြချက် အတွက် မှတ်စုနုတ်စ်များ လိုက်မှတ်စရာမလို ပဲ ကျန်ရှိနေနိုင်သည် မဟုတ်ပါလား။ အတော်ဥာဏ်သွား တဲ့ကလေးတွေ ပဲလို့ စိတ်ထဲက ကြိတ်ပြုံးမိပါတယ်..။

သင်တဲ့လူကလည်း ဖြစ်ကတတ်ဆန်း မရေးဖြစ်တော့ပဲ သတိနဲ့ စီစဉ်တကျ ရေးဖြစ်ပါတော့တယ်..အတော်ပိုင်တဲ့နည်းစံနစ်။


ဆက်ပါဦးမည်။

မေတ္တာဖြင့်

သစ္စာအလင်း

Sunday, January 15, 2012

မြစ်သာမြစ်ဝှမ်း စိမ်းလန်းခြင်းဖြင့် အေးမြစေ..


ဒီဇင်ဘာ ၂၄ ရဲ့ညနေ ၄နာရီမှာ သီရိမန္တလာ မှ ပုံတောင်ပုံညာ သို့ဖြတ်သန်း၍...
<!--[if gte mso 9]> Normal 0 false false false EN-US X-NONE X-NONE

၂၀၁၁ ခုနှစ် နောက်ဆုံးရက်များရဲ့ ဆောင်းညနေခင်းများအတူ ဖြူလွလွ အတွေ့အကြုံများစွာ ဟာ ကျွန်မ ရဲ့ ဘဝထဲကို အေးမြနူးညံ့စွာ ချင်းနင်းဝင်ရောက် ခဲ့ပါ တယ်..။

ယောဒေသ ရဲ့ မြို့တော် ဂန့်ဂေါ..ကျော…ဆော ….ပုံတောင် ပုံညာ စတဲ့ နာမည် ဆန်းဆန်းလေး တွေက မရောက်ခင်ကတည်းက ကျွန်မရဲ့စိတ်အစဉ်ကို ဆွဲဆောင် ညှို့ငင် နိုင်စွမ်းရှိနေခဲ့ပါတယ်။

*မြတ်ဗုဒ္စ္ဒ ၏ အဆုံးအမ ဖြင့်သဘာဝပတ်ဝန်းကျင်ကိုထိန်းသိမ်းကြပါစို့*….ဆိုတဲ့စာတမ်းလေး ကို စိမ်းညို့နေတဲ့ သစ်တောကြိုးဝိုင်း များနောက်ခံထားလျက် လှမ်းမြင်လိုက်ရပါပြီ…။ အော် ဒါ ဂန့်ဂေါ ….ပေပဲ..။

*ဖျင်ပင်နီချော ရယ်နဲ့ ယောထဘီ* ရယ်လို့ ငယ်ငယ်ကစိတ်ထဲ စွဲမြဲခို ဝင်ဘူးသော ယောဒေသ သို့ အမှန်တကယ် ရောက်ရှိခဲ့ရ ပါပကောလား။

ဂန့်ဂေါမြို့ ရဲ့ မြင့်မားသောကမ်းပါးထိပ်မှ တဆင့် ကျောက်တုံးမဲနက်နက် လေးများ ပေါ်မှ ညင်ညင်သာသာ ဖြတ်သန်း စီးဆင်း နေသော မြစ်သာမြစ် ကို လှပစွာတွေ့မြင်လိုက်မိ တဲ့အခါမှာတော့….

ဘဝ ရဲ့ အဓိပ္ပါယ် တစ်ခုခု ကို ဆုပ် ကိုင် လိုက်မိသလိုပါ..။ အတတ်ပညာ တို့ဟူသည် ဆည်ရေလိုစုဆောင်း လျက် မြစ်ရေလို စီးဆင်း ရှင်သန်သင့်သည်မဟုတ်ပါလော..။

ချစ်စရာမြစ်သာမြစ်ဝှမ်း ကိုလှမ်းမျှော်စဉ်ခဏ

မြစ်တို့ ထုံးစံ မြောက်မှ တောင်သို့ စီးဆင်းမြဲမြစ်သော်လည်း မြစ်သာမြစ်သည် တောင်မှမြောက်သို့ စီးဆင်း သော ဆန်တက်နိုင်သော ခွန်အား သတ္တိ များသိုမှီးလျက် တည်တည်ညိမိညိမ် လဲလျောင်း နေပါတယ်။

နုံးတင်မြေနု များဖြင့် အိထွေးစိုပြေ နေသောမြစ်သားမြစ်ဝှမ်း သည် ကန်တော့ချွန် သဖွယ် ကလေး မြို့ ဆီသို့ ပြန့်ထွက်ကျယ်ပြောနေပါတယ်။ ပြန့်ပြန့်ပြူပြူး မြေပြင်တစ်ဝှမ်း သည် ယောဒေသ ၏ ဝမ်းစာ စပါး၊ ပဲ ပြောင်း နှမ်း တို့ ထုတ်လုပ်ရာ တည်မှီရာ သဘာဝလက်ဆောင်မွန်တစ်ရပ် လိုစိမ်းလန်းရွှန်းသစ်နေပါတော့တယ်။

မကွေးမြို့ ကမ်းပါးထက် မှာရပ်ကာ ဧရာဝတီမြစ်ထဲက သဲဖွေးဖွေး ကို ကြည့်ချင်စိတ် သည် ဘဝတစ်လျှောက် လုံး ကို အမြဲချုပ်ကိုင် လွှမ်းမိုးနေတတ်ပါတယ် ဆို တဲ့ (တက္ကသိုလ်မြစိမ်း ရဲ့ *တိုင်းမင်းကြီးသမီး*) ဝတ္ထု ထဲက ခင်ရွှေအေး ရဲ့စိတ်ဝိဥာဉ် ကို နည်းနည်းတော့ ခံစားနားလည် လာသလိုတော့ဖြစ်မိပါတယ်..။

မြေထဲပင်လယ်..ထဲသို့ကျွန်းဆွယ်လို ထိုးထွက်နေသောအီတလီနိုင်ငံက သောင်ပြင် လှလှ များစွာ ကို သဲဖွေး ဖွေးတွေ ကျောက်ဆောင်တွေ..ကျောက်စရစ်နုနုလေးတွေ ပေါ်လမ်းလျှောက် ရင်း ဖြတ်သန်းခဲ့ရ ဘူးသော် လည်း ပတ်ဝန်းကျင်က လွင့်ပျံ ထွက်ပေါ်လာတဲ့ စကားလုံးများက ကွာခြား နေလေရဲ့..။အသက်မဲ့ တယ်ဆို သော် လည်း စကားပြောတတ်တာ အသေအချာ ပဲလို့ ယုံကြည်မိတာပေါ့လေ..။

၂၀၁၀ ကတည်းက စီစဉ်ဖြန့်ဝေခဲ့ဘူးသော ကျွန်မရဲ့ အော်ဂဲနစ် သင်တန်းမှတ်စုစာအုပ်ကလေးကို အတတ်ပ ညာ ငတ်မွတ် သူ… ဒီနေရာ က လူငယ်လေးတစ်ဦး ရဲ့ လက်ထဲ မှာ တွေ့လိုက် ရ တာကတော့ စူးနစ် နက်ရှိုင်းစွာ ထိရှခံစားရ တာမို့ သရုပ် မခွဲတတ်ခဲ့ပါ ။

အထပ်ထပ် ဖတ်ထား လို့ နွမ်းကျေနေခြင်းဟာ အသိပညာ အဖန်ဖန်ပေးအပ် ပြီးဖြစ် ကြောင်းပြဆိုနေတာ မှန်ပေမဲ့ ကျွန်မရဲ့ ခံစားမှုပုံရိပ် များကတော့ စာအုပ်လေးလို နွမ်းနွမ်းကျေကျေ ဖြစ်ခဲ့ ရပါတယ်..။ မြန်မာပြည် မှာ ထိုကဲ့သို့ သော…*ဒီနေရာ*ပေါင်းများစွာ ..များစွာ ရှိနေကျန်နေ နိုင်သည် မဟုတ်ပါလား..။


ဘာတွေဖြစ် နေလဲသိစေချင်တယ်..ဒါမှဘာတွေလုပ်ရမလဲသိမှာမဟုတ်လား




ယာယီMicrobilogy Lab


ဒီနေရာ မှ ဒီလို လူငယ်လေးပေါင်းများစွာ ရှိနေတာ.အတတ်ပညာရဘို့အတွက် ..ကြိုးစားကြတာ.ကုသိုလ်ရေး ဖြင့် ရှင်သန်နေကြတာ တက်ကြွကြတာ ..မြစ်သာမြစ်လို စီးဆင်းနေတာ တစ်သွင်သွင်….။
ညင်ညင်သာသာ အေးအေးမြမြ….တောက်ပ မှုလည်းရှိကြပါတယ်။

မနက်ဖြန်အတွက်....ကာရန်တွေလည်းညှိ..

မိသားစုတိုင်းရဲ့ နေ့စဉ် ဘဝ မှ ဝန်တာ မကြီးမားလှသော အလှူကို လှူဖြစ်အောင် တိုက်တွန်းစေ့ဆော်ပေး တယ်…။ လူတိုင်း ပါဝင်စေနိုင်အောင်လည်း စည်းရုံး နိုင်ခဲ့တယ်…။ ကုသိုလ် ရဲ့ သီအိုရီ ကို သဘောပေါက်စေ ခဲ့ပါတယ်… ။

စိတ်အလှည့်လေးတစ်ခု ပြီးမြောက်စေပြီး ကုသိုလ်ရှင်တွေ ဖြစ်ကြစေဘို့ နှိုးဆော်ပေးတယ်..။

လူတိုင်း ထမင်းနေ့စဉ် ချက်ကြတာပါ..။ ထို အထဲမှ တစ်ဇွန်းဆန် တစ်ဆုပ်ဆန်ကို နှုတ်ယူလိုက်တာ ပြောပလောက်အောင် ယုတ်လျော့သွားတာမဟုတ်..။ နေ့စဉ်အာရုံထား ရတာ မို့ အာစိဏကံ ကုသိုလ် ဖြစ်နေစေတာလည်းအမှန်ပါ..။

ဒီ စိတ်စေတနာဇောအဟုန်မှတဆင့် *ပုညဟိတေသီ ဆွမ်းလောင်းအသင်း* ဆိုတာ ဂန့်ဂေါမြို့ ရဲ့ ကုသိုလ်မြစ် တစ်စင်း သဖွယ် မြစ်သာမြစ်နှင့် အပြိုင် အိမ်ပေါက်စေ့ကို စီးဆင်းအေးမြစေပါတော့တယ်..။

ပုညဟိတေသီဆွမ်းလောင်းအသင်း ကိုစတင်ဦးဆောင်တည်ထောင်ပေးခဲ့သူကတော့ ယခု မင်နီဆိုတာ (သီတဂူဝိဟာရ) မှာသီတင်းသုံး တဲ့ ဘုန်းဘုန်း ဦးတိက္ခဥာဏာ လင်္ကာရ (ယောအသင်း)ပဲဖြစ်ပါတယ်။ ဘုန်းဘုန်း ကတော့သူ မျိုးစေ့ချစိုက်ပျိုးပေး ခဲ့တဲ့ ကုသိုလ်ပဒေသာပင်လေးကို အဝေးကနေပြီး မေတ္တာ နှင့်စောင့်ရှောက် ပေးနေဆဲပါ။

ထိုမေတ္တာများကြောင့်ပဲ ကျွန်မအားညှိနှိုင်း ခဲ့တာမို့ ကျွန်မသည်လည်း ပုညဟိတေသီအသင်း နှင့် အတူကုသိုလ်ပြုခွင့်ရရှိခဲ့တာ ဘဝရဲ့ မှတ်တိုင်တစ်ခုလိုပါ..။

*ကမ္ဘာကိုပေါင်မုန့်ဝဝ ကျွေးလိုက် တာဟာ ငြိမ်းချမ်းရေး လက်ဆောင်ပေးလိုက်တာပါပဲ* လို့ ကျွန်မတို့ ရဲ့အစိမ်းရောင်တော်လှန်ရေးဖခင် Dr. N.E. Borlaug ကပြောခဲ့ဘူးပါတယ်..။

ဆန်ရေစပါးပဲပြောင်းနှမ်းဝါ စိုက်ပျိုးထုတ်လုပ်နိုင်သော အတတ်ပညာ ပေးအပ်ခြင်းသည်လည်း ကျွန်မတို့ ဗုဒ္ဒမြတ်စွာသာ သနာ အတွက် ထာဝရ ဆွမ်းကွမ်း အဟာရပေါများအောင် ပဒေသာပင် များစွာ လှူဒါန်းလိုက်တာနဲ့ အတူတူပါလို့ လို့ မြန်မာဖြစ်တဲ့ကျွန်မ ဆိုချင်ပါသေးတယ်။

ဆက်ပါဦးမည်…။

မေတ္တာဖြင့်-

သစ္စာအလင်း