Sunday, January 31, 2010

သိသားပဲ နှင့် ပွားများမှုမတူပုံ အလုပ်ပေးတရားတော် (ပိုင်းလော့ဆရာတော်)

Knowing is Different the Practise

Friday, January 29, 2010

သြဝါဒ ပါတိမောက် အခါတော်နေ့


ကျေးဇူးကြီးမား လှတဲ့ ဘုရားရှင်ရဲ့ ကျေးဇူးတော် အစုံစုံဂုဏ်တော် အနန္တ များစွာ ထဲမှ ပေါ်လွင်ထင်ရှား တဲ့ ဂုဏ်တော် ကိုးပါးကို နေ့စဉ် ရွတ်ဆိုပူဇော် နေခဲ့တာ ကြာခဲ့ပါပြီ။ အခုရက်ပိုင်းအတွင်း ဆရာကြီး ဦးရွှေအောင် ရေးသားတဲ့ ဗုဒ္ဓ-လောကသားတို့ရဲ့ အနှိုင်းမဲ့ကျေးဇူးရှင် (ကိုယ်ကျင့်ဗုဒ္ဓဝင်) စာအုပ်ကို ဖတ်ရှုနေခဲ့တာ လက်က မချချင်လောက်ပါပဲ။

ဆရာကြီး ရဲ့ ထူးခြားတဲ့ အရေးအသားမှ တဆင့် အလောင်းတော် ဘဝ ကတည်း က လောကအကျိုး စီးပွားအတွက် ကြင်နာသောစိတ်ထားသက်သက်ဖြင့် အနစ်နာခံခဲ့တာတွေကို ဖတ်ရင်းမျက်ရည် ဝဲသည်ထိ ကြည်ညိုမိပါတယ်။ လှိုက်လှဲ ထက်သန်သော နက်ရှိုင်း မှု တစ်မျိုး စိတ်သန္တန် ၌ ပူးဝင်လျှက် ချက်ချင်းပဲ လေးနက်ရိုကျိုး စွာ ထိုင်လို့ ကန်တော့မိ ပါတော့တယ်။

အပ္ပမာဒ ပုံပြင်များရေးသားတဲ့ ဆရာတော် တော်ဝင်နွယ် ရဲ့ စကားလုံးများ ကလည်း မှတ်လောက်သား လောက်အောင် ထိဝင်စူးရှစေပါတယ်။

“ကျေးဇူးတော်ရှင် မြတ်စွာဘုရားရဲ့ တရားတော်တွေဆိုတာဟာ အလောင်းတော် ဘဝကတည်းကို က ကရုဏာ၊ ပညာတည်းဟူသော လက်နှစ်ဘက်နဲ့ ပါရမီ (၁၀)ပါးဆိုတဲ့ တူရွင်းကို ကိုင်ပြီး လေးသင်္ချေနဲ့ ကမ္ဘာ တစ်သိန်းတိုင်အောင် အသက်၊သွေး၊ ချွေး၊ ဘဝ ပေါင်းများစွာ စတေးပြီး ရှာဖွေတူးဖော်ခဲ့ရတဲ့ ဓမ္မရတနာတွေပါ“….တဲ့။

အရင် ကပွားထုံ နေတဲ့ ဘုရားဂုဏ်တော် တွေ အပြင် လေးစားဖွယ် အတုယူဖွယ် ၊ စံပြုဖွယ် လုပ်ရပ်များကို နှလုံးသားထဲသို့ တိုင်အောင်စိမ့်ဝင်ရင်း ပြက်ပြက်ထင်ထင် သိမှတ်ဆင်ခြင် မိကာ ပွားများနေမိတဲ့ ဗုဒ္ဓနုဿတိဘာဝနာ ဖြစ်လာခဲ့ရပါတယ်။ သည် တရားမြတ်ရတနာတွေကို အသက်နဲ့ထပ်တူစောင့်ရှောက်မယ် ၊ပြန့်ပွားစေမယ် ဆိုပြီးလည်း ဆုံးဖြတ်ချက်ချမိခဲ့ပါတယ်။

ကျွန်မတို့အားလုံးရဲ့ ကျေးဇူးတော်ရှင် မြတ်စွာ သခင်ဟာ ဘုရားဖြစ်ပြီးတော့လည်း လောက အကျိုးစီးပွားကို သက်တော်ရှစ်ဆယ်၊ ဝါ-လေးဆယ့်ငါး မရပ်နားပဲတရားရေအေးအမြိုက်ဆေးကို တိုက်ကျွေးခဲ့စမြဲပဲ မဟုတ်ပါ လား။ သည်နေ့ဟာလည်း ထူးခြားတဲ့ နေ့တစ်နေ့ဖြစ် ပြီးထူးခြားမွန်မြတ်တဲ့ဆောင်ရွက်ချက်တွေ ကိုလောက သား တို့ အကျိုးစီးပွားအတွက် ချမှတ်ခဲ့တာပါပဲ။

သည်နေ့ကျရောက်တဲ့ တပို့တွဲလပြည့် ဆိုတာကတော့ ဘုရားရှင်တိုင်းသည် တပည့်သားတို့အား သြဝါဒပေး တော်မူ သည်ကိုအကြောင်းပြု၍ အဲဒီနေ့ကို သြဝါဒပါတိမောက် အခါတော်နေ့ လို့သတ်မှတ်ရတာ ဖြစ်ပါတယ်။

တပို့တွဲ လပြည့် ရဲ့ ထူးခြားချက် တွေက တော့အများကြီး ပါပဲ။

* အရှင်သာရိပုတ္တရာ ရဟန္တာ ဖြစ်တော်မူသောနေ့ဖြစ်ခြင်း။

* ပညာ အရာ ဧတဒဂ်ရတဲ့ အရှင်သာရိပုတ္တရာ နဲ့ တန်ခိုးအရာ ဧတဒဂ်ရတဲ့ အရှင်မောဂ္ဂလန် တို့ ဧတဒဂ်ရတဲ့နေ့ ဖြစ်ခြင်း။

* အင်္ဂါ လေးရပ်နဲ့ ပြည့်စုံသော ရဟန်း ပရိသတ်တို့ အလိုအလျောက် စုဝေး မိသောနေ့ဖြစ်ခြင်း။

ဘုရားရှင် အဆုံးအမ သြဝါဒ နှင့် ပညတ်တော် မူအပ်သော သိက္ခာပုဒ်များကို ပါတိမောက်လို့ ခေါ်ပါတယ်။ ဘုရားရှင်အားလုံး သြဝါဒ ပါတိမောက် ဂါထာကို ရွတ်မြဲ ပြမြဲ ဖြစ်ပါတယ်။

အပါယ်ဘေးမှ ကင်းဝေးစေတဲ့ အဆုံးအမကို သြဝါဒလို့ခေါ်ပါတယ်။ ထိုသြဝါဒ မိန့်ကြားတော်မူခြင်းကို သြဝါဒ ပါတိမောက်ပြတယ်လို့ခေါ်ဆိုရပါတယ်။

အဲဒီပါတိမောက်က သြဝါဒပါတိမောက် နဲ့ အာဏာ ပါတိမောက် ဆိုပြီး နှစ်မျိုး နှစ်စား ရှိပါတယ်။ သြဝါဒ ပါတိမောက်ကို မြတ်စွာဘုရားတို့သာ ပြုခွင့်ရှိပါတယ်။ တပည့်သာဝက တို့ ပြခွင့်မရှိပါဘူး။ တပည့်သံဃာတွေက အာဏာပါတိမောက်ကိုသာ ပြခွင့်ရှိပါတယ်။

သက်တော်ရှည်တဲ့ ဘုရားရှင်တို့ဟာ သြဝါဒပါတိမောက် ကို အသက်ထက်ဆုံး ပြတော်မူကြပါတယ်။ သက်တမ်းတိုသောဘုရားရှင်တို့သည် သြဝါဒပါတိမောက်ကို ဝါတော် -၂၀ အတွင်းမှာသာ ပြတော်မူကြပါတယ်။

လောဘ၊ဒေါသ ၊ မောဟ စရိုက်များများထူပြောချိန်တွင် သြဝါဒတည်မြဲရန် ခဲယဉ်းသောကြောင့် ၊ ဝါတော် -၂၀ လွန်လျှင်၊ တပည့်သံဃာတို့အား ၊ အာဏာပါတိမောက်ကို ပြစေရပါတယ်။

ဘုရားရှင်တို့သည် သြဝါဒ ပါတိမောက်ကို

  • * တပို့တွဲ လပြည့်ကြုံကြိုက်ခြင်း ။
  • * ဧဟိဘိက္ခူ ၊ရဟန်းချည်းသာ ဖြစ်ခြင်း။
  • * ဆဠာ ဘိည ပဋိသမ္ဘိဒါပတ္တ ရဟန္တာချည်းဖြစ်ခြင်း။
  • * မည်သူမှ မပင့်ဖိတ်ပဲ စုဝေးမိခြင်း။

ဤ အင်္ဂါလေးချက်နဲ့ ပြည့်စုံမှ ပြမြဲဖြစ်ပါတယ်။ဂေါတမမြတ်စွာဘုရား သည် မဟာ သက္ကရာဇ်၊ ၁၀၃ ခုနှစ်၊ တပို့တွဲလပြည့်နေ့တွင် ၊ အထက်ဖေါ်ပြပါ အင်္ဂါ လေးရပ် နှင့်ပြည့်စုံသော ကဿပညီနောင် ရှင်တစ်ထောင်၊ ရှင်သာရိပုတ္တရာ နှင့် ရှင်မဟာမောဂ္ဂလန် နှင့် တပည့်ရဟန်း ၂၅၀ စုစုပေါင်း ရဟန္တာ ၁၂၅၂ ပါးတို့အား ဂါထာသုံးပုဒ် ၊ ဖြင့် သြဝါဒ ပါတိမောက်ပြတော်မူခဲ့ပါတယ်။

သြဝါဒပါတိမောက်ဂါထာ ဟာ သီလ၊ သမာဓိ၊ ပညာကို ဟောကြားထား လို့ ပိဋကတ်သုံးပုံ အနှစ်ချုပ်တရား လို့ခေါ်ပါတယ်။ သြဝါဒ ပါတိမောက် ဂါထာ အတိုင်း လိုက်နာကျင့်ကြံမယ်ဆိုရင် ကိုယ်၊နှုတ်၊စိတ်ယဉ်ကျေး လိမ္မာ ပြီး အို၊နာသေလွတ်တဲ့နိဗ္ဗာန်ကို မလွဲမုချရောက်ကြရမှာ အမှန်ပါ။

ဘုရားရှင် အဆူဆူတို့ဆုံးမမြဲဖြစ်တဲ့ သြဝါဒ ဂါထာ သုံးပုဒ်ကို ပူဇော်ရင်း သြဝါဒ အတိုင်း ကျင့်ကြံကြိုးကုတ် အားထုတ် ကြရအောင် ရေးသား ချင်ပါတယ်။

၁။ ခန္တီ ပရမံ တပေါ တိတိက္ခာ၊

နိဗ္ဗာနံ ပရမံ ဝဒန္တိ ဗုဒ္ဓါ

န ဟိ ပဗ္ဗဇိတော ပရူပဃာတီ၊

နသမဏော ဟောတိ ပရံ ဝိဟေဌယန္တော။

၂။ သဗ္ဗပါပဿ အကရဏံ၊

ကုသလဿ ဥပသမ္ပဒါ။

သစိတ္တ ပရိယောဒပနံ၊

ဧတံ ဗုဒ္ဓါန သာသနံ။

၃။အနုပဝါဒေါ အနုပဃာတော ၊

ပါတိမောက္ခေ စ သံဝရော၊

မတ္တညုတာ ဟ ဘတ္တသ္မိံ။

ပန္တဉ္စ သယနာသနံ ။

အဓိစိတ္တေ စ အာယာဂေါ ၊

ဧတံ ဗုဒ္ဓါန သာသနံ။

စာကိုး ===ဤစာစုကို ဆရာတော် မာဂဓီ-သာစည်ရေးသားသော အခါတော်နေ့များ စာအုပ်မှ ကိုးကားရေးသား ပြီး အရှင်မြတ်နှင့် တကွ၊ ဆရာတော် တော်ဝင်နွယ်၊ ဆရာကြီးဦးရွှေအောင်နှင့်တကွ ဓမ္မစာပေရေးသား၍ သာသနာတော်ကိုစောင့်ရှောက်ကြသော သံဃာတော် အရှင်သူမြတ်တို့အား ရိုသေစွာ ကန်တော့လိုက်ပါတယ်။

Thursday, January 28, 2010

ဇာတိမလာရေးနှင့် နိဗ္ဗာန် အမြင် - ၁၅ (ပိုင်းလော့ဆရာတော်)

ဉာဏ်နက်ရှိုင်းပုံ အဆင့် ဆင့်

-----------------------------


သို့သော် အတိုင်းအတာ အရ ရာခိုင်နှုန်းပြည့်ချင်မှ ပြည့်မယ်နော်။ ဒီတရားကို အကြောင်းညီ ညွတ်လို့ ဘုန်းဘုန်းမ သေသေးဘူးဆိုရင်တော့ ဆက်ဟော ဦး မှာ ပဲ။အခုတစ်ခါ တရား နာတာနဲ့ ၊ နောက်တစ်ခါ တရားနာတာ တူမှာ မဟုတ်ဘူး။ ပိုပြီးသဘော ပေါက်လာ လိမ့်မယ်။ သိပ်အံ့သြစရာကောင်းတယ်နော်။

ဘုရားရဲ့ သာသနာ ၊ အဆုံးအမတွေဟာ သမုဒ္ဒရာရေလိုပဲတဲ့။ အရသာ ကတော့ ကမ်းစပ်မှာ လည်းအငံဓာတ်ရှိတယ်။ ရေလယ် မှာလည်းဒီအတိုင်းပဲ။ သို့သော် အနက်ချင်းတော့မတူဘူး ။ သဘောပေါက်ရဲ့လား။ တဏှာ အစပ်ပြတ်တာတော့ အတူတူ ပဲနော်။နိဗ္ဗာန်ပဲနော် ။ သို့သော်နက်ရှိုင်း ပုံချင်းတော့မတူဘူး။ နှစ်ကြာလေ ပိုနက်ရှိုင်းလေပဲနော်၊ သဘောပေါက် ရဲ့လား။

သို့သော် ဒီအသိလေးကိုတော့ လွယ်တယ်လို့သွားမပြောလိုက်နဲ့။ လွယ်တယ် ဆိုရင် ဘုရားရှင် မေးတဲ့အတိုင်း ပဲမေးရလိမ့်မယ်။ ( ပြတ်ပါတော့လား၊ ချက်ချင်း ရဟန္တာ ပါတော့လား) လို့မေးရ လိမ့်မယ်။ အပြီးပြတ်သွားတယ်ဆိုရင် အရဟန္တာ လို့ ခေါ်တယ်လေ..။ သဘော ပေါက် တယ်နော်။ ဖြတ်နိုင်ပါ့မလား ။ မရသေးဘူး။ မေ့ပြီးပါ-ပါ သွားဦးမှာ ပဲနော်။

သို့သော် ဒီလောက်သိတယ်ဆိုရင်ပဲဝမ်းသာရလိမ့်မယ်။ ဒီလောက်သိတယ်ဆိုရင်ပဲ ဘုရားရှင် က အမိန့်ရှိတယ်။စူဠသောတာပန်ဉာဏ်လို့ခေါ်တယ်။ လူကိုပေးတာ မဟုတ်ဘူးနော်။ ဉာဏ်ကိုပေးထားတဲံ အမည်နော်။

ဘာကြောင့်လဲဆိုတော့ သောတာဆိုတာ ----နိဗ္ဗာန်ရေအလျင်လို့ပြောတာတဲ့ ။ နဂိုရှိပြီးသား လမ်းကြောင်းကြီးနော်။နဂို သဘာဝသည် ပေါ်သမျှပျောက်ပြတာပဲရှိတယ်။အဲဒီရေအလျင်လို အမြင်မှား ၊ အထင်မှားတာတွေကို ဖယ်လိုက်တဲ့ (ပညာအလင်း)နဲ့ ။ ပတ္တိ ---- ဆိုတာ ဉာဏ်နဲ့ထိတွေ့သွားပြီ ။ ဆိုက်တွေ့သွားပြီ။ ရတော့ရသွားပြီနော်။

အခုနေမျက်စိမှိတ်ပြီး ကိုယ့်အိမ်တွေ ၊ ကိုယ့်ကိုယ်လုံးတွေကို ဖော်ကြည့်လိုက်ပါအုံး။ မဟုတ်မှန်းသိလိုက်ရင် ဉာဏ်နဲ့ထိတွေ့ပြီး ပျောက်သွားတယ်နော် ။ တံလျှပ်လို့သိလိုက်ရင် ပျောက်သွားတယ်။ ဒီလောက်သိဘို့တောင် လွယ်တာမှ မဟုတ်တာ ။ ပါရမီ ဉာဏ်ပါလို့သ သိတာ လို့ မှတ်ပါ။

တစ်လောကလုံးသိမ်းလိုက်လည်းရတယ်။ မျက်စိလေးမှိတ်ပြီး တစ်လောကလုံးခြုံကြည့်လိုက်၊ ကိုယ့်မျက်နှာ ကအစ ၊ အကုန်လုံး ခြုံကြည့်လိုက်၊ ပေါ်တာ မြင်ကွင်းတစ်ခုတည်း ဒီမှာပေါ်တာ မဟုတ်လား။ ပေါ်တာကို တံလျှပ် လိုပဲလို့သိလိုက်တယ် ဆိုရင်ပဲ မြဲမလားပျောက်မလား။ မမြဲဘူး ပျောက် သွားတယ်နော်။ အဲဒီ အခါကို တဏှာ လာပါ့မလား။ ရတော့ရနေပြီနော်။ သဘောပေါက်တယ်နော်။ သို့သော်အားနည်းတယ်။

ဝိပဿနာဉာဏ်တော့ရပြီ။ လောကီမဂ်ဉာဏ်တော့ရပြီ။ လောကီ မဂ်ဉာဏ်လို့ခေါ်တယ်တဲ့။ ဒီက စရမှာနော်။ ဒီ အချိန်မှာ နိဗ္ဗာန်လို့ရော ဆုံးဖြတ်ချက်မကျနိုင်ဘူးလား။ ရဲရဲဆုံးဖြတ် ချက်ချလိုက်ပါ။ အဲဒီလိုမြင်တဲ့အခိုက်မှာ တဏှာ မလာသောကြောင့် နိဗ္ဗာန်ပေါ်သွားပြီ။ မြင်တာသည် နိဗ္ဗာန် မြင်တာတော့ မဟုတ်ဘူးနော်။ ခန္ဓာချုပ်တာကို မြင်လိုက်တာ ။

ဒီခန္ဓာ အပေါင်းအစုရဲ့သဘောကြောင့် အာရုံသိလိုက်တဲ့အခါ ပျောက်သွားတယ်နော်။ ပျောက်သွားတာသည် ခန္ဓာ ချုပ်တာ။ ဘဝ တစ်ခုလုံးချုပ်လိုက်တာ။ ပြန်မလာတော့ဘူး။ ရုပ်-နာမ် ပေါင်းလောင်တဲ့သဘောတရားသည် ပြန်လာပါ့မလား။ ပြန်မလာတော့ဘူးနော်။ မလာတာကိုနိရောဓ ခေါ်တယ်။

အရှူခံခန္ဓာ (ဘဝ)ကို ကာလနှင့်ယှဉ် ရှူမှတ်ရန် အရေးကြီးပုံ

------------------------------------------------------------


ကာလ နှင့်ဖြတ်ရအောင်နော် ။ ခုန ကတရားပွဲစခါနီးမှာ သီလယူခဲ့တဲ့ကြားသိစိတ် ၊ ခံစားမှု အရိပ်တွေ ဟာ ပြန်လိုချင်ရင်ရပါ့မလား။ (မရတော့ပါဘူး …ဘုရား)။ ဟုတ်တယ်။ ရုပ်တွေ၊ စိတ်တွေဟာ ၊ မျက်တောင် တစ်ခတ်မှာ စိတ်က ကုဋေပေါင်းတစ်သိန်းကျော် နှုန်း ၊ရုပ်ကငါးထောင်ကျော်နှုန်း။ ပေါင်းလောင်သွား ပြီး ပြန်မလာတော့ဘူး။ ( အသစ်--အသစ်) ပဲလာမယ်။ အဟောင်းမလာတော့ဘူး။ သဘောပေါက်ပြီလား။ ဘယ်တော့မှ ပြန်လာမှာ မဟုတ်တော့ဘူးနော်။ ဒါကို နိရောဓ လို့ခေါ်တယ်။ သဘောပေါက်တယ်နော်။ အသက်တစ်ခါရှူမယ်နော်။ ရှူဆဲကာလ ပေါ်သမျှ ဟာ ထုတ်ဆဲကာလ မှာ ပြန်လာ ပါ့မလား။ (မပါပါဘူးဘုရား)။ရှင်းရှင်းလင်းလေးဟာကို ဒီအတိုင်းသွားကြနော်။အိမ်ရောက်ရင် ဆက် ကျင့်ကြ နော်။


တစ်ခါ ထုတ်ဆဲကာလမှာ ပေါ်တဲ့အရိပ် ၊ အမူအရာတွောဟာ ပြန်ရှူရင် ပါပါ့မလား။ (မပါပါဘူးဘုရား)။ ကျန်ခဲ့ပြီ မရှိဘူးလို့သိရမယ်။ ဘဝတစ်ခုလုံးသေတာနော်။ တစ်ခါ ပြန်ရှူမယ်။ (ထိရင်းထိရင်း) နဲ့ ရုပ်-နာမ်ပေါင်းလောင် ပြီးတော့ချုပ်ငြိမ်းသွားတယ်။ ပြန်လာပါ့မလား။ (မလာပါဘူး ဘုရား)။ အဲဒီ အတိုင်းသွားကြနော်။ ဘာနဲ့ဖြတ် လဲဆိုတော့ကာလ နဲ့ဖြတ်ရတယ်။ နားလည်ပြီနော်။ နေရာနဲ့မသွားနဲ့။ အချိန်ကာလနဲ့သွားပါ။ နေရာနဲ့မလိုက်နဲ့။ အချိန်နဲ့သွားပါ။ အပေါင်းအားဖြင့် နေရာနဲ့ မလိုက်ရဘူးနော်။ အပေါင်းအားဖြင့် ပေါ်သမျှသည် အချိန်နဲ့ယှဉ်သွားရမယ်။

ဒီစကားကိုဘုန်းဘုန်းက ကျမ်းဂန်အလွတ် ပြောတာမဟုတ်ဘူး။ ဘုရားဟော အတိုင်းပြောတာပါ။ နတ်တွေကြိုက်လွန်းလို့ ၄-ကြိမ်ကျအောင်ဘုရားဟောရတဲ့တရားရှိတယ်။ ဥပရိပဏ္ဏာသ မှာ ရှိတယ်။

ဘဒ္ဒေကရတ္တသုတ် လို့ခေါ်တယ်။ လေးခါတောင်ဘုရားကဟောရတယ်။ အတိတ်ခန္ဓာသို့လည်း အစဉ်မလိုက်ရာ။ အနာဂတ်ခန္ဓာ သို့လည်း မတောင့်တရာ ။

အတိတ်ခန္ဓာသည် ချုပ်ပြီး ပြီ။ အနာဂတ်ခန္ဓာလည်းရောက်မလာသေး။ပစ္စုပ္ပန် ဖြစ်သော သဘောတရားကို ထိုထိုဖြစ်ဆဲခဏ ၌သာလျှင် ဝိပဿနာရှူသောပုဂ္ဂိုလ်သည်တွန့်တိုခြင်း၊ ပျက်စီးခြင်းမရှိသော ထို ဝိပဿနာရှူမှုကို အဖန်ဖန်ပွားများရာ၏။

ဘယ်သူသည် မနက်ဖြန်သေရမည်ကို သိနိုင်အံ့နည်း။ ယနေ့ပင်လျှင် အားထုတ်သင့်သော ကုသိုလ်ကောင်းမှု အလုပ်ကို ပြုလုပ်သင့်၏။ ငါတို့မှာ များသော စစ်သည်ရှိသော ထိုသေမင်း နှင့်ချိန်းချက်ထားမှု သည်မရှိသည်သာတည်း။

ဤသို့နေလေ့ရှိသော လွန်စွာအားထုတ်ခြင်း ရှိသော နေ့ညဉ့်ပတ်လုံး။မပျင်းမရိအားထုတ်သော ထိုရဟန်းကို စင်စစ် (ကောင်းသောညဉ့်တစ်ညဉ့်ရှိသော ရဟန်း )ဟူ၍ ကိလေသာငြိမ်းအေးပြီးသော မြတ်စွာဘုရားသည် ဟောကြားတော်မူ၏ -တဲ့။

ဒါက တရားတော်မူရင်းလို့ မှတ်ကြပါ။ အကျဉ်း ဥဒ္ဒေသ လို့လဲခေါ်ပါတယ်။ ဝိပဿနာ ရှူတယ်ဆိုတာ ကလည်း

(ဝိပဿနာ= ပညတ္တိံ ဋ္ဌပေတွာ ဝိသေသေန ပဿတီတိ ဝိပဿနာ ) ပညတ်ကို ပယ်ခွာ၍ ပရမတ္တအရှိကို ပညာနဲ့သိမြင်တာ ဝိပဿနာလို့ ဆရာတို့ဆုံးမ ထားကြပါတယ်။ ပညာ နဲ့ (ပညာဦးစီးသောစိတ်ဖြင့်) သိမြင်တာ ဝိပဿနာ ။


အတိတ်ခန္ဓာကို အစဉ်မလိုက်ရဘူးတဲ့။ ……..အာရုံသိသဘော ကို ခန္ဓာလို့ပြောတာနော်။ သူဟာချုပ်ပြီး ပြီတဲ့ မရှိတော့ဘူးတဲ့။ စဉ်းစား။ အခုပြောရင်းနဲ့ပဲ မကြားလိုက်ဘူး လား။ (ကြားလိုက်ပါတယ်ဘုရား)။မနောမပေါ်ဘူးလား ။ (ပေါ်ပါတယ်ဘုရား)။

ပုံရိပ်တွေဟာ မရှိတော့ဘူးနော်။ ပြန်တွေးလို့ရော ရမလားလို့စဉ်းစား။ တွေးလို့ရမလား ရှာရအောင်။ သမုတိသစ္စာအားဖြင့် ရတယ်လို့ ပြောမယ်ထား။ ပရမတ္ထသစ္စာကို ပြောရအောင်နော်။ ပြန်တွေးမယ်။ တရားပွဲစခါစက သီလယူခဲ့တာကိုပြန်တွေး မယ်။ အမူအရာတွေ ပေါ်မလာဘူးလား။ (ပေါ်လာပါတယ်ဘုရား)။ ဒီလိုပေါ်လာတာသည် ဟိုအချိန်က ရုပ်နာမ် ပြန်ပေါ်လာတာလား။ အသစ်ပေါ်တာလား ။ (အသစ်ပေါ်လာတာပါဘုရား)။ တွေးလို့ရတယ်နော်။အတိတ် ရုပ်နာမ် ပြန်လာါ့မလား။ (မလာပါဘုရား)။ သဘောပေါက်ပြီ်လား။

အတိတ် ရုပ်-နာမ်က ပြန်လာပါ့မလား။ အတိတ်ကိုတွေးလိုပကို မရတာပဲနော်။ အထင်မှားကြောင့် အတိတ်ထင်တာ ။ စောစော ကပြောသလိုပဲ။ အထင်မှားကြောင့် အတိတ်ထင်တာ ။ စောစော ကပြောသလိုပဲ တံလျှပ်ကို ရေမှတ်ထင်တာ လိုပေါ့။ အတိတ်ထင်တာ ဟုတ်မှ မဟုတ်ပဲ။ အခုတွေးလို့အခုပေါ်တာကို အတိတ်လို့ထင်နေကြတာ။

အနာဂတ်ခန္ဓာ ကို မတောင့်တရဘူးတဲ့ ။ ပေါ်မလာသေးလို့တဲ့ ။ အာရုံ၊ဒွါရမတိုက်သေးလို့။ ပေါ်လို့မရသေးဘူး။ ဟုတ်မဟုတ်စဉ်းစား။ ခုနေပြောမယ်။ တရားပွဲပြီးရင် အိမ်ပြန်မယ်လို့ တွေးလိုက်တယ် ဆိုရင်ပဲ အမူအရာတွေ ပေါ်မလာဘူးလား။ (ပေါ်လာပါတယ်ဘုရား)။ ပေါ်လာတာသည် တရားပွဲပြီးမှ ပေါ်မဲ့ ရုပ်-နာမ်လား ။အခုပေါ်တာလား ။(အခုပေါ်လာတာပါဘုရား)။

အခုတွေးလို့အခုပေါင်းလောင်တာ အနာဂတ်ဟုတ်ပါ့မလား။(မဟုတ်ပါဘူး ဘုရား)။ အနာဂတ်တွေးလို့မရဘူးလေ..။ တကယ့်တရားနယ် ပယ်မှာ ၊ပရမတ္ထ နယ် ပယ် မှာ ၊ အနာဂတ်ဆိုတာ မရှိ တာပဲ။ အနာဂတ်ခန္ဓာ ဆိုတာ မရှိဘူး။

ကာလဆိုတာသည် ပရမတ္ထတရားမဟုတ်၊ ပညတ်တရားဖြစ်နေတယ်။ တကယ်မရှိတဲ့တရား။ ကာလ ဆိုတာ တကယ်မရှိဘူး။ တကယ်ဖြစ်နေတာက အာရုံသိ-သဘောတရားကဖြစ်နေတာ။ စိတ် စေတသိတ်၊ ရုပ်တွေ တကယ်ဖြစ်နေတာ။

ဒီတော့ ၊ အဲဒီ သိသဘောတရားကို ကာလ အထင်မှားသတ်မှတ်တာ ကာလသည် တကယ် ရှိတာ မဟုတ်ဘူး။ လောကနယ် ပယ်မှာ သုံးပါ။ အလုပ်ခွင်မှာ မသုံးပါနဲ့။ အလုပ်ခွင်က သိသဘောကို လောကထဲသွားမသုံးပါနဲ့။ မနက်ဖြန်မရှိဘူး ဆိုတာမျိုးသွားမလုပ်ပါနဲ့။ မနေ့က အကြောင်းလာမပြော နဲ့လို့ မလုပ်ပါနဲ့။