Sunday, March 30, 2014

ဆင်းရဲနုံချာသူတို့ အားစောင့်ရှောက်တော်မူတတ်သော ကရုဏာ နှလုံးသား ( အရှင်မဟာ ကဿပမထေရ်)

 
ဆင်းရဲနုံချာသူတို့ အားစောင့်ရှောက်တော်မူတတ်သော ကရုဏာ နှလုံးသား ( အရှင်မဟာ ကဿပမထေရ်)
===================================

ပြီးခဲ့တဲ့ တနင်္ဂနွေနေ့ က ရန်ကုန်တိုင်း၊ လှည်းကူးမြို့နယ်၊ မရမ်းချောင်းကျေးရွာ မှာ အနာကြီးရောဂါ ဝေဒနာသည်များကို ပြုစု စောင့်ရှောက်ထားတဲ့ မေတ္တာပရဟိတ ဂေဟာ မှာ ကျေးဇူးတော်ရှင် ပိုင်းလော့ဆရာတော်ဘုရားကြီး က တရားချီးမြှင့်ပေးခဲ့ပါတယ်…

တရားပွဲပြီး လို့ ဆရာတော်ဘုရားပြန်မကြွခင်ကလေး မှာ မပီသ တဲ့အသံလေး နဲ့လျှောက်ထားသံတစ်ခုကို ကျွန်မတို့ကြားလိုက်ရပါတယ်.။ (တပည့်တော်တို့ က လူတွေ တောထဲ ရောနှောသွားလို့မဖြစ်တာမုိ့… တရားပွဲကို တစ်နှစ်တစ်ခါ ချီးမြှင့်တော်မူပါဘုရား) တဲ့..။
တုန်ယင်လှိုက်လှဲ တဲ့ အသံ ဟာ ဆရာတော်ဘုရားရဲ့ ကရုဏာ နှလုံးသားကို ရိုက်ခတ် မှာအမှန်ပါ..။ကျေးဇူး နဲ့ သံသရာ အဓိပ္မါယ်တွေ လေးနက်အောင်ဖွင့်ဆို တတ် တဲ့ ဆရာတော်ဘုရားကတော့ မတော်ဘူးတဲ့အမိ ၊မတော်ဘူးတဲ့အဖ စကားဖြင့် မိဟောင်း၊ ဖဟောင်းလို သတ်မှတ် မှာပါ...။ရင်ထဲ မှာ ကရုဏာဖြင့် ဆို့နင့်နေခဲ့ကြောင်း ဆရာတော်ဘုရားကအပြန်လမ်းမှာ မိန့်တော်မူခဲ့ပါတယ။

ဒီနှလုံးသွင်းမှုကြောင့်ထင်ပါရဲ့ ..ကျွန်မ အလယ် လမ်းတစ်လျှောက် ကို ကင်မရာချိန်လိုက်စဉ် မှာ ဆရာတော်ဘုရား ကခေါင်းလေးငုံ့ ခါးလေးရို့ ကာ လျှောက်လှမ်းတော်မူ တာတွေပါလိုက်ရပါတယ်..။

ဒီမြင်ကွင်းလေးကို မြင်လိုက်ရ တဲ့အချိန် မှာ ကျွန်မ ဟာ အားနည်းရှာသူ ကျောမွဲ လူတန်းစား ကို ထာဝစဉ်ကူညီစောင့်ရှောက်လေ့ရှိတဲ့ မထေရ်မြတ်တစ် ပါးကို သတိရမိပါတယ်..။

ကံမွဲ ၊ဥာဏ် နုံနဲ့ကြသူများကို စောင့်ရှောက် တဲ့ မထေရ်မြတ်ကတော့ ဘုရားရှင်ရဲ့ သာဝက ထဲ မှ ရှင်မဟာကဿပ မထေရ်မြတ်ပဲဖြစ်ပါတယ်..။

ကိုယ်တော်တိုင် က ရတတ်သမျှ ၊ ဆွမ်း၊သင်္ကန်း၊ကျောင်း၊ဆေး ပစ္စည်းလေးပါး၊ နဲ့ရောင့်ရဲတော်မူ ပြီး ကံနိမ့်သူဆင်းရဲသား များကို ချီးမြှင့်မြှောက်စားလိုတဲ့စေတနာ နဲ့ ကရုဏာကြောင့် ဆင်းရဲသားရပ်ကွက်ထဲမှာ ပဲ ဆွမ်းခံလှည့်လည်တော်မူပါတယ်

အရှင်မဟာ ကဿပ မထေရ်မြတ်ဟာ အမျိုးမြတ်သူ၊ ပညာတတ်သူ၊ ဥစ္စာပေါသူ၊ ရုပ်ချောသူ ဧတဒဂ် ဘွဲ့ ရ တတိယ မဟာသာဝက ရဟန္တာ အရှင်မြတ်ကြီး တစ်ပါးဖြစ်ပါတယ်..။

ရဟန်းဘဝ မရောက်ခင် မှာ လည်းပိပ္မလိလုလင် နာမည် နဲ့ ဘဒ္ဒကပ္မိလာနီ တို့ ရဲ့ ပန်းကုံးခြား ပြီးအိပ်ယာဝင်ကြတဲ့ဇာတ်လမ်း ကို တော့လူသိများကြမှာပါ..။ကာမဂုဏ်အာရုံတွေကို မခင်တွယ်၊ မိဘ အလိုကျ လက်ထပ်ခဲ့ရလို့ အကြင်လင်မယား ဘဝရောက်ခဲ့ရပေမဲ့ နှစ်ဦးသားကြားမှာ ပန်းတွေ ခြား ကာ လုံးဝ မညှိုးနွမ်းစေတဲ့ အရှင်မြတ်ပါ.။

ရံဖန်ရံခါ နိရောဓသမာပတ် ဝင်စားတော်မူပြီး သမာပတ် မှ ထတော်မူ တဲ့အခါ ဆင်းရဲသားတို့ ရဲ့ ဆွမ်းအလှူ ကုသိုလ် ကြောင့် တိုးတက်မြင့်မားသွားစေရန် ဆွမ်းခံပြီး စောင့်ရှောက်တော် မူပါတယ်..။

ဆွမ်းခံကြွ တဲ့အခါ မှာလည်း ( ဒီကနေ့ မှာ ဆင်းရဲသားတစ်ဦးဦး ဟာ စစ်သူကြီးရာထူးကိုသော်လည်းကောင်း၊ သူဋ္ဌေးကြီးရာထူးကိုသော်လည်းကောင်း ရပါစေ )ဆို တဲ့နှလုံးသွင်းနဲ့ ရပ်ကွက် ထဲက အဆင်းရဲဆုံးမိသားစု ထံ ဆွမ်းခံခြင်းဖြင့်ချီးမြှောက် တော်မူပါတယ်..။

အရှင်မြတ် ရဲ့ချီးမြှောက်မှုကြောင့် ရာထူးရာခံတွေ ရကုန် ကြသလို နတ်ပြည်မှာ နတ်သမီးနတ်သားတွေ ဖြစ်ကုန်ကြ တာလည်းအမျာကြီး ရှိပါတယ်..။

ဒီလို သတင်းကျော်ကြားလေတော့ တာဝတိံသာ မှာနတ်သမီး ၅၀၀ ကဆွမ်းအုပ်တွေ ကိုယ်စီ နဲ့ လောင်းလှူမယ် ကြံစည်ကာ လမ်းမ တွေ ထက်မှာ စောင့်ဆိုင်းကြပါတယ်..။ အရှင်မြတ်သည် နတ်သမီးမှန်းသိတာ နဲ့ လုံးဝ လက်မခံ ပဲ နေပါတယ်..။
(ဆင်းရဲသားဝေစု၊လုမယူကြနဲ့ ။) လို့ပြစ်တင်မောင်းမဲ နှင်ထုတ် တော်မူပါတယ်။

ဒီသတင်းကို သိတဲ့ သိကြာမင်းနဲ့ သုဇာတာ ကတော့ ဆင်းရဲသားအဘိုးအို အဖွားအိုလိုအယောင်ဆောင်ကာ လှူဒါန်းလိုက်ပါတယ်..။ သပိတ်ထဲက ဆွမ်းက အမွှေးနံ့ ရတော့မှ မထေရ်မြတ်က သိကြားမင်းမှန်းသိတော့ နောင်ဒီလို မသမာ မှုမျိုးကို မကျူးလွန်ဘို့ သတိပေးစကားဆိုတော်မူဘူးပါတယ်..။ ဆွမ်းကလက်ခံပြီးပြီ မို့ သိကြားမင်းကတော့ အလှူ အထမြောက်တာ လက်ခမောင်းခတ် ဝမ်းမြောက်ရှာပါတယ်..။

တနေ့မှာတော့ ဆွမ်းဒကာ က ဆင်းရဲ တာတို့ထက်သာလွန်ပြီး ဆင်းရဲရှာသူ နူနာသည်တစ်ဦးပါ..။သူက အများနည်းတူ ဆွမ်းလောင်းချင်ရှာ ပါတယ်..။မရမ်းချောင်း က ဝေဒနာသည်တွေလိုပေါ့နော်..။ ပြတ်ကျလုနီးပါး သွေးပြည်တွေ ယိုစီးနေတဲ့လက် နဲ့ တစ်လုပ်စာ ဆွမ်းကိုလောင်းလှူတာမို့ ဆွမ်းနဲ့အတူ လက်ချောင်းပြတ်ကလေးဟာ သပိတ်ထဲ ပါသွားခဲ့ပါတယ်..။ လက်ချောင်းပြတ်ကလေးကို အသာဖယ်ပြီး ဆွမ်းကို ရွံရှာ စက်ဆုပ်ခြင်း လုံဝ မရှိပဲ ဘုဉ်းပေးတော်မူပါတယ်..။

ကံမကောင်း ၊ အကြောင်းမလှရှာသူ ၊ မျက်နှာ ငယ်ကြတဲ့ ဆင်းရဲသား လူမွဲ တွေကို တကူးတက ရွေးချယ်ပြီး သနားကရုဏာတော် နဲ့ ချီးမြှောက်တတ်တဲ့အလေ့အကျင့် ဟာ လွန်စွာ မှ ချစ်ခင် ကြည် ညို ဖွယ်ကောင်းသလို ၊ အတုယူဖွယ်လည်းဖြစ်ပါတယ်..။

(((ပုဂ္ဂိုလ် တစ်ဦးတစ်ယောက် ဟာ ၊သိက္ခာ ရှိပြီး ၊တကယ်လေးစားလောက်တဲ့ ၊သူတော်ကောင်းနှလုံးသားရှိသူ ဟုတ်မဟုတ် ၊ အကဲဖြတ်ချင်ရင် ၊ အဲဒီ ပုဂ္ဂိုလ်ဟာ သူ့လောက် ကံမကောင်းတဲ့ သူတွေအပေါ်မှာ ဘယ်လိုပုံစံ နဲ့ ဆက်ဆံသလဲ ဆိုတဲ့အချက် နဲ့ အကဲခတ် ဆုံးဖြတ်နိုင်ပါတယ်)))) လို့ ပညာရှင် တစ်ယောက် က ဆိုမိန့်ခဲ့ပါတယ်..။

ရွေးချယ် ခွင့်တွေများပြားခဲ့သော်လည်းတမင်တကာ ၊တကူးတက မေတ္တာကြီးမား၊ ကရုဏာ ထားတော် မူတဲ့ ဓုတင်အရာဧတဒဂ်ရ ၊တတိယ မဟာသာဝက ရှင်မဟာ ကဿပ မထေရ်မြတ်ကြီးကို ရိုကျိုးစွာ ဦးညွှတ်ကန်တော့ အပ်ပါတယ်..။

ဆင်းရဲချမ်းသာ၊ အနီးအဝေး၊ အယုတ်အလတ် အမြတ်မရွေး ချီးမြှင့်ကြွရောက်ပေးတဲ့ ကျေးဇူးတော်ရှင် ပိုင်းလော့ဆရာတော်ဘုရားကြီး ကိုလည်းဆရာတော်ဘုရားရဲ့ ကျေးဇူးဂုဏ်ကို ရည်မှန်း တန်ဘိုးထား လို့ ရိုသေစွာ ကန်တော့အပ်ပါတယ်…။

ဆင်းရဲသား တို့ကိုးကွယ် ရာသူတော်ကောင်းများ ပေါများကြပါစေရန် ဆုတောင်းလျက်..။

မေတ္တာဖြင့်
သစ္စာအလင်း

တရားအလှူ၊ အစားအလှူတို့ဖြင့် ဆင်းရဲနုံချာသူတို့အား စောင့်ရှောက်လှူဒါန်းကြတဲ့ ရွှေရန်ကုန် ပရဟိတအသင်း ကို လည်းအထူးဂုဏ်ပြုအပ်ပါတယ်..။(( ရွှေရန်ကုန် မှ ဆရာတော်ဘုရားအား ရိုသေစွာ....ကပ်လှူပူဇော်ကြပါတယ်..။ မရမ်းချောင်းရွာ...မေတ္တာပရဟိတဂေဟာ။၂၃.၃.၂၀၁၄- ဓာတ်ပုံ)

==ဆရာတော်ဝင်နွယ် ၏ သူတော်ကာင်းတို့နှလုံးသား ကို ကိုးကားရေးသားအပ်ပါတယ်..။==

အရှင် နန္ဒ မဉ္စူသာဘိဝံသ ၏ အမြဲ မပြတ် ဆင်ခြင် သုံးသပ်အပ်သော သံဝေဂလင်္ကာ



စစ်ကိုင်းတောင်ရိုး ၊နန္ဒမူချောင်
အဘိဓဇ မဟာရဋ္ဌ ဂုရု ၊ အရှင် နန္ဒ မဉ္စူသာဘိဝံသ ၏
အမြဲ မပြတ် ဆင်ခြင် သုံးသပ်အပ်သော သံဝေဂလင်္ကာ
---------------------------------------------------------------
၁။ သန္ဒေ္စဇာတိ စွဲလာ ဘိက ၊ ဗျာဓိလက်နက် ၊ သူ့ဒဏ်ချက်ကို ၊ တစ်ရက်ရက် တွင် တွေ့ မြဲပင်တည်း ။
ငြိုငြင်ပင်ပန်း၊ လွန်ညှိုးနွမ်းလျက် ၊ မကျန်းမမာ ၊ငါခန္ဒ္စာသည် ၊ ဦးစွာ ဇာတိရှိသောကြောင့်..။
၂။ မြေ၊ ရေ၊ လေ၊ မီး သူဦးစီးလျက် ၊ဓာတ်ကြီး လေးခု၊ ညီညွတ်မှုကြောင့် ၊ ပြုလုပ်သွားလာ ဤခန္စ္ဒာကား၊ လေးဖြာ ဓာတ်ချက်၊ တစ်ခု ပျက်က ၊ ခြေလက်မသယ် ၊စက်ခန်းလယ် ၌ ၊ ညှိုးငယ် လှိုက်ဖို၊ လွန် ငြင်ငြိုသည် ၊ ငါ့အလို မလိုက်ပါတကား။
၃။ ဓာတ်ကြီးလေးတန်၊ အမာခံ၍ ၊ အရံရုပ်သေး နှစ်ဆယ့်လေးတို့ ၊ ရောထွေးပေါင်းချုပ် ၊ ဤကိုယ်ရုပ်ကား ၊ သမုဋ္ဌာန ၊သဘာဝဖြင့် ၊ စိတ်ကပြုစု၊ဥတုစီမံ ၊ ကံအမိန့်ပေး၊အစေးအဟာရ၊ ပြုသမျှကို လုံးဝလိုက်ကာ၊ ခံရရှာ၍ ၊ ရောဂါထိုထို ၊ဝင်လာခိုသည်၊ ငါ့ကိုယ် မဟုတ်ပါတကား။
၎။ ငါ့ကိုယ်၊င့ါဟာ၊ ငါ့ဥစ္စာ ဟု သက္ကာယငြိ၊ စွဲထင်မိလည်း ၊ ဗျာဓိဆိုက်လာ ၊ ခုအခါ၌ ၊ မနာစေသား၊ မဖျားစေလို၊ မငြိုငြင်ရေး၊ အမိန့်ပေးလည်း ၊ အလေးဂရု၊ ဘိတ်မပြုခဲ့။ သူ့ဘာသာပင် ၊သူ့စိတ်ထင်တိုင်း၊ ဖျားချင်ဖျားကာ၊နာချင်နာလျက် ၊ ရောဂါအမျိုးမျိုး ၊ထင်တိုင်းတိုးသည် ။ အစိုးမရပါတကား။
၅။တပည့်တပန်း၊ ရဟန်း သာမဏေ၊ ချစ်မိတ်ဆွေလည်း၊ မထေရ်ဘုန်းရှင်၊ ရောဂါဝင်က၊ ချစ်ခင်သည့်လျောက် ၊ ဘယ်နှစ်ယောက်မျှ ၊ ဝင်ရောက်ကူကာ၊ မခံသာရှင့်၊ ခန္ဒ္စာကိုယ်များ၊သီးအခြားမို့ ၊ ကိုယ်ဖျားကိုယ်ခံ ၊သူဆက်ဆံဘူ့၊ ရုပ်နာမ်နှစ်ခိုင်၊သူလက်ကိုင်သည်၊ ကိုယ်ပိုင်ဒုက္ခပါတကား။
၆။ အားအင်ပြည့်ကြောင်း၊လူတိုင်းတောင်းသည့် ၊ စားကောင်းသောက်ဖွယ် အသွယ် သွယ်ကား ၊ မတွယ် ရောဂါ၊ မာစဉ်ခါက ၊ ခန္စ္ဒာမိတ်ဖက် ၊အသက်သခင် ၊ အားအင်ပြည့်ဖြိုး၊သွေးသားတိုး၍ ၊ အားကိုးစရာ၊ ဖြစ်ခဲ့ပါလည်း ၊ ရောဂါပြောထူ၊ ခုတစ်မူကား၊ ရန်သူစစ်စစ် ၊ဖြစ်ကြီးဖြစ်၍ ၊ ရေနစ်သည့်သူ၊ ဝါးနှိပ်ကူ သို့၊ကိုယ့်လူမဟုတ်ပါတကား။
မေတ္တာဖြင့်
သစ္စာအလင်း

ဘဝသောတံ (သို့) ရတနတ္တယ ဂုဏ ဝဏ္ဏနာ သစ္စ ဂါထာ


=================================
မနေ့က ညနေ ၅နာရီ မှ စင်္ကပူ ကပြန်ကြွလာတဲ့ ပိုင်းလော့ဆရာတော်ဘုရား ဟာ ည ၇နာရီမှာ တရားပွဲ ကြွဘို့ပြင်ဆင်နေခဲ့ပါတယ်..
ကျွန်မ တို့ လှူဒါန်းတဲ့ ပဒေသာပင်ကိုရေစက်ချအပြီးမှာတော့ တရားပွဲ ကိုမနားပဲ ထွက်ခွာပါတယ်..။
သူတော်ကောင်းတွေ ဟာ အများအတွက် အလုပ်လုပ်ကြတာ အတုယူမိပါတယ်..။
ကျွန်မ မလဲ အင်းလေး နဲ့ မဲခေါင် အင်စတီကျူ ခရီးစဉ်တွေရှိနေတာနဲပ အထုပ်ပြင်ရပါတယ်..။
ခရီးစဉ် တွေသွားဘို့ ထုပ်ပိုး ပြင်ဆင် ရလေတိုင်း ငယ်ငယ် ကရွတ်ဆို ခဲ့ဘူးတဲ့ ဘဝသော တံ အစချီတဲ့ ဂါထာ လေးကို ရွတ်ဆို ပူဇော်ဘို့ ကျွန်မ သတိရမြဲပါ..။

ကျေးဇူးတော်ရှင် မြတ်စွာဘုရားရှင်ဟောကြားတော်မူခဲ့ တဲ့တရားတော် တွေ ထဲ မှာ ဂါထာ တွေဟာ ကဗျာတွေပါပဲ..။ စကားပြေ ကိုတော့စုန္နိယ လို့ ခေါ်ကြောင်း မှတ်သားဘူးပါတယ်..။ ခရီးသွားဓမ္မကဗျာလေးပေါ့နော်..။

*ရတနတ္တယ ဂုဏ ဝဏ္ဏနာ သစ္စ ဂါထာ* လို့ခေါ်ပါတယ်..။
ကျေးဇူးတော်ရှင် ဂေါတမ ဘုရားရှင်လက်ထက် မှာ မဟာကပ္ပိန မင်းကြီး အမတ် (၁၀၀၀) နှင့် တကွ မြင်းကိုယ် စီ စီးပြီး ဘုရားရှင် ထံအဖူးမျှော်ကြွရောက်စဉ် မှာ အသွားလမ်းခရီးအကြားဝယ် မြစ်သုံးတန်ခြားနေပါသောကြောင့် ရွတ်ဆို ခဲ့တဲ့ ဂါထာ ပဲဖြစ်ပါတယ်..။
ကျေးဇူးတော်ရှင် မင်းကွန်းဆရာတော်ဘုရားကြီး ( အဘိဓဇ မဟာ ရဋ္ဌ ဂုရု ဘွဲ့ တံဆိပ်တော်ရ ဓမ္မဘဏ္ဍာ ဂါရိက အရှင် ဝိစိတ္တသာရာဘိဝံ ) ခရီး မသွားခင် (၃၂ )ခေါက်ပူဇော်လေ့ရှိပါသတဲ့..
တစ်ခါက ဂေါ် ရခါးဒကာ တစ်ယောက် က တရားပွဲ တစ်ခု မှာ မင်းကွန်းဆရာတော် ထံပါး ချဉ်းကပ်ပြီး..* ဆရာတော်ဘုရား။ သာသနာပြု ခရီးစဉ် တွေ ကြွချီ နေတာ အမြဲ အောင်မြင် နေတာ..ဆရာတော် ကျင့်သုံး လေ့ရှိတဲ့ ကျင့်စဉ် အလေ့အထကောင်းတော့ရှိမှာပဲ ။ တပည့်တော် သိပါရစေဘုရားလို့ * လျှောက်တင်ပါသတဲ့။
အဲဒီအခါ ဆရာတော်ဘုရားကြီးက ပြုံးပြီး…သိချင်ရင် လာ တောင်းလှည့် လို့ မိန့်ခဲ့ဘူးပါတယ်..။

ဒီဂါထာတော်မြတ်ကို ဆရာတော်ဘုရား ကိုယ်တိုင်ရေးသားပြုစုတော်မူတဲ့ မဟာကပ္ပိန မင်းကြီး အကြောင်းရေးသားထားတဲ့ စာအုပ်မှာလည်းဖေါ်ပြထားပါတယ်..။

ပူဇော်ကြည့်ရအောင်ပါ..။

*ရတနတ္တယ ဂုဏ ဝဏ္ဏနာ သစ္စ ဂါထာ*
========================
၁။ ဘဝသောတံ ဟဝေ ဗုဒ္ဓေါ တိဏ္ဏော လောကန္တဂူ ဝိဒူ၊
ဧတေန သစ္စဝဇ္ဇေ န ၊ ဂမနံ မေသမိဇ္ဈတု။
၂။ ယဒိသန္တိ ဂမော မဂေါ ၊မောက္ခော စ အစ္စန္တိကံ သုခံ ၊
ဧတေန သစ္စ ဝဇ္ဇေ န ၊ ဂမနံ မေသမိဇ္ဈတု။
၃။သံဃော ဝေ တိဏ္ဏ ကန္တာရော ၊ ပုညက္ခေတ္တော အနုတ္တရော၊
ဧတေန သစ္စ ဝဇ္ဇေ န ၊ ဂမနံ မေ သမိဇ္ဈတု။****

၁။ ဗုဒ္ဓေါ --- သဗ္မညု ဗုဒ္ဓ အမည် ရသည့် လောက ထွတ်ထား မြတ်ဘုရား သည်၊ ဟဝေ = စင်စစ် ဧကန်အမှန်ပင်၊ ဘဝသောတံ = ဘဝ သုံးသွယ် ရေပြင်ကျယ်ကို ။
တိဏ္ဏော = နိဗ္မာန် ထုတ်ချောက် ၊ မှ ကမ်းရောက်အောင် ကူးမြောက်တော်မူလေပြီ။
(ဝါ) ကူးမြောက် တော်မူပြီး ဖြစ်ရကား လောကန္တဂူ = လောကဓံ အဆုံးသို့ နှလုံးကြည်ဖြူ ဆိုက်ရောက်တော်မူလေပြီ။
ဝိဒူ= ခပ်သိမ်းသော တရား တို့ကို ပိုင်းခြားထင်ထင် သိမြင်တော်မူလေပြီ။
ဧတေန သစ္စ ဝဇ္ဇေ န = ဝစီမင်္ဂလာ သစ္စာစကားကြောင့် ၊ မေ အကျွန်ပ်၏ ၊ ဂမနံ = ခရီးသွားခြင်းကိစ္စခပင်းသည် ၊ သမိဇ္ဈတု - သိဒ္ဒ္စိ ဝှန်ထောက် တံခွန်ဆောက်၍ ပြီးမြောက်ကုံလုံပြည့်စုံပါစေသတည်း ။
(ဝါ) အန္တရာယ် မမှောက် ၊ ရန်မနှောက်ပဲ ထမြောက် ကုံလုံ ပြည့်စုံပါစေသတည်း။

၂။ မဂ္ဂေါ = လောကုတ္တရာ အရိယာ မဂ်လေးပါးသည် ၊ယဒိဇာတု = စင်စစ် ဧကန် အမှန်ပင် ၊ သန္တိ ဂမော = နိဗ္မာန် ထုတ်ချောက် ရောက် စေနိုင်၏။ မောက္ခောစ = အရိယာမဂ် ဖြင့် ရောက်အပ် နိဗ္မာန် တရားမြတ် သည် လည်း၊ အစ္စန္တိကံ သုခံ = ချမ်းသာစစ်စစ် ဧကန်ဖြစ်၏ ။
ဧတေန သစ္စ ဝဇ္ဇေ န = ဝစီမင်္ဂလာ သစ္စာစကားကြောင့် ၊ မေ အကျွန်ပ်၏ ၊ ဂမနံ = ခရီးသွားခြင်းကိစ္စခပင်းသည် ၊ သမိဇ္ဈတု - သိဒ္ဒ္စိ ဝှန်ထောက် တံခွန်ဆောက်၍ ပြီးမြောက်ကုံလုံပြည့်စုံပါစေသတည်း ။

၃။ သံဃော = ပရမတ္ထ အရိယာ သံဃာတော်မြတ် သည် ၊ဝေ= စင်စစ် ဧကန် အမှန်ပင် ၊ တိဏ္ဏ ကန္တာရော = သံသရာ ခရီးခဲ ကို အံ့ အဲ စလောက် ၊ ဘက်ကမ်းရောက်အောင် ၊ ကူးမြောက်ပြီး ဖြစ်တော်မူ ပေ၏။ အနုတ္တရော - အတု မရှိလွန်မြောက်ဘိသော ၊ ပုညက္ခေတ္တော = ကောင်းမှုမျိုးကို စိုက်ပျိုးကြဲချရာ လယ် ယာမြေစစ် ပုညခေတ်လည်း ဖြစ်ပါပေ၏ ။
ဧတေန သစ္စ ဝဇ္ဇေ န = ဝစီမင်္ဂလာ သစ္စာစကားကြောင့် ၊ မေ အကျွန်ပ်၏ ၊ ဂမနံ = ခရီးသွားခြင်းကိစ္စခပင်းသည် ၊ သမိဇ္ဈတု = သိဒ္ဒ္စိ ဝှန်ထောက် တံခွန်ဆောက်၍ ပြီးမြောက်ကုံလုံပြည့်စုံပါစေသတည်း ။

ငယ်ငယ် ကတည်းကပူဇော်နေခဲ့တာ မြတ်မင်္ဂလာ စာစောင်မှာ ဖတ်ရကတည်းကပါ။ တစ်ခါ က ကုလသမဂ္ဂ လုပ်အားပေးတစ်ယောက် ရဲ့အတွေ့အကြုံကစိတ်ဝင်စားစရာရေးသားထားတာဖြစ်ပါတယ်။ ဆောင်းပါးခေါင်းစဉ် လေးက *ပြည်ပရောက် ဘဝသောတံ* လို့ ရေးထားတာပါ။။သူ က ဘူတန် နိုင်ငံသင်ဖူးမြို့ ကနေခရီးထွက် ရတိုင်းမြေပြို ကျတတ်တဲ့ တောင်ဆင်းတောင်တက်လမ်း တွေ ဖြတ်ရတာမို့ သူကဒီဂါထာလေးကိုပူဇော်ပြီး မှ ခရီးထွက်ဖြစ်တာရေးထားတာမို့ ကျွန်မဒီဂါထာလေးကိုစိတ်ဝင်စားမိပါတယ်။အန္တရာယ် များလှပေမဲ့ ကပ်၍ တစ်ဖုံ၊ ရှောင်လို့ တစ်လွဲ… လွတ်ကင်းခဲ့ရတာများပါတယ်တဲ့..။ နောက်တော့ လည်းသူ့ကိုနောက် ကန်ထရိုက်သက်တမ်းမှာအလုပ်ပြန်မရအောင် မကြောင်းကြံစည် ခံရတဲ့ကြား က နေသူကအလုပ်ပြန်ရခဲ့တာ ဒီဂါထာလေးပူဇော်လို့ ဆိုတာယုံကြည်ပါကြောင်း ရေးသားထားပါတယ်..။

နောက်တော့လည်း တိုက် ဆိုင်တယ် ပဲပြောရမလား…။ကျွန်မ ရန်ကုန် ပရိယတ္တိသာသနာ့ တက္ကသိုလ် စာအုပ်အရောင်းဆိုင် မှာဒီအကြောင်းလေးဆောင်းပါးလေးနဲ့ အတူစာအုပ်ကလေးအဖြစ်ထုတ်ဝေထားတာဝမ်းသာအားရတွေ့ ရပါတယ်။ အဲတာနဲအုပ်ရေ ၁၀၀ ဝယ်ယူပူဇော် ကာဓမ္မဒါနဝေငှဒါန ပြုခဲ့ပါတယ်..။
ထိုစဉ်က ကျွန်မတို့ စိုက်ပျိုးရေး ကျောင်းဆရာ၊ ဆရာမတွေ မှာဘဝရဲ့ တိုးတက်ရာထွက်ပေါက် အဖြစ် နိုင်ငံခြားပညာတော်သင်၊ ပညာသင်ဆုကိုမျှော်လင့် ကြရတဲ့အချိန်ဖြစ်ပါတယ်..။ ရခဲ့ရင်ပဲဝန်ထမ်းဘဝမှာထီဆုပေါက်သလိုဝမ်းသာပျော်ရွှင် ကြတဲ့အချိန် ဖြစ်နေတာနဲ့ ကျွန်မလည်းကျောင်း(ထိုစဉ်က- သာယာဝတီ-စိုက်ပျိုးရေးသိပ္ပံ) ကလုပ်ဖေါ်ကိုင်ဖက် ဆရာမမများကိုဓမ္မဒါန ပြု လိုက်ပါတယ်..။

ဆရာ-ဆရာမများထဲမှာ ၄ ဦးတိတိ ကျွန်မထံကို ပြန်လည် ပြောပြမျှဝေကြပါတယ်..။သီရိလင်္ကာသို့ တစ်ဦး။ ဂျပန်သို့ ၁၁ လ ပညာသင် ဆရာမတစ်ဦး၊ နိပေါ သို့ ၂ပတ် သင်တန်း၊ ထိုင်းသို့ လေ့လာရေးစတာတွေသွားရကြောင်းအပြင် ကျွန်မ မျှဝေထားတဲ့ စာအုပ်လေးကိုနွမ်းနွမ်းဖတ်ဖတ် ဖြစ်နေတာပါထုတ်ပြကြ တော့ ကျွန်မမှာလည်း ထပ်တူ ဝမ်းသာခဲ့ရပါတယ်။
ကျွန်မကတော့ ဒီလိုကုသိုလ်အကြောင်း ကြောင့်လားမသိ..သွားလိုက်ရတဲ့ခရီး….မရပ် မနားတစ်ဖားဖား …လွန်းထိုးပြေးသွားနေနေရတာ..။ တကယ်တော့ သွားရတယ် ဆိုသော်လည်းကမ္ဘာပေါ် မှာ နိုင်ငံပေါင်း ၁၈၀ ကျော် ရှိတာ ကျွန်မရောက်ဘူးနေဘူးတာ.. ၁၁ နိုင်ငံလောက်သာ…. ရှိသေးတာပဲလေ..။

ကျေးဇူးတော်ရှင်ပိုင်းလော့ဆရာတော် ဘုရားကမိန့်ဘူးတာ..။ သိပ်ရောက်ဘူးရဘူးတာတွေအဆန်းထင်မနေနဲ့တဲ့။ ဘဝသံသရာရှည်လွန်းတော့ မရောက်ဘူးတာ မရဘူးတာ ဘာမှမရှိတဲ့။
*မရသေးတာ နိဗ္မာန် တစ်ခုထဲသာကျန်တော့တာ.*.ကျန် တာအကုန် ဖြစ်ဘူး..ရဘူးတာချည်းပဲ..ဘာမှ အံ့သြစရာမရှိပါဘူးတဲ့..။ နွားဘဝခွေးဘဝ..ရှင်ဘုရင် ဘဝ။ သူဋ္ဌေးဘဝ၊ သူကြွယ် ဘဝ။ သူတောင်းစားဘဝ၊ မိဘုရားဘဝ…နတ်ဘဝ…ဗြဟ္မာဘဝ၊ အကုန်အကုန် မဖြစ်ဘူးတာတစ်ခု မှ မရှိတော့ပါဘူးတဲ့..။

တကယ်တော့လည်း နိုင်ငံခြားခရီးထက် ကျွန်မတို့အားလုံးသွားနေရတာ…. သံသရာခရီးသည်ဆိုတာလူတိုင်းပဲမဟုတ်ပါလား။ရောက်လေရာဘဝပေါင်းကြ။သင်းကြ။ရှာကြဖွေကြ နဲ့ နောက်ဆုံးအကုန် ထားခဲ့ရတာ…မွေးးခါစကလေးကနေ….ရုန်းရင်းကန်ရင်း ..အ်ုနာသေ…. ထပ်ချည်းတလဲလဲနဲ့ ညည်းငွေ့စ ရာခရီးသွားဘဝတွေ… ဘယ်တော့ ဆုံးနိုင်ပါတော့မလဲ..။

ဒီတစ်ခါ တော့ အရွယ်လည်းညောင်းခဲ့ပြီ ဖြစ်တဲ့ ကျွန်မ က မိတ်ဆွေ တွေကို မျှဝေချင်ပါတယ်…ဒီတစ်ခါတော့ နိုင်ငံခြားပညာတော်သင် သွားရဘို့ထက် ပိုလို့ လေးနက် တဲ့ ဘဝသုံးသွယ် ရေပြင်ကျယ် ကိုကူးခတ်လွတ်မြောက်နိုင်ကြဘို့ ပါ..။
(((ဗုဒ္ဓေါ --- သဗ္မညု ဗုဒ္ဓ အမည် ရသည့် လောက ထွတ်ထား မြတ်ဘုရား သည်၊ ဟဝေ = စင်စစ် ဧကန်အမှန်ပင်၊ ဘဝသောတံ = ဘဝ သုံးသွယ် ရေပြင်ကျယ်ကို ။
တိဏ္ဏော = နိဗာန် ထုတ်ချောက် ၊ မှ ကမ်းရောက်အောင် ကူးမြောက်တော်မူလေပြီ။
(ဝါ) ကူးမြောက် တော်မူပြီး ဖြစ်ရကား လောကန္တဂူ = လောကဓံ အဆုံးသို့ နှလုံးကြည်ဖြူ ဆိုက်ရောက်တော်မူလေပြီ။))) ကြည်ညို ဦးခိုက်ပါသည် ဘုရား။

(((မဂ္ဂေါ = လောကုတ္တရာ အရိယာ မဂ်လေးပါးသည် ၊ယဒိဇာတု = စင်စစ် ဧကန် အမှန်ပင် ၊ သန္တိ ဂမော = နိဗ္မာန် ထုတ်ချောက် ရောက် စေနိုင်၏။ မောက္ခောစ = အရိယာမဂ် ဖြင့် ရောက်အပ် နိဗ္မာန် တရားမြတ် သည် လည်း၊ အစ္စန္တိကံ သုခံ = ချမ်းသာစစ်စစ် ဧကန်ဖြစ်၏ ။ တရားတော် ကိုကြည်ညိုပါသည်ဘုရား။)))

(((သံဃော = ပရမတ္ထ အရိယာ သံဃာတော်မြတ် သည် ၊ဝေ= စင်စစ် ဧကန် အမှန်ပင် ၊ တိဏ္ဏ ကန္တာရော = သံသရာ ခရီးခဲ ကို အံ့ အဲ စလောက် ၊ ဘက်ကမ်းရောက်အောင် ၊ ကူးမြောက်ပြီး ဖြစ်တော်မူ ပေ၏။ အနုတ္တရော - အတု မရှိလွန်မြောက်ဘိသော ၊ ပုညက္ခေတ္တော = ကောင်းမှုမျိုးကို စိုက်ပျိုးကြဲချရာ လယ် ယာမြေစစ် ပုညခေတ်လည်း ဖြစ်ပါပေ၏ ။ သံဃာ ကိုကြည်ညိုပါသည်ဘုရား။))
သံသရာခရီးသည် ဘဝကနေ…. ရတနာ သုံးပါး ကို ဥိးခိုက် ကိုးစားလျက်..ဘဝ ပန်းတိုင်အဆုံးသို့ အရောက် လျှောက်လှမ်းနိုင်ကြပါစေကြာင်းတန်ဆောင်မုန်းလပြည့်အကြို…ဓမ္မလက်ဆောင်ပေးလိုက်ပါရစေ..။

မေတ္တာဖြင့်
သစ္စာအလင်း

Saturday, March 8, 2014

သာယာကြည်နူး ၊ ရွှင်မြူးဖွယ်ကောင်း လှပါ သော (သို့ ) ဥဒါန်းစကားများ


(ဆရာကြီးဦးသော်ဇင် ရဲ့ မြတ်စွာဘုရား၏ ဥဒါန်းစကား များ စာအုပ် အမှာ စာ မှ ကောက်နုတ် ရေးသားအပ်ပါသည်။)

ဥဒါန်း ဆိုတဲ့စကားလုံးလေးကို အဓိပ္မါယ်ကို တိတိကျကျ မသိခင် ကတည်းက ကြားရ၊ ဖတ်ရပြီ ဆိုရင် ကျွန်မ ရွှင်လန်း နှစ်သိမ့်မိမြဲ ဆိုတဲ့ စိတ်ကလေး ကို သတိထားခဲ့မိပါတယ်..။

ဆရာကြီးဦးသော်ဇင် ရဲ့ ဥဒါန်းစကားများ ဆိုတဲ့ စာအုပ်ကို ဖတ်ရတဲ့အခါ မှာ တိကျသော အဓိပ္မါယ် နဲ့ လှပလေးနက်သော တန်ဘိုးကို သိရှိလိုက်ရချိန်မှာ ကျွန်မ ဒီစာလေးကိုရေးမိလိုက်ပါတယ်..။

ကျွန်မတို့ သတ္တ၀ါ တွေကိုမဟာကရုဏာတော် နဲ့ ဆုံးမ ပဲ့ပြင်သွန်သင်ထားပါသော လောက ရဲ့ သစ္စာတရားတို့ကို ညွှန်ပြတော်မူပါသော တရားတော် တွေ ထဲ မှာ ဘယ် တရားဟာဖြင့်အကောင်းဆုံး ပါဆိုတာ ရွေးချယ် ရခက်လှပါတယ် ဆုံးဖြတ်နိုင်စွမ်းလည်းမရှိကြပါဘူး။

သို့သေည်လည်း ဥဒါန်းသည် ရွှင်လန်းလှပါသည်။ သာယာကြည်နူး ၊ ရွှင်မြူးဖွယ်ကောင်း လှပါသည်လို့ ဆရာကြီးဥိးသော်ဇင်ကဆိုပါတယ်..။

ပထမ သံဂါယနာ တင်အရှင်တို့ကတော့ ဥဒါန်းရဲ့ သဘောကို ဒီလို ပြဆိုခဲ့တော်မူပါတယ်။

(သောမနဿ ဥာဏ်ဖြင့်ပြီးသော ....ဂါထာ နှင့်ယှဉ်သော ....ရှစ်ဆယ့် နှစ်ပါးသောသုတ် တို့ကို ..ဥဒါန်း ..ဟူ၍ သိအပ်၏)။

“ဥဒါန်းဆိုတာကတော့ရွှင်လန်းစွာ ကျူးရင့်ခြင်း ဖြစ်ပါတယ်….။ ကျွန်မ တို့ရဲ့ ကျေးဇူးတော်ရှင် မြတ်စွာ ဘုရားရှင် သည် မျက်မှောက်တွေ့မြင်ရသော ကြုံတွေ့ရတဲ့ အကြောင်းအရာ၊ အဖြစ်အပျက် တွေအပေါ်မှာ ၊ ဓမ္မတရား ကို တွေ့မြင်တော်မူ တဲ့အခါ မှာ ကြည်နူးလှတာ နဲ့ ရင့်ကျူး တဲ့ တရားအပေါင်း ကို ဥဒါန်း လို့ သတ်မှတ် ခေါ်တွင်ခဲ့တာ ဖြစ်ပါတယ်..။“

ဥဒါန်းပါဠိတော် မှာတော့ ရှေးဦးစွာ အကြောင်းအရာ အထုပ္မတ္တိ တို့ကိုဖေါ်ပြပြီး ထို အကြောင်းအရာ နှင့်ပတ်သက်တဲ့ ဥဒါန်းဂါထာ ကို ကျူးရင့်တော်မူပါတယ်..။ ဓမ္မပဒ မှာလည်းဂါထာ တို့ရဲ့ အထက် မှာ ၀တ္ထု ဇာတ်လမ်းတွေပါဝင်ပေမဲ့ ဓမ္မပဒ ပါဠိတော်မှာ ပါတဲ့ဇာတ်လမ်းတွေတော့မဟုတ်ပါဘူး။ အရှင်ဗုဒ္စ္ဒဃောသ ရဲ့ အဋ္ဌကထာ စကားကိုလိုရင်းကောက်နှုတ် အကျဉ်းချုပ်ဖေါ်ပြ ထားတာ ပဲဖြစ်ပါတယ်..။

ဥဒါန်းဂါထာ တို့ရဲ့ အထက်မှာ ပါတဲ့ အကြောင်းအရာ အထုပ္မတ္တိ ကတော့ ဥဒါန်းပါဠိတော်မှာ တိုက်ရိုက်လာတဲ့ ဝတ္ထု ဇာတ်လမ်းကိုဖေါ်ပြထားတာဖြစ်ပါတယ်။ ဒါကြောင့် ပိုပြီးနှစ်သက်ဖွယ်ကောင်းသလို ခိုင်လုံပြည့်စုံ မှုလည်းရှိပါတယ်.။

ဇာတ်လမ်းကလည်းမတိုလွန်းမရှည် လွန်း အနေတော်သင့်တော်တဲ့အရွယ် မျိုးဖြစ်ပါတယ်။
ပါဠိတော်စကား များမှာ အခိုင်အမာဖြစ်တဲ့အတွက် လွန်စွာသေချာလှပါတယ်။ ခိုင်မာသေချာခြင်းကို ဦးစားပေးရတဲ့အတွက် စကားအထပ်ထပ် ဆိုရတဲ့ အရာအတန် များစွာ ပါရှိခဲ့ပါတယ်။

ကျွန်မတို့ ရဲ့ကျေးဇူးတော်ရှင် မြတ်စွာသခင် သာယာကြည်နူးပါသဖြင့် ဥဒါန်းကျူးရင့်သော သုတ်တို့ကို ကြည့်ရှုလေ့လာ ပူဇော် ခွင့်ရခြင်း သည်လည်း သာယာကြည်နူးဖွယ် ဖြစ်လိမ့်မယ် လို့ ကျွန်မက ယုံကြည်မိပါတယ်..။

သုတ်တော်ပေါင်း (၈၂) သုတ်ပါဝင်ပြီး သုတ်တိုင်းသုတ်တိုင်းသာယာကြည်နူးဖွယ် အတိပြီးနေပါတယ်လို့ ဆရာကြီးက ဆိုပါတယ်။

ဥပမာ အားဖြင့် ပထမ ဦးဆုံးကျူးရင့်တော်မူတဲ့ ဗောဓိသုတ် မှာ အနေကဇာတိသံသာရံ ..အစဖြာ တဲ့ တရားသံလေးကို နာယူလိုက်ရရင် ကိုယ်ခန္ဒ္စာ အတွင်း အားအင်များစီးဆင်း သွားသလို အောင်မြင်မှု တစုံတရာ ဆုပ်ကိုင်လိုက်ရသလို ကြည်နူးစိမ့်ပျံ့ သွားတယ်ဆိုတာ …အားလုံးသိကြပါလိမ့်မယ်။

တကယ်တော့လည်း နေရဉ္စရာ မြစ်ကမ်းယံထက် က ဗောဓိပင် ခြေရင်း မှာ ဝိမုတ္တိသုခ ကိုခံစားရင်း ကျူးရင့်တော်မူခဲ့တာပါ။

ဗောဓိပင် ဆိုတာကလည်း သွေ့ခြောက်နေတဲ့ သဲကန္တာရ ထဲ က အထီးတည်းညောင်ပင်မျိုး မဟုတ်ပါဘူး။ နေရဉ္စရာ မြစ်ညာကမ်းနားမှာ တည်ရှိပါတယ်။ စိမ်းလန်း လှပတဲ့ တောတောင်သဘာဝ နဲ့ ညောင် ညို သာဝှန်း ဗောဓိနန်း လည်းဖြစ်ပါတယ်။ မျက်နှာစာ မှာ လည်းနေရဉ္စရာမြစ်ရေအေး ဟာ တသွင်သွင် စီးဆင်းနေခဲ့ပါတယ်။ ထိုသို့ အေးချမ်း စိမ်းမြတဲ့ ရိပ်သားနန်းက အောင်မြင်မှု များ လွှမ်းခြုံထားလေတော့ နာယူသူအပေါင်း ပီတိခညောင်းနေတာ ခညောင်းစေတာ ….. ကြည်နူးနှစ်သိမ့်မိတာ…. သစ္စာအမှန်ပါပဲနော်။

လောကမှာ မွေ့လျော်ဖွယ်ရာတို့ကို ရတနာ လို့ခေါ်ပါတယ်။ မွေ့လျော် ဖွယ်အပေါင်း တို့ မှာ တရားနှင့်မွေ့ လျော်ခြင်း ကတော့ အမြင့်မြတ်ဆုံး မွေ့လျော်ခြင်းဖြစ်ပါတယ်။ တရားရတနာ သည်မွေ့လျော်ဖွယ်အကောင်းဆုံးဖြစ်ပါတယ်။

မြတ်စွာ ဘုရားရှင်ဟောကြားတော်မူခဲ့တဲ့ တရားတော် တွေကို ပိဋက အားဖြင့်ဝေဖန်ပါသော် သုတ္တန်ပိဋက၊
ဝိနည်းပိဋက၊
အဘိဓမ္မာပိဋက ဟု သုံးပါးရှိပါတယ်။

နိကာယ် အားဖြင့် ဝေဖန်ပါသော် ….တရားတော်တို့သည်
၁။ ဒီဃနိကာယ်
၂။ မဇ္ဈိမနိကယ်
၃။ သံယုတ္တနိကာယ်
၎။ အင်္ဂုတ္တရ နိကာယ်
၅။ ခုဒ္ဒက နိကာယ် ဆိုပြီး နိကာယ် (၅)ပါးရှိပါတယ်။

ထို နိကာယ် နှင့် ပိဋက တို့ကို ဆက်စပ်လိုက်ပါသော် အချို့သော နိကယ် မှာ သုတ္တန် ၊ အချို့သော နိကယ် မှာ ဝိနည်း ၊ အချို့သော နိကာယ် မှာ အဘိဓမ္မာ တွင် သက်ဝင်ပါတယ်။
သုတ္တန်ပိဋက မှာ နိကာယ် (၁၈) ကျမ်းပါဝင်ပါတယ်။
ခုဒ္ဒကပါဌ ၊ဓမ္မပဒ၊ ဥဒါန်း ၊ ဣတိဝုတ် ၊ သုတ္တိနိပါတ် ၊ ဝိမာန ဝတ္ထု ၊ ပေတဝတ္ထု ၊ ထေရ ဂါထာ၊ ထေရီဂါထာ ၊ အပဒါန် ၊ ဗုဒ္ဒ္စဝင် ၊ စရိယာ ပိဋက ၊ ဇာတက ၊ နိဒ္ဒေသ၊ ပဋိသမ္ဘိဒါမဂ် ၊ မိလိန္ဒ ပဉ္စာ ၊ နေတ္ထိ နှင့် ပေဋကောပဒေသ တို့ဖြစ်ပါတယ်။
ထို အဘိုးတန် ကျမ်းမြတ်ရတနာ တို့ကို လူတွေက ရဟန်းတော်တွေ ဟောကြားတဲ့အခါ နာယူရပါတယ်။

နိုင်ငံရပ်ခြားတိုင်းတပါးက လူတွေကတော့ သူတို့ မှာ ဟောကြားပေးမဲ့ သံဃာ ရတနာ ပြည့်ပြည့်စုံစုံမရှိရှာလေတော့ စာဖတ်ပရီသတ် နဲ့ သင့်တော်မဲ့ ကျမ်းမြတ်အချို့ ကို ဘာသာပြန်ပေး ထားပါတယ်..။

ထိုနည်းဖြင့် ဓမ္မပဒ တရားတော် မှာ အနောက်တိုင်းသားတွေ အတွက် အရသာ တွေ့ ခဲ့ကြသလို ဘဝ အစဉ် ပြောင်းကုန် ကြတာ တွေလည်းရှိခဲ့ပါတယ်..။ ဥပမာ ဆိုရရင် အီတလီ က ဦးလောက နာထ လို ပေါ့လေ..။

ဥဒါန်းပါဠိတော်ကလည်း ဗုဒ္စ္ဒဝါဒ ကိုလေ့လာ ရန် လေးနက်ခိုင်လုံတဲ့အချက်အလက် ဖြစ်တဲ့အတွက် နိုင်ငံခြားသုတေသီတို့ ကတော့ ဥဒါန်းပါဠိတော်ကို အထောက်အထားပြု ပြီး ဗုဒ္စ္ဒဝါဒ ကိုဖေါ်ပြနေကြပါတယ်..။ ကျွန်မတို့ မြန်မာ တွေကတော့ ထိုသို့လေ့လာ မှုမျိုး မှာနောက်ကျနေပါတယ်လို့ ဆရာကြီးကဆိုပါတယ်..။

တကယ်တော့ ခုဒ္ဒကနိကာယ် ပါဠိတော် တွေဟာ ဗုဒ္စ္ဒဝါဒ ရဲ့ သင်္ခန်းစာဖတ်စာလည်းဖြစ်ပါတယ်။ ဒီသင်္ခန်းစာ ဖတ်စာ ကို လေ့လာခြင်းမရှိပဲ ဗုဒ္စ္ဒဝါဒ ကိုဆွေးနွေးခြင်း ကလည်း ရယ်ဖွယ် သက်သက် ဖြစ်သဖြင့်လေ့လာ ထိုက်ပါကြောင်း ဆရာကြီး ဦးသော်ဇင်ကရေးသားထားပါတယ်..။
ဒါကြောင့်မို့ လို့ သုတ်တော် (၈၂) သုတ်ပါဝင်တဲ့ ဥဒါန်း ပါဠိတော်များကို ကျွန်မ ကြိုးစားလေ့လာ ပြီး တင်ပြရေးသား ဘို့ ကြိုးစားပါ့မယ်လို့ ပြောကြားရင်း မိတ်ဆက်ပါရစေ..။

မေတ္တာဖြင့်
သစ္စာအလင်း

အမှားဆရာ၊ စိတ်အာရုံ နှင့်မြင့်မြတ်မှု


တခါ က ဆရာတော်တပါး ရဲ့ ကျောင်း မှာ တိုင်ကပ် နာရီ ၀င်ခိုးတဲ့ သူခိုးတစ်ယောက် က မမှီမကမ်း နဲ့ ခက်ခက် ခဲခဲ ဖြုတ်နေတာ ကို ဆရာတော်ကြီးကတွေ့ တဲ့အခါ.. * ဟဲ့ ဒကာ..ခုံခု ယူလို့ မိန့်သတဲ့..* . တကယ် ပဲ သူတော်ကောင်း စိတ် နဲ့ ကရုဏာ သက်စွာ မိန့်ခဲ့တာ ပါပဲ..။သူတော်ကောင်းတို့ ရဲ့မေတ္တာ အရှိန်အဟုန် ကို ထိရှခံစားရတဲ့ ခိုးယူသူက ဆက်မယူဖြစ်တော့ပဲ ကန်တော့ပြီး မျက်ရည်ကျ ကာပြန်ပြေးရရှာပါတယ်။

တရားစခန်းတစ်ခု မှာလည်း ယောဂီတွေ က အိမ်သာ ရောက်အောင်မသွား ပဲအပေါ့အလေးစွန့်ကြပုံရပါတယ်..။ ဆရာတော် ဘုရားကြီး ကို လျှောက်ကြ တယ်..ယောဂီတွေ ကို ဆုံးမပေးပါ… စည်းကမ်းမရှိဘူး နဲ့ ဝေယျာဝစ္စ သမားတွေက တိုင်ကြတဲ့အခါ..။မအောင့်နိုင်လို့နေမှာပါ...ကွယ်..ကျုံးလိုက် ရင်..ကုသိုလ် ရပါတယ် လို့ပြန်ဖြေ သတဲ့..။

စိတ်နဲ့ အာရုံ ဆုံလေတိုင်း အပြစ်တင်စရာ မရှိ အရာရာအဆင်ပြေ နေသော..ဖြည့်တွေးပေးသော..နားလည် ခွင့်လွှတ်ပေးသော သူတော်ကောင်း ကြီးတို့ ရဲ့ စိတ်ကို လေးမြတ်ကြည်ညိုရပါတယ်..။

နုလွန်းသော ..သိမ်မွေ့ လွန်းသော… ပရိယာယ် ကြွယ်သော ကိလေသာ သဘောသည်.. စည်းကမ်း ဟူသော နာမည် ကို အကာအကွယ် ယူပြီးတော့လည်းကောင်း..ကိုယ်က မှန်တယ် ဆိုသော မာန အကာအကွယ် ဖြင့် လည်းကောင်း အပြစ်တင် ပြောဆိုမိ တဲ့ ဘ၀ကို ရောက်ရပါတော့တယ်..။

မှားနေတာကို မှားတယ် မပြောရဘူးလားဘုရား ဟု ကျွန်မ က အထွန့်တက်ချင်မိပါတယ်..။ အပြစ်တင်လိုသော.. နှိမ့်ချ လိုသော သဘော သည် ကြွ တက် လာတတ်သည် မဟုတ်ပါလား။
ငါတို့ ပြုပြင်မှ ဖြစ်မှာပါဟူသော မာန သည်လည်းတလူလူ တလွင့်လွင့်..။

ဒါဆို ရင် ဘယ်လို လုပ်ရမလဲ ဘုရား လို့ ပိုင်းလော့ဆရာတော် ဘုရားထံ လျှောက်တဲ့အခါ…။

တရားခံကို မြင်အောင် ကြည့်လေ.. တရားခံ အစစ်က အဝိဇ္ဇာ နဲ့ တဏှာ ဆိုတဲ့ မူလ နှစ်ဖြာ လေ..။ တဲ့ မသိ လို့ မှားတာ အမှားကို မမြင်အောင် တဏှာ ကချော့ထားပေးတယ် တဲ့..။
အဲ လို မျိုး မှားတဲ့ လူ တွေ နဲ့ တွေ့ တဲ့ အခါ မရှုံးအောင်နေနည်း ကို သင်ပေးပါတယ်..။ ကိုယ့် ကို မမှားရအောင် ရှေ့က မှားပြပေးတဲ့အတွက် * အမှားဆရာ * လို့သတ်မှတ်ရမယ် ဆိုပဲ..။

အပြစ်တင်လိုက် တဲ့ စိတ်ဖြစ်သွားရင် ဒေါသ မနောကံ…. အဲဒီကတဆင့် ရင်ထဲကနေ ပြောချင်စိတ်တွေကြွ တက်လာပြီး ပွင့်ထွက်သွားရင် ဒေါသ ၀စီကံ..၊ ဒီထက်ပိုကြမ်းတမ်းတဲ့ ကာယကံ အဆင့်ကို ရောက် ကြရင် သူများ အမှားပေါ် မှာ ကိုယ့်က အရှုံး ပြ ရတော့တာပါပဲ..။

ကိလေသာ ကို ဖြစ်ခွင့်ပေးလိုက်တာ နဲ့ ရှုံးတဲ့ ဘ၀ကို ရောက်ရတာ..။ အခုတော့လည်း အဆင်မပြေ သော လောက မှာ အမှားများကိုတွေ့ ကြုံရလေတိုင်း အမှား ဆရာ များပါတကား လို့…. နှလုံးသွင်း ဖြစ်မိပါတယ်..။
အမှားဆရာများ ရဲ့ ကျေးဇူးက ကျွန်မ အတွက်ကျေးဇူးကြီးလှပါတယ်..။

ကျေးဇူးတော်ရှင်ယောဆရာတော် ဘုရားကြီးကတော့ *လောကမှာ နေရင်ကွယ် တဲ့..စိတ် နဲ့ အာရုံ အဆင်ပြေအောင်နေတတ်ဘို့အရေးကြီးတယ် * လို့ ဆုံး မဘူးပါတယ်..။

စိတ်နဲ့ အာရုံ အဆင်ပြေရင် စိတ်မှီတဲ့ ဟဒယဝတ္ထု မှာ အအေးဓာတ်အဟုန် ထွက်လာတာ ကုသိုလ်ရဲ့ သဘောတရား တစ်ခုပေါ့..။ အဆင်မပြေ လို့ အပူဓာတ် အဟုန် ထွက်လာ လို့ အပူ ဓာတ်နဲ့ ဆန့်ကျင် တိုက်ခိုက် တော့ ပြစ်မှားတယ် ဆိုတဲ့မနောကံတွေ ဝစီ ကံတွေ ကျူးလွန်မိတတ်ကြပါတယ်..။ကာယကံ ကတော့အဆိုးဆုံးပေါ့နော်..။

ဒီသဘောကို ကြိုသိထားရင် အဆင်ပြေ အောင် ရင် ထဲက အခံ ဓာတ်ကို ပုံသေ လုပ်မထား ဘို့ ၊ အသေ မချ ဘို့ နည်းလမ်းတစ်ခုကိုလည်း ကျေးဇူးတော်ရှင် ပိုင်းလော့ဆရာတော်ဘုရားကြီး ကသင်ပြပေးပါတယ်..။

အရာရာ အကြောင်းညီ ညွတ် မှ ဖြစ်မယ် တဲ့..။စိတ်ကို အရှင်ထား ပါတဲ့။ ဖြစ်စေချင်သော ဆန္ဒ သည် ဥပါဒါန် ဖြင့်ခိုင်ခန့်လေလေ… ဖြစ်မလာ တဲ့အခါ ပူဆွေးရလေလေ ဆိုတာ …သိခဲ့ ကြုံ ခဲ့ ရလေတော့ ကိလေသာ ဖြစ်ခွင့်ပေး လိုက် တာ နဲ့ ကိုယ်ကရှုံးရတော့တာ..။

သေချာ လွန်းတဲ့ ကိစ္စ တွေ မှာတောင် ကြံဖန်လွဲချော် တတ်ပါသော လောက သဘော မှာ မောနေခဲ့ရလွန်းတော့လည်း မမျှော်လင့်တတ် သော စိတ် အလေ့ မှာ ထုံမွေ့ ခဲ့ ပါတယ်..။

နောက်တခုပြောချင်တာက နှိုင်းယှဉ်မှု..မသိမသာ ပြိုင်တာမျိုးလေးတွေ...ရှိတတ်ပါသေးတယ်။
တခါ တခါ ကုသိုလ် ကိစ္စ တွေ မှာ တောင် မသိမသာ နှိုင်း ယှဉ် ပြီး ငါက သာတယ်..ငါတို့က ကောင်းတယ်.. လို့အမှတ်တမဲ့ပြော မိတဲ့အခါ..ဆရာတော်ဘုရားက ဆုံးမ ပါတယ်..။

*မပြိုင် နဲ့နော်.. ပြိုင်တာ နဲ့ ရှုံးပြီးသား တဲ့..။*
ပြိုင်တယ် ဆိုတဲ့ စကားလုံး နောက် ကွယ်က စိတ်အမျိုးအစားကို အကဲ ခတ်တဲ့အခါ…သူတပါးကို ကိုယ့်ထက် မသာစေလိုသော စိတ် ကိုယ့်ထက် နိမ့်ကျစေလိုသော စိတ်မျိုး ဖြစ်နေတတ်တာကို ဆရာတော်ဘုရား ကထောက်ပြတော်မူပါတယ်..။

သူတပါးကို နိမ့်ကျစေလိုသော စိတ်ထားသည် မြင့်မြတ်မှု နဲ့ ဝေးကွာသွားမှန်း ကျွန်မ သတိမထားမိခဲ့ပါ..။ အခုတော့လည်း ဆရာတော် ဆုံးမ သွန်သင်လို့ ဘယ်သူကို မှလည်း ..မပြိုင်လို… နှိုင်းယှဉ် ဆုံးဖြတ်ခြင်း ဖြင့် မနိမ့်ကျစေလိုတော့ပါ..။

တိုင်းထွာ တတ်သည့်ပေတံ များကို ကျွမ်းကျင်လေလေ…..၊ နှိုင်းယှဉ်ဝေဖန်တတ်လေလေ ဆိုတော့ ကျွန်မ မှာ ရှုံးပွဲတွေ ဆင့်နေ မှာ သေချာလွန်းလှပါတယ်..။

ဘယ်သောခါ မှ ၊ ဘယ်တော့မှ ၊ ဘယ်သူ့ကို မှ မရှုံးလိုသော ကျွန်မ က (မူလနှစ်ဖြာ) ကို မြင်အောင်ပြတဲ့ အမှားဆရာ များ သို့ အမှန်မြင်စေတဲ့ သင်္ခန်းစာအတွက် အမြဲကျေးဇူးတင်နေမှာပါ..။

မေတ္တာဖြင့် 
သစ္စာအလင်း