ပေးမျှဝေမှု..ကုသိုလ်ပြုလျက်

မြင်းမိုရ်ထက်မြင့်သော…စကြာဝဠာ ထက် ကျယ်ပြောသော…ကမ္ဘာမြေထုထက် ထူထဲသော မေတ္တာတရား ဆိုတာကိုထည့်မတွက် ပဲ စီးပွားရေးတွက်ဖြင့် အရှုံးအမြတ် တွက်ကျစတမ်း ဆိုရင်ဖြင့်… မိဘတွေ ဆိုတာ အရှုံးကြီး ရှုံးကြရတဲ့ အကောင်းဆုံး အရှုံးသမား တွေပါပဲ..။

သားသမီးတွေအပေါ် ထားလိုက်ရတဲ့မေတ္တာ ကဋေကဋာ မက.. ချစ်လိုက်ရတာ ပံ့ပိုးလိုက်ရတာ… စောင့်ရှောက်လိုက်ရတာ..အရိပ်တကြည့်ကြည့် မြတ်မြတ်နိုးနိုး တန်ဘိုးထားလိုက်ရတာ..။ ဘဝ နဲ့ ရင်းခဲ့တယ် ကိုယ်ကျိုးတွေလည်းစွန့် ခဲ့ရပါတယ်..။ ပေးဆပ်ခဲ့ရ သလောက် ပြန်လည် အကျုိုး ခံစားခွင့်ရသူဆိုတာ ခပ်ရှားရှားပါ..။ ဒါကြောင့်လည်း မိဘမေတ္တာ ဟာ လူတကာ စာဖွဲ့ လို့ မရိုးနိုင်အောင် ကမ္ဘာ တည်သရွေ့ တည်တံ့ နေတော့တာပါ..။ ဒါတွေကို ရရှိခံယူတဲ့သားသမီး ကတော့ တန်းဘိုးကြီးမှန်း တုံ့ပြန် ကျေးဇူးဆပ်ရကောင်းမှန်း ကို အမြဲတမ်းနောက်ကျမှသာ သိတတ်လေ့ရှိပါတယ်..အချိန်လွန် သွားမှသာ နားလည်လေ့ရှိပါတယ်..။

ကျေးဇူးတုံ့ပြန်မယ်လို့ ကြိုးစားနေချိန်မှာ ပဲအားလုံးဟာနောက်ကျ ခဲ့ရတာ မိဘ နဲ့သားသမီး တို့ ရဲ့ သဘာဝတရားပေပဲလား..။ မိဘတို့ အသက်ကြီး ကာ မှ လူ့လောက ထဲရောက်ခဲ့ရတဲ့ သမီးထွေး ကျွန်မအတွက်ကတော့ အရာရာ ဟာပိုလို့ပင် နောက်ကျ ခဲ့ရပါတယ်..။ သားသမီး တို့ ရဲ့ပညာရေး နဲ့ ပတ်သက်ရင် အမြဲဂုဏ်ယူအားပေး တတ်သော Higher Grade အောင် ကျောင်းဆရာဖခင်ကြီး သည် သာသမီးအကုန်လုံး သင်ယူထားသောဘွဲ့များ စွာကို သူ၏ အောင်မြင်မှု မှတ်တိုင်တွေ လို ရည်တွက်ရင်း ဘဝကို ဂုဏ်ယူစွာ ဖြတ်သန်းခဲ့ မြဲပါ..။

အရာရာနောက်ကျတတ်တဲ့ ကျွန်မအတွက်ကတော့ ဖခင်ကြီးဂုဏ်ယူဝမ်းမြောက် ရလေအောင် ကျွန်မသင်ယူနေသော Biotechlogyဆိုတဲ့ ဘာသာရပ်အသစ် တွေ M.Sc ,Ph.D တွေ ဘယ်လို ရှင်းပြ ရှင်းပြ နိုင်လည် နိုင်စွမ်း မှတ်သားနိုင်စွမ်း ကုန်ခမ်း နေတဲ့အသက် ၈၈နှစ်ဆိုတဲ့ အချိန်ကို ရောက်နေခဲ့ပါတယ်။ အဲဒီပညာရေးခရီး ကလည်း ဖခင်ကြီးကွယ်လွန်ပြီးခါမှ ကျွန်မ ကပြီးမြောက်ခဲ့ရပါတယ်..။

ဒီနေ့ ကတော့ကျွန်မရဲ့ကျေးဇူးရှင်ဖခင်ကြီး ဘဝ တစ်ပါးသို့ပြောင်းသွား ကွယ်လွန်ခဲ့တာ သုံးနှစ်ပြည့်မြောက် ခဲ့ပါပြီ..။ တုံ့ပြန်ကျေးဇူး ဆပ်တယ် ဆိုတာ ကို ဆွမ်းကပ်ပွဲ တစ်ပွဲ နှင့် နှစ်ပတ်လည် မလုပ်လိုပါ…။

မနှစ်ကတော့ ဘယ်လိုလုပ်ရင်ကောင်းမလဲ ဆိုတာစဉ်းစားရင်း ကျွန်မ ဖခင်ကြီးရဲ့မွေးရပ်ဇာတိ မြေ မှာ ဖခင်ကြီး ရဲ့ ဆန္ဒ တွေကို ကောက်ယူ ထွေးပိုက်ခဲ့ပါတယ်..။ သည်ရွာလေးကိုရောက်တိုင်း မွေးရပ်ဇာတိကိုခင်တွယ်သော အမှန်တကယ် လည်းမေတ္တာ အသိုက်အမြုံတစ်ခု ဖြစ်အောင်သြဇာတည်တံ့ နိုင်စေခဲ့သော ဖခင်ကြီး ရဲ့အရိပ်အငွေ့ များကြွင်းကျန်သလို အမြဲခံစားရပါတယ်..။

ကျွန်မ သူငယ်ချင်းတစ်ဦး ရဲ့ ဖခင် တစ်ဦးသည် ကျွန်မ ဖခင်ကြီးလို သက်တမ်း ၈၀ ကျော်တဲ့အချိန်မှာ အရာရာ သညာသင်္ခါရဖြစ်ကာမေ့လျော့သွားခဲ့ပါ တယ်..။အရာရာကိုမေ့ထားခဲ့ရစ် သော်လည်း ငယ်သံယောဇဉ်ရှိခဲ့ဘူးတဲ့ ..ငယ်ကျွမ်းဆွေ အမျိုးသမီး တစ်ဦး ကိုတော့ သူ့ ခေါင်းထဲမှာစွဲစွဲမြဲမြဲ ကျန်ရစ်ခဲ့ပါသည်တဲ့..။ကျွန်မ သူငယ်ချင်း က အဖေ..ဝမ်းနည်း ဆို့နင့်စွာ*ကျွန်မ ကအဖေ့သမီးလေ(…)ပါ* အခါခါ ဆိုလည်း မသိပါလေတော့..။မသေခင် ရှင်ကွဲ ကွဲ ခဲ့ရပါပကောလား။

ကျွန်မ ရဲ့ ဖခင်ကြီးကတော့ ကျွန်မ အထပ်ထပ် ရှင်းပြ သည့် Biotechnology ကိုလည်းအမှတ်မထား။ တစ်ချိန်က ပထဝီဘာသာ အသင်အပြတော်သူ၊ ကမ္ဘာ့မြေပုံအဆွဲတော်သူ ကျောင်းဆရာတစ်ဦး ဖြစ် ခဲ့သော်လည်း ကျွန်မ နေထိုင်သည် အီတလီ နိုင်ငံကိုလည်း နားမလည်ပါလေတော့..။

ဒါပေမဲ့ တစ်ချိန်ကသူ့မိခင် ကျွန်မ အဖွားတည်ထောင်ခဲ့ ဘူးသော မူလတန်းကျောင်း ကလေး ကိုတောဖြင့် အရေးထား သည်..မှတ်မိနေမြဲဖြစ်ခဲ့ပါတယ်။ လှူဒါန်း ခိုင်းသည်..ဖြည့်ဆည်းစေသည်..။မကြခဏ လည်း သွားရောက်လေ့ ရှိ တာမ်ို့ ကျောင်းအုပ်ဆရာမကြီး နဲ့ ဆရာမတွေ ကလည်း တလေးတစားဧည့်ခံမြဲပါ..။ ငယ်ကျွမ်းဆွေ ကို သတိရတာ ထက် စာရင်တော်ပါသေးရဲ့ ဆိုတဲ့ အတ္တကြီးတဲ့ အတွေးနဲ့ အတူ ကျွန်မတို့မောင်နှမ တွေ ခွန်တိုက်အားတိုက် လှူပေးကြ ပါတယ်..။

ဒီလို ဖခင်ကြီး ရဲ့သံယောဇဉ် ခြေရာများစွာကျန်ရစ်သော အသိုင်းအဝိုင်း မှာ ယဉ်ကျေးမှုသင်တန်းလေးဖွင့် လျှင် တော့ တမလွန်မှ ဖခင်ကြီးကိုကျေးဇူးဆပ်ရာ ရောက်ချေရဲ့ ဆိုပြီး ကျွန်မ မနှစ်က စတင် အကောင်အထည် ဖေါ်ရင်း နှောင်း ခဲ့ တဲ့ နောင်တ အသိ ဖြင့် ဖိဖိစီးစီး ဆောင်ရွက် ခဲ့ပါတယ်..။

ရွာနောက်ပိုင်း ဘုန်းကြီးကျောင်း မှာ စာသင်ရင်း. ကျေးဇူးရှင်ဖခင် နှင်မိခင်တို့ရဲ့ နာမည် ထိုးထွင်းထားသော ကျောက်ပြား ပါရှိတဲ့ ဇရပ်ကလေး…ထုံးဖွေးဖွေးစေတီလေး ၊ ကျွန်မဖခင်ကြီး ဘက်မှ မောင်နှမတစ်တွေ ဆောက်လုပ် လှူဒါန်းခဲ့တဲ့ သိမ် ကလေး ကိုမြင်တွေ့နေရတာမို့ ကျွန်မဖခင်ကြီး အမြဲစောင့်ကြည့်နေသလို စိတ်လုံခြုံ ခဲ့ရသလို တစ်ခါတစ်ခါ ရင်ထဲ ဆို့ တက် လာ ကာမျက်ရည်ဝဲ ခဲ့ရ တာမျိုး လည်းရှိခဲ့ဘူးပါတယ်။

ကျေးဇူးတော်ရှင် ပိုင်းလော့ဆရာတော်ဘုရားရဲ့ ခင်ပွန်းကြီး (၁၀)ပါးကန် တော့ ခန်း စာအုပ် အုပ်ရေ ၁၂၀ ဝယ်ယူ လှူဒါန်း ကာ အတန်းစုံမှ ကျောင်းသား ၁၀၀ကျော် ကို အပတ်စဉ် တနင်္ဂနွေ နေ့တိုင်း စတင်သင်ကြားခဲ့ပါတယ်။ နောက်ပြီး ဆရာတော် အရှင်ဆေကိန္ဒ ရဲ့ …ယဉ်ကျေး လိမ္မာ ဆရာဖြစ်သင်တန်းကိုပါ တက်ရောက်ခဲ့ပြီး ဆရာတော်ထံ လျှောက်ထား တော့ဆရာတော်က ယဉ်ကျေးလိမ္မာ သင်တန်းစာအုပ် ၁၅ဝ ပေးလှူခဲ့ပါတယ်.။ မူလတန်းကျောင်း လေးမှာလည်း ဘုရားကျောင်းဆောင် ဘီဒို နှစ်စုံလှူဒါန်းခဲ့ပြီး ဓမ္မစာကြည့်တိုက်အသေးလေး ဖွင့်လှစ်ပေးထား ခဲ့ပါတယ်..။ကျွန်မ ထိုင်းနိုင်ငံသို့ထွက်မလာခင်အထိပါ..။

ဒီနှစ်တော့ဖြင့် ဒီလို အခွင့်အရေးမျိုး မရှိတော့ပြီ လို့ တမ်းတလွမ်းဆွတ်နေခဲ့စဉ် မှာ…ထိုင်းနိုင်ငံရောက် ပညာသင်ရဟန်း တော်များ အဖွဲ့ (Myanmar Student Monk Organization, MSMO) မှ အတွင်းရေးမှူး အရှင်ပညာဇော တ(ပညာ ဇာနည်၊ မျိုးဇာနည် )နဲ့ ဆက်သွယ်မိပြီး ရဟန်းတော်များကို ၂.၇.၂၀၁၀နေ့က တစ်ရက်တော့ပညာဒါန ပြုခဲ့ပါပြီ..။

မကြာခင်မှာ ထိုင်းနိုင်ငံကိုကြွရောက်လာမဲ့ ကျေးဇူးတော်ရှင်ပိုင်းလော့ဆရာတော် ဘုရား ပင့်ဆောင်ရေး အတွက် လည်း စီစဉ်ဆောင်ရွက် ကာ ဓမ္မရေစင် များ တိုက်ကျွေးနိုင်ရေး ကြိုးပမ်းနေပါတယ်အဖေရေ..။ဒီကောင်း မှုတွေကို သာဓုခေါ်ပေးပါနော်..။

*ဘဝ ရဲ့ ရပ်တည်မှု အတွက် အဖေရဲ့မွေးရပ်မြေမှာ တာဝန်မကျေ လစ်လပ်နေခဲ့ လျှင်လည်း ကျရာနေရာမှာ သင်ကြားရေး တာဝန်များ ထမ်းဆောင်နေမယ်ဆိုတာ ကို ကျောင်းဆရာတစ်ဦး ဖြစ်တဲ့အဖေ ကျေနပ်နိုင်ပါစေကြောင်း ၊နားလည် နိုင်ပါစေကြောင်း ဦးတင်ကန်တော့တောင်းပန် အပ်ပါတယ်..။သမီးထွေး ပြုသမျှ ကုသိုလ်ဒါန အားလုံးကို ရောက်ရာဋ္ဌာန ဘုံဘဝက သာဓုခေါ် လိုက်ပါရန်လည်း ရိုသေစွာ ပန်ကြားပါရစေ ချစ်သော အဖေ..။ အမျှ အမျှ အမျှ ဝေပါတယ်..။

* ဤ စာစုဖြင့် ၇.၇.၂၀၀၈ နေ့ ည ၁၂နာရီ မှာ ကျွန်မရဲ့ လက်ပေါ်မှာတင် ဘဝတစ်ပါးသို့ပြောင်းသွားခဲ့ သောကျေးဇူးရှင်ဖခင်ကြီး အတွက် ကုသိုလ် ယူသာဓုခေါ်နိုင်ပါစေရန် ကျေးဇူးမှတ်တမ်း ပြုအပ်ပါတယ်။*

မေတ္တာဖြင့်-သစ္စာအလင်း