E-လွင်ပြင် မှ အကြင်နာ ပေါက်ပေါက်ပွင့်များ

အင်တာနက် ကဖေးများတွင် အင်တာနက် သုံးရလေတိုင်း မြန်မာ လူနေမှုဘဝရဲ့ပုံရိပ်များကို ကြားသိထိတွေ့ ခွင့်ရခဲ့ပါတယ်..။ နိုင်ငံခြား မှာ အလုပ်လုပ်နေတဲ့ သားသမီးများနဲ့ လာစကားပြောကြတဲ့ မိဘတွေ ၊ ခင်ပွန်းသည် နဲ့ တွေ့ တဲ့ဇနီးသည် ၊ အမျိုး ညီအစ်ကိုမောင်နှမ စသည်ဖြင့် ရင်တွင်းဖြစ် ဇာတ်လမ်းများကို မကြားချင် ဝင်လျှက်သား ဆိုသလို နားထဲရောက်ရောက် နေခဲ့ရတာကြာပါပြီ..။

ငွေဘယ်တော့လွှဲမှာလဲ သားလေးရယ်၊ သမီးလေးရယ် ဆိုတဲ့ အားငယ်စွာ တောင်းဆိုသံ လေးတွေကြားရရင် ကရုဏာ သက်မိ ပါတယ်။တစ်ခါ တစ်ခါ မှာလည်း ဝတ်ကောင်စားလှ၊ လက်ဝတ်လက်စားများစွာ နဲ့ တက်ကြွ ပျော်ရွှင်စွာ ငွေရကြောင်း ဘယ်လို လှူပြီးကြောင်းပြောနေတဲ့ အမေ တွေရဲ့ အသံ ကြားရလျှင်လည်းကျွန်မ က တစ်ဘက် မှ မမြင်ရတဲ့ ကလေး ကို ချီးကျူးသာဓုခေါ်မိပါယ်..။

အဲ ….ဒီနေ့ ဇာတ်လမ်းကတော့ ပွဲနည်းနည်းကြမ်း နေတာ မို့ တစ်ဆိုင်လုံး ကို လွှမ်းမိုး လို့နေပါတယ်..။ဖြစ်ပုံက နိုင်ငံခြားရောက်နေတဲ့ ခင်ပွန်းရဲ့ အီးမေးလ် ကို ဝင်စစ်ပြီး မသင်္ကာ ဘွယ်ရာ အကြင်နာပန်းပွင့်များ ကိုသဲ လွန်စ ရရှိရာ မှ တဆင့် ပေါက်ကွဲ သွားရှာ သူ ဇနီးသည် တစ်ဦး ဖြစ်ပါတယ်။ ဆူညံစွာ အော်ဟစ်ပြီး တစ်ဘက်က ခင်ပွန်းကို ကြိမ်းမောင်းချိမ်းခြောက် နေပေမဲ့ ကျွန်မက သူမ ရဲ့ ရင်ထဲကအပူ ကို နားလည်ပေး နေမိပါတယ်..။ ပေါက်ပေါက် ထပွင့်စေတဲ့အပူ ပေပဲလေ..။

(ခင်ပွန်း သေဆုံးလို့ ကျန်ရစ်သူ ဇနီးသည် နှင့် ခင်ပွန်းသည် ဒုတိယလူနောက်ပါသွားလို့ ကျန်ရစ်သူ ဇနီးသည် နှစ်ဦး လှဲလှောင်းနေစဉ် သူတို့ ရဲ့ ရင်ပတ်ပေါ်ကို ပေါက်ပေါက်လုပ်တဲ့ ပြောင်းဖူးစေ့ တင်ထားပါ တဲ့ ။ ချန်ထား ခံရတာချင်းအတူတူ ဘယ် ရင်ပတ်က ပေါက်ပေါက်ထပွင့် မှာလဲ တဲ့) ကဲ….. ကျွန်မ မဖြေ လည်း ဖြေနိုင်ကြမှာပါနော်…။

ပြတ်မယ် စဲမယ် နဲ့ ထပြန်သွားတဲ့ သူမ ကို မေတ္တာ ၊ ပို့လွှတ် ပေးလို့ မှ မဆုံးခင် သူမ တစ်ခေါက် ပြန်ရောက်လာပါတယ်..။ ရုပ်ဆင်းအင်္ဂါ ပြေပြစ်တင့်တယ် ပြီး ထက်မြက်ပုံ ရတဲ့သူမ ဟာ ဆိုင်ဝန်ထမ်း အမျိုးသမီး ကို စစ်ကူခေါ် ပြီး G-Talk Chat History နဲ့ VZO ကိုပါစစ်ဆေး ပါတော့တယ်..။ မြန်မာပြန်ရောက်တုံး သုံးသွားတဲ့ ဖုန်းမှာ Message တစ်ခု ရကတည်းက မသင်္ကာနေတာတဲ့။ တစ်ဘက်က ပုဂ္ဂိုလ် က နိုင်ငံခြား မသွားခင် Transparency ရှိရှိ Pass word များပေးသွားခဲ့ပုံလည်း ရပါတယ်..။ ဒီတစ်ခါ မျက်ရည်သုတ်သံ နဲ့ ငိုသံများ ကို ပါ နားသောတ ဆင်ရပါတော့တယ်…။ ထိုကဲ့သို့သော သဲလွန်စ မျိုးကို ရှာဖွေ ဖေါ်ထုတ်တဲ့နေရာ မှာ မိန်းမတွေ ဟာ စီအိုင်ဒီက ကြည်မာခင် လို တော်ကြပါတယ်..ဆိုတာ ကျွန်မသည်လည်း မိန်းမမို့ သိနေတာပေါ့နော်..။

နိုင်ငံခြား နေသူများ ဟာ စိတ် ခံစားမှု များစွာကို ထွက်ပေါက်မဲ့စွာ ရုန်းကန်ဖြတ်သန်းကြရတာ အများစုဖြစ်ပါတယ်။မိသားစု နဲ့ဝေးနေတာမို့ စိတ်ငယ်ချိန်၊ စိတ်နောက်ချိန်တွေ မှာ ထွက်ပေါက် ရှာ ဘို့ အင်တာနက် မှာအဖေါ်ရှာတတ်ကြပါတယ်..။ လူလွတ်များ အတွက်တော့ကောင်းပါတယ်။ ဖူးစာရှင် စစ်စစ် တွေ့ဘို့ ရုပ်မမြင်ရပေမဲ့ နှလုံးသား ကို တိုက်ရိုက်ထိတွေ့ ခံစားနိုင်တာကိုး။ ပြဿနာ က တော့ လူမလွတ်များ ရဲ့ အကြင်နာ ပန်းပွင့်များ Electronic လွင်ပြင်မှာ ဖူးပွင့်လာလေ့ရှိတာ ပါပဲ။ သားသမီး တွေရှိခဲ့ရင် သူတို့ ရဲ့ နုနယ်တဲ့နှလုံးသားအပြင် အနာဂတ်ဘဝကိုပါ လောင်ကျွမ်းစေမဲ့ အဆိပ်တွေဟာ ဒီပန်းတွေမှာ ပါနေတာမို့ပါ..။

အငွေ့စားသလို မို့ အပြစ်ကင်းတယ်လည်း ထင်တတ်ကြပါတယ်။ကိုယ့်ကိုကို ငါထင်တဲ့ အထင် (သက္ကာယဒိဋ္ဌိ) က တစ်သံသရာလုံး စွဲကပ်ထူ ပြိန်း နေတဲ့ အပြင် အကြင်နာ ပန်းပွင့် အရိပ်များပါ ရောနှော အကောင်ထင်၊ဇာတ်လမ်းဆင် ၊စိတ်ကူးယဉ် ရတာမို့ ဒိဋ္ဌိပြုတ်လမ်းစဉ် နဲ့ တော့ဝေး နေပြီး -သက္ကာယဒိဋ္ဌိ- ကကြီးထွား နေမှာ အမှန်ပါပဲ။

ကျွန်မ တို့ တက္ကသိုလ်တက်စဉ် ကာလက အဆောင်မှာ အော် ဆိုဖူးတဲ့ စိုင်းထီးဆိုင် ရဲ့ မေမြို့မိုး သီချင်း ကို သတိရမိပါတယ်.. ကိုယ်က Subject နေရာမှာဆို ဟုတ်သလိုလိုနဲ့ (အကြင်နာ ဆိုတာ ဒီတစ်ယောက်နဲ့ ပဲပြီးသင့်သလား ) တဲ့..။Object နေရာရောက်ပြီး ခံရပြီဆို ပေါက်ပေါက်ထပွင့်ကြတော့ တာ အသေအချာပေ့ါ..။

အကြင်နာဆိုတာ ဒီတစ်ယောက်နဲ့ မပြီးသင့်ဘူးဆို ရင် မြတ်ဗုဒ္ဓ သည် ငါးပါးသီလတွင် ကာမေသု မိစ္ဆာ စာရာ ဝေရာမဏိ လို့ ဆိုမိန့်ခဲ့မှာ မဟုတ်ပါဘူးနော်။ အနုဿတိ ၁၀-ပါး ထဲမှ သီလာနုဿတိ နဲ့ ပူဇော်လို ကြတယ် ဆိုရင် ကျွန်မတို့ မေထုံငယ် ခုနှစ်ပါး ကို သိထားဘို့လိုပါလိမ့် မယ်..။

ကျေးဇူးတော်ရှင်မြတ်စွာ ဘုရားရှင်ကိုပူဇော် တဲ့နေရာမှာ အာမိသ ပူဇာထက် ဓမ္မပူဇာ ကပိုမြင့်မြတ်ပါတယ်..။ ကျွန်မ တို့ဆောက်တည် ထားတဲ့ သီလဟာ မကျိုးမပေါက်၊ မပြောက်မကြားပါ မှ သီလာနုဿတိ နဲ့ ပူဇော်နိုင်ပါမယ်.။

(ပျောက်ခြင်း ကွက်ခြင်း မရှိသောကြောင့် ကောင်းလေစွ ။မေထုန်ငယ် ခုနှစ်ပါး တို့သည်လည်းကောင်း၊အမျက်ထွက်ခြင်း၊ ရန်ညှိုးဖွဲ့ခြင်း စသော ယုတ်မာသောတရား တို့ သည်လည်း မနှိပ်စက် အပ်သောကြောင့် ကျိုးပြတ်ခြင်းမရှိ၊ ပေါက်ထွင်းခြင်း မရှိ၊ ကြောင်ကြားခြင်းမရှိ၊ ပြောက်ကွက်ခြင်းမရှိသော ငါ၏ သီလ တို့သည် ကောင်းလေစွတကား။) လို့ ဆင်ခြင် ပူဇော်ရပါမယ်။

မေထုန်ငယ်ဆိုတာတော့ ရှဉ်းစုံ မကပ်သော်လည်း၊ (ပွတ်သပ်သာယာခြင်း၊ ရယ်မြူးသာယာခြင်း၊ကြည့်ရှု သာယာ ခြင်း၊ အသံနားထောင်သာယာခြင်း၊ ရှေးကရယ်မောပြောဆိုဘူးသည်ကို ပြန်သာယာခြင်း၊ သူတကာ စုံတွဲကို မြင် ၍ အားကျသာယာခြင်း၊ နတ်ဗြဟ္မာ စည်းစိမ် ဆုတောင်းခြင်း)..စသည်ဖြင့် ခုနှစ်ပါးဖြစ်ပါတယ်။ သီလ ညစ်နွမ်း စေ ပါတယ် ဝဋ်ဆင်းရဲမှ မလွတ်စေနိုင်ပါဘူး။

မှတ်မိအောင် လင်္ကာလေးနဲ့ မှတ်မယ်ဆိုရင်တော့

ရှဉ်းစုံမကပ်၊ ပွတ်သပ်မကျူး၊
ရယ်မြူး မရှိ၊ မျက်စိမဆုံ၊
သံမျိုးစုံပစ်၊ ရှေးဖြစ်မကြံ၊
မောင်နှံငုံ့ရှောင်၊ နတ်ဘောင်မရွယ် ၊
ဤ ရှစ်သွယ်၊ လွတ်ဘွယ်မေထုန် တည်း။

သီလ ညစ်နွမ်းစေပါတယ် ဝဋ်ဆင်းရဲမှ မလွတ်စေနိုင်တာ ကိုသိရှိ ဆင်ခြင်နိုင် ကြစေလိုပါတယ်။ ပါဝင် ပတ်သက်လာမဲ့ မိန်းမငယ်လေးများကို သိရှိသင်္ခန်းစာယူ နိုင်ကြဘုိ့ ထိပ်စုဘုရားကြီးကတော့ (ဒေါင်းယာဉ်ပျံ ဘုံနဘေးမှာ ၊ စာရေးလို့ ထားခဲ့ချင်တယ်) လို့ ဖွဲ့နွဲ့ရေးသားခဲ့ပါတယ်။

ကျွန်မ သည်လည်း သည်စာစုလေး ကို Electronic Media လွင်ပြင်မှာ စိုက်ပျိုးထားခဲ့ရင်း အမျိုးသမီး ဓမ္မဘလော့ဂါတစ်ဦး ရဲ့ တာဝန်ကျေပြွန် ပါရစေရှင့်..။

ပေါက်ပေါက်ပွင့် များ ရပ်စဲပါစေသတည်း။

မေတ္တာဖြင့်
သစ္စာအလင်း

စွန့်ဖို့လား၊ စားဖို့လား

http://www.news-eleven.com/ တွင်ဖေါ် ပြထားသည့် အရှင်သံဝရာလင်္ကာရ (ဓမ္မပိယဆရာတော်) ရဲ့ ဆောင်းပါးကို ထပ်ဆင့်ဖေါ်ပြလိုက်ပါတယ်။

မြန်မာတို့သည် အလှူရေစက် လက်နှင့်မကွာ ဟူသကဲ့သို့ သူ့ရာသီနှင့်သူ ၀ါဆိုလည်း ၀ါဆိုမို့၊ ကထိန်လည်းကထိန်မို့ လှူကြတန်းကြသည်။ သားရှင်ပြုပွဲ၊ ဒုလ္လဘရဟန်းခံပွဲစ သည်ဖြင့်လည်း အလှူအတန်းပြုကြသည်။ 'ဒါနံ နာမ ပရိစ္စာဂ လက္ခဏံ' ဟုဆိုသည့်အတိုင်း အလှူဒါနဟူသည် စွန့်ခြင်းပင်ဖြစ်သည်။

အလှူဒါနပြုရာ သက်ဆိုင်ရာ ကျောင်းတိုက်များသို့ လူနှစ်မျိုးလာသည်ကို တွေ့ရသည်။ တစ်မျိုးက စွန့်ဖို့လာသူများဖြစ်သည်။ တစ်မျိုးက စားဖို့လာသူများ ဖြစ်သည်။အလှူရှင်များက စွန့်ဖို့လာကြသည်။ ဖိတ်ကြားထားသည့် ဧည့်သည်များက စား ဖို့လာကြသည်။ သို့သော် စွန့်သူနှင့်စားသူ နှစ်ဦးနှစ်ဝ ကြည်ကြည်ဖြူဖြူ ရှိသဖြင့် စားသူ၌ မည်သည့်ပြောဆိုဖွယ်ရာမျှမရှိပေ။ စားသူသည် စားစေချင်လို့ လာစားခြင်းဖြစ်သည်။

စွန့်စားဟူသော မြန်မာဝေါဟာရ၌ စွန့်သာစွန့်၍ မစားသူများရှိသည်။ မစွန့်ဘဲနှင့်စားသူများလည်း ရှိသည်။ စွန့်လည်းစွန့်၊ စားလည်းစားသူများလည်း ရှိသည်။ မစွန့်လည်းမစွန့်၊ မစားလည်းမစားသူများလည်း ရှိသည်။ စွန့်တာက နည်းနည်း စားတာက များများ ဆိုသူများလည်း ရှိနိုင်သည်။ စွန့်သာစွန့်၍ မစားသူများသည် အာဇာနည်ပုဂ္ဂိုလ်များ ဖြစ်ကြသည်။ မစွန့်ဘဲနှင့်စားသူများသည် အတ္တသမားများ ဖြစ်ကြသည်။ စွန့်လည်းစွန့်၊ စားလည်းစားသူများသည် သာမန်လူကောင်းသူ ကောင်းများ ဖြစ်ကြသည်။ မစွန့်လည်းမစွန့်၊ မစားလည်းမစားသူများသည် သာမန် အညတရလူများ ဖြစ်ကြသည်။ သူတို့သည် မစွန့်သော်ငြား မစားသည့်အတွက် မည်သည့် ပြဿနာမျှမရှိ။

မဟာပုရိသ-ယောက်ျားမြတ်၊ ပုရိသာဇည-ယောက်ျားအာဇာနည်ဟူသော ပုဂ္ဂိုလ်များ ရှိကြသည်။ ယောက်ျားမြတ်၊ ယောက်ျားအာဇာနည်တို့၏ အလုပ်သည် စားဖို့မဟုတ်၊ စွန့်ဖို့သာဖြစ်သည်။ ယောက်ျားမြတ်တို့၏ သဘော၌စားဖို့မရှိ၊ စွန့်ဖို့သာရှိသည်။ ယောက်ျားအာဇာနည်တို့၏ နှလုံးသား၌ စားဖို့မရှိ၊ စွန့်ဖို့သာရှိသည်။

ယောက်ျားအာဇာနည်သည် ဒုလ္လဘတစ်ပါး ဖြစ်သည်။ အာဇာနည်ယောက်ျားမြတ်သည် အခါခပ်သိမ်း၊ နေရာခပ်သိမ်း ဖြစ်ပေါ်နိုင်သည်မဟုတ်၊ ကာလဒေသ အကန့်အသတ်ရှိသည်။ အကြင်အခါ၊ အကြင်အရပ်၌ ယောက်ျားအာဇာနည် တစ်ယောက် ပေါ်ပေါက်လာသည်ရှိသော် ထိုအခါ ထိုဒေသသည် ချမ်းသာခြင်းသို့ ရောက်တော့၏။ ဓမ္မပဒ၌ ဘုရားဤသို့ဟောခဲ့သည်။

စွန့်သာစွန့်၍ မစားသူများသည် အာဇာနည်ပုဂ္ဂိုလ်များ ဖြစ်ကြသည်။ မစွန့်ဘဲနှင့် စားသူများသည် အတ္တသမားများ ဖြစ်ကြသည်။ စွန့်လည်းစွန့်၊ စားလည်းစားသူများသည် သာမန် လူကောင်း သူကောင်းများ ဖြစ်ကြသည်။

အာဇာနည်ဟူသည်မှာ ရတောင့်ရခဲ ဒုလ္လဘတစ်ပါး ဖြစ်သည်။ အကြောင်းကား လောက၌ မစွန့်ဘဲနှင့် စားချင်သူ၊ စွန့်လည်းစွန့်၊ စားလည်းစား ဆိုသူက များနေသောကြောင့်ပင်။ လောက၌ သာသနာ့အာဇာနည်၊ ဘာအာဇာနည်၊ ညာအာဇာနည် စ သည်ဖြင့် လွယ်လွယ်လေး အမွှမ်းတင်နေကြသည်။ အာဇာနည်ဟူသည် စွန့်နိုင်သူမှ ဖြစ်သည်။ ဂုဏ်ကိုလည်း စွန့်နိုင်ရမည်။ လာဘ်ကိုလည်း စွန့်နိုင်ရမည်။ ပကာသန-ထင်ပေါ်ကျော်ကြားမှုကိုလည်း စွန့်နိုင်ရမည်။ ထိုသုံးမျိုးကို မုတ္တစာဂ-လွတ်လွတ် စွန့်နိုင်မှ အာဇာနည်ဖြစ်သည်။

အာဇာနည်ဟူသည် အာဇနီယ၊ အာဇာနေယျဟူသော ပါဠိကနေ ဆင်းသက်လာသည်။ အာဇာနည်ကို မြန်မာအဘိဓာန်က ဖွင့်ရာတွင် 'အကြောင်းဟုတ်သည်၊ မဟုတ်သည်ကို ကောင်းစွာသိသူ၊ သာမန်ထက် လက်ရုံးရည်၊ နှလုံးရည် ထူးကဲသာလွန်၍ အများအတွက် သက်စွန့်ကြိုးပမ်း ဆောင်ရွက်သူ'ဟု ဖွင့်သည်။

ဘုရားဟော ပါဠိတော်အရ အာဇာနည်ပုဂ္ဂိုလ်ဟူသည် ကိုယ်ကျင့်သီလ ပြည့်စုံရမည်။ စာရိတ္တမဏ္ဍိုင် ကျောက်စာတိုင်ကဲ့သို့ မြဲခိုင်ရမည်။ ဘက်လိုက်မှုကင်း၍ တရားမျှတရမည်။ အဂတိတရားများ ကင်းရှင်းရမည်။ လောဘစွန်း၊ ဒေါသစွန်းများ မထွက်စေရ၊ ကိုယ်ကျိုးစွန့်နိုင်ရမည်။ အများအတွက်ဆိုလျှင် အသက်ကိုပင် စွန့်နိုင်ရမည်။

ဝီရိယကောင်းရမည်။ ဇွဲကောင်းရမည်။ ဦးတည်ချက်ပန်းတိုင် ပြတ်သားရမည်။ ဦးတည်ချက်ပန်းတိုင်သို့ မရောက်မချင်း မရပ်မနေ ပြင်းပြင်းထန်ထန် ကြိုးစားဆောင်ရွက်ရမည်။ အတတ်ပညာ၊ အသိပညာ၊ ဗဟုသုတ ပြည့်စုံရမည်။ မိမိနှင့်အတူ မိမိနှင့်သက်ဆိုင်သူအားလုံးအတွက် စားဝတ်နေရေး၊ ကျန်းမာရေးအတွက် ဖူလုံပြည့်စုံအောင် ဖန်တီးဆောင်ရွက်ပေးနိုင်ရမည်။

အာဇာနည်၏ အဓိပ္ပာယ်မှာ မည်သည့်ကိစ္စမဆို ရွပ်ရွပ်ချွံချွံ လုပ်ကိုင်ဆောင်ရွက်နိုင်သော ဇွဲသတ္တိရှိသူပင် ဖြစ်သည်။ ဘားနပ်ရှောက ''ပါရမီရှင်ဆိုသည်မှာ သူတကာထက်ပို၍ ခံနိုင်ရည်သတ္တိ ရှိသူပင်ဖြစ်သည်။ သူတကာက လမ်းခုလတ်တွင် အား လျော့သွားသည့် အလုပ်ကို ပြီးစီးအောင် လုပ်နိုင်သော ဇွဲသတ္တိရှိသူပင်တည်း'' ဟုဆိုခဲ့သည်။

'အာဇာနည်စိတ်'ဟု ခေါ်ထိုက်သည့် စိတ်မျိုးကား အဘယ်နည်း။ ကြီးကျယ်လှသော စိတ်မျိုးမဟုတ်ပါ။ ခိုင်မြဲသော စိတ်မျှသာဖြစ်ပါသည်။ ဇွဲသတ္တိသည် ခိုင်မြဲသော စိတ်ဓာတ်၊ ခိုင်မြဲသော စိတ်ဓာတ်သည် အာဇာနည်စိတ် ဖြစ်သည်။ ထို စိတ်ဓာတ်အ တွက် အရေးကြီးဆုံးအချက်က ရည်ရွယ်ချက်ပင်ဖြစ်သည်။ အာဇာနည်စိတ်ရှိသူသည် မိမိဘာကိုလို၍ ဘာကိုလုပ်ရမည်ကို သိသည်။ ရည်ရွယ်ချက် တိတိကျကျ ရှိသူဖြစ်သည်။ မိမိဘယ်စခန်းသို့ ရောက်အောင်သွားမည်ဟု စိတ်ပိုင်းဖြတ်ပြီးသူ ဖြစ်သည်။

ကျွန်ုပ်တို့ အားလုံး၌ စိတ်ဓာတ်အင်အားရှိသည်။ အာဇာနည်စိတ်ရှိသည်။ ထိုစိတ်ဓာတ်အင်အားမှာ စည်းရုံးခြင်း မရှိသေးသဖြင့် အင်အားနှင့်မတူအောင် ပျော့ညံ့ညံ့ဖြစ်နေလေ့ ရှိသည်။ အင်အားစည်းရုံးမှုရှိမှ ခိုင်မာသန်စွမ်းလာပေမည်။ ရည်ရွယ်ချက် ပြတ်ပြတ်သားသားရှိခြင်းသည် အင်အားစည်းရုံးမှုကို ဖြစ်စေသည်။ တစ်ခုခုကို မရမကလိုချင်နေလျှင် ရရမည် ဧကန်ပင်။ မရမက လိုချင် စိတ်(၀ါ)ပြင်းပြသော အာသာဆန္ဒ(၀ါ) ပြတ်သားသောရည်ရွယ်ချက် ရှိဖို့လိုပေသည်။ ရည်ရွယ်ချက် ကောင်းကောင်းရှာပါ။ ရည်ရွယ်ချက် ကောင်းသလောက် အာဇာနည်စိတ်ဓာတ် အဆင့်အတန်းမြင့်လာမည်။ အာဇာနည်စိတ် ဖွံ့ဖြိုးသလောက် အဆင့်အ တန်းမြင့်မည်။

အာဇာနည်စိတ် ထွန်းကားရေးတွင် မိမိကိုယ်ကိုယ်ယုံကြည်မှုသည် အရေးကြီးသည်။ အာဇာနည်စိတ်၏ ရေသောက်မြစ်မှာ ထူးခြားသော ရည်ရွယ်ချက်နှင့် ကိုယ့်ကိုယ်ကိုယ်ယုံကြည်လေးစားမှု၌ တည်ရှိသည်။ ရည်ရွယ်ချက်နှင့်အတူ မိမိကိုယ်ကို အသုံးဝင်သူဟု ထင်မြင်မှုသာ စွဲစွဲမြဲမြဲရှိပါမူ အာဇာနည်စိတ် ပေါ်ထွန်းလာပေမည်။

ရင့်သန်သော ပါရမီဆိုသည်မှာ အခြားမဟုတ်။ ခိုင်မာသောဇွဲ၏ အမည်ဝေါဟာရတစ်မျိုးပင် ဖြစ်သည်။ အောင်မြင်ရန် နည်းလမ်းမှာလည်း ယင်းဇွဲပင်ဖြစ်သည်။ အာဇာနည်စိတ် မွေးမြူရာ၌လည်း တည်ကြည်သော စိတ်ဖြင့် အလုပ်ကိုသာ စွဲစွဲမြဲမြဲလုပ်၍ ကျင့်ရပေသည်။ ပါရမီရင့်သန်သူတို့၏ တည်ကြည်ခိုင်မာသောစိတ်ကို မည်သည့်ကံ၊ မည်သည့်ကြမ္မာ၊ မည်သည့်ကုသိုလ်အကုသိုလ်မျှ တားဆီးခြင်းငှာ မစွမ်းနိုင်။

အာဇာနည်စိတ်သည် ကိုယ်ကျင့်တရား၏ အင်အားမျှသာ ဖြစ်ပေသည်။ ထက်မြက်သော စိတ်၏တန်ခိုးနှင့် ရင့်သန်သော ပင်ကိုဉာဏ်တို့မှာ တန်ခိုးကြီးသူတို့၏ အသက်သွေးခဲပင် ဖြစ်ပေသည်။ စိတ်၏တန်ခိုးကို မှန်းဆ၍ မရနိုင်။ လွန်စွာကြီးမားလှ၏။ လောကကြီးတွင် စိတ်တည်ကြည်ထက်သန်သော သူတို့အဖို့ မဖြစ်နိုင်သောအရာဟူ၍ မရှိသလောက် ရှားပါးလှ၏။

အာဇာနည်၏ အမှတ်လက္ခဏာ များစွာထဲတွင် အခြေခံအကျဆုံး အချက်ကတော့ စွန့်နိုင်ခြင်းပင်ဖြစ်သည်။ အာဇာနည်ပုဂ္ဂိုလ်တိုင်းသည် အများတွယ်တာမက်မောသော အရာအားလုံးကို စွန့်နိုင်ကြသူချည်းပင် ဖြစ်သည်။

လောကကြီးသည် ပထမတန်းစားဉာဏ်ရည်ကို မလိုလှချေ။ ပထမတန်းစား 'ဇွဲ' ကိုသာ လိုပေသည်။ အာဇာနည်ဆိုသည်မှာ မည်သည့် အခက်အခဲများနှင့် တွေ့ကြုံနေသော်လည်း သံမဏိကဲ့သို့ ခိုင်မာတည်ကြည်သော စိတ်ထားနှင့် တွေ့ကြုံရသမျှ အ ခက်အခဲများကို ဂရုမပြုဘဲ အတင်းနှိမ်နင်းပစ်လိုက်ပြီးလျှင် မိမိလုပ်ရင်းအလုပ်ကို ပြီးမြောက်အောင်မြင်နိုင်သူကိုသာ ဆိုလိုသည်။ (အာဇာနည်စိတ်၊ တက်တိုး)

အာဇာနည်၏ အမှတ်လက္ခဏာများစွာထဲတွင် အခြေခံအကျဆုံးအချက်ကတော့ စွန့်နိုင်ခြင်းပင်ဖြစ်သည်။ အာဇာနည်ပုဂ္ဂိုလ်တိုင်းသည် အများတွယ်တာမက်မောသော အရာအားလုံးကို စွန့်နိုင်ကြသူချည်းပင်ဖြစ်သည်။ ဘုရားအလောင်းတော်သည် သူယောက်ျားမြတ် ဖြစ်ကြောင်း၊ ယောက်ျားအာဇာနည်ဖြစ်ကြောင်းကို ဥစ္စာ၊ ကိုယ်အင်္ဂါ၊ သားသမီး၊ ဇနီး၊ အသက်ဟူသော စွန့်ခြင်းကြီးငါးပါးကို စွန့်ပြ၍ သက်သေသာဓက ထူခဲ့သည်။

စွန့်စားဟူသည့်အတိုင်း လောက၌ စွန့်သူတို့သာ စားကြရသည်မှာ ဓမ္မတာ ဖြစ်သည်။ စွန့်လည်းစွန့်၊ စားလည်းစားဆိုသည်မှာ သဘာဝကျပါသည်။ တရားမျှတပါသည်။ ပြဿနာက မစွန့်ဘဲနှင့် စားခြင်းကြောင့် ပြဿနာအထွေထွေ ပွေရခြင်း ဖြစ်သည်။ အာဇာနည်ပုဂ္ဂိုလ်တို့ကတော့ စားလိုစိတ်မရှိဘဲ စွန့်လိုစိတ်သာ ရှိကြသည်။ မိမိတို့ အသီးသီး ဆိုင်ရာဆိုင်ရာအလုပ်တွေကို လုပ်နေကြသည်။ လုပ်ဖို့ ဟန်ပြင်နေကြသည်။ 'စွန့်လိုစိတ်နှင့်လား၊ စားလိုစိတ်နှင့်လား၊ စွန့်ဖို့လား၊ စားဖို့လား' ဆိုတာကတော့ မိမိကိုယ်ကို ပြန်မေးရလိမ့်မည်။ စွန့်ဖို့ဆိုလျှင် ပရဟိတဖြစ်သည်။ စားဖို့ဆိုလျှင် အတ္တဟိတ ဖြစ်သည်။ နိရောဓသစ္စာကို 'စာဂေါ- စွန့်ခြင်း၊ ပဋိနိဿဂ္ဂေါ-လွတ်လွတ်ကျွတ်ကျွတ်စွန့်ခြင်း' ဟု ဖွင့်သည်။ စွန့်ခြင်းသည် ဒုက္ခခပ်သိမ်း ချုပ်ငြိမ်း ရာ နိရောဓသစ္စာ ဖြစ်သည်။ စားခြင်းသည် ကာမသုခလ္လိကာနုယောဂ အကျင့်ဖြစ်၍ အစွန်းတစ်ဖက်ထွက်သည်။ အလှူပွဲလာသူ သို့မဟုတ် ကျားချသူ၏ အတွေးမျိုးနှင့်တော့ အများအကျိုးသယ်ပိုးလို့ မဖြစ်ပြီ။

မှတ်ချက်။ အာဇာနည် ဆိုလျှင် အဆိုတော် Rဇာနည် လားလို့ မေး နိုင်တဲ့ မီးမီး တို့ အရွယ် မျိုးဆက်သစ်များအတွက် ဖတ်ရှုနိုင်ကြပါစေရန် အထူးအလည် ရည် ညွှန်းလိုပါတယ်။

ကမ်းမရှိတဲ့...သတိ

အမရေ...

ဘာလိုလိုနှင့် အသက်ဆိုတာကြီးက တစ်နှစ်ထပ်ကြီးသွားပြန်ပြီနော်။ ဒီလိုနှင့်ဘဲ ကျွန်တော်တို့ အားလုံး သေဖို့ ရက်တွေ တစ်စတစ်စနီးနီးလာနေရတယ်။

အမလည်း အမအတတ်နိုင်ဆုံးစွမ်းအားတွေနှင့် ဓမ္မကိုကျင့်သုံးရင်း ဘ၀ကို ဖြတ်သန်းဖို့ ကြိုးစားနေတယ်ဆိုတာ ကျွန်တော်သိပါတယ်။ ဘ၀မှာ တွေ့ ကြုံရသမျှ အကောင်းအဆိုးအရာတွေအားလုံးကို မျှတတဲ့နှလုံးသွင်းမှုနှင့် ခံယူလက်ခံတတ်ဖို့ ကြိုးစားနေသူတစ်ဦးအတွက် တခါတလေအဆင်ပြေမှုတွေရှိသလို တခါတလေလည်း ဖြစ်သန်းရတဲ့အချိန်တွေက ခါးသီးနေတတ်တယ်ဆိုတာ ကျွန်တော်ကိုယ်ချင်းစာလို့ ရပါတယ်။

ကြိုးစားအားတင်းထားရမှုကြောင့် စိတ်တွေပင်ပန်းနွမ်းနယ်နေတဲ့အချိန်တွေမှာ ကျွန်တော်တို့ ကို အားသစ်ပြန်လောင်းပေးနိုင်တာကတော့ မြတ်စွာဘုရားရှင်ရဲ့ အဆုံးအမတရားတွေပဲ မဟုတ်လား အမရေ။ ပိဋကတ်စာပေတွေကို တိုက်ရိုက်ဖတ်ဖြစ်လို့ ပဲဖြစ်ဖြစ်၊ ဆရာတော်အရှင်မြတ်များရဲ့ ဟောကြားထား ရေးသားထားတဲ့ တရားတော်တွေကို နာယူရ ဖတ်ရှုမှတ်သားလိုက်ရလို့ ပဲဖြစ်ဖြစ် အဲဒီအချိန်တွေမှာ ကျွန်တော်တို့ စိတ်ထဲ အသင့်အတင့်နှလုံးသွင်းနိုင်ခြင်းဆိုတဲ့အရာတစ်ခု ပြန်လည်ဝင်ရောက်လာပြီး ပင်ပန်းသမျှပြေပျောက်လို့  အားသစ်မွေးနိုင်ခဲ့ရတယ် မဟုတ်လား အမ။

ဒီနှစ် အမမွေးနေ့ အတွက် အမှတ်တရအဖြစ် မြတ်စွာဘုရားရှင်ရဲ့  တရားတော်တွေထဲက ကောင်းနိုးရာရာလေးတွေ လိုက်ရှာပြီး အမအတွက် လက်ဆောင်ပေးလိုက်ပါတယ်။ အမသိပြီးသား၊ ကျင့်သုံးနေပြီးသားတွေ ဖြစ်ဖို့ များမယ်ဆိုတာ သိထားပေမယ့်လို့  တရားဆိုတာမျိုးက သိပြီးသား ထပ်သိရလို့  ရိုးသွား အီသွားတယ်ဆိုတာမျိုးက မရှိဘူးမဟုတ်လားနော်။ နောက်ပြီး တရားတော်ကို ပါဠိတော်ကနေ တိုက်ရိုက်မြန်မာပြန်တွေ ဖတ်ရတဲ့အရသာကလည်း တစ်မျိုးလေး အမရဲ့ ။ မြတ်စွာဘုရားရှင်ကိုယ်တော်မြတ်ကြီးက ဒီလိုမျိုးလေး နှုတ်တော်ကနေ ပြောခဲ့ပါလားလို့  တွေးကြည့်လိုက်ရင် ကြည်နူးစိတ်နှင့် ကြည်ညိုသဒ္ဓါတရားတွေ တိုးပွားရတယ်လေ။ အမက ကဗျာလည်း ချစ်တတ်တဲ့သူဆိုတော့ ကဗျာလေးတွေလို ထိထိမိမိနှင့် အနှစ်သာရအပြည့်ရှိတဲ့ ဓမ္မပဒထဲက တရားစာပိုဒ်လေးတွေကို ကျွန်တော်ရွေးထားတယ် အမ။

၂၉၆။

သုပ္ပဗုဒ္ဓံ ပဗုဇ္ဈန္တိ၊ သဒါ ဂေါတမသာဝကာ။
ယေသံ ဒိဝါ စ ရတ္တော စ၊ နိစ္စံ ဗုဒ္ဓဂတာ သတိ။

၂၉၆။
နေ့ရောညဥ့်ပါ အမြဲမပြတ် ဘုရားဂုဏ်ကို အာရုံပြု၍ဖြစ်သော
သတိရှိသူ ဂေါတမ မြတ်စွာဘုရား၏ တပည့်တို့ သည်
အခါခပ်သိမ်း ကောင်းစွာနိုးကြားသောအားဖြင့် နိုးကြားရကုန်၏။


296.
The disciples of Gotama are always wide awake and watchful,
and their thoughts day and night are set on Buddha's virtues.

၂၉၇။
သုပ္ပဗုဒ္ဓံ ပဗုဇ္ဈန္တိ၊ သဒါ ဂေါတမသာဝကာ။
ယေသံ ဒိဝါ စ ရတ္တော စ၊ နိစ္စံ ဓမ္မဂတာ သတိ။

၂၉၇။
နေ့ရောညဥ့်ပါ အမြဲမပြတ် တရားဂုဏ်ကို အာရုံပြု၍ဖြစ်သော
သတိရှိသူ ဂေါတမ မြတ်စွာဘုရား၏ တပည့် တို့သည်
အခါခပ်သိမ်း ကောင်းစွာနိုးကြားသောအားဖြင့် နိုးကြားရကုန်၏။


297.
The disciples of Gotama are always wide awake
and watchful, and their thoughts day and night are set
on the virtues of his Teaching, Dhamma.

၂၉၈။
သုပ္ပဗုဒ္ဓံ ပဗုဇ္ဈန္တိ၊ သဒါ ဂေါတမသာဝကာ။
ယေသံ ဒိဝါ စ ရတ္တော စ၊ နိစ္စံ သံဃဂတာ သတိ။

၂၉၈။
နေ့ရောညဥ့်ပါ အမြဲမပြတ် သံဃာဂုဏ်ကို အာရုံပြု၍ဖြစ်သော
သတိရှိသူ ဂေါတမ မြတ်စွာဘုရား၏ တပည့် တို့သည်
အခါခပ်သိမ်း ကောင်းစွာနိုးကြားသောအားဖြင့် နိုးကြားရကုန်၏။

298.
The disciples of Gotama are always wide awake and watchful,
and their thoughts day and night are set
on the virtues of his Community, Sangha.

၂၉၉။
သုပ္ပဗုဒ္ဓံ ပဗုဇ္ဈန္တိ၊ သဒါ ဂေါတမသာဝကာ။
ယေသံ ဒိဝါ စ ရတ္တော စ၊ နိစ္စံ ကာယဂတာ သတိ။

၂၉၉။
နေ့ရောညဥ့်ပါ အမြဲမပြတ် သုံးဆယ့်နှစ်ကောဋ္ဌာသကို အာရုံပြု၍ဖြစ်သော
သတိရှိသူ ဂေါတမမြတ်စွာဘုရား၏ တပည့်တို့သည်
အခါခပ်သိမ်း ကောင်းစွာနိုးကြားသောအားဖြင့် နိုးကြားရကုန်၏။

299.
The disciples of Gotama are always wide awake and watchful,
and their thoughts day and night are set on fleeting nature of the body.

၃၀၀။
သုပ္ပဗုဒ္ဓံ ပဗုဇ္ဈန္တိ၊ သဒါ ဂေါတမသာဝကာ။
ယေသံ ဒိဝါ စ ရတ္တော စ၊ အဟိံသာယ ရတော မနော။

၃၀၀။
နေ့ရောညဥ့်ပါ မညှဉ်းဆဲမှု ကရုဏာဘာဝနာ၌ မွေ့လျော်စိတ်ရှိသူ
ဂေါတမမြတ်စွာဘုရား၏ တပည့်တို့သည် အခါ ခပ်သိမ်း
ကောင်းစွာနိုးကြားသောအားဖြင့် နိုးကြားရကုန်၏။

300.
The disciples of Gotama are always wide awake and watchful,
and their mind day and night delights in compassion.

၃၀၁။
သုပ္ပဗုဒ္ဓံ ပဗုဇ္ဈန္တိ၊ သဒါ ဂေါတမသာဝကာ။
ယေသံ ဒိဝါ စ ရတ္တော စ၊ ဘာဝနာယ ရတော မနော။

၃၀၁။
နေ့ရောညဥ့်ပါ မေတ္တာဘာဝနာ၌ မွေ့လျော်စိတ်ရှိသူ
ဂေါတမမြတ်စွာဘုရား၏ တပည့်တို့သည်
အခါခပ်သိမ်း ကောင်းစွာနိုးကြားသောအားဖြင့် နိုးကြားရကုန်၏။


301.
The disciples of Gotama are always wide awake
and watchful, and their mind day and night delights
in the practice of loving kindness meditation.

နောက်ထပ် ကျွန်တော် တအားသဘောကျနှစ်သက်တဲ့ ဓမ္မပဒထဲက တရားပိုဒ်လေးတစ်ခုလည်း ရှိသေးတယ် အမရေ။ အဲဒီ တရားပိုဒ်လေးကို ဖတ်ဖြစ်တိုင်း မမြင်ရတဲ့ အဖြေတစ်ခုခု ဒီစာသားတွေရဲ့ နောက်ကွယ်မှာ ပါနေသလိုပဲ ကျွန်တော်တော့ အမြဲခံစားရတယ်။ မြတ်စွာဘုရားရှင်ကိုယ်တော်မြတ်ကြီး ကျွန်တော်တို့ အတွက် ချန်ထားတော်မူခဲ့တဲ့ ပဟေဠိတစ်ခုပေါ့။ အဲဒါတရားစာပိုဒ်လေးက အမ သိမှာပါ။

၂၁။

အပ္ပမာဒေါ အမတံပဒံ၊ ပမာဒေါ မစ္စုနော ပဒံ။ အပ္ပမတ္တာ န မီယန္တိ၊ ယေ ပမတ္တာ ယထာ မတာ။

၂၁။

မမေ့မလျော့ခြင်းသည် နိဗ္ဗာန်၏အကြောင်းတည်း၊ မေ့လျော့ခြင်းသည် သေခြင်း၏အကြောင်းတည်း၊ မမေ့မလျော့သောသူတို့သည် သေသည်မမည်ကုန်၊ မေ့လျော့သောသူတို့သည် သေသည် မည်ကုန်၏။

21
Heedfulness is the path to the Deathless
Heedlessness is the path to death.
The heedful die not.
The heedless are as if dead already.

ကျွန်တော်တို့  အမတို့ တွေအားလုံးက အိမ်ထောင်တာဝန်၊ မိသားစုတာဝန်တွေကို ယူထားကြတဲ့သူတွေဖြစ်တဲ့အပြင် ကိုယ်သိထား တတ်ထားတဲ့ လောကီပညာရပ်တွေနှင့် ကိုယ့်ပတ်ဝန်းကျင်ကို တတ်နိုင်သလောက် အကျိုးပြုဖို့ ရည်ရွယ်ချက်ထား စိတ်ကူးထားကြတဲ့သူတွေဖြစ်နေတော့ ကျွန်တော်တို့ တွေရဲ့  နေ့ စဉ်လောကီလူမှုဘ၀ဖြတ်သန်းရမှုမှာ စိတ်ညစ်စရာ စိတ်ပင်ပန်းစရာတွေ တွေ့ ကြုံရတိုင်း ကိုယ့်ကိုယ်ကို ပြန်သတိပေးနိုင်အောင်လို့  ဆရာတော် ဦးဇောတိကရဲ့ အဆုံးအမ ကောက်နုတ်ချက်လေးကိုလည်း အဆစ်အနေနှင့် အမမွေးနေ့ အတွက် လက်ဆောင်ပေးလိုက်တယ် အမရေ။

ဘ၀မှာ အဆင်မပြေမှုတွေ ဒုက္ခတွေ အများကြီးရှိလျက်နဲ့
ငြိမ်းငြိမ်းချမ်းချမ်း နေနိုင်တဲ့သူတွေ ရှိတယ်။
အားလုံးအဆင်ပြေမှ စိတ်ချမ်းသာမယ်ဆိုရင်တော့
ဒီတစ်သက် စိတ်ချမ်းသာဖို့ မလွယ်တော့ဘူး။
အဆင်မပြေမှုတွေ ရှိနေပါလျက်
စိတ်ချမ်းသာအောင် နေတတ်မှ
တကယ်စိတ်ချမ်းသာအောင် နေတတ်တဲ့သူဖြစ်မယ်။

အမရဲ့  ယခုကျရောက်တဲ့ မွေးနေ့ ရက်မြတ်မှသည် ဘ၀နောက်ဆုံးအချိန်အထိ ဓမ္မဖြင့် ကျင့်သုံးနေထိုင်စောင့်တည်ရင်း မိမိအကျိုး၊ မိသားစုအကျိုး၊ လူသားတွေအကျိုး၊ သာသနာတော်အကျိုးကို စွမ်းစွမ်းတမံ ဆောင်ရွက်နိုင်သူတစ်ယောက်ဖြစ်ပါစေလို့  ဆုတောင်းရင်း။


အမရဲ့ ဓမ္မမောင်ငယ်
Bliss

--
ဝိမုတ္တိသုခ
www.vimuttisukha.com
www.dhammaflavour.net
www.vimuttirasa.com
www.saddhammaramsi.blogspot.com
www.kathitwinemyanmar.blogspot.com

************************************************

ကျွန်မ ချစ်ခင်လေးစားရတဲ့ ဓမ္မ မောင်နှံများမှ မွေးနေ့ဆုတောင်းများ အမှတ်တရ စာစုများကို မြတ်နိုးတန်ဘိုးထားလျှက် ထပ်ဆင့်ဖော်ပြအင်ပါတယ် ရှင့်။

ဝင်းမြင့်+မေဟန်: မွေးနေ့မင်္ဂလာပါ..အစဉ်သတိရလျက်..

.ကျန်းမာပျော်ရွှင်အေးမြပါစေ။

ဖုန်း နဲ့ ဆက်ပြီး ဆုတောင်းပေးတဲ့ သားကိုဦး နဲ့ သမီး သဇင် တို့ကိုလည်း အထူးကျေးဇူးတင်ပါတယ်..။
နောက်ပြီး စံပြ ဓမ္မ မောင်နှံဖြစ်တဲ့ ကျွန်မရဲ့မောင်လေးနဲ့ ညီမလေး Bliss တို့ရဲ့ ဆုတောင်းနဲ့ အမှတ်တရ စာစုကို ကျွန်မ ရရှိသလို ရရှိကြပါစေရန် ဖေါ်ပြချင်ပါတယ်...။

----အဆင်မပြေမှုတွေ ရှိနေပါလျက်

စိတ်ချမ်းသာအောင် နေတတ်မှ

တကယ်စိတ်ချမ်းသာအောင် နေတတ်တဲ့သူဖြစ်မယ်။----

သည်စာ စုကတော့Heart အထိဆုံးဖြစ်ပြီး တကယ် ကျင့်သုံးနိုင် အောင် သတိပေးနေတယ် Bliss ရေ... ကျေးဇူးပါ..။


Crystal has left a new comment on your post "ကျွန်မချစ်တဲ့သစ်ပင်များ":

အစ်မရေ အစ်မချစ်သော သစ်ပင်များ ထာဝရစိမ်းလန်းနေပါစေ၊ ဇူလှိုင်မိုးဖွဲလေးတွေကြားမှာ သာသနာပြုအလုပ်များနှင့် ပျော်မွေ့နေသော အစ်မတစ်ယောက် မွေးနေ့မှသည် အနာဂတ်လမ်းတွင် စိတ်၏ချမ်းသာခြင်း၊ ကိုယ်၏ကျန်းမာခြင်းဖြင့် ပြည့်စုံပါစေကြောင်း အမှတ်တရ ဆုတောင်းလိုက်ပါတယ်ရှင်။

ညီမ - mrs bliss

ကျွန်မချစ်တဲ့သစ်ပင်များ

လွန်ခဲ့တဲ့ ၂-နှစ်က ရက်စက်ကြမ်းကြုတ်တဲ့ အပူပိုင်း မုန်တိုင်းတစ်ခုကိုပါ ခေါ်ဆောင် ပြီး လာခြင်း မကောင်းခဲ့တဲ့ မုတ်သုန်ဟာ ဒီနှစ်တော့ သိမ်မွေ့စွာ… အချိ်န်မှန်စွာ… အနေမှန်စွာ… ဖြတ်သန်း ဝင်ရောက်နေခဲ့တာ နှစ်လ နီးပါးတောင် ရှိနေခဲ့ပါပြီ…။ သဘောကောင်းတဲ့ မုတ်သုန်ဟာ မိုးစက်ပွင့်တွေ ချွေချပေးနေဆဲ .. အရှိ်န်အဟုန် ကောင်းဆဲမို့ ကျွန်မချစ်တဲ့ သစ်ပင် ပန်းပင်တွေဟာ လှပတဲ့ သံစဉ်တွေ အပြိုင်အဆိုင် သီကျူးရင်း စိမ်းလန်း ပျော်ရွှင်နေတာ မြင်နေရတာ စိတ်ချမ်းသာ မိပါတယ်..။ သစ်ပင်တွေက ပြောပြနေတဲ့ ဘာသာစကားကို နားလည်ဘို့ ကျွန်မ ဘဝရဲ့ နှစ်အတော်များများ သူတို့နဲ့ပေါင်းသင်း နေထိုင် ခဲ့ရပါတယ်..။ သူတို့ရဲ့ နှလုံးသားဟာ ကျွန်မရဲ့ နှလုံးသားပါပဲ..။ ရေငတ်နေတယ်.. ဗိုက်ဆာနေတယ်… နေမကောင်းဘူး… ပင်ပန်း နွမ်းနယ် လှချည်ရဲ့လို့ အကုန် ပြောပြသလို… တစ်ခါတစ်ခါ လူတွေကို ပြန်မပြောပြချင်တဲ့ ကျွန်မရဲ့ စကားတွေကိုလည်း မညည်းမညူ နားထောင်ပေးသူ ကလည်း ကျွန်မချစ်တဲ့ သစ်ပင်များပါပဲ..။

မြေမှာကပ်ပြီး ယိမ်းနွဲ့ လှပတဲ့ ဝါတာတာ နေကြာရိုင်းပင်လေးတွေ ကြားမှာ စာကျက်ရာကစပြီး အဆောင်ရှေ့က မလွှပင်၊ ဖန်ခါးပင်တွေ… ကျောင်းတက်တဲ့လမ်း မှာ နေပြောက်မထိုးအောင် ဖားဖားဝေနေတဲ့ ကျွန်းပင်များ… နွေ အပူမှာ အံတုရဲရင့်နေတဲ့ စိန်ပန်းနီနီတွေ.. ငုဝါဝါတွေ… နွေမှာ ရနံ့သင်းပျံ့တဲ့ တမာပင်တွေ နဲ့ ရင်နှီးနွေးထွေး ခဲ့တဲ့ ကလေးမလေး တစ်ယောက်ရဲ့နှလုံးသားထဲက စကားသံတွေ တစ်စ တစ်စပြောင်းလဲ ခဲ့တာ..တစ်ခါတစ်ခါ မျက်ရည်တွေနဲ့… နာကျည်းမှု တွေနဲ့ အတူ ကြီးပြင်း ရင့်ကျက်ခဲ့တာ… ခွင့်လွှတ်မှုတွေ နားလည်မှုတွေနဲ့ တည်ငြိမ်ခဲ့တာ… စတာတွေကို ကျွန်မချစ်တဲ့ သစ်ပင်တွေက ကျွန်မကို ခံစားနားလည် ပေးခဲ့ပါတယ်..။

ဘုရားတင်ဘို့ ပန်းကောက်မယ်… ဗောဓိပင်ကို သွန်းလောင်းမယ်… ကံ့ကော်ပင်တွေ ပျိုးထောင်မယ် ဆိုတဲ့ ဘက်တွေကို အရောက်များနေခဲ့တာမို့ အခုတော့လည်း စိတ်ချ နေလိမ့်မယ်ဆိုတာ သိနေပါရဲ့လေ…။ ဆယ်စုနှစ် လေးခုကို တော်တော်လေး
ကျော်လွန်ခဲ့ ပြီကိုး…။

ကျွန်မကို မွေးဖွားခဲ့တဲ့ ဂျူလိုင်လ ဆိုတာကလည်း… သစ်ပင်စိုက်တဲ့ လဆိုလေတော့... ကျွန်မချစ်တဲ့ သစ်ပင်များနဲ့ တပါတည်း တစ်ပြိုင်နက်တည်း ဆိုသလို လောကထဲ ရောက်ခဲ့ရတာကိုး..။

မြေဆီမြေနှစ်တွေ စွန်ထင်းပေကျံနေတဲ့ ကျွန်မရဲ့လက်တွေ အသားမာတက်တဲ့ထိ ကျွန်မ ပြုစုပျိုးထောင် ပေးနေတယ်… ကျွန်မလို သစ်ပင်တွေကို ချစ်တတ်အောင်လည်း သင်ကြားပေးနေတယ်… ဆိုတာ ကျွန်မပြောခဲ့ဘူး တယ်နော်..။

အခု ကျွန်မ ထပ်ပြောမယ့် အကြောင်းကတော့ သစ်ပင်တွေဟာ မြတ်ဗုဒ္ဓရဲ့ သာသနာမှာ… ကျေးဇူးတော်ရှင် မြတ်ဗုဒ္ဓနဲ့ အတူယှဉ်တွဲ အရေးပါ နေတာကို ကျွန်မက ဂုဏ်ယူနေပါတယ်…။ မြတ်ဗုဒ္ဓဟာ လုမ္ဗိနီ အင်ကြင်း ပင်တွေရဲ့ ရင်ခွင်မှာ.. မွေးဖွားသန့်စင်ခဲ့ပြီး… ညောင်ဗုဒ္ဓဟေ ဗောဓိပင်မှာ ဘုရားအဖြစ်ကို ရောက်ရှိခဲ့ ပါတယ်..။ မိဂဒါဝုန် သစ်တောရဲ့ အေးမြတဲ့ အရိပ်မှာပဲ သစ္စာတရားတွေ ဟောကြားခဲ့ပါတယ်…။ ပရိနိဗ္ဗာန် ပြုတော့လည်း ကုသိနာရုံ ပင်မျိုးစုံသည့် ရဂုံသာမော အင်ကြင်းတောမှာ စံဝင်ခဲ့တာကိုတော့ ကျွန်မချစ်တဲ့ သစ်ပင်များ သိနေပြီးသားပါနော်..။

သံဃာရတနာ ပေါ်ပေါက်လာချိန် မှာလည်း သီတင်းသုံးနေထိုင် အမှီပြုရာ ကျောင်းအဖြစ်… အရေးပါခဲ့ပြန်ပါတယ်..။

ကျေးဇူးတော်ရှင် ပိုင်းလော့ဆရာတော်၊ အရှင်ဇေယျပဏ္ဍိတရဲ့ တရားတော်တွေထဲက ကျွန်မ မှတ်သားထားတာ လေးတွေ ရှိပါတယ်..။ မြတ်စွာဘုရား၏ အဆုံးအမ အရ သာသနာတော်တွင် သံဃာရတနာ ဖြစ်ပေါ်ပြီး သာသနာပြု စေလွှတ်ရာတွင်၊ ရဟန္တာ (၆)ကျိပ်တို့အား ရဟန်းတို့ သင်တို့သည် ငါဘုရား၏ သဒ္ဓမ္မ သုံးဖြာ သာသနာကို လူအများအား အမြဲဟောပြော ပြသရင်း၊ အေးချမ်း ဆိတ်ငြိမ်သော၊ တောင်များ တောများမှာနေကြပါ။ (ထိုအချိန်က ကျောင်းခွင့်မပြုသေးပါ။) ရဟန်းတော်များသည် သစ်တစ်ပင်၊ ဝါးတစ်ပင် သစ်ရိပ်၊ တောရိပ်၊ တောင်ရိပ်များမှာ ကျောင်းအဖြစ် မှီတင်း သီတင်း သုံးနေထိုင်လျက် ဘုရားရှင်၏ အဆုံးအမဖြင့် ကျင့်ကြံ နေထိုင်ကြပါတယ်…။ ဤ သာသနာတော် ၌ ရဟန်းသည်--- (ကိုယ်၏ ဆိတ်ငြိမ်မှုဖြစ်သော - ဆိတ်ငြိမ်သော အိပ်ရာ နေရာကို မှီဝဲ၏။ တော၊ သစ်ပင်ရင်း၊ တောင်၊ ချောက်၊ တောင်စောင်း၊ သုဿန်၊ တောအုပ်၊ လွင်တီးခေါင်၊ ကောက်ရိုးပုံ တို့ကို မှီဝဲ၏။ ဆိတ်သောကိုယ်ဖြင့် နေသည်။) မဟာနိဒ္ဒေသပါဠိ တုဝဋကသုတ်မှ ကောက်နှုတ်ဖေါ် ပြခဲ့ပါတယ်...။

ဒါကြောင်မို့လို့် သစ်ပင် စိုက်ပျိုးခြင်းသည် ကျောင်းဆောက်ခြင်းနဲ့ အတူတူပါပဲ..။ စားစရာ၊ အသုံးအဆောင်၊ အရိပ်အာဝါသကို ရဟန်း၊ ရှင်လူ၊ သတ္တဝါများ၊ မှီခိုအားထား သီတင်းသုံးနေထိုင် စားသောက် နိုင်ကြပါတယ်။ သစ်သားဖြင့် ဆောက်လုပ်သော ကျောင်းများကဲ့သို့ ရေနံသုတ်စရာလည်း မလိုတော့လို့ သစ်ပင်စိုက်ပျိုးခြင်းကို ရေနံမသုတ်သောကျောင်း ဆောက်လုပ်ခြင်းလို့
တင်စား ခေါ်ဝေါ်လို့လည်း ရပါတယ်...။

ကျွန်မတို့အားလုံး မှီတင်းနေထိုင်ရာ ကမ္ဘာကြီးဟာ အပြာရောင် မိုးကုတ်စက်ဝိုင်း တစ်ခုတည်းရဲ့ အောက်မှာ အိမ်တစ်လုံးလို တည်ရှိနေတာပါ..။ နေထိုင်ကြ သူအားလုံးဟာ တစ်မိုးအောက်ထဲနေ မိသားစုဝင်တွေပဲပေါ့။ အားလုံး ထိန်းသိမ်းစောင့်ရှောက် ပြုပြင်ကြမှသာ ရေရှည် တည်တံ့မှာ ဖြစ်ပါတယ်။

ပြုပြင်စောင့်ရှောက်သူ တွေရှိသလို ကိုယ်ကျိုးစီးပွား အတွက် လောဘသားတွေကြောင့် ကမ္ဘာကြီးရဲ့ ကျန်းမာရေးဟာ စိုးရိမ်စရာ ဖြစ်လို့နေပါတော့တယ်။ Global Warming , Climate Change, Ozone Depletion, Natural Disaster စတာတွေဟာ ရောဂါဆိုးများသဖွယ် ချိမ်းခြောက်လို့ နေပါတယ်။

သာဘာဝ ပတ်ဝန်းကျင်ကို ထိန်းသိမ်း စောင့်ရှောက်ကြဖို့ဟာ အဖွဲ့အစည်း တစ်ခု၊ နိုင်ငံ တစ်နိုင်ငံ၊ တက္ကသိုလ် တစ်ခုက တာဝန်ယူ ဖြေရှင်းလို့ ပြေလည် သွားနိုင်တာ မဟုတ်ဘဲ နေထိုင်ကြသူအားလုံး တစ်ဦးချင်း တာဝန်ယူကြမှသာ ကျွန်မတို့ အားလုံးရဲ့ မျိုးဆက်သစ်များ အတွက် စိုပြေသာယာ မြေကမ္ဘာကို အမွေ ချန်ခဲ့ နိုင်ပါလိမ့်မယ်။

အဲလို ချန်ခဲ့နိုင်ဘို့ ကျွန်မတို့ တစ်ပိုင်တစ်နိုင် ပါဝင် ဆောင်ရွက်နိုင်တာ တွေ ရှိပါတယ်။ သစ်ပင်တွေ စိုက်နိုင်သရွေ့ စိုက်ကြ၊ ပြုစုကြ၊ ပျိုးထောင်ကြပြီး ကမ္ဘာကြီးကို ကယ်တင်လို့ရပါတယ်။

ကျွန်မချစ်တဲ့ သစ်ပင်တွေဟာ ကျွန်မတို့အတွက် အကောင်းဆုံး မိတ်ဆွေတွေပါ။ စားဝတ်နေရေး ကျန်းမာရေး အားလုံးကို သူတို့က ပေးစွမ်း နိုင်သလို (Green House Gas) ဖန်လုံအိမ် ဓာတ်ငွေ့ဖြစ်တဲ့ ကာဗွန်ဒိုင်အောက်ဆိုဒ် ဓာတ်ငွေ့ ကိုလည်း သူ့ရဲ့ အစာချက်လုပ်ငန်း (Photosynthesis) ဖြစ်စဉ်မှာ သုံးစွဲပြီး မြေကမ္ဘာကို သန့်စင်ပေးနေတာပါ။

ကင်ညာ နိုင်ငံက ပတ်ဝန်းကျင် ထိန်းသိမ်းရေး ဒုတိယဝန်ကြီး ဒေါက်တာ ဝန်ဂါရီမာသိုင်း (Dr. Wangari Maathai) ကတော့ သူတို့နေထိုင်ရာ အာဖရိကတိုက် ကြီးရဲ့ မြေဆီလွှာ တိုက်စားမှု (Soil Erosion) ထိန်းသိမ်းဖို့၊ ကမ္ဘာ့ရာသီဥတု ပြန်လည် မျှတလာဖို့ သစ်ပင်ပေါင်း သန်း ၃၀၀ ကျော် စည်းရုံး စိုက်ပျိုး ခဲ့တဲ့ (Green Belt Movement) အစိမ်းရောင် ခါးပတ်စီမံကိန်းကို ကျွန်မတို့အားကျ အတုယူရပါလိမ့်မယ်။

သူကတော့ သစ်ပင် စိုက်ခြင်းဟာ သံဃာတော်များ အတွက် ကျောင်းအလှူ လှူတာလို အကျိုးပေးတယ်ဆိုတာ မသိရှာပါဘူး။ သူက ဗုဒ္ဓဘာသာမှ မဟုတ်တာနော်။ ကျွန်မတို့လို သိများသိရင် သန်း ၃၀၀၀ ကျော် များတောင်စိုက်မလားပဲ တွေးကြည့်မိပါတယ်။

သူတို့ထက် ဘာသာရေး အသိအမြင်လေးနက်တဲ့ ကျွန်မတို့ရဲ့ သစ်ပင်စိုက်ပျိုးရေး (တနည်း- ရေနံ မသုတ်တဲ့ ကျောင်းလှူဒါန်းရေး) ဟာ ပိုပြီး အဓိပ္ပါယ်ရှိရှိ အောင်မြင်မှာ အသေအချာပါ။ ဓမ္မမိတ်ဆွေ တို့ရဲ့ ထက်သန်တဲ့ သဒ္ဓါတရားကို အခိုင်အမာ ယုံကြည်နေပါတယ်။ သူက အစိမ်းရောင်ခါးပတ်ဆို
ကျွန်မတို့က အစိမ်းရောင်လွင်ပြင် ဖြစ်စေရမှာပေါ့။

နာဂစ်မုန်တိုင်းရဲ့ ရက်စက်မှုကြောင့် ပြိုလဲခဲ့ရ တာတွေကို ကုစားဘို့ရာ စေတနာက အစပြု အရင်းခံပြီး တစ်ကမ္ဘာလုံးရဲ့ ပတ်ဝန်းကျင် စိုပြေသာယာရေး၊ ကျန်းမာရေး အတွက် မြင့်မြတ်သော စိတ်ထားများနဲ့ ကျွန်မတို့ သစ်ပင်စိုက်ကြပါစို့လားရှင့်။

ကျွန်မချစ်သောသစ်ပင်များထာဝရစိမ်းလန်းပါစေ...။


မှတ်ချက်။ ၁၈.၇. ၂၀၁၀ နေ့တွင် ပိုင်းလော့ ဆရာတော်ဘုရားကြီးရဲ့ အောက်ဝါးနက်ချောင်း တရားစခန်း ရိပ်သာသစ်တွင် ဆရာတော်၏ အဆုံးအမ လမ်းညွှန်မှုဖြင့် ဓမ္မ မိတ်ဆွေများ စုပေါင်း၍ -ရေနံမသုတ်သောကျောင်း- ဆောက်လုပ် လှူဒါန်းပွဲ (တနည်း) စုပေါင်းသစ်ပင် စိုက်ပျိုးပွဲမှာ ကိုယ်တိုင် စွမ်းနိုင်ရာက ပါဝင်နိုင်ကြလျက် ကျောင်းဒါယကာ၊ ဒါယကာမများ အဖြစ် ခံယူနိုင်ကြ မည့်သူများကို ဂုဏ်ပြုရင်း ၂၀.၇. ၂၀၁၀ နေ့တွင် ကျရောက်မယ့် ကျွန်မရဲ့ မွေးနေ့ အမှတ်တရအဖြစ် ဒီစာစု ကိုရေးသားပါတယ်..။

ဆန်ရေစီးကြောင်း၊ အားသစ်လောင်းစေ

အမေနဲ့သား
သားနဲ့အမေ
ကမ္ဘာမြေတစ်ခု
တစ်ခုသောကောင်းကင်
ပြာလွင်စိမ်းလန်း
စိတ်ငြိမ်းချမ်းစေ... အေးမြစေခဲ့။
အမေ့ဘဝ… သားဘဝပေါ့
အမေ့နောင်ရေး… သားနောင်ရေးပေါ့။
အမေ့ ဆန္ဒ… သားဆန္ဒပေါ့
ဘဝ နဲ့ ဆန္ဒ ထပ်တူကျအောင်
ပြည့်စုံအောင်လို့ အမေ ခေါ်ခဲ့ဘူးပါတယ်။

ငယ်သော်ကားသား
ကြီးသော် အား တဲ့
တည်မြဲတဲ့ ခွန်အား၊ နီရဲတဲ့ ခွန်အား
အကြင်နာ အင်အား၊ ရင်မှာ အင်အား
ဒေသနာ ဉာဏ်အား၊ စေတနာ ဉာဏ်အား
အားမျိုးစုံလင်၊ ပြည့်စုံချင်ကြောင်း သားဆုတောင်းခဲ့ပါတယ်...အမေ။

လစာထုတ်ရက်..
မနေ့ကထက် ခြေလှမ်းသွက်ပေါ့
အမေ့အတွက်လေ..
မြေပဲယို တစ်ထုပ်.. လက်ထဲဆုပ်ထား
တရားစာအုပ်နဲ့ စီဒီ...သားဝယ်ခဲ့ပြီအမေ..။
ပန်းဆိုးတန်းဆိပ်ကမ်း
ဖြတ်သန်းသွားမယ့်ရေစီးကြောင်းဟာ
ပြောင်းပြန်ဖြစ်နေသတဲ့..
လှိုင်မြစ်ရဲ့ ရယ်မောသံ..
သားနာခံရင်းကြည်နူးခြင်းတွေဟာ..
ပန်းခင်းလမ်းတမျှ.. ဒလ မှ ကွမ်းခြံကုန်း
ဖုံးလွှမ်းနိုင်ခဲ့.. အိမ်ပြန်ရက်တွေ
သားသတိရနေမိတယ် အမေ..။

အိမ်ပြန်ရောက်ချိန်..နေညိုချိန်မှာ..
ဖန်မီးအိမ်လေး၊ မှေးမှိန်ဖျော့တော့
ဘယ်တော့မှ မလျော့တဲ့အလင်း..
ထာဝရထွန်းလင်းနေမှာ အသေအချာပေါ့။
မေတ္တာ လှိုင်းများ ရိုက်ပုတ်သွားတာ
ခံစားသိရှိနေတယ်အမေ..။

အမေရေ
ရေခြား၊ မြေခြား ၊ဒေသခြား၊ လူမျိုးခြား..နိုင်ငံခြားတဲ့
(ခြား)ပေါင်းစုံက သားကို ပိုင်းခြား၊ မစေစားနိုင်.။
သားကိုပြောင်းလွဲ ၊ မယိုင်လဲနိုင်။
သားကိုအားလျော့၊ မဖျော့တော့နိုင်။
ဒီတစ်ခါ အိမ်အပြန်မှာ
အမှန်ကန်ဆုံး
အမြင့်မားဆုံး
အပြည့်စုံဆုံး
အဆုံးအစွန်.. အမွန်မြတ်ဆုံးဓမ္မ
မြတ်ဗုဒ္ဓရဲ့ တရားစစ်အမွေ.. မျှဝေ ညွှတ်နူး
ကျေးဇူးဆပ်ဖို့..
သားပြန်လာခဲ့ပါမယ်အမေ..။

အရွယ်နှင့်မမျှအောင် လောကတာဝန်၊ ဘဝတာဝန်၊ ဓမ္မတာဝန် ပြည့်စုံအောင် အားထုတ်နေတဲ့ ကိုဖိုးသား ခေါ် ပြည့်စုံအောင် (အဖြူရောင်မေတ္တာ) နှင့် မိခင် ဒေါ်မြင့်အုန်းတို့ရဲ့ ချစ်ခြင်းမေတ္တာကို ချီးကျူး ဂုဏ်တင်ရင်း ဒီကနေ့မှာ ကျရောက်တဲ့ မိခင် ဒေါ်မြင့်အုန်းရဲ့ ၆၅-နှစ်ပြည့် မွေးနေ့လက်ဆောင်အဖြစ် ဒီကဗျာကို ရေးဖွဲ့ပါတယ်။

သားကို ချစ်ခင်လေးစားတဲ့
တီလေး (သစ္စာအလင်း)
၁၃. ၇.၂၀၁၀

ပညာအလင်း ပညာပါရမီ အဖွဲ့ စတုတ္ထ အကြိမ် လှူဒါန်းမှု မှတ်တမ်း

ပညာအလင်း ပညာပါရမီ အဖွဲ့ ပညာရေးနဲ့ ပတ်သက်တာတွေကို ဆက်သွယ် လုပ်ကိုင် ဆောင်ရွက်ပေးခြင်း၊ လှူဒါန်း ပေးခြင်း တို့ကို တတ်အားသရွေ့ ဆောင်ရွက် လျက်ရှိပါတယ်။

ဒီဂျူလိုင်လအတွင်း ဆောင်ရွက်ပြီးစီး တာတွေကို ကျွန်မ မျှဝေချင်ပါတယ်..။

ပြီးခဲ့တဲ့နှစ် ဂျူလိုင်လကတည်းက ဆောင်ရွက်နေတဲ့ ကိစ္စတစ်ခု ကတော့ သီရိလင်္ကာ မှ M.A ပြီးစီးထားတဲ့ ဆရာတော် တစ်ပါး ကို အမေရိကန်နိုင်ငံ University of West မှာ Ph.D ဝင်ခွင့် ရှိအောင် ဆောင်ရွက်ပေးကြ တာပဲဖြစ်ပါတယ်။ ကျောင်းဝင်ခွင့် နှင့်အတူ ပညာသင်ထောက်ပံ့ကြေး ရရှိအာင်လည်းလျှောက် ထားကြရပါတယ်။ တက္ကသိုလ်က တောင်းဆိုလာတဲ့ စာရွက်စာတမ်းတွေ အဆင်ပြေ ချောမွေ့အောင် ညှိနှိုင်း တိုင်ပင်ကြ..၊ ဝိုင်းဝန်း လုပ်ဆောင်ကြ၊ ပံ့ပိုးကညီကြရင်း တစ်နှစ်တာ ကြာမြင့်တဲ့အချိန်မှာ အားလုံးပြီးစီး သွားခဲ့ပါတယ်။

တက္ကသိုလ်နဲ့ စာရေးဆက်သွယ် တာတွေ၊ လျှောက်လွှာဖြည့်တာ တွေကို ကျွန်မက ဆောင်ရွက်ပြီး ကျွန်မနဲ့ အတူ စိတ်စေတနာ ဖြူစင်စွာ ပံ့ပိုး လုပ်ဆောင်ပေးကြတဲ့ အောက်ပါ ပုဂ္ဂိုလ်များကို အထူး ကျေးဇူးတင် ရှိပါကြောင်း မှတ်တမ်းတင် ဖေါ်ပြလိုပါတယ်။

၁။ ကိုဝိမုတ္တိသုခ -Japan- (http://www.vimuttisukha.com)- Essay, Research Proposal, Objective of Research study များ ရေးသားပေးခြင်း။

၂။ဒေါက်တာထွန်းလင်းမိုး-USA- Application Fees US$ 100 လှူဒါန်းခြင်း။

၃။ဦးကျော်လွင်-Singapore - (http://www.dhammadownload.com)- Financial Sponsorship Letter, Bank Verification ပေးပို့ကူညီပေးခြင်း ။

၎။ဒေါက်တာလှမြင့်-ထေရဝါဒဗုဒ္ဓ သာသာပြုတက္ကသိုလ်-Recommendation Letter များ ပေးပို့ခြင်း-တို့ ဖြစ်ပါတယ်။

ဂျူလိုင်လ အတွင်းမှာပဲ ကျွန်မဖခင်ကြီး ကွယ်လွန်ခဲ့တာ ၂ နှစ်ပြည့် အထိန်း အမှတ်အဖြစ် ဖခင်ကြီး ရဲ့ ဇာတိ (တွံတေး မြို့နယ်၊ ရန်ကုန်ပေါက် ကျေးရွာ) ကလေးမှာ ကလေးများအတွက် ဘာသာရေး အခြေခံသင်တန်း ကလေးတစ်ခု စတင်ဖွင့်လှစ်ခဲ့ ပါတယ်။

ကျေးဇူးတော်ရှင် ပိုင်းလော့ဆရာတော်ဘုရား ဟောကြား ဆုံးမတော်မူသည့် အတိုင်း (မြတ်ဗုဒ္ဓ အလိုကျ ဘဝနေနည်း လူငယ်ပညာပေး သင်တန်း) လို့အမည်ပေးထား ပါတယ်။ ကျွန်မအားလပ်တဲ့ တနင်္ဂနွေနေ့တွေမှာ ပန်းဆိုးတန်း ဆိပ်ကမ်းကနေ ဒလကို ကူးပြီး သွားရောက် သင်ကြားပေးခဲ့တာ အခုဆို သုံးပတ်တိုင်ခဲ့ပါပြီ..။

ပါဠိစကားလုံးများရဲ့ ညွှန်ကြားခံ တရားသားဟာ ဘယ်လိုလဲ၊ ကိုယ့်သဏ္ဍန် မှာ ဘယ်အချိန် ဖြစ်တာလဲ၊ ဘာကြောင့်ဖြစ်ရတာလဲ၊ ဘယ်လို လေ့ကျင့် ယူရမယ်ဆိုတာကို ရှင်းလင်းဟောပြတဲ့ နေရာမှာ အလွန်ပါရမီ ထူးတဲ့ ပိုင်းလော့ဆရာတော် ဘုရားကြီးရဲ့ မူအတိုင်း သင်ကြားလေ့ကျင့် စေခဲ့ပါတယ်။

ဆရာတော် ဘုရားကြီး ကလည်း တစ်ယောက်ရ တစ်ယောက်သင် တစ်နာရီရ တစ်နာရီသင်ပါလို့ မိန့်ှမှာ ထားတဲ့ အတွက် ကျွန်မ ယုံကြည်မှု အပြည့် နဲ့ စတင်ခဲ့ပါတယ်။

ကျွန်မရဲ့ ဝမ်းကွဲအမ များဖြစ်တဲ့ (ဒေါ်တင်အောင်၊ ဒေါ်စိန်မေ) တို့ကလည်း ရွာခံဆရာမများ ဖြစ်နေတာမို့ ကျွန်မကို ပံ့ပိုးကူညီပေးကြပါတယ်။

ပထမ အပတ်မှာ ကလေးများ ၆၀-ဦးရှိခဲ့ပြီး ဒုတိယအပတ်မှာ ၈၈- ဦးထိ တိုးတက်လာခဲ့ပါတယ်။ တတိယ အပတ်မှာတော့ ယောင်္ကျားလေး ၄၉-ဦး နှင့်မိန်းကလေး ၅၃- ဦး ရှိခဲ့ပါပြီ။

ကုသိုလ်၊ အကုသိုလ်၊ ပြစ်မှားခြင်း၊ ကျေးဇူး၊ မေတ္တာ၊ မာန စတာတွေကို သေချာ နားလည် သဘောပေါက်စေပြီး မေတ္တာ ဘာဝနာ ပွားများ အားထုတ်စေခဲ့ပါတယ်။

ဒီသင်တန်း ဖြစ်မြောက်ရေးအတွက် စာရွက်စာတမ်းများ၊ ကျွေးမွေးလှူဒါန်းခြင်း များအတွက် ၊ပညာအလင်း-ပညာပါရမီ အဖွဲ့နဲ့ ဆက်သွယ်လှူဒါန်းတဲ့ သူတွေကိုလည်း အထူး ကျေးဇူးတင်ရှိပါကြောင်း မှတ်တမ်းတင် ဖေါ်ပြလိုပါတယ်။

၁။ မကျော့ကေကေခိုင် - Executive Manager-Piavate Hospital, Bangkok- 20000 Kyats

၂။ဒေါက်တာသန်းသန်းစိန်-Myanmar Organic Group- 60000 Kyats

တတိယ အပတ်က စတင်ပြီး အနီးအနားရှိ ကံဘဲ့ စံပြကျေးရွာ မှာလည် ညပိုင်း သင်တန်း ကို စတင်သင်ကြား ပေးနေပါတယ်။ ဆက်လက်ပြီး ကြိုးစားရပါအုံးမယ်။

တမလွန်မှ ကျွန်မရဲ့ ကျေးဇူးရှင် ဖခင်ကြီး အပါအဝင် ဓမ္မ မိတ်ဆွေများ သာဓုခေါ်ဆို နိုင်ပါရန် ဓာတ်ပုံတစ်ချုိ့ကို ပူးတွဲဖေါ် ပြလိုပါတယ်။

သတ္တဝါ မှန်သရွေ့ တရားတွေ့ ၊ချမ်းမြေ့သာယာရှိကြပါစေ။

မေတ္တာဖြင့်

သစ္စာအလင်း