Tuesday, May 31, 2011
ကောင်းကင်မဲ့သောသူများအတွက်
ကျွန်မ ရဲ့ ယဉ်ကျေးမှုသင်တန်းလေးကို ပိတ်ခဲ့ရပေမဲ့ ရွာကကလေးတွေကလည်း သတိရနေသလို ကျွန်မ ကလည်း အဝေးကနေတတ်အားသမျှ မေတ္တာပို့သ ရပါတယ်..။ ကလေး ၁၀၀ကျော်ရှိတဲ့ အထဲမှာ မိဘမဲ့က လေး (၃)ဦး သည် ကျောင်းအပ်ချိ်န် မှာ အခက်အခဲတွေ ကြုံတွေ့ ရပါတယ်။ ၁၀ တန်းကလေးနဲ့ ၈တန်းကလေး ကတော့ ကျုရှင်စရိတ်တွေပါ လိုအပ်နေတဲ့အကြောင်း ကို ကျွန်မ အမ ၊သူတို့ဆရာမ ဒေါ်တင်အောင် က မေးလ် ပို့ ပြောကြား လာတာနဲ့ ကျွန်မလည်း ထေရဝါဒဗုဒ္ဓဘာသာ လူငယ်လေးများ အသင်း ရဲ့ ပညာရေး အလှူ ကဏ္ဍ မှာ လျှောက်ထား စေခဲ့ပါတယ်။
အသင်းမှ ဗိုလ်ကြီးထွန်းထွန်းလှိုင် ကလည်း အသင်းရဲ့ စည်းကမ်းအတိုင်း တွေ့ဆုံ အင်တာဗျူး ပြီး သူတို့လို အပ်တဲ့ကျောင်းစရိတ်ကို တစ်နှစ်တာတွက် သတ်မှတ်ပြီး ထောက်ပံ့ရန် ဆုံး ဖြတ် ပေးခဲ့ပါတယ်..။
သူတို့ သုံးဦးထဲမှ အငယ်လေး နှစ်ယောက်ရဲ့ မိဘတွေ ဟာ AIDS ရောဂါရပြီး ရှေ့ဆင့်နောက်ဆင့် ဆုံးပါးကြတာပါ။ ကျောင်းအုပ် ဆရာမကြီး ဖြစ်သူက ကလေးတွေကို စိုးရိမ်လို့ သူ့စရိတ် သူစိုက်ပြီး ရန်ကုန်မှာ ဆေးစစ်စေခဲ့ တော့ သူတို့မှ ရောဂါကင်း နေခဲ့ပါတယ်..။
ဒီအကြောင်းကိုသိထားတော့ ကျွန်မလည်း သင်တန်းကာလ တလျှောက်လုံးမှာ ဖေးဖေးမမ ဆက်ဆံခဲ့ပါတယ်။ မိဘကျေးဇူးအကြောင်း ပြောတဲ့အခါတွေ မှာ သူတို့ မျက်လုံးလေး တွေ ဟာ နှလုံးသား ခွဲစိတ် ၊ဆွဲထုတ် ခံထားရသူတွေ လို လွတ်လွတ်ဟာဟာ ၊ ရီရီဝေဝေ လေး ဖြစ်နေတတ်ပါတယ်..။
ဒီကလေးတွေကိုအင်တာဗျူး ရင်းနဲ့ ဗိုလ်ကြီးထွန်းထွန်းလှိုင် လည်း မိဘမဲ့ ပုံပြင်တွေ ပူးဝင်ခံစား ခဲ့တယ် ထင်ပါ ရဲ့။ ဟိုတစ်နေ့ က ဂျီတော့မှာ တွေ့ တော့ အံတီရေ..တိုင်ပင်စရာ လေးတစ်ခုရှိလို့ တဲ့..။ အားပါတယ် သား ဘာပြောချင်လို့ လဲဆိုတော့..။သားတို့ အသင်းက မိဘမဲ့ကလေးတွေကို မွေးမြူစာသင်ပေး မဲ့ အစီအစဉ်လေး စတင်ချင် တာ အံတီနဲ့တိုင်ပင်ချင် လို့ပါတဲ့။
သားတို့ အသင်းရဲ့ ပညာရေး အလှူ ငွေ ကနေ အကြောင်းအမျိုးမျိုးကြောင့် ကျောင်းမနေရ တဲ့ ခိုကိုးရာမဲ့နေရှာတဲ့ မိဘမဲ့ ကလေးတွေကို ပညာလည်းသင်ပေးချင်တယ်။ စားဝတ်နေရေးလည်းထောက်ပံ့ချင်တယ်
ထေရဝါဒဗုဒ္ဓဘာသာ လူငယ်လေး များ အသင်း နဲ့ ပေါင်းပြီး သီလရှင် ကျောင်းလေးတစ် ကျောင်းဖြစ်အောင် အတူတကွ ပံ့ပိုးခဲ့ကြ တာမို့ ကျွန်မလည်း သူတို့ရဲ့ စေတနာကို သိရှိနေပြီးသားပါ။
ကျွန်မ ကလည်း အဲဒါမျိုး သိပ်စိတ်ဝင်စား ပါတယ်။ ဘယ်နေရာမှာ ထားမလဲ..ဘယ်လိုကျွေးမလဲ …ရေရှည် ဘယ်လို ရပ်တည်မည်လဲ ။တစ်နေ့တည်းကိစ္စ မဟုတ်။ စာသင်တတ်ပေးရုံ လေးနဲ့လည်း ဖြစ်သည်မဟုတ်။ ဒါနဲ့ပဲ ခါးမသန်လေသော ခါချဉ်တစ်ကောင် လို..မာန်လျှော့ နေခဲ့ ရတာပါ။
သားတို့ လစဉ် ဆွမ်းဆန် ထောက်ပံ့ လှူဒါန်း နေကျ သီလရှင်ကျောင်းရှိတယ် အံတီ။ အဲဒီက သီလရှင်ဆရာကြီး ကလက်ခံစောင့်ရှောက်ပေးမယ်တဲ့..
အော် နေစရာအတွက် အဆင်ပြေတာပဲ ။ ခက်တာတစ်ခုက ကျွေးမွေးစရိတ်အပြင် ပညာသင်ပေး မှာဆိုတော့ အတန်းကျောင်း သင်တဲ့ဆရာ မ ငှား ရပါလိမ့်မယ်။
သားက တစ်လဘယ်လောက်ကုန်မယ် ခန့် မှန်း ပါလဲ လို့မေးတော့ တစ်လကို လက်ခံနိုင်တဲ့ အရည်အတွက်ပေါ်မှာ မူတည်ပြီး ၄သိန်းကနေ ၈သိန်းလောက်ကုန်မှာပါ လို့ ဖြေပါတယ်..။
သူက အံတီ ရေ..လုပ်သင့်လားအကြံပေးပါအုံးတဲ
အံတီ ဘယ်လို လုပ်မှာလဲ တဲ့..အလှူခံမယ်လေ…၈သိန်း ပဲ ထား ကွာတလ ကိုတသောင်းနှုန်း နဲ့ လှူ မဲ့သူ အယောက် ၁၀၀ ရရင် အဆင်ပြေ ပြီ ပဲ..။
တစ်သောင်းဆိုတာ ၁၀ ဒေါ်လာ ပဲ ရှိပါတယ်။ နိုင်ငံခြား မှာ အလုပ်လုပ် နေတဲ့ လူတွေအဘို့ ၁၀ဒေါ်လာဆိုတာ အပျင်းပြေ မုန့်စားသလောက် သာရှိတာပါ ။ မစားပဲမိဘမဲ့ကလေးတွေ စာသင်ဘို့ ပေးလှူကြဘို့ နှိုးဆော်မှာပေါ့။ ဒါ့ထက် ပိုစွမ်းနိုင်တဲ့သူ တွေလည်း ရှိမှာပါပဲ..။
မိဘ မရှိတဲ့ကလေး ဆိုတာ နေထိုင်အားကိုးမှီခိုရာ ကမ္ဘာမြေကြီး ပျောက်သလို.....အမိုးအကာ ကောင်းကင်ပျောက်သလို...နေခဲ့ရရှာတာပါ..။ ကိုယ့်ခြေထောက်ပေါ် ကိုယ် မရပ်တည် နိုင်သေးတဲ့အချိန်တွေမှာ ကူကယ် ရာမဲ့ခဲ့တော့ လဲသူလဲ..ပြိုသူပြို နဲ့ ညှိုးနွမ်းချောက်သွေ့ ရတဲ့ပန်းကလေး အဘယ်မျှ များနေပြီလဲ ကျွန်မ မှန်းဆကြည်မိတိုင်း နှလုံးသား မှာ နာကျင်ကြေကွဲ ရ..ပါတယ်..။
နာဂစ် ကာ လတုံးက ကျွန်မ မိဘမဲ့ကလေးတွေထားတဲ့ စခန်းတခု ကိုရောက်ခဲ့ပါတယ်..။ အဲဒီမှာ တာဝန်ကျတဲ့ကျွန်မ သူငယ်ချင်းရဲ့ လက်ကိုမလွတ်တမ်း ဆုပ်ထားပြီး....*ဆရာမ ကသမီး အမေ နော်...ဟုတ်တယ် လို့ပြောပါနော်..ဟုတ်တယ်လို့ပြောလိုက်ပါ ဆရာမရယ်*..လို့ နင့်နင့်နဲနဲ ပြောလာ တာဟာ... လွမ်းမောဖွယ် ရာ ပြဇာတ်တစ်ပုဒ် တော့မဟုတ်ပါ..။ သူတို့ရဲ့ လွတ်ဟာနေသောနှလုံးသား မှ ဆာလောင်မှုကို နားလည် ခံစားရပါတယ်..။
တကယ်တော့လည်း ကရုဏာ တရားဆိုတာ လူတိုင်း ရှိကြပါတယ်..။ ပြသခွင့်မကြုံ ရသေးလို့ပါ...။ အခု ကျွန်မ တို့ ထေရဝါဒ လူငယ်လေးများအသင်းနဲ့ အတူအကောင် အထည်ဖေါ်ကြပါတော့မယ်..။ ဒီအသင်း ကလည်း ကျွန်မနဲ့ ရေစက်ပါသလို ဖြစ်နေရပါတယ်..။ အသင်း ရဲ့ သမိုင်းမှတ်တိုင် ခိုင်ပြီး သားမို့ ကျွန်မ ကလည်းအဝေးမှ တတ်အားသရွေ့ မေတ္တာဖြန့်ကျက်ရပါတော့တယ်..။
ကောင်းကင်မဲ့သူ တွေအတွက် ကြိုးပမ်း မှု မှာပါဝင်ရင်း ပြာလွင်ကျယ်ပြော တဲ့ မေတ္တာကောင်းကင် တစ်ခု ဖန်တီးကြည့် ကြပါစို့လား။
ငွေကြေး မလှူ နိုင်သော်လည်း စေတနာ ဖြင့်စာသင်ပေးတာ ၊ လုပ်အား အလှူ ပေး လှူ လိုသော သူများ ရှိရင်လည်း ဒါနပြု ပေး ပါရန် လည်း ဒီစာ နဲ့ ဖေါ်ပြကြေညာ အပ်ပါတယ်။
ဆက်သွယ်ရန်
၁။ ဗိုလ်ကြီး ထွန်းထွန်းလှိုင် (ထေရဝါဒ ဗုဒ္ဓဘာသာလူငယ်လေးများအသင်း)
တပ်မတော်ဆေးတက္ကသိုလ်
မင်္ဂလာဒုံ၊ ရန်ကုန်။
ဖုန်း---၀၁-၇၃၀၆၂၈၁၁ ၊ ၀၃၁-၃၅၀၆၂
၂။ဒေါက်တာသန်းသန်းစိန် (သစ္စာအလင်း)
Visiting Professor-Faculty of Technology
Mahasarakham University, Thailand
E-mail---thitsaralin@gmail.com
Phone: 66-856758972
Bank- TMB Bank Public Company Limited
Saving Account No. 517-2-14304-1
Account Name- Miss Than Than Sein
Friday, May 27, 2011
အလင်းထွန်းတောက်..ခရီးရောက်စေ
စိတ္တလ တောင်ခြေ က
မှောင်နေတဲ့ ကျောက်ဂူအတွင်း
အလင်း ဖြင့် ခရီး နှင်-----
မြေပြင်မိုးအောက်
ဖောက်ထွင်း ဖြတ်သန်းခဲ့ဘူးတယ်..။
*မကြာရ…
ဋ္ဌာန ဆိုတာပြန်ရင်း….
ပန်းတစ်ခင်း ကို လည်း စိုက်ပျိုး
ကောင်းကျိုး တွေလည်း ဝေဖြန့်
ရနံ့ တွေလည်း ဝေ ခဲ့တယ်..။
မေတ္တာ တွေလည်း ချွေခဲ့တယ်..။
*ဘဝါ ဘဝ
ချခဲ့ဘူးသော ရေစက်…
ပန္နက်ခဲ့ဘူးသော သစ္စာ …..
တော်ရာလည်းဖြစ်….ပျော်ရာဖြစ်စေ….။
သင့်ရာလည်း ဖြစ်….စေတနာ သစ်စေ…။
အရှေ့ မှ အနောက် ..လမ်းကိုဖေါက်စေ….။
ဝေနေယျ တွေ အထွေထွေ ရဲ့
အားကိုးရာအစစ် အမှန်ဖြစ်စေ..။
ဗဟိဒ္ဓ သာသနာ…အကာအနှစ်…စိစစ်နိုင်စေ..။
ဝမ်းစာဖြည့်ဆည်း ..ရွယ်တိုင်းပြီးပေါ့……
အဇ္ဈတ္တ ခရီး…..မှာ….
ပြီးပြီးမြောက်မြောက်......ဖောက်ထွက် နိုင်စွမ်း ရှိပါစေ..။
ပေါက်ပေါက်ရောက်ရောက်..............လွတ်မြောက် နိုင်စွမ်း ရှိပါစေ…။
*၂၇.၅.၂၀၁၁* တွင်ကျရောက်သော *ဘုန်းဘုန်း အရှင်တိက္ခဉာဏာလင်္ကာရ* ၏ ၃၃နှစ်ပြည့်မွေးနေ့ နှင့် သိက္ခာထပ်မင်္ဂလာ ကို ဤကဗျာ ဖြင့် ပူဇော် လိုက်ပါတယ်..။
မေတ္တာဖြင့်-သစ္စာအလင်း
Wednesday, May 25, 2011
လောကီအာရုံ ကာမဂုဏ် အနှောင်အဖွဲ့အတွင်းမှ ရုန်းထွက်နိုင်သူ
လောကီ အနှောင်အဖွဲ့ကား….
ကျယ်ဝန်းလှ၏။ ထွေပြားလှ၏။ ပရိယာယ် မာယာ များလှ၏။ မက်မောစေ၏။ မိန်းမောစေ၏။ ယစ်မူးစေ
၏။ ဒေါသ၊ လောဘ၊ မောဟ၊ မာန လောင်စာများဖြင့် ပြည့်စေ၏။ ပုံသဏ္ဌာန်အမျိုးမျိုးဖြင့်လည်း ဖမ်းစားနိုင်၏။
စောဒက ဆင်ခြေပေါင်းများစွာကိုလည်း သွန်သင်ပေး၏။ တွယ်တာရစ်ပတ်စေ၏။ သောက်၍မပြေ၊ စား၍မဝ၊
ရလေ မတင်းတိမ်ရှိတတ်၏။ လောကီ အနှောင်အဖွဲ့အကြောင်းကား တိမ်မယောင်နှင့် နက်ကာ ရေးဖွဲ့မကုန်
ရှိလှချေတကား။
လူ့လောကတွင် …..
အနှောင်အဖွဲ့ကို အနှောင်အဖွဲ့ဟု မမြင်၊ မယူဆသူ။
အနှောင်အဖွဲ့ကို မသိ မမြင်၍ ရုန်းထွက်ရန် အားမထုတ်သူ။
အနှောင်အဖွဲ့ကို သိမြင်ပါသော်လည်း ရုန်းထွက်ရန် ဆန္ဒမရှိသူ။
အနှောင်အဖွဲ့ကို သိမြင်ပါသော်လည်း ရုန်းထွက်ရန် စွမ်းအား မရှိသူ။
အနှောင်အဖွဲ့ကို သိမြင်သည်နှင့်အမျှ ရုန်းထွက်ရန် စွမ်းအား စုစည်းသူ။
အနှောင်အဖွဲ့ကို သိမြင်သည်နှင့် တစ်ပြိုင်နက် ရုန်းထွက်ရန် စွမ်းအားများ စုစည်းရင့်ကျက်ပြီး အပြီးတိုင်
ရုန်းထွက်နိုင်သူ။
……စသည်ဖြင့် သို့ အမျိုးအစားခွဲခြားသော် ရအံ့ထင်မိပါသည်။
ထိုအထဲတွင်
သာမန် ပုထုဇဉ်လူသားတို့ အနေဖြင့်မူ---
လောကီ အနှောင်အဖွဲ့ကို အနှောင်အဖွဲ့ဟု မမြင်၊ အနှောင်အဖွဲ့၏ ပရိယာယ် မာယာအောက်တွင်
မိန်းမောသာယာလျက် ရှိတတ်သည်။ ခုံမင်လေ့ရှိတတ်သည်။ အနှောင်အဖွဲ့ ခိုင်သည်ထက်ခိုင်ရေးကို ပြုမူမိ
လျက်သား ရှိတတ်ချေသည်။
ထိုထက် ရင့်သော ကလျာဏပုထုဇဉ် သူတော်စင်တို့ အနေဖြင့်မူ လောကီအနှောင်အဖွဲ့ကို အကြောင်း
နှင့်အကျိုး ခွဲခြားသိမြင်တတ်သည်။ သိလျက်နှင့် မရုန်းနိုင်သည်လည်းရှိ၏။ ပါရမီစွမ်းအား စုစည်း ကျင့်ဆောင်
နေဆဲလည်း ရှိတတ်သည်။
ဂေါတမ ဗုဒ္ဓမြတ်စွာ လောင်းလျာ သိဒ္ဓတ္ထမင်းသားမှာမူ လေးသင်္ချေနှင့် ကမ္ဘာတစ်သိန်းအထက်
သုမေဓာရှင်ရသေ့ဘဝ ဘုရားဆုပန် ဗျာဒိတ်ခံခဲ့သည်မှအစ ဝေဿန္တရာ ဘဝအဆုံး အနုအရင့် အနိမ့်အမြင့်
ဘဝပေါင်းများစွာ ပါရမီတော်များ ဖြည့်ဆည်းခဲ့သည်နှင့် အမျှ ရင့်ကျက်ခဲ့လေသော စွမ်းအားများဖြင့် လောကီ
အာရုံ ကာမဂုဏ် အနှောင်အဖွဲ့ကို သိမြင်သည်နှင့်တစ်ပြိုင်နက် အပြီးတိုင် ရုန်းထွက်နိုင်ခဲ့လေသည်။
မောင်အေးမြင့် (မြန်မာ့ရိုးရာဒီဇိုင်း)
ရတနာမွန် ဓမ္မမဂ္ဂဇင်း
တိုင်ဝမ်မှ ဓမ္မမိတ်ဆွေ ကိုနိုင်လင်းဦး ရေးသားပေးပို့ သောဓမ္မဒါန ဖြစ်ပါသည်။
ရတနာမွန် မဂ္ဂဇင်း မျက်နှာဖုံး ပုံ ကိုအဓိပ္ပါယ်ဖေါ်ထားတာ ဖြစ်မယ်လို့ယူဆပါတယ် ကိုနိုင်လင်းဦး ၊ပုံရ ရင်တော့ တွဲဖက်ကြည်ညို ရတာပေါ့။ဟောင်ကောင်က ဘုရား ပုံ ကြည်ညိုဖွယ်ရာရှာတွေ့တာနဲ့ တင်ပေးလိုက်ပါတယ်။ ကျန်းမာချမ်းသာစွာ သာသနာ့အကျိုးဆောင်ရွက်နိုင်ပါစေ။
မေတ္တာဖြင့်---သစ္စာအလင်း
Sunday, May 22, 2011
*ပိုင်းလော့ဆရာတော်ဘုရား၏ အမေရိက ဓမ္မဒူတခရီး စဉ်* (ပြည်နယ်အလိုက်အချိန်များ)
| Date
| Place | Contact |
| May 23rd-May 27th | Sitagu Dhamma Vihara Monastery, 1519, County Rd East, Maplewood MN 55109 | U Ag Koe 1-612-819-2626 |
| May 28th –May 31st | DhammaParla Monastery 3096 Wheeling St. Aurora CO 80011 | Ashin Sandimar 1-303-543-3083 |
| June 3rd -June 4th | Nyaung Kan Aye Sasana Yeiktha 2717 W Laphan St ,Milwakee WI 53215 Wisconsin | U Parama 1-414-645-2148 |
| June 1st -June 2nd June 5th –June 6th | B.B.A 15 W110 Forest Lane Elmhurst IL 60126 | Dr. Zaw Win 1-708-710-1089 |
| June 7th-June 12th | Sirimangla Buddhist Monastery 12637 NE Russell Portland, OR 97230 | AshinSirinda 1-503-253-5318 |
| June 13th –June 19th | 8359 Lake Crowell Circle Orlando, FL32836 | U Myo Nyunt 1-407-492-5594 |
| June 21st-June 30th | Alohtaw Pyayt Dhamma Yeiktha 1102 Kelvin Rd., El Sobrante, CA 94803 | Yin Hoe 1-415-680-8806 |
| July 1st –July5th | New York 640 Dean St. Brooklyn, NY 11238 | Dr San San Htay 1-917-903-2589 |
| July 6th –July 10th | Thantithisar Meditation Center 2540 Monroe St Riverside, CA 92504 | Dr. Khin Thi Oo 1-951-352-4680 |
| July11th –July 15th | Dhammasakhu Dhammar Yone 1008 S. Del Mar Ave San Gabriel CA 91776 | Cho The Maung 1-626-221-6670 |
| July 17th | Return to Myanmar |
|
|
| တရားပွဲတိုင်း Live Show လွှင့်ပါမည်။ |
|
Tuesday, May 17, 2011
ကဆုန်လပြည့် ဗုဒ္ဓနေ့ တရားအလှူ
ကျွန်မတို့ အားလုံး ရဲ့ လောကသုံးပါးရဲ့ အားထား မှီခို ရာ ကျေးဇူးတော်ရှင် ဂေါတမ မြတ်စွာဘုရား ပွင့်ထွန်း ပေါ်ပေါက်လာ ခဲ့တာ အခု ကဆုန်လပြည့် (၁၃၇၃ ခုနှစ်) မှာ နှစ်ပေါင်း ၂၆၀၀ တင်းတင်းပြည့်ခဲ့ပါပြီ။
ဘုရားရှင်တော်၊ မပွင့်ပေါ်လျင်၊ လူတော် အများစိတ်ကောင်းထားလည်း၊
ဤကားသုသိုလ်၊ အကုသိုလ် ဟု၊ ထို ထိုဘုံဘဝ မသိရ၊ များလှ အပြစ်တွေ..။
ဘုရားရှင်တော် ၊ပွင့်ထွန်းပေါ်၍၊ ဟော ဖေါ်ညွှန်ကြား၊ မြတ်တရားကြောင့်
ဤကားကုသိုလ်၊ အကုသိုလ် နှင့် ၊ထို ထို ဘုံဘဝ သိကြရ၊ များလှ ကျေးဇူးပေ..။
ကျေးဇူးတော် ရှင်၊ ဘုရားရှင် ကို၊ဦးတင် မပြတ်၊ကျေးဇူးဆပ်ဘို့
အမြတ်ရတနာ၊ သာသနာ၏ နိုင်ရာဝန်ထမ်း၊ကိုယ် စီစွမ်း၊ကြိုးပမ်းကြပါစို့..။
ဆိုတဲ့ ယဉ်ကျေးမှုသင်တန်းမှ အရှင်ဇနကာဘိဝံသ ရဲ့ ကဗျာလေး ကို နှုတ်က ရွတ်ဆိုမိပါသေးတယ်။
ဘုရားရှင် ရဲ့မွေးနေ့ နှစ်ပတ်လည် ပွင့်ပေါ်ခြင်း နှစ်ပတ်လည် ပရိနိဗ္ဗာန်ပြုခြင်း (ဖွား၊ပွင့်၊ဟော၊စံ၊ ဗျာဒိတ်ခံခြင်း) နှစ်ပတ်လည် အခါသမယမှာတော့ ကမ္ဘာ့နိုင်ငံအသီးသီး မှာ နည်းပေါင်းစုံနဲ့ ပူဇော်မှုတွေ ပြုနေကြပါလိမ့်မယ်..။ ဘုရားရှင်ရဲ့ အမြတ်ရတနာ သာသနာ ကိုနိုင်ရာဝန်ထမ်း ကြိုးပမ်း နေကြ တာမို့ ကျွန်မသည်လည်း နိုင်မယ်လို့ထင်ရတဲ့ တာဝန်လေး တစ်ခုကို ထမ်းရွက်ခဲ့ပါတယ်။
မေလဆန်း တုံးက ကျေးဇူးတော်ရှင် ပိုင်းလော့ဆရာတော် ဘုရားကြီး စင်္ကပူနိုင်ငံဓမ္မဒူတ ခရီးစဉ်မှာ ဖုန်းနဲ့ ဂါရဝ ပြုခဲ့ ပါတယ်။အဲဒီနေ့မှာ တိုက်တိုက် ဆိုင်ဆိုင် ပိုင်းလော့ဆရာတော် ဘုရား နှင့် နောက်ထပ်ဘုန်းဘုန်းတစ်ပါး ဖြစ်တဲ့ဘုန်းဘုန်းဓမ္မဂင်္ဂါ တို့၏ သာသနာပြု လုပ်ငန်း website များ ရေးသား စောင့်ရှောက်ပေး ရန် တာဝန်များ ရရှိခဲ့ပါတယ်။
ကျွန်မ ပိုင်းလော့ဆရာတော် တပည့် အဖြစ်ရပ်တည်ပြီးကတည်းက ဆရာတော် ဘုရား၏ ဆုံးဖြတ်ချက် အကြံဉာဏ်များ ကို ရယူပြီးမှ လုပ်ငန်းများ ဆောင်ရွက်ခဲ့ပါတယ်..။ ကိစ္စများ ပြဿနာ များရှိရင်လည်း ဘုန်းဘုန်းထံပြေးရပါတယ်။
ဘုန်းဘုန်းကလည်း မှတ်သားဖွယ် ဆုံးမပြီးမှ အကြံပေးလေ့ရှိပါတယ်။
မြန်မာပြည်မှ နေစဉ် ကျွန်မ သင်တန်းတွေဖွင့် တဲ့အခါ မှာ ပြောဘူးတာ မှတ်မိနေပါသေးတယ်..
*သမီး ဘာပဲလုပ်လုပ် စေတနာ ကိုအပြည့် အဝထားပါ၊ကိုယ့်အတွက်ဆိုတာ မေ့ထား တစ်ဘက်သား ကောင်းကျိုးစီးပွား ရအောင် ဘယ်လိုဆောင်ရွက်ပေး ရမလဲ ဆိုတာ ရာနှုန်းပြည့် တွေးပြီး လေးလေးနက်နက် ထက်ထက်သန်သန်သာလုပ်ပါတဲ့။ အဲဒီစိတ် ထားနိုင်ရင် တစ်နာရီရ တစ်နာရီသင်၊ တစ်ယောက်ရတစ်ယောက် အကျိုးရှိတာမို့ အဲဒီ တစ်ယောက်ကို သင်ပေတော့တဲ့။
ဘုရားအလောင်း သုမေဓာ လမ်းပေါ်မှာ အလျားမှောက် တယ်ဆိုတာ လွယ်လွယ်လေး လူတိုင်းမှောက်တတ်ပါတယ်တဲ့။ ဒါပေမဲ့ သတ္တဝါတွေအပေါ်ထားတဲ့ မဟာကရုဏာ ၊စေတနာ တရားကတော့လူတိုင်းမလုပ်နိုင်ဘူးတဲ့။ သေးဖွဲ တဲ့အလုပ်ပေမဲ့ စေတနာ စွမ်းအင်က စကြာဝဠာမက ကြီးကျယ် မြင့်မြတ် စေခဲ့တာမို့ ဘုရားဖြစ်လိမ့်မယ် ဆိုတဲ့ဗျာဒိတ်ပန်း ကိုဆွတ်လှမ်းခံယူရရှိခဲ့တာ ဖြစ်တယ်* တဲ့။
ကျွန်မ ကိုယ့်စိတ်ကို ပြန်စစ်ကြည့်တော့ အလုပ်တခု လုပ်မယ်ကြံရင် ကောင်းပါ့မလား၊ အောင်မြင်ပါ့မလား၊ အကျိုးအမြတ် ရှိပါ့မလား။ ဘယ်သူ တွေကငါ့ကို ဘာပြောကြမလဲ ဆိုတဲ့ မေးခွန်းတွေက တစ်ခါ တစ်ခါ ရှေ့တိုးဘို့ တွေဝေ တွန့်ဆုတ်စေတာ ဖြစ်ပါတယ်။နေရာယူချင်တာ ထင်ပေါ်ချင်တာ တွေပါနေတာလား။ သူများအပေါ်က နေဘို့ သူများထက်သာ ဘို့ ယှဉ်ပြိုင်ဘို့ လုပ်နေခဲ့လား ရှိရပါဘူး။ အမှန်တကယ်ဖြောင့်စင်းဘို့ လိုအပ်လှပါတယ်။တစ်ဘက်သား ကိုယ့်ထက် သာရင် ပျော်နေရမှာတဲ့ ဘုန်းဘုန်းကမှာပါတယ်။
မေးခွန်းတွေမေးရင်း ငါ့အတွက်….ငါ့အတွက် ဆိုတဲ့ ငါဘက်က ကြည့်ခဲ့တယ်ဆိုတာ ပြန်တွေ့ရပါတယ်။
ဘုန်းဘုန်း ရဲ့ သြဝါဒ အရ တစ်ဘက်သား အပေါ် ကုသိုလ် ၊ပညာ၊ဥစ္စာ တိုးအောင် ဘာလုပ်ပေးရမလဲဆိုတဲ့အမြင်ကို မွေးမြူနိုင်အောင်ကြိုးစားပါတယ်။
အဲလို သူ့အတွက်ဆိုတာ ကို ကြည့်မိတဲ့အခါ တစ်ခွန်း ရရ တစ်နာရီရရ အကျိုးရှိစေရမယ်ဆိုတဲ့ ထက်သန်တဲ့စေတနာတွေ မြစ်တစ်စင်းလို စီးဆင်းလိုက်တာ..ခွန်အားတွေ အပြည့်ပါပဲ..။ အခက်အခဲတွေ့ခဲ့ ရင်လည်း အဲဒီခွန်အား နဲ့ ကျော်ဖြတ်နိုင်ခဲ့ပါတယ်။
ဘုန်းဘုန်း ဆုံးမ ခဲ့တဲ့စကားတွေ၊ ကိုယ်တွေ့ လေးတွေကို ကျွန်မ ဘလော့စရေး ကတည်းက ဆောင်းပါးအတိုလေးတွေရေးသား မျှဝေ ခဲ့တာပါ။အခု နာဂစ် မုန်တိုင်းကယ်ဆယ်ရေး ဆောင်းပါးတွေ ရေးမိတော့ သဘောတူပါ့မလား လို့ မေးလျှောက်မိပါတယ်။ဘုန်းဘုန်းက Webiste http://www.pilotsayadaw.net မှာ တင်လိုက်ဘို့ မိန့်ပါတယ်..။ ဒီဆိုက်ကလေး ရဲ့ ရာဇဝင်ကို သိထားတဲ့ကျွန်မ က မူလကုသိုလ်ရှင်တွေရယ် ဖန်တီးရှင်တွေဖြစ်တဲ့ ကိုမျိုး(ဓမ္မရံသီ) ၊ ကိုဝင်းမြင့်၊မမေဟန် တို့ နဲ့ တိုင်ပင် ခဲ့ပါတယ်။ ခန့်ခန့်ညားညား ဖန်တီးမှုလေးတွေကိုလည်းခြေရာလက်ရာမပျက် ဆက်လက် တည်ရှိစေလိုပါတယ်။ ဒါကြောင့်မို့ ကျွန်မ သည် ကဆုန်လပြည့်ဗုဒ္ဓနေ့အမီ မှာ ဆရာသမားကိုကျေးဇူးဆပ် ဘလော့တစ်ခုလေးဖန်တီးခဲ့ပါတယ်။ http://www.pilotsayadw.org မှာ ဘလော့ပုံစံလေး နဲ့ သတင်းများ ဆုံးမစကား တရားတွေ မျှဝေရေးသားမှာဖြစ်ပါတယ်။
နောက်တစ်ခုက ဘုန်းဘုန်းဓမ္မဂင်္ဂါ ရဲ့ Dhamma Ganga Pali Institute Blog လေးဖြစ်ပါတယ်။ http://www.dgpi.net
တိုင်းတပါး သားတို့ရဲ့ တက္ကသိုလ်တွေ မှာ ဆရာလုပ်နေကြ ရတဲ့ ဘဝချင်း တူတာ မို့ ဘုန်းဘုန်း ရဲ့ တာဝန်ယူရမှုကိုကျွန်မ မှန်းဆနိုင်ပါတယ်။ စေတနာ တွေကရှေ့ပြေး နေပြီး တစ်ချိန်ချိန်မှာ သူတတ်သလို တတ်စေရေမယ်ဆို တဲ့ စေတနာ အိပ်မက်က အမြဲမက်နေတော့တာပါ။ လူကတော့ မကျန်းမာတာရယ်၊ စာရေးတာရယ် ၊ စာသင်ရတာရယ် ၊ စာတမ်းရေးရတာရယ် နဲ့ လုံးလည် ချာလပတ်လိုက်နေတဲ့ကြားထဲကကို ရသမြောက်ဆောင်းပါးတွေတစ်ပုံတစ်ပင်ရေးဖွဲ့နိုင်သော ရဟန်းတစ်ပါးလည်းဖြစ်ပါတယ်။ အင်မတန်မှ လူ့စရိုက် ကို နှိုက်နှိုက်ချွတ်ချွတ် ပီပီပြင်ပြင် ရေးဖွဲ့ နိုင်တဲ့ မို့ အွန်လိုင်းစာဖတ် ပရိသတ် မှာလည်း တောင့်တင်းလှပါတယ်။
Dhamma Ganga Pali Institute Face Book စာမျက်နှာ မှာ Admin လုပ်ဘို့ ပြောတာကို ကျွန်မ လက်ခံခဲ့ပါတယ်။ အဲဒီမှာတင်တဲ့ ပိုစ့်များ နှင့် သင်တန်းမှတ်စုများ ကိုနောင်တစ်ချိန်မှာ ပါဠိစာပေ လေ့လာလိုကြသူ ကမ္ဘာပေါ်က မည်သူမဆို အလွယ်တကူကြည့်ရှုနိုင်ကြပါစေရန် ။Dhamma Ganga Pali Institute Blog တစ်ခုကို ဖန်တီးရင်း တရားအလှူ ပြုလိုက်တာ ဖြစ်ပါတယ်။
အဘက်ဘက်က ပါရမီဖြည့်ကူညီကြသူတွေ ရဲ့ စေတနာနဲ့ မေတ္တာတရား တို့ မပါဝင်ပဲ ဤသို့ ပြုလုပ်ဆောင်ရွက် နိုင်ကြပါ မဟုတ်ပါဘူး။ Domain Name တစ်ခု ရဘို့ ပင်ပန်းနေ တဲ့ကြားက စိတ်ရှည် လက်ရှည် မညည်းမညူ ကူလည်း ကူညီတယ် ငွေကြေးစိုက်ထုတ် လှူဒါန်း ပေးတဲ့ ပင်တိုင်ဘလော့အမ မမြကြေး မုံ (နော်ဝေး) ရဲ့ စေတနာကို ချီးလည်းချီးကျူး ရသလို အမှန်တကယ်လည်း ကျေးဇူးတင်လေးစား လှပါတယ်။
နောက် စေတနာ ထက်သန်စွာ Credit Card ပေးသုံး ဝယ်ယူစေတဲ့ ကိုချိုထွန်းအောင် (Stockton, CA, USA) ရဲ့ကျေးဇူးကိုလည်း မှတ်တမ်းပြုလိုပါတယ်။
တရားတော်များ ကို လင့်ချိတ်ခွင့်ပြုပေးတဲ့
http://www.dhammadownload.com ( ဦးကျော်လွင်)
http://www.dhammaransi.net (ကိုမျိုး)
တို့ ကိုလည်း အထူးကျေးဇူးတင် ရှိပါကြောင်း ဗုဒ္ဓနေ့ တရားအလှူ တွင် ပါဝင် ပါကြောင်း ပြောကြားလိုပါတယ်။ နောက် နှုတ် ၏ စောင်မခြင်း၊ လက် ၏ စောင်မခြင်း တို့ဖြင့် ကူညီ ကြ မျှဝေပေးကြတဲ့ ကိုမျိုးမြတ်သူ၊ ကိုပြည့်စုံအောင် နဲ့ တကွ စင်္ကပူမှ ပါဠိသင်တန်းသူများ ၊ အလင်းစေတမန် ရပ်ဝန်းမှ ကျေးဇူးတင်ထိုက်သူများ အားလုံးကို မမေ့မလျှော့ ထာဝစဉ် ဦးညွှတ်လျှက်ရှိ ပါကြောင်း ။ ဤ ဗုဒ္ဓနေ့ ဓမ္မဒါန ကုသိုလ်များ တွင် စုပေါင်း ပါဝင်ကြပါကြောင်း ဝမ်းမြောက်ကြပါရန် ပြောကြား မျှဝေလိုက်ပါရစေရှင့်။
လိုအပ်သည်များကို လည်း ဝေဖန်အကြံပြုပေးကြပါရန်လည်း မေတ္တာရပ်ခံအပ်ပါတယ်။
မေတ္တာဖြင့်
သစ္စာအလင်း