ငါဖြင့် သိမ်းပိုက်မိခဲ့ပါသော......နေရာတစ်ခု

                    

အမြတ်တနိုး ဖြစ်လွန်း တဲ့အရာတွေ ဟာထိန်းသိမ်းရန်ခက်ခဲစွ…..
လွန်ခဲ့တဲ့ ၁၂ နှစ်က နေရာတစ်ခု….ဘဝ တစ်ဆစ်ချိုးစေခဲ့သော….
ဘဝ ရဲ့ အိုအေစစ် တစ်ခု လိုဆိုတာ….အတိတ် နဲ့ နှိုင်းနှိုင်း……..အနာဂတ်နဲ့ ယှဉ်ယှဉ်……ရင်ထဲ မှာ တော့အေးမြ မှုသာကျန်ရစ်…တာ အမှန်..။

ဒီ AIT သွားမယ်ဆိုတဲ့ အချိန်ကျတော့ AIT Alumnus Card ကိုပြန်ရှာမတွေ့ ….တော့..။ ပုံ ထဲက ဒီကျောင်းသားကဒ်လေးသာ ထွက်လာခဲ့တာ……။

ကျွန်မ တို့ကျောင်းသားဟောင်းတွေဟာ Alumnus Card နဲ့ဆိုရင် AIT Alumnus အကျိုးခံစားခွင့်တွေရှိသတဲ့..။
AIT Hotel မှာ တည်းရင် ၂၅% လျှော့ပေးပါ့မယ် တဲ့..။ AIT Golf ကွင်းမှာ ကစားခွင့်.. Swimming Pool မှာရေကူးခွင့် ရှိုပါတယ်..။

၂၀၁၁ ဂျူလိုင်က ကျွန်မ မဟာစရက္ခန် တက္ကသိုလ် မှာ အလုပ်လုပ်နေရင်း ကျေးဇူးတော်ရှင်ပိုင်းလော့ဆရာတော်ဘုရား ကို ထိုင်းနိုင်ငံ သို့ပင့်ဆောင် စဉ် မှာ ကျွန်မ ဒီအခွင့်အရေး ကို ခံစားခွင့်ကြုံပါတယ်..။

မြန်မာ အသင်းရဲ့ Activity အဖြစ် ဆရာတော်ကို ပင့်ဆောင်လိုကြောင်း ၊ အခန်း ၂ခန်း ရရှိ လိုပါကြောင်း Email ပို့ထားလိုက်တာ..။

၂ ညစာ၂ခန်းဆိုတော့ တစ်ည ၁၂၀၀ ဘတ် နဲ့ ဆို ဘတ် ၄၈၀၀ ပေးချေရမှာ….. AIT Alumnus Card ကြောင့် ဘတ် ၃၆၀၀ သာ ပေးချေ လှူဒါန်း ခဲ့ရပါတယ်..။
ကျွန်မ ရဲ့ ဆရာတော်ဘုရားခေတ္တသီတင်းသုံးရာ ကျောင်းအလှူ ထဲ မှာ AIT သည် ကုသိုလ် ရှယ်ယာ ပါဝင်ခဲ့သည်ပဲ..။

၂၀၁၁ အောက်တိုဘာလ ထဲမှာ ရေကြီးနစ်မြုပ်ခဲ့တာ ရက်ပေါင်းကြာရှည် စွာ ….အိမ်တလုံးစာအမြင့် နစ်မြုပ်နေသော ဓာတ်ပုံများ ကို မကြည့်ရက် ရက်..ကြည့်ခဲ့ရတာ…။

၂၀၁၂ မေ မှာ ကျွန်မ တစ်ခါ ပြန်တည်းတော့ AIT Hotel ပထမ ထပ်မှာ နေရာရပါမယ်… အင်တာနက် မရပါ..။ဆိုသော အီးမေးလ် ပြန်စာ ကို ရပါတယ်..။အောက်ဆုံးထပ်သည် ရေဖြင့်ပျက်စီးခဲ့ပြီ……။

ကျွန်မ တို့ ဘွဲ့ ယူစဉ် က နှစ်ယောက်တစ်တွဲ တွဲ လျက် သီချင်းသံနှင့် အတူ ဆင်းလျှောက်ကာ ခန်းမ ထဲ ဝင်ခဲ့ရသော ကောဇော နီအုပ်ထားသည့်လှေကား သည် မာကျော မဲပြောင်နေသည့် သံမံ တလင်းဖြစ်လျက် တွေ့ရတော့ ကျွန်မ ရင်ထဲမှာ ကတုန် ကယင်..။

ပေါင်မုန့်ကျွေးခဲ့သော ကန်ထဲက ဧရာမ ငါး တွေ မရှိရှာလေတော့…။
စက်ဘီးဖြတ်စီးခဲ့ သောယုဇန ပန်းရုံ စည်းရိုးတန်း က ရေ အမြုပ်မှာ ဆုတ်နစ် သေဆုံးခဲ့ပါပကော…။

ကျွန်မ တို့ ရဲ့ စိတ်ကူးဥာဏ် စုစည်းရာစာကြည့်တိုက်…။ဗုဒ္စ္ဒဘာသာ ဘုရားခန်း ။ ကျောင်းတက်ရာ FEBT Lab…..
ဆက်လက် ၍ ရင်ဆိုင် နိုင်စွမ်းမရှိသောကျွန်မ မှာ နာကျင်လှစွာ ကျောင်းထဲသို့ လုံးဝခြေဦးပင်မလှည့် လှည့်ပြန် ခဲ့ ပါတော့တယ်..။

၂၀၁၃ မှာ ရောက်တော့ စာကြည့်တိုက် ထိကြည့်နိုင်ခဲ့..သို့သော် Thesis များပျောက်ဆုံး နေတဲ့ သံမံတလင်းကြမ်းပြင်…..ကို တွေ့ရဆဲ…ဆိုတော့မပျော်နိုင်။

တကယ်တော့လည်း …သက်မဲ့ အရာများသည် စကားမပြောပါ..။
ကျွန်မ တို့ ရဲ့ ရင်ထဲက (တဏှာ+မာန+ဒိဋ္ဌိ) ကစကားပြောနေ လေတယ်ဆိုတာ ကျွန်မ ရိပ်မိခဲ့ပါတယ်..။

ငါ့ကျောင်း လေ…ငါ့နေရာပေါ့..ငါ့သူငယ်ချင်းတွေ ရှိခဲ့တာ….. စတဲ့ငါ ဖြင့် တွယ်တာရစ်နှောင်….ထုံးဖွဲ့..။

ငါ စကောလားရှစ်ရခဲ့တာ..ငါဘွဲ့ရခဲ့တာ ဆိုသော မာန ..အတ္တမာန တို့ဖြင့် အတိတ်က ဆောင်းခဲ့သော ရွှေ ထီးကို ပြန်လည် ကြည့်ချင်ခြင်း လည်း ပါပါမယ်..။

ရေ..မြေ..တော တောင် ဆိုတာက
ဓာတ်ကြီးလေးပါး အစုအဝေး..ဖောက်ပြန် ပျက်စီးတတ်သော သဘောအစု ဖြစ်ပျက် မှုသည် ရုပ်တရား ပါတကား..။

လောက ထဲ မှာ တည်မြဲသော ..ခိုင်ခန့် သော အရာ....မပြောင်းမလဲ တည်ရှိပါသော အရာ ဘယ် မှာ ရှိပါမည်နည်း..။

ပျက်စီးခြင်း မှာတောင်…World Trade Center ပြိုလဲ ခဲ့တယ်…။Nepal Land Mark ငလျင် မှာပြိုကျ ခဲ့တယ်..။

ကျွန်မ ဘာမှ မခံစားရ….။

AIT ရေနစ်တော့ ဝမ်းနည်း တယ်..ကြေကွဲ တယ်…။
ဘာလို့လဲ.......ငါဖြင့် ဖက်တွယ် ခဲ့သကိုး..။

ဒါဆို ဆင်းရဲခြင်းအကြောင်း သည် ငါ..ငါ့ဥစ္စာ လို့ ထင်မှတ်မှားမှုကြောင့်ပေါ့…။
ငါဆိုသော ဒိဋ္ဌိကြိုးဖြင့် ချည်နှောင် တွယ်ရစ်..
ဖြတ်ရန်ခက်ခဲ လှသပေါ့..။

ငါ..ငါ့ဥစ္စာ အဖြစ် မသိမ်းပိုက်ခဲ့ ရင် ခံစားတတ်ပါတယ် ဆိုသော နှလုံးသား သည် တုတ်တုတ် မျှပင်လှုပ်မည် မဟုတ်..။

ဒီတရား ကို နှလုံးသွင်းရင်း ကာကွယ် ဆေးထိုးကာ ကျွန်မ ချစ်ခဲ့ပါသော AIT သို့ ကျွန်မ သွားပါ အုံးမယ်..။

ဟိုရောက်တဲ့အခါ ကျရင်တော့ လွမ်းနေခြင်းဖြင့် မမေ့မလျော့ မပေါ့မဆ...သတိပဋ္ဌာန် စိတ်နေမှန်ဖြင့် အခုလို …….
ဆင်ခြင် မှုကို သတိရ မိပါစေကြာင်းလည်းဆုတောင်း မိပါရဲ့.. ရှင်..။

မေတ္တာဖြင့်
သစ္စာအလင်း

အေအိုင်တီမှ ကျေးဇူးတရားများ

၂၀၁၅ မေ လဆို အေအိုင်တီကနေကျေ

ာင်းဆင်းခဲ့တာ ၁၀ နှစ်တင်းတင်းပြည့်ခဲ့ပါတယ်။ ဒီပုံလေး ကတဆင့် ကျေးဇူးတရား တစ်ခုဖော်ပြရန်ကျန်နေပါသေးတယ် ။
*******************************************************************
လွန်ခဲ့တဲ့ ၁၀နှစ်ကပေါ့လေ

ကျွန် မတက်ရောက်သင်ယူနေတဲ့ Master program, က FEBT လို့ အတိုကောက် ခေါ်တဲ့ Food Engineering and Bioprocess Technology ဖြစ်ပါတယ်..။
ကျွန်မ ရဲ့ စီနီယာ တွေကတော့ ဒေါက်တာ ကျော်ညိမ်းအေး၊ ဒေါက်တာစံလင်း ၊ဒေါက်တာ နီတာနွယ် နဲ့ ဒေါက်တာ ၀ါဝါသိန်းဟန် တို့ ပါ..။ စီနီယာ မပါရင် ဘာမှ မလွယ် တဲ့ အေအိုင်တီ မှာ စီနီယာ ကျေးဇူးတွေက အနန္တ ပါ…။

ဘွဲ့ ရခါ နီးအချိန် ဆိုတာ…ကျွန်မတို့ လို ဓာတ်ခွဲခန်းအဖြေ နဲ့ thesis ရေးရသူတွေအဘို့ Lab Test တွေ မပြီးလေ..ပြာလောင်ခတ် လေလေ..ပါ..။
အခု ပုံမှာပြတဲ့ Laminar Flow ကိုလည်းလုရပါတယ်…..။ တခါတခါ အားတဲ့အချိန် က ညဘက်ဖြစ်နေရင် Lab ကပြန်တဲ့အချိန် မနက် ၂နာရီ ၊ ၃နာရီ ဖြစ်တတ်ပါတယ်..။ မနက် ၇နာရီ မှာ Professor က thesis တွေ အရေးအသားစစ်တဲ့ ဆီ မှာ တန်းစီရတော့ မနက် ကိုလည်း အိပ်ရေးက မ၀..။ အလွန်ပင်ပန်း ခဲ့ရသော နေ့ရက်များ…။
Lab Test အလွန်များတဲ့ခေါင်းစဉ် ရွေးထားမိသူမို့၊ အခန်းပြန်ရောက်တာနဲ့ ဆရာတော် ဦးဇောတိ ကရဲ့ ငြိမ်းချမ်းခြင်း တရားတော်ကို ဖွင့်ထား မှ အိပ်ပျော်ပါတယ်..။ စိတ်လည်းတည် ညိမ် လာပါတယ်..။

ဒီလို နေခဲ့တာတောင် ဘ၀ အကျိုးပေး က အကွက်ကျကျ ဖြစ်ခဲ့ပါတယ်..။
အခု ပုံမှာပြတဲ့ Laminar Flow မှာ ခလုတ် ၃ခုပါတာ..တစ်ခု က မီး အတွက်၊တစ်ခုက Air Flow အတွက်..။ နောက်ဆုံး တစ်ခု က အသုံးပြုပြီးတိုင်း အချိန်မှာ ကိရိယာကို ပိုးသတ်ဘို့ ဖွင့်ပေးရတဲ့ UVLight ခလုတ်ဖြစ်ပါတယ်..။ အလုပ်လုပ်ရင်မဖွင့်ရ အလုပ်ပြီးမှသာဖွင့်ရတာ။

အိပ်ရေးကလည်းပျက်..ဇောကလည်းတင်း..အကြောကလည်းတင်း… လောကလည်းလောနေတဲ့ ကျွန်မမှာ ကျွန်မ ရဲ့ နောက်ဆုံး Experiment အတွက် ထိုင် ရင်း Safety တွေမမှတ်မိတော့ပဲ ခလုတ် ၃ခုလုံးကို ကပျာကယာဖွင့်လိုက်မိပါတယ်..။
ဖွင့်ပြီး ၁၅ မိနစ်လောက် အလုပ်လုပ်ပြီး တဲ့အချိန် မှာ ကျွန်မ ရဲ့ စီနီယာလည်းဖြစ် Lab Supervisor လည်းဖြစ်တဲ့ Dr.Shri က..ဟေး..စိန် နင်ဘာလို့ UVLight ကို ဖွင့်ရတာတုံး အော်ပြော မှ ကျွန်မ ကြောက်လန့်တကြား ထပိတ်ရပါတယ်…။ သို့သော် ထိ မိသည် မှာ ၁၅ မိနစ်လောက်ရှိခဲ့တာ…။

သူက Ph.D ( Biotech)ဖြစ်သော်လည်း ဗုံတီးဝါသနာ ပါရုံမက…. ပညာရှင် အဆင့်..သူ့ဇနီး က သူဗုံတီးရင် ကပါသတဲ့..။ ဘန်ကောက်ထဲ မှာ သူက Concert တွေ ဘာတွေလည်း ကတာ..သိရတာ။ ကျွန်မ တို့ ဋ္ဌာန မှာ Experiment တွေ နဲ့ ပတ်သက်ရင် သူ့ ရဲ့ အဖြေ… ညွှန်ကြားချက်တွေကိုယုံကြည်လေ့မရှိကြ..။ အဲဒီထဲ ကျွန်မ တို့ကျောင်းသားတွေလည်းနည်းနည်းတော့ပါခဲ့ပါတယ်..။

အဲဒီနေ့ သူရှာဖွေ ဖြင်ဆင်ပေးတဲ့ E.coli ကို DNA Extract လုပ်တာအဆင်မပြေ..နောက်တော့မှ သူက ပေးခဲ့တာ 48 Hr old culture မဟုတ်ပဲ သူများဆီက ယူပေးခဲ့တာ သိခဲ့ရတာ..။
အခုတော့ ကျွန်မ တို့ အထင်အမြင်သေးသော သူက ကျွန်မ ရဲ့ ဘ၀ကိုကယ်လိုက်ပါပကော..။
အဲလို ထိပြီး ကာစက ဘာမှ မဖြစ်..ညနေ ၅ နာရီလောက်မှ အစွမ်းပြပါတော့တယ်… ဒီအထိ ကျွန်မ စက်ဘီးစီးနိုင်သေးတယ်..။ နောက်တော့ မဟန်နိုင်မျက်လုံး ထဲ မှာ ငရုတ်ရည်ခတ်လိုက်သလို..ပူစပ် နာကျင်လာတာ..။
မျက်ရေတွေ..နှာရည်တွေ မှာ ဒလဟော စီးကျ ခဲ့ ရတာ..။ နာကျင်လွန်း တာနဲ့ အေအိုင်တီ ဆေးခန်း ထဲ ကိုယ့်ဖာသာပြေးဝင်ပြီး ကျွန်မ မှာ…I am emergency…တစ်ခွန်းသာ ပြောနိုင်လျက် လဲကျ သွားခဲ့တာ..။
နောက် တော့ သူငယ်ချင်းများ ( Dr. Myint Lwin, U Aye Chan, Ju Ju)တို့ က အနီးက Tharmasart University ကို ပို့တော့ ကျွန်မ ဘာမှ မမြင်ပါလေတော့..။ Wheel Chair ဖြင့်သာ….ဘာကိုမှမသိတော့ပါ..။ တညတာလုံးကန်းသွားခဲ့တာ..။။ နောက်နေ့ ဘန်ကောက်ဆေးရုံကြီးမှာ ထပ်စစ်တော့ ၁၅ မိနစ် မို့ တဲ့ ၁နာရီ ၂နာရီ သာဆို မျက်လုံးကွယ် နိုင်ပါတယ် တဲ့…။
ဘုရားဘုရား...ကုလားလေး..ဗုံတီးဆရာ ဒေါက်တာ ရှရီ ကို ကျွန်မ ကျေးဇူးတင် ဝန်ချတောင်းပန်မိပါတယ်..။ သူကယ်လို့ နင့်မို့ ဆို ဘွဲ့လည်းမရ မျက်စိလည်းကန်း ဖြစ်ရတော့မှာ အသေအချာ..။
အဲဒီ ကစပြီး ဘယ်သူ့ကို မှ ပေတံများ ကို ပုံသေချ ပြီး မတိုင်းတာမိဘို့ အရေးကြီးတာ..ကျွန်မ သင်္ခန်းစာ ရမိပါတယ်..။
နောက် ၃ ရက်လောက် ရှိတော့ Lab Coat မှ လွတ်နေသော နဖူး တို့ ရင်ပတ်တို့ မှ အရေခွံများအလွှားလိုက်ကွာကျ ခဲ့ရကား…။ ကျွန်မ မျက်စိအတွက် ပိုပြီး ထိတ်လန့် ရပါတယ်…။

ကျောင်းကထွက်ခဲ့ပြီး ၃နှစ်လောက်အကြာမှာတော့ ဒေါက်တာရှရီ အင်္ဂလန် ကတက္ကသိုလ် တစ်ခု မှာ အလုပ်ရတယ် ကြားပါတယ်..။ ကျွန်မ မုဒိတာ နဲ့ ၀မ်းသာရပါတယ်..။
ဤ စာစုဖြင့် ကျွန်မ ရဲ့ အေအိုင်တီ စီနီယာများ ၊ အတန်းဖေါ်များ အားလုံး သို့ ၁၀နှစ်ပြည့်ဂုဏ်ပြု လိုက်ပါရစေ..။

မေတ္တာဖြင့်
သစ္စာအလင်း

AIT -2011 ခင်ပွန်းကြီး (၁၀)ပါး ကန်တော့ပွဲ

AIT ဆိုတဲ့ စကားလုံးကို ကျွန်မ ရဲ့ စာဖတ်သူများ နားညည်းလောက်အောင် ကြားဘူးဖတ်ဘူးနေမှာမို့ Asian Institute of Technology ဆိုတဲ့ အရှည်ကောက် အဓိပ္ပါယ် ကို မှတ်မိနေမယ်လို့ ယူဆမိပါတယ်..။ ကျွန်မကလည်း ငယ်ငယ်က နားထောင်ဘူးခဲ့တဲ့ ရေဒီယို ဇာတ်လမ်းပမာ ထဲ က ( ကျွန်တော်အောင်လံသားပါ) ဆိုတာလို ဥပါဒါန် ကြီးခဲ့ ပေတာကိုးလေ။အောင်လံ မြို့ သားအရာရှိ ကြီး တစ်ယောက် ထံမှာ အလုပ်ရချင်တာနဲ့ အောင်လံသား ဖြစ်ကြောင်း ၊ခိုင်မာစေတဲ့ အချက်အလက်တွေ ကို စုဆောင်းပြီး၊ သေချာလေ့လာပြီး ၊ ဟန်ဆောင် အင်တာဗျူး ၀င်ခဲ့ တဲ့ ဇာတ်လမ်းလေးဟာ လူတို့ ရဲ့မနော ၊ဥပါဒါန် အစွဲကို ကောင်းကောင်း ပေါ်လွင်စေခဲ့တာ မို့ အခုတိုင်မှတ်မိနေခဲ့ပါတယ်..။

ကျွန်မလည်းအဲဒီသဘောမျိုး သက်ဝင်နေတာမို့ ၊ AIT လို့ ဆိုလိုက်လေတိုင်း ကိုယ့်ရဲ့ ဥပါဒါန်ကို ကိုယ်ပြန်မြင်ရ သလိုသာ နှလုံးသွင်းနိုင်ဘို့ ၊ အစွဲ လျော့ပါးစေဘို့ သာ အားထုတ်ရပါတော့တယ်..။ လျော့ပါးစေဘို့ ဆိုတာ ဖေါ်ပြထားတာမို့ လုံးဝတော့ ပျောက်ပျက်တာ မဟုတ်လေတော့ မေတ္တာ သံယောဇဉ် နဲ့ ပဲ သည်သတင်းလေးကို ရေးလိုက်ပါတယ်။

တကယ်တော့လည်း AIT ကျောင်းအသိုင်းအ၀ိုင်းဆိုတာ အာရှဒေသ ဖွံဖြိုးတက်ရေးအတွက် အာရှနိုင်ငံ အသီးသီး မှ လူမျိုးစုံ၊ ဘာသာစုံ ပညာသင်ယူကြတဲ့ နေရာတစ်ခုဖြစ်ပါတယ်..။ ကျေးဇူးတော်ရှင် ချမ်းမြေ့ဆရာတော်ဘုရားကြီး ကြွရောက်တော်မူစဉ်က ကျောင်းဝန်းထဲ လှည့်ပတ်ကြည့်ရှုပြီး လာအိုတွေ ၊ကမ္ဘောဒီးယားတွေ စာလိုက်နိုင်ကြရဲ့လားလို့ မေးဘူးတာ မှတ်မိနေခဲ့ပါတယ်..။ ဆရာတော်ဘုရားကြီးက မြန်မာတွေ ကိုဘာလို့မမေးတာလည်း----- တော်ကြပေလို့လား ရယ်လို့ ဂုဏ်လုပ်စရာ တစ်မျိုးလေးတော့ ဖြစ်သွား ခဲ့ရဘူးပါတယ်..။

ကျွန်မ သူငယ်ချင်း ဗီယက်နမ် မလေး တစ်ယောက်ကတော့ ပြောဘူးတာကျွန်မဖေါ်ပြဘူးပါတယ်.။ စီနီယာတို့ ရဲ့ အောင်မြင်မှု ရာဇ၀င်ကိုပြော မိတဲ့ အခါ မှာ နင်တို့ မြန်မာတွေ မှာ လှို့ ၀ှက်ချက် တစ်ခုတော့ရှိရမယ် လို့ကောက်ချက်ချဘူး တာကိုပါ..။ သူဆိုလိုချင်တာက မြန်မာတွေက အတန်းထဲမှာ သိပ်မတော်ပဲ ကျောင်းပြီးတဲ့ အခါ အလုပ်နေရာကောင်းများ ၊ ပါရဂူ ဘွဲ့ အတွက် ပညာသင်ဆုများ ရတတ်ကြလို့ပါ..။

ကျွန်မတို့ အတန်းထဲမှာ အင်မတန် တော်တဲ့ ဗီယက်နမ် ကျောင်းသား တစ်ယောက်ရှိပါတယ်..။ ဥာဏ်ထက်မြက်သလို စာဖတ်နိုင်တဲ့ စွမ်အားလဲရှိ၊ အာရုံစူးစိုက်နိုင် ပြီး တည်ကြည်မှု လည်းရှိပါတယ်..။ ဒါပေမဲ့ ဒါပေမဲ့ စကောလားရှစ် မရလို့ ခက်ခဲရ၊ရုန်းကန် ရရှာသလို Ph.D ၀င်ခွင့်အတွက်လည်း စာမေးပွဲပေါင်းစုံဖြေရပြီး ခက်ခဲရရှာပါတယ်..။ သူက အိမ်ထောင်နဲ့ ဖြစ်ပြီးသူ့မိဘတွေကို ပစ်ပယ်ထားသူ ဆိုတာကျွန်မ ကသိနေတာမို့.. သူဟာလေ.. သူ့မိဘရဲ့ကျေးဇူး ကိုသာသိတတ်ရင် သူ့အောင်မြင်မှု က တစ်ရှိန်ထိုးတိုးတက်မှာပဲ လို့ ကျွန်မ က မှတ်ချက်ချဘူးပါတယ်..။ ဗီယက်နမ်မလေးက အောင်မြင်မှုဆိုတာ ကျေးဇူး သိတတ်မှုနဲ့ သက်ဆိုင်လေသလား ဆိုတာ ကျွန်မကို အတင်းလိုက်မေးပါတော့တယ်..။

လူတစ်ယောက်မှာ ကျေးဇူးသိတတ်မှု ဆိုတာ အလွန်အရေးကြီး တဲ့အကြောင်း၊ (သူတစ်ပါးရဲ့ ကျေးဇူးကိုအသေးအဖွဲလေးကအစ မြင်အောင်ကြည့်တတ်ရမယ် ၊အခွင့်သင့်ရင်ဖေါ်ပြတတ်ရမယ်..၊ ဒီထက်ပိုပြီးအခွင့်သင့်ရင် ပြန်လည်တုံ့ပြန် တတ်ရမယ် ) ဆိုတဲ့ သဘောကို ကျွန်မ ပြောပြပါတယ်..။ အောင်မြင်တဲ့သူတွေ ဟာ အဲလို လူစားမျိုးတွေ ဖြစ်တတ်တယ်…ဆိုတာကို သူကောင်းကောင်းလက်ခံ သွားခဲ့ပါတယ်..။ တကယ်လည်း သူ့အတွက် အကျိုးရှိခဲ့ပါတယ်..။ University of Camerino, Italy မှာ ကျွန်မ တက်ရောက်ခဲ့စဉ် လစ်လပ်တဲ့နေရာ တစ်ခုမှာ ခေါ်ယူပေး ဘို့ ကျွန်မရဲ့ ပါမောက္ခကို တောင်းဆိုရန် သူ့နာမည်ကို သတိရစေခဲ့တာမို့ပါ။

(ကျေးဇူးမြင်ရင်မေတ္တာ ပေါ်သည်၊ကျေးဇူးပျောက်ရင် မာနပေါ်သည်) မေတ္တာ တရား သည်ကျေးဇူး တရားကို ဆင်ခြင်လိုက်တာနဲ့ နှလုံးအိမ် ကစိမ့်ထွက်လာ တတ်ပါတယ်..။ စစ်မှန်တဲ့ မေတ္တာတရား ပေါ်ပေါက်လာ အောင်လေ့ကျင့်နိုင်စွမ်း ရှိတယ်ဆိုရင်ပဲ ပါရမီ (၁၀) ပါး ထဲ မှ ကျန် ကိုးပါး ( ဒါနပါရမီ၊သီလပါရမီ ၊ နိက္ခမ္မပါရမီ၊ ပညာပါရမီ၊ ၀ီရိယပါရမီ ၊ခန္တီပါရမီ၊ သစ္စပါရမီ ၊အဓိဋ္ဌာနပါရမီ ၊ဥပေက္ခာ ပါရမီ) တွေ ကို အလိုအလျောက်ဖြည့်ကျင့်ပြီးသား ဖြစ်သွားတယ်ဆိုတာ ကျေးဇူးတော်ရှင်ပိုင်းလော့ဆရာတော် ဘုရားရဲ့ အဆုံးအမ နဲ့ သိရှိနားလည် ခဲ့ဘူးပါတယ်..။

ကျေးဇူးတော်ရှင် ပိုင်းလော့ဆရာတော်ဘုရား ကြီး ရဲ့ ခင်ပွန်းကြီး ( ၁၀) ပါးကန်တော့ ခန်း၊ တရားပွဲ တွေ ကို မြန်မာ နိုင်ငံမှာ ကော တစ်ခြားသောနိုင်ငံတကာမှာ တွင်ကျယ်ပြန့်နှံ့နေခဲ့ပါတယ်။ ကျွန်မ ၂၀၀၈ ခုနှစ် ဂျူလိုင်လကုန်မှ စက်တင်ဘာ လအထိ ဥပါဒါန် အစွဲလေးနဲ့ AIT မှာ ပြန်လည် နေထိုင်ရင်း ကျွန်မ ချစ်ခင်လေးစားရတဲ့ AIT Community တိုးတက်အောင်၊ ကျောင်းဆင်း ကလေးများ အဆင်ပြေအောင်မြင် စေလိုတဲ့ စေတနာနဲ့ ဆရာတော်ဘုရားရဲ့ ကန်တော့ခန်း တရားပွဲ ကို စတင် မိတ်ဆက်ခဲ့မိ ပါတယ်..။

ဒါကလည်း လက်ခံ နိုင်စွမ်း ရှိသူတွေ၊ တရားနဲ့ ထိုက်တန်ကြတဲ့သူတွေ၊ ဆက်လက် လက်ဆင့်ကမ်း နိုင်ကြတဲ့သူတွေ ရှိကြလို့သာ ခင်ပွန်းကြီး (၁၀)ပါး ကန်တော့ခန်း အလေ့အထကောင်းလေးဟာ ကျွန်မတို့ ချစ်တဲ့ AIT မှာ စွဲမြဲရှင်သန် ခဲ့ပါပြီ..။ထိုစဉ်က ကျောင်းသူအသစ်ကလေး ဖြစ်ခဲ့ပြီးလက်ဆင့်ကမ်းအမွေ သေချာခံယူ ခဲ့တဲ့ ညီမ မချယ်ရီမျိုးလွင် (Energy Program- ဗုဒ္ဓဘာသာအသင်းဥက္ကဋ္ဌဟောင်း) ကတော့ Japan Nagoya University မှာ Ph.D တက်ရောက် နေတာမို့ သူရဲ့ အွန်လိုင်း အစီအမံနဲ့ ဒီသတင်းလေး ကို ရရှိခဲ့ပါတယ်..။

Dear Ama,

Here are some photos taken in the Khin-Bon-Gyi-Sae Par Kandawt Pwe in AIT Buddhist prayers room on 12nd February, 2011. They celebrated in the morning at 11am. I am happy to see those photos and I think you will be so much satisfied with that activity that you carried to us. Although we are not there, the lovely activity is inherited there. It can make AIT students life meaningful to a certain extent.

If you want to post them in your website, it is OK Ama.

Sincerely yours,

Cherry

တစ်ခုခု၊တစ်စုံတရာ အောင်မြင်လာရင် ငါလုပ်ခဲ့လို့၊ငါစီမံခဲ့လို့ ဆိုပြီး မာနတက်ခဲ့ရင် အင်မတန် ညံ့တဲ့ပုဂ္ဂိုလ်၊ ကမ္မဿကတာ သမ္မာဒိဋ္ဌိဥာဏ် အဆင့် ကိုပင် နားမလည် တဲ့ သူလို့ ကျေးဇူးတော်ရှင် ပိုင်းလော့ဆရာတော် ဘုရားကြီး က ဆုံးမဘူးပါတယ်..။

အရာရာဟာ အကြောင်းအကျိုးညီညွတ်လို့ ဖြစ်ကြတယ် ၊ပျက်ရတယ် ဆိုတဲ့ သဘောရှိလေတာမို့ အကျိုးကိုမပွားပဲ အကြောင်းတည့်အောင် ကြိုးစားကြလေသော…..၊

ကျေးဇူးသိတတ်၍ ခင်ပွန်းကြီး (၁၀)ပါးကန်တော့ကြသော….. ကျွန်မ ချစ်တဲ့ ဂျူနီယာများ၊ ကျွန်မရဲ့ စီနီယာ ၀န်ထမ်းမိသားစု များ၊ အားလုံးတို့ သည် ကိုယ်ပြုတဲ့ ကုသိုလ် အကျိုးဆက်ကို ရရှိ ခံစား၊စံစားနိုင်ပြီး မဂ်ဥာဏ် ၊ဖိုလ်ဥာဏ်ထိ အောင်ဆောင်ရွက်နိုင်ကြပါစေကြောင်း အထူးတစ်လည် မေတ္တာပို့သ အပ်ပါတယ်ရှင့်။သာဓု-သာဓု-သာဓုပါ။

မေတ္တာဖြင့်

သစ္စာအလင်း

မြန်မာ- နည်းပညာတက္ကသိုလ်များရဲ့ 1st International Conference on Science and Engineering

ICSE2009 Call for Paper

ကျင့်လျှင်ချမ်းသာ၊လွန်စွာငြိမ်းအေး

ချစ်သောညီမ ချယ်ရီ နဲ့ စနိုးရေ....

ညီမတို့ ပေးပို့တဲ့ ဘုရား အနေကဇာတင်ပူဇော်ပွဲနှင့် တတိယအကြိမ်မြောက် ခင်ပွန်းကြီးဆယ်ပါး ပူဇော် ကန်တော့ပွဲ သတင်းလေး တွေ ဓာတ်ပုံလေးတွေကို ကြည့်ပြီး သာဓု အကြိမ် ကြိမ်ခေါ်မိပါတယ်ညီမတို့ရေ..။ အမရဲ့ ဓမ္မမှတ်တမ်း သဘော အနေနဲ့ ညီမ စနိုး ရဲ့စာလေးကိုဓာတ်ပုံ များနဲ့ အတူ ဖေါ်ပြလိုက်တယ်နော်။

မမရေ-------

မမကစပြီး ပြုစုပြိုးထောင်ပေးခဲ့တဲ့ ခင်ပွန်းကြီးဆယ်ပါး ပူဇော်ကန်တော့ပွဲအလေ့အထလေး ကိုသမီးတို့ အစဉ်အဆက်လေးဖြစ်အောင် လုပ်ဖြစ်နေတယ်။
အခုတစ်ခေါက်က ဘုရားခန်းအသစ် ကိုပြောင်းပြီး ပထမဆုံး လုပ်ဖြစ်တာပါ။ ဒီတစ်ခေါက်က လူလည်းပိုစုံတယ်။ ဒီနှစ် Aug 09 intake ကလူသစ်တွေလည်း ပါတယ်လေ။
မမ၀မ်းသာရအောင် ဓါတ်ပုံတစ်ချို့လည်း ပို့ပေးလိုက်တယ်။ သာဓုခေါ်ပါနော်။ အကို မိုးသူအောင် နဲ့ မမသက်ထားမြင့်တို့ဆီလည်း ပို့ပေးလိုက်ပါအုန်းမယ်။
ကြေးဆင်းတုအသစ်က မမချယ်ရီ တို့ရဲ့ ဘုန်းဘုန်းတို့ က အေအိုင်တီမိသားစု အတွက် လှူသွားပေးတာမမ။
ခင်ပွန်းကြီးဆယ်ပါးနဲ့ တစ်ရက်ထဲ မနက်ပိုင်းက ဘုရားအနေကဇာတင်ပွဲ လုပ်ဖြစ်တယ်။
ဒါကြောင့် ဓါတ်ပုံထဲမှာ ဘုရားဆင်းတုတော် တွေအများကြီးပိုတွေ့ နေရတာ။
လေးစားခင်မင်စွာဖြင့်
ညီမ ခင်နှင်းဖြူ

တကယ်တော့ ညီမ ရေ အမတို့ ကသာသနာတော်တွင်းသား ဖြစ်လာရတာကိုက ကံကောင်းကြပါတယ်။ အေ အိုင်တီ ကိုလည်း မြန်မာပြည် မှ ဆရာတော်ကြီး တော်တော်များများ ကြွရောက်ပေးကြတယ်။ တရာရေအေး အမြိုက်ဆေး ကိုလာရောက် တိုက်ကျွေး ကြတာ အခုတော့ အဝေးကနေ သတိရ တန်ဘိုးထားတတ် နေမိပါတယ်။ တရားပိုင်ရှင် အစစ်ဖြစ်တော် မူသော မြတ်စွာဘုရားရဲ့ ဂုဏ်ကျေးဇူး ၊ တရားတော်ရဲ့ ဂုဏ်ကျးဇူးတွေကို ကို ပိုလို့ ဦးညွတ်ပူဇော် နေမိပါတယ် ညီမတို့ရေ..။

သာသနာ ထွန်းကားတယ် ဆိုတာ၊နေရာဒေသ ၊ အဆောက်အဦတွေပေါ် မှာ မူမတည်ပါဘူး ညီမရယ် လိုက်နာ ကျင့်ကြံသူ ရဲ့ နှလုံးသားထဲ မှာ သာ သာသနာတော် တည်ရှိတာပါ။
တရားမနာ ၊စာပေမသင်၊
နှုတ်တွင်မဆောင်၊သိအောင်မမှတ် ၊
ပဋိပတ်ကွာ ဤ ငါးဖြာ သာသနာ ကွယ်ကြောင်းတည်း။ ရယ်လို့ဆရာတော်ဘုရားများ လင်္ကာလေးနဲ့ ဆုံးမ တော် မူထားပါတယ် ညီမတို့ရေ..။
တရား ဆိုတဲ့ မြတ်စွာဘုရားရှင်ရဲ့ တရားဂုဏ်တော် တွေဟာ ပင်ကိုယ် သဘာဝကို က အနှစ်သာရပြည့်ဝ၊ ကောင်းမွန် ပြီးသားပါ။

(၁) သွက္ခာတော ဘဂဝတာ ဓမ္မော---မြတ်စွာဘုရားသည် တရားတော်ကို အစ အလယ် အဆုံး (၃)ပါး အစုံ ကောင်းခြင်းဂုဏ်နှင့် ပြည့်စုံစွာဟောကြားတော်မူပါပေ၏။
အစ၏ ကောင်းခြင်းမှာ----- ကြားနာယုံပင် အပူစင်ခြင်း၊
အလယ်၏ ကောင်းခြင်းမှာ ---ကျင့်ကြံလိုက်နာလျှင် ချမ်းသာခြင်း၊
အဆုံး၏ ကောင်းခြင်းမှာ ---ကျင့်ပြီးရင်လည်း လွန်စွာ ငြိမ်းအေး ခြင်းဆိုတဲ့ ဂုဏ်တွေ ပြည့်စုံပါတယ်ညီမရေ..။

(၂) ဓမ္မော တရားတော်မြတ် သည် သန္နိဋ္ဌိကော = ကျင့်ဆောင်သူတို့အား ယခုဘဝ ပစ္စက္ခ ၌ပင် တွေ့မြင် ယုံကြည်ရသော ကောင်းကျိုးချမ်းသာနှင့် လည်းပြည့်စုံပါပေ၏။

(၃) ဓမ္မော တရားတော်မြတ်သည် အကာလိကော= ကာလမရွေး ကျင့်သည့်နေ့ ပင် တွေ့မြင်ယုံကြည်ရသော ကောင်းကျိုးချမ်းသာနှင့် ပြည့်စုံ ပါပေ၏။

(၄) ဘဂဝတော= မြတ်စွာဘုရား၏ ဓမ္မော တရားတော်မြတ်သည် ဧဟိပဿိကော= (လာပါ၊ ရှုပါ၊ကျင့်ကြံပါ ) ဟု မပါပါအောင် ခေါ်ဆောင် သွတ်သွင်း တိုက်တွန်းခြင်း ငှာ ထိုက်တန်သော ဂုဏ်ကျေးဇူး အထူးနှင့်လည်း ပြည့်စုံပါပေ၏။

မြတ်စွာဘုရားရဲ့တရားတော်တွေဟာ နည်းနည်း ကျင့်လျှင် နည်းနည်း ချမ်းသာတယ်၊ များများကျင့်လျှင် များများ ချမ်းသာတယ် ။ကျင့်မိဘို့ ပဲလို အပ်ပါတယ် ညီမတို့ရေ..။ချမ်းသာမှာသေချာပေါက် ဖြစ်သောကြောင့် တိုက်တွန်းခြင်း ငှာလည်း ထိုက်တန်ပါပေတယ်။

(၅) ဘဂဝတော=မြတ်စွာဘုရား၏ ။ ဓမ္မော တရားတော်မြတ်သည် ၊ သြပနေယျိကော = မိမိကာယ အဇ္ဈတ္တ ရရှိပေါက်ရောက် ကိုယ်တွေ့မြောက်အောင် ကပ်၍ ဆောင်တတ်သော ဂုဏ်အထူးနှင့်လည်းပြည့်စုံ ပါပေ၏။

(၆) ဝိညူဟိ== တရားသိသူ ရှင်လူ အပေါင်း သူတော်ကောင်းတို့သည် ၊ ပစ္စတ္တံ-- အသီးသီးသော မိမိ တို့၏ သန္တန်မှာ ဝေဒိတဗ္ဗော --ချမ်းသာလေစွ။ကောင်းလေစွ ဟု ကာယ စိတ္တ သုခ နှစ်ပြင် ထင်ထင်ရှားရှား ခံစားသိမြင် ရသောဂုဏ်ထူးဝိသေသနှင့်လည်း ပြည့်စုံ တော် မူပါပေ၏ တဲ့ ညီမတို့ရေ..။

စီနီယာ စကားလေးစားတတ်သော အစဉ်အလာ ရှိတဲ့ကျောင်းမှာ အမ တို့ စီနီယာ့ စီနီယာတွေဟာ လည်း အမတို့ရဲ့ စံပြသဖွယ် နေထိုင်ပြ ခဲ့တာပါပဲ။ GTE က ဦးအောင်ဝင်းမော် တို့ မိသားစုဆိုရင် မုံလယ် ဆရာတော်ဘုရားကြီး ကို ပင့်ဖိတ်ပြီး ဘန်ကောက်မြို့ထဲက ကိုယ်ပိုင်အိမ်မှာ ကျောင်းသားများအတွက် တရားစခန်း လုပ်ပေးခဲ့ ဘူးပါတယ်။ဆရာမကြီးဒေါ်မြင့်မြင့်သိန်းနဲ့ အတူ စီနီယာ များစွာရဲ့ စွမ်းဆောင်ချက် တွေလည်း များစွာရှိခဲ့ပါတယ်။

တရားဂုဏ်တော်များရဲ့ကျးဇူး ကတော့ အဓိက ပါညီမတို့ရေ..။ဒါကြောင့်လည်း ကျေးဇူးတော်ရှင် မြတ်စွာဘုရားရဲ့သားတော် ရဟန်းတော် များ နှင့် ကျေးဇူးတော်ရှင် ပိုင်းလော့ဆရာတော် ဘုရားမှတဆင့် ရရှိထားတဲ့ တရားတော်ကို အမက ညီမ တို့ကို လက်ဆင့်ကမ်းနိုင်ခဲ့သလို ညီမတို့လည်း ဂျူနီယာတွေကို လက်ဆင့်ကမ်း တဲ့ အခါမှာ အောင်မြင်ခဲ့တာပေါ့ ညီမတို့ရေ..။

အမ အနေနဲ့ကလည်း ငါတက်ခဲ့တဲ့ကျောင်း၊ ငါ့ မြန်မာလူမျိုး၊ ငါ့ ဂျူနီယာ ၊ ငါ့ အဖွဲ့ ၊ ငါ့ ပရိသတ် ဆိုတဲ့ အစွဲအနှောင် အဖွဲ့ မရှိအောင် ကြိုးစားအားထုတ် နေတာဖြစ်တဲ့ အတွက် ချမ်းသာခြင်းကို မိမိ ခံစားရသလို လာပါ၊ရှုပါ ကျင့်ပါလို့ မျှဝေရခြင်းဖြစ်ပါတယ် ညီမရေ..။

ငါ့အဖွဲ့သားဖြစ်စေချင်လို့ အုပ်စု ဖွဲ့လိုသောစိတ်နဲ့ဆောင်ရွက်ခဲ့တာ မဟုတ်ပါ။ အထင်အမြင် ခံယူချက်တူရင် အုပ်စုဖွဲ့တတ်တာ၊ သတ်မှတ်ပြီး အစွဲတွေ ထူနေတာ သတ္တဝါ တို့ရဲ့ သဘာဝပဲကိုးညီမရေ..။အမလည်း ပါခဲ့ဘူးပါတယ်။
ကိုယ်ပြောတဲ့အတိုင်းမလုပ်လည်း စိတ်မဆိုးပါ။ မလုပ်လို့ ချမ်းသာနေရင်လည်း ဝမ်းမြောက်တာပါပဲ။..တကယ့် မေတ္တာ အစစ်၊ကရုဏာအစစ်၊ မုဒိတာ အစစ် ၊ဥပေက္ခာ အစစ် ထားနိုင်ဘို့ အရေးကြီးတာပေါ့နော်။

ဂျပန် ကို Internship သွားမဲ့ ညီမ မချယ်ရီ Thesis စရေးကြတော့မဲ့ ညီမ စနိုး ၊မေဆု၊ မြတ်ဆု၊ တို့နဲ့ အတူ Very Stressful Learning Environment ဖြစ်တဲ့ အေအိုင်တီမှ မျိုးဆက်သစ်များ အားလုံးကို တရား၏ဂုဏ် စိတ်ဝယ် ထုံထား နှလုံးသားမှာ ဘုရားတည်လို့ အခက် အခဲမျာစွာ ကို တည်ကြည်ရင့်ကျက်စွာ ဖြတ်သန်းလွန်မြောက် နိုင်ကြပါစေ လို့ မေတ္တာ စစ်စစ် များ ပို့သလိုက်ပါတယ်။

ဆရာတော် ရဝေနွယ် အား ဆွမ်းဆက်ကပ်လှူဒါန်းခြင်း

ကမ္ဘာ့နေရာအသီးသီး ကိုရောက်ရှိနေကြသော AIT Alumni မောင်နှမများရှင့်...

တခြားသော ဘာသာများနဲ့ သီးခြားရပ်တည် ခွင့်ရခဲ့ပြီ ဖြစ်တဲ့ ဘုရားခန်းလေးမှာ ဘုရားဝတ်ပြုရုံသာ မက ဘာသာရေး လှုပ်ရှားမှုလေးတွေ တွေကို စတင် ပြုလုပ်နိုင်နေ တဲ့အချိန်ကာလ သမယ မှာ မြန်မာနိုင်ငံမှ ပြည်သူချစ် ဆရာတော် ရဝေနွယ်(အင်းမ) ကို ဆွမ်းဆက်ကပ် လှုဒါန်းခွင့် ရတာ ဝမ်းမြောက်ကြည်ညိုစရာပါပဲ..။ ဘုရားခန်းအသစ် ကလေးနဲ့ ဗုဒ္ဓ စာကြည့်တိုက် ကိုလည်း မြင်တွေ့နိုင်ကြပါတယ် ။ ကျွန်မတို့ တုံးက Korea House မှာလုပ်ကြ ရတာကိုး။ ဓာတ်ပုံများ ကိုကြည့်ရှုကြည်ညို သာဓုခေါ် နိုင်ကြပါစေ လို့ဆုတောင်း မေတ္တာပို့သ လိုက်ပါတယ်။

ဆရာတော် ဘုရားရောက်ရှိချိန်မှာ

ဆွမ်းဆက်ကပ်ရန် ပြင်ဆင်ထား ပုံ

ဆရာမကြီး Prof: Dr.Khin Ni Ni Thein ဆွမ်းကပ်လှူ နေတာဖြစ်ပါတယ်။

ဆရာတော်နှစ်ပါးဆွမ်းဘုဉ်းပေးနေတာ ဖြစ်ပါတယ်။

တရားတော် ချီးမြှင့် ပေးတော်မူပါတယ်။

နဝကမ္မ လှူဒါန်းပါတယ်ဘုရား။

Dear Ama,

Here I attached the photos of today activities. I am not used to write Myanmar font and so, would you mind if you send this post by your name and your news? As you are so much familiar with the AIT cooking method(one student, one curry or rice pot if they could), I do know that you could reveal it well. We have been in great happiness to do the great donation with the unity of the Myanmar Buddhist Association.

Thank you for your kind remembrance to us!

with the best regards,
Cherry Myo Lwin

ဗုဒ္ဓဘာသာအသင်းဥက္ကဋ္ဌ မချယ်ရီမျိုးလွင် (Energy) ပေးပို့လိုက်တဲ့ စာလေးမှာပါတဲ့ AIT cooking Method ကိုဖတ်ရင်း Assignment Institute of Technology လို့ နာမည်ပြောင်ပေးထားတဲ့ AIT ကျောင်းသားဘဝကို အလွမ်းပြေနိုင်ကြပါစေ။
သာဓု-သာဓု-သာဓု

AIT Alumni , ပညာဒါနအလှူ-၂၀၀၉-ဂျူလိုင်

PDF July 09 [Compatibility Mode]

HONOUR TO NEW BUDDHIST PRAYER ROOM-AIT

ချစ်ခင်လေးစားရပါသော ကမ္ဘာ့နေရာအသီးသီးရှိ AIT Alumni မောင်နှမများသို့

သည်နေ့-နေ့လည် Email ဖွင့်စစ်လိုက်တဲ့အချိန်မှာ ဖတ်လိုက်ရတဲ့သတင်း က ကျွန်မကို ကြက်သီးမွှေးညင်း ထလောက် အောင် ဝမ်းသာမှုကို ဖြစ်စေပါတော့တယ်..။

Asian Institute of Technology, Thailand ဗုဒ္ဓဘာသာအသင်းဥက္ကဋ္ဌ မချယ်ရီမျိုးလွင်ပေးပို့လိုက်တာပါ။ သူက Professor Tien ရဲ့ Mail ကိုလည်း forward လုပ်ထားပါသေးတယ်။

Dear Cherry Myo Lwin,

I'm pleased to inform you that the renovation of an allocated room in the SU building for the Buddhist Associations was completed. The room was cleaned up this morning and now it is ready for use. Please be informed that there are two sets of air-con in this room. One of them functions and the cover/frame of the other is being made in house (the old cover was damaged and is not available in the market any more, so our people have to make a new one in house. Thus it would take some time). In this connection we wish you, all Buddhist fellows and Associations all the best.

With best wishes,

Tien

ကျွန်မတို့အားလုံး ချစ်ခင်မြတ်နိုးရတဲ့ Asian Institute of Technology ,AIT မှာ ဗုဒ္ဓသာသာ ဘုရားဝတ်ပြုခန်း သည် တစ်ခြားသော ဘာသာရေးဝတ်ပြုခန်းများနှင့် ခွဲထွက် ပြီး သီးသန့် အဖြစ်ပြန်လည်ရရှိခဲ့ပြီဖြစ်ပါတယ်။

ကျွန်မတို့ကျောင်းတက်စဉ် ကာလ က စီနီယာ များနှင့်ဆရာမကြီးဒေါ်မြင့်မြင့်သိန်းရဲ့ ကြိုးပမ်းမှုကြောင့် Student Union ကျောဘက်ခန်းမှာ သီးသန့် အခန်းနှင့် ဆရာမကြီးတို့မိသားစုလှူဒါန်းထားသော သပ္ပါယ်လှတဲ့ ဗုဒ္ဓ ရုပ်ပွားတော် တည်ရှိခါ ကျွန်မတို့အားလုံးရဲ့ နားခိုရာ၊ တရားစုပေါင်းအားထုတ်ရာ နေရာလေးဖြစ်ခဲ့ပါတယ်..။

ကျွန်မတို့ကျောင်းပြီးခါနီး လေးမှာအကြောင်းမညီညွတ်ခဲ့တော့ ထိုအခန်းကို ဖျက်သိမ်းပြီး ဘာသာလေးခု စုပေါင်း ဝတ်ပြုရမယ် ရယ်လို့ အစီအစဉ်ထူးကြောင့် အစည်းအဝေး အကြိမ်ကြိမ် တက်ခဲ့ ရတာ၊ အချေအတင် တွေ ညှိနှိုင်းခဲ့ရတာ၊ ပြောဆိုခဲ့ရတာတွေကို ကျွန်မမှတ်မိနေခဲ့ပါတယ်။အစည်းအဝေးတက်တိုင်း မြတ်ဗုဒ္ဓရဲ့ သုဂတော ဂုဏ်တော်ကို အမြဲရွတ်ဆိုခဲ့ရပါတယ်။

အခန်းကျယ်တစ်ခုအတွင်း စားပွဲတစ်လုံးသာ ထားမယ် ဘာသာလေးခုက အချိန်ညှိနှိုင်းပြီး ကိုယ့်အချိန်ရောက်မှ ကိုယ့်ဘာသာရေး ဆိုင်ရာ ရုပ်ထု စတာတွေကို စားပွဲပေါ်တင် ဝတ်ပြုကြပါ။ ပြီးရင် ဘီဒိုထဲပြန်သိမ်း ဆိုတဲ့ အကြံပြုချက်ဟာ တကယ်တော့မလွယ်လှပါဘူး။

Internationalization , Multi Culture Environment ဖြစ်တဲ့ ကျောင်းဟာ ယဉ်ကျေးမှုဖလှယ်ရတာ ပျော်စရာကောင်းပေမဲ့ ဘာသာရေးနဲ့ ပတ်သက်လာတဲ့အခါ ရောထွေးယှက်တင် ဖြစ်မှုဟာ သဒ္ဓါတရားမတက် စေဘဲ ကိလေသာတွေသာ ပွားစေနိုင်ခဲ့ပါတယ်။

ညှိနှိုင်းမှုတွေအကြိမ်ကြိမ် ပြုခဲ့တော့ အခန်းကျယ်အစား အခန်းကို လေးစိတ်စိတ် ခွင့် ရပါတော့တယ်။ လေးစိတ်မှာ အညီအမျှ စိတ်ပါ လို့ ဘယ်လို တောင်းဆိုဆို ဝတ်ပြုသူအရေအတွက်ကို ဓာတ်ပုံရိုက် ယူလာတာ-တကယ်လည်း တနေ့လေးကြိမ် တက်ညီလက်ညီ ဝတ်ပြုကြတာတွေ တွေ့နေရတော့ ကျွန်မတို့ ကျန်ဘာသာဝင် တွေဟာ မူဆလင်အဖွဲ့ ကို အခန်းရဲ့ သုံးပုံ တစ်ပုံပေးလိုက်ရပါတော့တယ်။

ကျန်တဲ့ သုံးပုံနှစ်ပုံကို ကျွန်မတို့ သုံးဘာသာ က အညီအမျှခွဲဝေ ယူလိုက်ရပါတော့တယ်။

သီးသန့် မရှိတဲ့ တံခါးပေါက်ပြဿနာတွေ…ကျွန်မတို့ဘုရားပန်းလဲတဲ့ Basin မှာမူဆလင် ဘာသာဝင်တွေ ခြေထောက်ခိုးဆေးကြတာတွေ မြင်တိုင်း ကျွန်မရန်ဖြစ်ခဲ့ဘူးပါတယ်။စာတမ်းတွေ လည်းချိတ် ၊ချိမ်းခြောက် မှုတွေ လုပ်ပေမဲ့သူတို့လစ်ရင်လစ်သလို ခိုးပြီးဆေးတော့တာပါပဲ..။

ကျွန်မတို့ ဝတ်ရွတ်ချိန်မှာ Low Voice လုပ်ပေးပါတောင်းဆိုတတ် ပါသေးတယ်..။ သူတို့ဘက်က ကြည့်တော့ လည်း မိန်းမ ဝင်ခွင့်မပေးတဲ့ နေရာကို ကျွန်မတို့ဖြတ်သွားဖြတ်လာ လုပ်တာတွေကို စိတ်ပျက်မှာပါပဲ။မူဆလင် ဘာသာ ဝင် အင်အားမှာ ပါကစ္စတန်၊အိန္ဒိယ၊ ဘင်္ဂလာဒေ့ရှ်၊ အီရန် လူမျိုးများစွာ ဝတ်ပြုကြပါတယ်။

ကျွန်မတို့ ဗုဒ္ဓဘာသာဝင်နိုင်ငံတွေ က ထိုင်း၊လာအို၊ကမ္ဘောဒီးယား၊နီပေါ၊သီရိလင်္ကာ ကျောင်းသားများစွာ ရှိပေမဲ့ တကယ်တမ်း ဘုရားခန်းဝေယျာဝစ္စ ဆောင်ရွက်တာ၊ ထိန်းသိမ်းစောင့်ရှောက်တာ က မြန်မာ ကျောင်းသားများ သာ ဖြစ်နေခဲ့ပါတယ်။

ဒါကြောင့်သည် ဗုဒ္ဓဘာသာ အသင်း ရဲ့ အောင်မြင်မှုဟာ မြန်မာများရဲ့ အောင်မြင်မှု သာဖြစ်တယ်လို့ ဆိုနိုင် ပါတယ်။သည်လေးနှစ်အတွင်းမှာ အခက်အခဲ အမျိုးမျိုးတွေရင်ဆိုင်ကြရင်း စုစုစည်းစည်း ကြံ့ခိုင်စွာ ထိမ်းသိမ်း စောင့် ရှောက် ကြတဲ့သတင်းတွေကိုလည်းကြားသိနေရပါတယ်။

သည်လိုနဲ့လေးနှစ်တောင် ဖြတ်သန်းခဲ့ရတာနော်။ အခုသည်သတင်း ကိုကြားရတာ ကျွန်မတို့အား လုံးသိပ်ပျော်ကြမယ်လို့ ထင်ပါတယ်။

အခုဆိုရင် ဗုဒ္ဓဘာသာဘုရားခန်းနဲ့ အတူ ဗုဒ္ဓစာကြည့်တိုက် ကိုပါ ဖွင့်လှစ်ဆောင်ရွက်တော့မှာဖြစ်လို့ ကမ္ဘာ့နေရာအသီးသီးမှ AITians များ အမိမြေသို့အပြန် ဘန်ကောက်မှာ တစ်ထောက်နားလို့ ပါဝင် လက်တွဲ ကူညီသွားကြပါရန်လည်း သတင်းကောင်းပါး ပန်ကြားလိုက်ပါရစေ။

ဆရာတော်ဦးဇောတိက ဟောကြားတော်မူတဲ့ ( ငြိမ်းချမ်းခြင်း)တရားတော်မှာပါတဲ့ နေရာလေးနဲ့ တူတဲ့ ---AIT-- နွေမှာပိတောက်တွေအမြဲပွင့်တာ---မိုးမှာ ယုဇနခြံစည်းရိုးတန်းက ရနံ.သင်းနေတတ်တာ---

၁၂ရာသီ ကာလပတ်လုံး ဥသြ တွန်ကျူးသံတွေကြား နေရတာ---တစ်ပင်တည်းရှိပေမဲ့ လန်းလန်းစွင့်စွင့် ချွေချပေးတဲ့ ခရေပင်ကြီး တည်ရှိနေတာ---

အရောင်အသွေးစုံတဲ့ ငှက်ပေါင်းစုံ တို့ ပျံသန်းရာ---ငါးများလိပ်များဖွတ်များ ပျော်ရွှင်စွာ တွေ့နိုင်တဲ့ နေရာ--- ကြာညိုပန်းတို့ပွင့်လန်းရာ---

Tomorrow Asian Leaders are studying in AIT ဆိုတဲ့ ကျောင်းရဲ့ ဆောင်ပုဒ်အတိုင်း အာရှရဲ့ ဂုဏ်ကျက် သရေဆောင် အဖြစ်တည်ရှိနေတဲ့ ---ကျွန်မတို့အားလုံးရဲ့ AIT ပါ..။

သည်လို International Institute တစ်ခုမှာမြန်မာ- ဗုဒ္ဓဘာသာဝင်တွေရဲ့ အရည်အသွေးကိုပြသနိုင်တာ၊ အခက်အခဲတွေကိုစုပေါင်းကျော်လွှားကြတာတွေ အတွက် ဆရာမကြီးဒေါက်တာခင်နီနီသိန်း(Vice President-AIT)၊ ဆရာမဒေါ်နွဲ့နွဲ့ရည်၊ဝန်ထမ်းများ၊ ကျွန်မရဲ့ ဂျူနီယာမောင်၊ညီမ များ ကို ဤဆောင်းပါးနှင့် ချီးကျူးဂုဏ်ပြု လိုက်ပါရစေရှင့်။