တွယ်တာ…ကပ်ညိ မှု သည် ဘဝ ရဲ့ ကံကြမ္မာ ကို ဦးဆောင် တတ်တယ် (၃)

သာမန်လူတွေ ဖက်တွယ် မက်မော လှတဲ့ ထီးနန်းစည်းစိမ်

ကို *မထီမလေး တံတွေးပေါက် နှယ် စွန့်ပစ်ပယ် ၍*..ဆိုတာ စိတ်ထားဟာ သားကိုချစ်တဲ့ ချစ်ခြင်း ဖြင့်ပင် မဟုတ်ပါလော…..။
---------------------------------------------------------
ချစ်ခြင်းမေတ္တာ အားကြီး တဲ့ ရာဇဂြိုလ် ပြည့်ရှင် အတွက် လိုက်လျော ခြင်း တွေ အဆုံးစွန်…. ထီးနန်း ကို စွန့်လွှတ်……ခဲ့တာတောင်မှ ပဲ..စိတ်ချရတာ မဟုတ်ဘူး..ထီးနန်း ပြန် ယူရင် ဘယ်လို လုပ်မလဲ…မင်းသားလုပ်မဲ့လုပ် အစဖျောက်အောင်သာလုပ်တဲ့..။

မင်းလည်း အဖေကို သတ်….ဘုရင် လုပ်..ငါလည်း ဘုရားကို သတ်..ဘုရား လုပ်မယ် ရယ် လို့ ရှင်ဒေဒတ်ကို ဆရာ တင် မိတဲ့ အဇာတသတ် ဘုရင်ဟာ …ရှင်ဒေဝဒတ် ပြော သမျှ တသဝေ မတိမ်း လုပ်ဆောင်..ဖခင် ကို ထောင်သွင်း အကျဉ်းချ သည်အထိ မောဟ အမှောင်ဖုံး ခဲ့တာ..အားလုံးသိကြတဲ့ဇာတ်လမ်းပါ..။

သောတာပန် ဘုရင်ကြီး ဆိုတော့ မေတ္တာဖြင့် ခွင့်လွှတ်ဆဲ……ဈာန်ဝင်စားပြီး စင်္ကြန် ကမ္မဋ္ဌာန်း နဲ့ ရွှင်လန်းနေတယ် ဆိုတော့ အစားအစာ ဖြတ်တောက်တယ်…။ ဝေဒဟီ မိဘုရား တစ်ပါးသာ တွေ့ခွင့်ရတယ် ဆိုတော့ ခန္ဓာကိုယ် ကို ဆေးကြောသန့် စင် စတုမဓု များ သုတ်လိမ်း ကာ လျှာဖြင့် လျှက် ကာ စားရတယ် ဆိုတဲ့အချိန် မှာ နားလည် သင့်သော အကြောင်းအကျိုးဆင်ခြင်မှု ကင်းလွတ်လျက် ကရုဏာ များစွာ ဖြင့် ကျွန်မ ကြေကွဲ ဝမ်းနည်းရပါတယ်..။

စင်္ကြန်လျှောက်လို့ ကြည်လင် နေရခြင်း အပေါ် ထပ်ဆင့်ချ တဲ့အပြစ်ဒဏ် ကခြေဖဝါး ဓါး ဖြင့် ခွဲ ၊ ဆားဖြင့်သိပ် မီးကင် ရမယ် ဆိုတဲ့ အပြစ် ဒဏ်…..။
ဒါကိုဆောင်ရွက်ဘို့ ဓါး တွေ သယ်ဆောင်လာ တဲ့ ဆတ္တာ သည် ကို မြင်လိုက်တဲ့အခါ…* အော် ငါ့ သားတော်လေး အမြင် မှန်ရပြီး ငါ့ရဲ့ မုတ်ဆိတ်ကျင်စွယ် တွေ ရိတ်ပယ်…နန်းတော် သို့ ပြန်ခေါ် တော့ မှာမို့ ဆတ္တာသည် လွှတ်တယ် ထင်ပါရဲ့ ** ရယ်လို့ တွေးမိပါသေးသတဲ့…။

အပြစ်မယူစိတ် ….. သံသယ စိတ် မရှိခြင်း ဟာ ဒီအခြေ အနေ ရောက် သည့်တိုင် သင့်နှလုံးသားမှာ ကိန်းအောင်းဆဲပါလား ရာဇဂြိုလ် ပြည့်ရှင်..။
အခြေ အနေ ကို အပြည့်အဝ နားလည် သွားသည့်တိုင် နာကျည်းခြင်း ၊ ခံပြင်းခြင်း ၊ ဒေါသထွက် ခြင်း စတဲ့ အာရုံ တွေ မဖြစ်စေတော့ပဲ အော် တာဝန်ရှိသလို လုပ်ကြ ပါတော့ ဆိုပြီး အာရုံ လွှဲခဲ့တယ်..။

ဖြေဖဝါး ဓါးခွဲဒဏ်ရာ ရောဂါ သည်းလာတဲ့အခါ * အဟောဗုဒ္ဓေါ..အဟော ဝမ္မော..အဟော သံဃော..* …ဘုရားရှင်အား ကြည်ညိုလေးမြတ်အားကိုးခြင်း ဗုဒ္ဓါနုဿတိ ဂုဏ်တော် ကို ရွတ်ဆိုရင်း စုတေစိတ်ကျကာ…ချစ်တတ်လွန်းသူရဲ့ နိဂုံး..ဘဝ အဆုံးသတ်ခဲ့ရတော့တာ..။

ဘဝ ကူးခဲ့ ချိန် မှာ….. သင်ချစ်မြတ်နိုးခဲ့ သူများ ….ဘယ်သူတစ်ဦးတစ်ယောက်က မျှ သင့်အနားမှာ ရှိမနေခဲ့ပါလား..အားကိုးခြင်းတည်ရာ ရှိမနေခဲ့ပါလား ..ရာဇဂြိုလ် ပြည့်ရှင်..။

ဒီနေရာ ရောက်တဲ့ အခါ … ကျွန်မမျက်ရည် လည်ရင်း ရွတ်ဆိုနေကျ သံဝေဂ လင်္ကာ ထဲက * တကယ့်အရေး..တကယ့်ဘေး..ဘယ်သွေး ဘယ် သားမကယ် ပြီ * ဆိုတာ ထပ်မံ အတည်ပြု ကာ အားကိုး ရာ တရားရတနာ ကို ပိုလို့ တန်ဘိုးထားလာမိပါတယ်.. ရာဇဂြိုလ် ပြည့်ရှင်..။

သင်ဟာ…. သက်ဦးဆံပိုင် ဘုရင် ဖြစ်ခဲ့ပေမဲ့ ဘယ် သူ့ကို မှ အာဏာ မသုံး အတင်းအကြပ်မပြု….

ကိုယ်တိုင်သောတာပန် တည်လို့ တရားရစေချင် လို့ *ခေမာ မိဘုရား* ကို ဘုရားရှင်ထံဖူးတွေ့စေချင်တယ်…တရားရစေချင်တယ်…။ အလှမာန ရှိတဲ့ အချော အလှဆုံးမိဘုရားဆိုတော့ အနိစ္စ၊ ဒုက္ခ ၊ အနတ္တ တရား ၊ အလှအပ ကမမြဲ ဘူးဆိုတဲ့ တရားဟာ အသားနုကို လာထိ သလို ဘယ် ခံနိုင်ပါ့မလဲ..။

ဒီသဘော ကိုလည်း နားလည် တာပဲလားရာဇဂြိုလ် ပြည့်ရှင်…။ သင်ဟာ ဒီလို ကိစ္စလေးတောင်မှ အသေးစိတ် စဉ်းစား ပြီး..မင်းမိန့် အာဏာ နဲ့ သွားစေ….မလုပ်ခဲ့။။

ဘုရားရှင် သီတင်သုံးရာ ဝေဠုဝန် ကျောင်းတော်ရဲ့ သာယာ ပုံကို တေးသီချင်းဖွဲ့ ဆို ဖျော်ဖြေ စေကာ သွားချင်အောင် ဥပါယ် တမျဉ် နဲ့ ဆွဲ ဆောင်ကာကုသိုလ် တောသို့ ပို့ဆောင်ပေးခဲ့တာ…..
…သင့်ရဲ့ ဦးညွှတ်အပ်တဲ့ယောင်္ကျား ပီသ မှု တစ်ခုပါပဲ ရာဇဂြိုလ် ပြည့်ရှင်..။

ဒါဆို … သတ်စေ….ဖမ်းစေ…. ထောင်ချစေ…ရယ် လို့ အမိန့်ချရမဲ့ သောတာပန် ဘုရင် တပါး အတွက် သင်ဘယ်လို များ အုပ်ချုပ်ခဲ့ပါလိမ့်..။

* တိုင်းပြည်ကို အေးချမ်းအောင် ထားပါလို့ တစ်ခွန်း သာ မိန့်သတဲ့…*

သူ့ ဘဝ ကိုကျွန်မ တို့ ပြန်လည် သုံးသပ်ကြည့် ပြီး သခ်န်းစာယူကြည့်ရအောင်ပါ...။

စိတ်ကောင်းစေတနာကောင်းရှိသူ ဖြစ်တဲ့ သူဟာ…. မင်းသားဘဝ တုံး က သူ့ မှာ မျှော်လင့်ချက် ၅မျိုးရှိခဲ့ပါ တယ်..။အဲဒါတွေကတော့ …

၁။ တိုင်းပြည်ရဲ့ ဘုရင်မင်းအဖြစ် ခတ္တိယဘိသိတ်အသွန်းခံချင်တယ် …ဆိုတဲ့ မျှော်လင့်ချက်
၂။ သူ့ တိုင်းပြည်ကို အမှန်တရားကို သိတဲ့ ဘုရား ဆိုတာ တွေကြွလာရင်ကောင်း မှာပဲ ..ဆိုတဲ့ မျှော်လင့်ချက်
၃။ ကြွလာပြီးတော့ ဘုရားကို ဖူးတွေ့ခွင့် ရပါစေ..ဆိုတဲ့ ….မျှော်လင့်ချက်..။
၎။ တရားနာကြား ရပါစေ..။
၅။ တရားသိပါရစေဆိုတဲ့ မျှော်လင့်ချက် ..အဲဒီ ၅ချက်လုံး ပြည့်စုံ ခဲ့ ပါတယ်…။

ရာဇဂြိုလ် ပြည့်ရှင်ဟာ သူတော်စင်သူတော်မြတ်တွေကို ချစ်ခင်မြတ်နိုးတဲ့အကျင့်သူ့ မှာရှိခဲ့ပါတယ်..။

စိတ်ကောင်းစေတနာ ကောင်းတို့ ပြည်စုံ သူ တစ်ဦး ဖြစ်ခဲ့ရကား ဘုရားရှင် ဥရုဝေလတောမှာ ၆နှစ်ပတ်လုံး တရားမကျင့်ခင် ကတည်းက တွေ့ဆုံ ဖြစ်ခဲ့ကတည်းက အလွန် ချစ်ခင်မြတ်နိုး ခဲ့တာမို့ တိုင်းပြည် တစ်ဝက် ထီးနန်း စည်းစိမ် တစ်ဝက် ပေးမယ် လေ အတူ တကွ အုပ်ချုပ်ရအောင်လို့ ကမ်းလှမ်း ခဲ့ပါသေးတယ်…။

လောကီအာရုံ မျ့ားစွန့် ခွာ လျက် တရားကျင့် မည့်သူဖြစ်ကြောင်း သိစေ တော့လည်း ဘုရား ဖြစ်တဲ့ အခါ အရင်ဆုံး သီတင်းသုံး ဘို့ အရင်ဆုံး ပင့်ဖိတ်လျှောက်ထားခဲ့သူလည်းဖြစ်ပါတယ်..။

ဘုရားရှင် ဟာ ဘုရား ဖြစ်ပြီးတစ်နှစ်ကျော် လောက် မှာမိဂဒါဝုန် ..နောက် ဂယာ သီသ ကနေ ဥရုဝေလ ကို ပြန်လည် ရောက် ရှိလာခဲ့တယ်..။

*ဂေါတမ ဗုဒ္ဓ* လို့ သတင်းတွေကလည်း ကြီး လာချိန် ၊ ကမ္ဘာ မှာ ထို ဒေသ မှာ ပြန့်နှံရောကရှိတယ်ဆိုတော့ ..။ ဘုရားရှင် ရာဇဂြိုလ် မြို့ နားက နတ္ထိဝန ထန်းတောဥယျာဉ် မှာသီတင်းသုံးချိန် မို့ သိလျှင်သိချင်း ရာဇဂြိုလ် ပြည့်ရှင် ဟာ အခြံ အရံ ၁၂၀၀၀၀ နဲ့ အတူ ဖူးမျှော် ရန် ကြွရောက်လာခဲ့ပါတယ်..။

တကယ် ဆို ရာဇဂြိုလ် မှာ ဗုဒ္ဓဘာသာမထွန်းကားသေးဘူး ။ယဇ် ပူဇော် တာတွေ ဘာတွေရှိတယ်…။ မကောင်းမှုတွေပပျောက် အောင်ရေချိုးရင် ကင်းစင်တယ် ဆိုတဲ့ အယူကြီးစိုးနေတဲ့အချိန်ပါ..။
ဘုရားရှင် က ကာမဂုဏ် အာရုံ ရဲ့ အပြစ်တွေကို ထောက်ပြခဲ့တယ်..။

ကာမဂုဏ်အာရုံ ကိုလိုလားတောင့်တသူမှန်သမျှ ဟာဆင်းရဲရတယ်..။
လွှတ်ချမှ သာချမ်းသာတယ်...။ ပြီူတော့သစ္စာလေးပါးတရားဟောတဲ့အခါ ရာဇဂြိုလ် ပြည့်ရှင် နဲ့ အတူ နောက်လိုက် တစ်သိန်းတစ်သောင်း ဟာ သောတာပန်တည်ခဲ့ပါတယ်..။

တရား ကို သိပါရစေ ဆိုတဲ့ မျှော်လင့်ချက်လည်း ပြည့်စုံခဲ့တာပေါ့လေ..။

သူပိုင် ဆိုင်တဲ့ ဝေဠုဝန် ဥယျာဉ်တော်ကို အေးချမ်းတဲ့ ကျောင်းတော်ရာအဖြစ် မြတ်စွာ ဘုရားရှင်အား ပထမ ဆုံး စတင်လှူဒါန်းခွင့်ရခဲ့ သူလည်းဖြစ်ပါတယ်.။ ကျောင်းမဆောက်ခင် ဥယျာဉ် အဖြစ်အရင်ဆုံး လှူဒါန်းခွင့်ရရှိခဲ့တာပါ..။

အများ ကအကြံပေး တာတွေလည်းလက်မခံ…. အန္တရာယ် ပေးနိုင်တဲ့ သားကို အနားမှာမထားသင့်..တကယ် ဆို နယ်နှင် ဒဏ် ပေး အဝေးမှာ ထားသင့်ခဲ့တာ..။ အကာအကွယ် လည်းလုပ်မထား သားကို ယုံစားခဲ့ပါတယ်...။

သားကို တွယ် တာ ကပ်ညိ မှု ဟာ သူဟာ လည် စင်းပေးရတဲ့အခြေ အနေ နန်းချလည်းခံရ...ထောင်လည်းကျ နဲ့ ဇာတ်သိမ်း မလှခဲ့တာ အမှန်ပါပဲ..။

တကယ် ဆို ဒီလောက်ကုသိုလ် တရားနဲ့ ပြည့်စုံခဲ့သူ..။ သောတာပန်လည်းဖြစ်တယ် ဘုရား တရားကိုလည်း ကြည်ညို တယ်…. ။သို့သော်….ဘဝ စုတေချိန်မှာ နိမ့်ကျ တဲ့ နတ် ဘုံ မှာ ဖြစ်ရတာ ဘာကြောင့်ပါလိမ့်..။
တကယ် ဆို သူနဲ့ ခေတ်ပြိုင် သောတာပန်တွေ ဖြစ်တဲ့ ဝိသာခါ ကျောင်းအစ်မ ကြီး တို့ အနာထပိဏ် သူဋ္ဌေး တို့ရှိတယ်..။

ဝိသာခါ ကျောင်းအစ်မ ကြီး က နိမ္မာနရတီိ နတ်ပြည်မှာ ဘဝ ဖြစ်ရတယ်..။
အနာထပိဏ် သူဋ္ဌေးကြီး က တုသိတာ နတ် ဘုံ မှာ ဖြစ်ရတယ်..။
ဘုရားတရားနာ ပြီး သောတာပန်ဖြစ်တာချင်းတူတူ ….သင်သည် အဘယ်ကြောင့် နိမ့်ကျသော ဘဝ တွင် သွား ဖြစ်ရပါသနည်း..။

တွယ် တာမှု သံယောဇဉ် က ဘဝ ကို ဦးဆောင် ခဲ့တယ် ဆိုတာ ကျွန်မ တို့နားလည် ဘို့ ပြဆို ခဲ့ပါပကော… ရာဇဂြိုလ် ပြည့်ရှင်..။

တစ်ခါက ..မင်းဧကရာဇ် တစ်ဦးဟာ *ဇနဝဿဘ* ဆိုတဲ့ နာမည် နဲ့ စတုမဟာရဇ် နတ်ပြည်က ဝဿဝဏ် နတ်မင်းရဲ့ အခြံအရံ နတ် သား ပါတဲ့လား ……။

နတ်ဘုံ ဖြစ်သော်လည်းနတ်မင်းမဟုတ်ခဲ့..။
အတိတ်ဘဝ… ဘဝ တွေမှာ ဇနဝဿဘ နာမည် နဲ့ နတ်ဘီလူးအကြိမ်ကြိမ် ဖြစ်ခဲ့ဘူးတယ်…ထို ဘဝကို နိကန္တိ ဆိုတဲ့ တွယ်တာ ကပ်ညိ မှုက ဘဝကံကြမ္မာကို ဦးဆောင်သွားရင်း…ကပ်ညိ တဲ့ ဘဝ ထံ ပြန်သွားရရှာ တာပါကလား ..။
*ယာယံ တဏှာ ပေါဏှော ဘဝိကာ*…တဏှာ ကဘဝကို ရှေ့ဆောင်သွားတတ်တယ် ..။
ကံကဆုံးဖြတ်တာမဟုတ်….. တဏှာ ကဆုံးဖြတ်သွားတယ်..။

အောက်ဆုံး နတ်ပြည်လည်းဖြစ်တယ်..သို့ သော် အဲဒီဘဝ ကို သူကိုယ် တိုင်က နှစ်သက်နေလို့ ပဲ ဆိုတဲ့ *ဘုန်းဘုန်း ဒေါက်တာနန္ဒ မာလာဘိဝံသ* က ဟောကြားဆုံးမ ပါတယ်..။

ဂဟကာရံ ဂဝေသန္တော …… တဏှာ ညွှတ်ရာကို ကံက ဖန်တီးပေး ရတာ..။

သူ့လိုပါပဲ ကျွန်မ မှာလည်း ဟိုလူ့ခင်လိုက် ဒီလူ့မင်လိုက်.....
သဘာဝပတ်ဝန်းကျင်ကိုပါတွယ်တာ မြတ်နိုးတတ်ပါသော ကျွန်မ အဘို့ တွယ်တာကပ်ညိမှု ဆိုတာ သတိထားစရာ သံဝေဂရရှိစေခဲ့ပါတယ်..။

တရားချစ်ခင်ပါလျက် မိမိဘဝ မှာ တွယ်တာ မှုတွေ စွဲလန်းမှုတွေက မိမိဘဝကို သေးသိမ်ပြီးအောက်တန်းကျသွားစေနိုင်တယ် ….. ကြိုးစားဖယ်ရှား သွားရမယ် လို့ သင်္ခန်းစာ ကို ကျွန်မ တို့ ရယူမိပါတယ် ဆိုရင် မေတ္တာကြီး လွန်းသူ ရာဇဂြိုလ် ပြည့်ရှင် ပျော်ရွှင်ဝမ်းမြောက်လိမ့်မယ် လို့ ကျွန်မ ယုံကြည်မိပါရဲ့လေ….။

မေတ္တာဖြင့်
သစ္စာအလင်း

တွယ်တာ…ကပ်ညိ မှု သည် ဘဝ ရဲ့ ကံကြမ္မာ ကို ဦးဆောင် တတ်တယ် (၂ )

*ရဟန္တာ ထေရီမ အမ္ဗပါလီ* တစ်ခါ က သံယောဇဉ် ကို သတိရ ပါသေးရဲ့လား …….. ဆိုတဲ့ အခါ…….။

ဘယ်တော့မှ ပြန်မလာ တော့ပါသော အတိတ်…….
မရေမရာ မသေမချာ ဖြစ်ပေါ် မလာသေးပါသော အနာဂတ် ….
လက်ရှိ ပစ္စုပ္ပန် ဟူသည် ပင် ရေ ပေါ်အရုပ်ရေး သလို တစ်ရိပ်ရိပ် ကုန်ဆုံး ချုပ်ပျောက် လျက်ရှိပါသဖြင့်

ကာလသုံးပါး မှ လွတ်မြောက် နေသူအဘို့ ထိုမေးခွန်းအား မည်သို့ ဖြေရပါမည် နည်း..။

ရဟန္တာ ထေရီမ အမ္ဗပါလီ သက်တော် ၆၀ အထိ ပင် လှပနေဆဲ…ဖြစ်တယ် ဆိုတာ…။
ထို အချိန်က ဝေဠုဝန် ကျောင်းတော်ကို ထေရီမ ကြီး ကြွ ချီ လာမည် ဆိုလျှင် ထိုနေ့အဘို့ သတိပဋ္ဌာန် တရား ပိုမို ပွားများထားပါ လို့ တောင် မိန့်ကြား ထားရပါတယ် တဲ့…။

*မသိတော့ဘူး * ဟူသောအဖြေ နဲ့ တစ်ခါက ချစ်သူ….နှင့် လိမ္မာသော သားရတနာ တို့ အား မြတ်စွာ ဘုရားရှင် ရဲ့ ဓမ္မအေးရိပ် မှာ သူက စွန့်ခွာ ထားရစ် …..ခဲ့ရတာ .....

သို့သော်လည်း..။

သူတို့က တော့သံသရာမှ လွတ်မြောက်ခဲ့ပြီး ချစ်တတ်လွန်းသူ သံသရာထဲ ဝဲလည် နေရဆဲ ပါလား.. ရာဇဂြိုလ် ပြည့်ရှင်...။

ပြီးတော့ ကိုယ့်ကို ဒုက္ခပေးမဲ့ သားဆိုးသားမိုက် ကိုပွေ့ ပိုက်ထွေးပွေ့ ရတော့တာပါ..။
တကယ်တော့လည်း ရာဇဂြိုလ် ပြည့်ရှင် ဘုရင် ဗိမ္မိသာရ မသိ၍ မဟုတ်..ကြိုတင်သိခဲ့ပါတယ်….သို့သော် တွယ်တာ မှု ကြင်နာမှုများ ဖြင့် မည်သူ့ကိုမျှ အပြစ်မဆို…ခဲ့ ။

သန္ဓေစတည် ကတည်းက ချစ်သော ဝေဒဟီ မိဖုရားခေါင်ကြီး လက်ရုံးသွေး ကို သောက်ချင်တယ် ရယ် လို့ ချဉ်ခြင်းတပ်ရ သတဲ့လား..။

တစ်ပိန်ပိန် တစ်လိမ်လိမ် ဖြစ်တဲ့အခါ..ဘာကြောင့်လဲရယ်လို့ ဂရုစိုက်ခဲ့ရှာတာ ….။ အရာရာ ကိုယ့်စိတ်တိုင်းကျ ဆိုတဲ့ ဘုရင် တစ်ပါး ဟာ ချက်ချင်း ဆိုသလို ..*ဒါဘာခက်လို့ တုံး* ဆိုပြီး ရွှေဓါးငယ်လေးယူ ကိုယ် တိုင်လက်မောင်းသွေးဖောက်ကာ မိဘုရားကို ကိုယ် တိုင် တိုက်လိုက်ပါသတဲ့..။

သည်လို သတင်းကို ကြားသိတဲ့ ပုဏ္ဏားတော် တွေက သည်ကလေး သည် ကြီးပြင်းလာတဲ့အခါ ဖခင်ကို ပြန်သတ်လိမ့်မယ် လို့ အတိတ်နမိတ်ကို ကောက် ယူ ဟောကိန်း ထုတ် ခဲ့ပါတယ်..။

မိဘုရား ကြီး က ဘုရင့်အတွက် တောထဲထွက်တာ ကိုယ်ဝန်ကို ဖျက်ဆီး ဘို့ကြိုးစားတာကို သိသွားတော့ ဘုရင် ဗိမ္မိသာရ ကခွင့်မပြု ခဲ့ပါ…။

မိမိ အတွက် ကာကွယ် ဘို့ အရေး ….ဘာလို့ မတွေး ရတာပါလဲ ရာဇဂြိုလ် ပြည့်ရှင်…။
မွေးလာကတည်းကလည်း ဒီကလေး လေးကို သိပ်ချစ်ရှာတယ်..သတ်ကာမှ သတ်ကော..သားရယ် တဲ့..။

ခူနာ ပေါက်တော့ သူ့ပါးစပ် နဲ့ ငုံပေး ထားတာ..လူ့ရဲ့ အာငွေ့ နဲ့ဆိုတော့ သက်သာပြီး ပြည်ပေါက်တာ ထွေးမပစ်ဘူး ..မြိုချ ပစ်တဲ့အထိ ချစ်တတ်ခဲ့ရှာသော ရာဇဂြိုလ် ပြည့်ရှင်….။

သင်ဟာ ယနေ့အထိ ဖခင်မေတ္တာ ကိုစာဖွဲ့ ညွှန်းဆို ရာ မှာ ယနေ့ထိတိုင် စံပြ ဖြစ်နေဆဲပါလား..။
ဘုရားရှင်တောင် ဇာတ်ဝတ္ထု များ ဟောကြား သတိပေးစကားဆို ခဲ့သည့်တိုင် ချစ်ခင် မြတ်နိုးဆဲ…။

ဒေဝဒတ် ရဲ့ စည်းရုံး သိမ်းသွင်းမှုကြောင့် ဖခင်ကို သတ် ဘို့ အဇာတသတ် မင်းသားလေး နန်းဆောင်ထဲဝင်….မသင်္ကာဘွယ် တုန်လှုပ်နေလေတော့ ဖမ်းဆီး ကြပါတယ်..။ တစ်ချို့သောအမတ်တွေက သားတော် နှင့် တကွ သူ့ဆရာဒေဝဒတ် ကိုပါ သေဒဏ် ချမှတ်သင့်တယ် ရယ်လို့လည်းဆုံးဖြတ်ကြပါတယ်..။

သားကိုနယ် နှင် ထား မယ် ဆိုရင် ဒီလို အဖြစ် မျိုးရောက်မှာ မဟုတ်ပါဘူး.. လို့ ဂရုဏာဒေါသော ပြောသူလည်းပြော..။

သာသနာကြည်ညို လွန်းသူ သောတာပန် ဘုရင်မင်း မို့ *မြတ်စွာ ဘုရားရှင် ရဲ့ သားတော် များအား လောကီ ဥပဒေကြောင်းအရ အရေးမယူ ရဘူး* လို့ အမိန့်ထုတ်ထား တာ ကြောင့် ရှင် ဒေဝဒတ် အား လက်ဖျား နဲ့ ပင် ထိခွင့်မရှိ….။

ထီးနန်း လိုချင် လို့ ဒီလို လုပ်ရပါတယ် ဆိုတော့ အလွယ် တကူ ပဲ ထီးနန်း ကဆင်း သားတော် ကို လွှဲအပ်ပေး လိုက်တယ် လို့ ကြားနာသိရှိ ရချိန် မှာ ……ကျွန်မ အနေနဲ့ ကြည်ညို လေးစားမှု ပါပိုခဲ့ပါတယ် ရာဇဂြိုလ် ပြည့်ရှင်..။

သာမန်လူတွေ ဖက်တွယ် မက်မော လှတဲ့ ထီးနန်းစည်းစိမ် ကို *မထီမလေး တံတွေးပေါက် နှယ် စွန့်ပစ်ပယ် ၍*..ဆိုတာ စိတ်ထားဟာ သားကိုချစ်တဲ့ ချစ်ခြင်း ဖြင့်ပင် မဟုတ်ပါလော…..။

ဆက်ပါဦးမည်..
မေတ္တာဖြင့်
သစ္စာအလင်း

 

တွယ်တာ…ကပ်ညိ မှု သည် ဘဝ ရဲ့ ကံကြမ္မာ ကို ဦးဆောင် တတ်တယ် (၁)

 

ဒီနေ့ တော့ ဘုန်းဘုန်း ဒေါက်တာ နန္ဒမာလာဘိဝံသ ဟောကြားတော်မူတဲ

့ * ဗိမ္မိသာရမင်း ရဲ့ ဘဝ နှင့်သင်္ခန်းစာ* တရားတော် ကို နာယူမိတဲ့အချိန်မှာ ……

ကျွန်မ ရဲ့ နှလုံးအိမ် မှာ တွယ်တာ တတ်လွန်းသူ .. သက်ဦး ဆံပိုင် မင်းဧကရာဇ် ဖြစ်သော်လည်း ငဲ့ညှာ တတ်သော နှလုံးသားဖြင့် ကြင်နာတတ်သော အမျိုးသား တစ်ဦး ရဲ့ တည်ကြည်ခန့်ညားတဲ့ ရုပ်ပုံ လွှာ တစ်ခု ပေါ်လွင်လာခဲ့ပါတယ်..။
သူကတော့ ရာဇဂြိုဟ် ပြည့်ရှင် ဘုရင် ဗိမ္မိသာရ ဖြစ်ပါတယ်…။

ဥရုဝေလ တောက ဥရုဝေဠ ကဿပ ၊ ဂယာ ကဿပ ၊ နဒီ ကဿပ စတဲ့ ရသေ့များ ကြီး စိုး ရာ တိုင်းပြည်မှာ ဖြစ်ခဲ့သော်လည်း ဘုရားရှင် နဲ့ တွေ့ကာ တရား အစစ်အမှန် တွေ့ ခဲ့တာ သောတာပန် တည် ခဲ့ သူလည်းဖြစ်ပါတယ်..။

မိဘုရား နှစ်ပါး ရှိ ပြီး နှစ်ပါး လုံးက လည်းချောမောလှပ သလို ဂုဏ်သတင်းကြီး မားလှပါတယ်..။ မိဘုရားခေါင်ကြီး ကတော့ ကောသလတိုင်း ပြည့်ရှင် မင်းရဲ့ သမီးတော် ပသေနဒီ ကောသလ မင်း ရဲ့ ညီမတော် ဝေဒဟီ မိဘုရား ကြီး ဖြစ်ပါတယ်..။

နောက်တစ်ပါး ကတော့ အင်မတန်မှ ချောမော လှပ တဲ့ ခေမာ မိဘုရား ဖြစ်ပါတယ်..။
သူ့အကြောင်း ကို စီကာစဉ်ကာ ဘုရားဟော တရားတော် တွေ ထဲ မှာ သူနဲ့ ပတ်သက်တဲ့ သူတွေအကြောင်း ဟောကြား တာနာကြားရလေတိုင်း သူ့ ပုံရိပ်က တစ်စွန်းတစ်စ ဖြစ်ပေမဲ့ ယောင်္ကျားမြတ်တို့ ရဲ့ နှလုံးသားကတော့ အရောင်မပြောင်း ခဲ့တာ သတိထားမိခဲ့ပါတယ်..။

ကျွန်မ အနေနဲ့ ပထမ ဆုံး ဘုရင်မင်းမြတ်အကြောင်း ကို စသိ ခဲ့တာ ဓမ္မစေတီဆရာတော် ဦးကောသလ္လ ဟောကြား တော်မူတဲ့ အမ္ဗပါလီ ထေရီမ အကြောင်း မှာ ဖြစ်ပါတယ်..။ အဲဒီဇာတ်လမ်းမှာ သူဟာ ဇာတ်လိုက်ဖြစ်နေပါရောလား..။
ဇာတ်လိုက်တောင် မှ ရိုးရိုးဇာတ်လိုက်မဟုတ် အနုပညာဆန်ဆန် ၊ ကဗျာ ဆန်တဲ့ ဇာတ်လိုက်..။ အဲဒီတုံး က ဝေသာလီပြည်က အမတ်ချုပ်ရဲ့ သမီး ၊ အလှဘုရင် မရယ်လို့ နာမည်ကြီး လှ တဲ့ အမ္ဗပါလီ…။

သူက အရွယ် လေး ရောက် လာတော့ အနီးတစ်ဝိုက်ကတော့ ဝေသာလီ ကကော မင်းညီ မင်းသား ပန်းချီကားတွေ ယှဉ်တွဲ ချိတ်ဆွဲ ပြထားတဲ့အထဲ က အလွန်ယောင်္ကျားပီသ တဲ့ မင်းသား တစ်ပါး ကို တိမ်းညွတ်မိပါသတဲ့…။
အဲဒီသူက တော့ ရာဇဂြိုလ် ပြည့်ရှင် ဘုရင် ဗိမ္မိသာရ ပါ…။

ဓမ္မစေတီ ဆရာတော်က တော့ပြောတာ ဥပါဒါန် ရဲ့ သတ္တိ တဲ့..။ ရာဇဂြိုလ် ပြည့်ရှင် ဘုရင် ဗိမ္မိသာရ ကလည်း အလှသတင်းကြီး တဲ့ အမ္ဗပါလီ ကို စွဲလန်းခဲ့ပါတယ်..။
ပိုင်ဆိုင် ချင်တဲ့ မင်းညီမင်းသားတွေ များလွန်း လို့ တစ်ဦးတစ်ယောက် က ပိုင်ဆိုင် ခဲ့မယ် ဆိုရင် စစ်ပွဲတောင်ဖြစ်နိုင် တယ် ဆိုတဲ့အထိ လှပ လွန်း သူ..မို့ ဖခင် အုပ်ထိန်းသူ ကိုယ်တိုင် တောင် မစီမံတတ်အောင် ဖြစ်နေရရှာတာ..။

ဒီအချိန်မှာ…အမ္ဗပါလီ ဟာ လမ်း ပင်ထွက်ခွင့်မရ..လျှပ်တပြက် တွေ့ လိုက်တဲ့ သူက တွေ့တာ နဲ့ စွဲလန်းတပ်မက်တော့တာ ကိုး ..။ ဒီတော့ သူ့ ရဲ့ ဘယ် သူမှ ဝင်ခွင့် မရ တဲ့နန်းဆောင် ထဲ ကို ကြီးမားတဲ့ ဥပါဒါန် ရဲ့ သတ္တိ စွမ်းအား နဲ့ ရောက် အောင် ဝင်နိုင် သူက ရာဇဂြိုလ် ပြည့်ရှင် ဘုရင် ဗိမ္မိသာရ….။

ဒီလို ဝင်ရောက်နိုင်ဘို့ ရုပ်သေးအတတ်ပညာကို ၁နှစ်လောက် သင်ယူပါတယ် တဲ့..။ ရုပ်သေး ဆရာအဖြစ်ရုပ်ဖျက်ကာ ဝေသာ လီ က နန်းဆောင်ထဲ ထိ ဝင်နိုင်တာ….။ အမ္ဗပါလီ ကိုအရိုအသေ ပေးတော့ မင်းသမီး ကလည်းခေသူမဟုတ် ဆိုတော့ လူကဲခတ် တတ် ခဲ့ပါတယ်..။ ဘုရင် တစ်ပါး ရဲ့ အရိုအသေ ပေး မှု ဟာ ၁၀၀% ပျပ်ဝပ်ရိုကျိုးမနေပဲ ရာဇဂုဏ်အင်နဲ့ ခန့်ညားနေတာကို ရိပ်မိ ခဲ့တာပါပဲ..။ သူတို့ချင်းချင်းသာ သိ တဲ့ စိတ်စွမ်းအင် ရဲ့ ဆက်သွယ် မှု ကြောင့်ပဲ မျက်နှာဖုံးများကွာ ကျ လှပတဲ့အချစ်ဇာတ် လမ်းတစ်ပုဒ် ဖြစ်ခဲ့ကာ ..* ဝိမလ ကောဏ္ဍည * လို့ ခေါ်တဲ့ သားလေး တစ်ယောက် ဖွားမြင် တဲ့အထိ..။

ဘုရင် တစ်ပါးနဲ့ချစ်သူ ဖြစ်ခဲ့ပေမဲ့ မိဘုရား ဖြစ်ခွင့်မရှိ ရှာ သူ ကတော့ အမ္ဗပါလီ..။
* ရာဇဂြိုလ် ပြည့်ရှင်….. ကျွန်မ ဟာ ရှင့်ထက် ဝေသာလီ ကိုပိုချစ်ပါတယ် * ဆိုတဲ့ ဆရာချစ်ဦးညို ဝတ္ထု ထဲက စကားလုံး တွေ ကျွန်မ တရားနာရင်း ရေရွတ်မိသေး..။
သူမ ဟာ မိဘုရား အဖြစ် လိုက်ပါ သွားခဲ့လျှင် *ရာဇဂြိုလ် နဲ့ ဝေသာလီ* စစ်ခင်းကြရပေတော့မယ်..။စစ် ဖြစ်တော့မဲ့အရေး သူမ နှလုံးသားကို စတေးခဲ့တဲ့ … အမ္ဗပါလီ..။

တစ်ချိန် ထဲမှာ ချစ်သူကို စွန့်လွှတ်..သားကလေးကို မြတ်စွာဘုရားကျောင်းတော် ကိုပို့…။ ဖခင် အမတ်ချုပ်က သမီးဖြစ်သူကို အိမ်မှာ မထား ပြည်ကြီးတန်ဆာ …ပြည့်တန်ဆာ အဖြစ်နေစေဆိုတဲ့အမိန့်ချအပြီး နှလုံးကွဲကာသေပွဲဝင်ရတာ..။

ဘဝနာ မှ အသိသာလေခဲ့ပါသလား အမ္ဗပါလီ…… ကြမ်းရှ ခက်ထန်တဲ့ ဆူးခင်းလမ်းဖြတ်သန်းပြီးချိန်မှာ ငြိမ်းချမ်းရေးမယ် တော် ထေရီမ အမ္ဗပါလီ… အဖြစ် အောင်ပွဲ ခံ ခဲ့ချိန်မှာ ကျွန်မ ကျေနပ် ပီတိဖြစ်မိပါတယ်..။
ဒီအချိန်မှာ ….. ရာဇဂြိုလ် ပြည့်ရှင် ဘုရင် ဗိမ္မိသာရ နဲ့ ပြန်မတွေ့ လေဘူးလား လို့ ကျွန်မ က ဝတ္ထုဆန်ဆန် မျှော်လင့်တော့ တွေ့ခဲ့တယ် တဲ့..။

သောတာပန်…ဘုရင် ရဲ့ တွယ် တာမှု ဥပါဒါန်က ဖြတ်မရ ကပ်ညိ ဆဲဆိုတော့…..
ပြန်လည် တွေ့ဆုံဖြစ်တဲ့ အခါ *ရဟန္တာ ထေရီမ အမ္ဗပါလီ* တစ်ခါ က သံယောဇဉ် ကို သတိရ ပါသေးရဲ့လား …….. ဆိုတဲ့ အခါ…….။

ဆက်ပါဦးမည်.......

မေတ္တာဖြင့်
သစ္စာအလင်း

အလေးလံဆုံးသောအရာ ...ငါ

**လူဟု ဆိုလျှင် ..လူလို ပင်သာ
လူတွင်တွေ့မျိုး…ကြောင်းအကျိုးနှင့်
ကောင်းဆိုး နှစ်တန် ..လောကဓံ ကို
ဖန်ဖန်တွေ့ မြဲ…စိတ်မှာ စွဲ သည်…
ဝမ်းနည်းဝမ်းသာ မများ ပါ…. ***

ဆိုတဲ့ တောင်မြို့ မဟာဂန္ဓာရုံ ဆရာတော် ဘုရားကြီး ရဲ့ ကဗျာ လေးဟာ အမှန်တရားကို သိမြင် နိုင်ဘို့ ကူညီပေးနိုင်ခဲ့ပါတယ်..။

ကျွန်မ နှစ်သက်လွန်း တဲ့ ကဗျာလေး ရဲ့ အတိုင်းအဆ ကိုနားလည်အောင် ကြိုးစား ရင်း လူအကြောင်း ကိုသိရှိ သဘောပေါက် တဲ့အခါ..ဝမ်းနည်းရခြင်း ဝမ်းသာရခြင်း တွေ ဟာ များများစား ရှိမနေတော့ဘူးဆိုတာ သေချာ လက်ခံ ယုံကြည်ရင်း ထပ်မံပူဇော် မိပါတယ်..။

လူ ဆိုတဲ့ကျွန်မ တို့ လူတွေဟာ *ငါ ရှိတယ်* ဆိုတဲ့ အထင် မှား သက္ကာယ ဒိဋ္ဌိ ကို အခိုင်အမာ ဆုပ်ကိုင်ပြီးသံသရာ မှာကျင်လည်နေကြတာ…. တွေ့မြင်နိုင်ပါတယ်..။

ငါရှိတယ် ဆိုတဲ့အထင်ကြောင့် ငါချမ်းသာရေးကိုအချိန်ပြည့်တောင့်တ ကြပါတယ်..။

ငါ…ချမ်းသာ ကိုပေးနိုင်မယ် ထင်တဲ့ သက်ရှိသက်မဲ့ကို တွယ်တာကြပါတယ်..။
ချမ်းသာကိုမပေး နိုင်တဲ့အခါ မှာ တော့ ပူလောင်ကြတာပါ..။

တစ်ဦး နဲ့ တစ်ဦးချစ်တယ် ဆိုတာကလည်း ချမ်းသာပေးနိုင်တုံး ခဏ ပါ…။ အပြန်အလှန်ချမ်းသာ မပေးနိုင်တဲ့အခါ….. ဟန်ဆောင်မျက်နှာဖုံးတွေကွာကျ ကုန်ကြရတော့တာ..။ ပေါင်းသင်းဆက်ဆံရေး တွေ မှာလည်းဒီလိုပါပဲ ။

သူ နဲ့ ကိုယ်နဲ့ အဆင်ပြေတယ် ဆိုတာကလည်း သူ ကလည်း ကိုယ့်ရဲ့ အတ္တစွဲ ကိုမထိ လို့..အပြန်အလှန် အတ္တတွေကိုအရောင်တင်ပေးကြတဲ့အချိန် အဆင်ပြေကြတာပါပဲ..။

ဘယ်လို ပဲ ကောင်းတဲ့အလုပ် လုပ်နေပါစေ….. ကိုယ့် အတ္တကိုထိပါေးစမယ် အရောင်မှိန်စေမယ် ဆိုရင် အဲဒီတစ်ယောက်ကို မချီးကျူးနိုင်ကြတော့ဘူး ၊ အသိအမှတ်မပြု နိုင်ကြတော့ဘူး..။ကိုယ့်အပါးက ထွက်ခွာ သွားစေချင်ကြတော့တာ။

ငါ ဆိုတာကို ရင်ခွင်ပိုက်ထားတဲ့လူ တစ်ယောက်အနေနဲ့ ငါကို ရွှေချပေးမဲ့ ဘုန်းတော်ဘွဲ့ ပတ်ပျိုးတွေကိုသာ နားဆင်ချင်ကြတာ ပါ..။

အဝေဖန်ခံနိုင်တယ် ဘယ် လိုပဲပြောပြော ရင်ထဲ မှာခံရခက်ခြင်း နဲ့အမုန်းတရားတွေ စိမ့်ထွက်လာ တာကတော့ အတွင်းထဲ မှာ မြင်အောင်ကြည့်လို့ ရတာပါပဲလေ..။

သူ....တပါး တော်လို့ ဖြစ်တယ် ဆိုတာ ကိုပြောပြဘို့ နှုတ်ကဆွံ့ အသလောက်….ကိုယ်တော်ကြောင်း တွေ ကိုသာကြားချင်နေတယ် ဆိုတာ လူ့သဘောတွေပဲမဟုတ်ပါလား ။

လူ့သဘော ကို နောကျေ နေတဲ့ စီးပွားရေးသမားတွေကတော့ လူ ကို ဗဟိုပြု ပြီး စီးပွားရေးမှာ အသုံးဝင်အောင် လုပ်တတ်ပါတယ်..။ ဦးညွှတ်ကြိုဆိုတာတို့ ၊ လေးစားစွာ ကိုင်းညွှတ်ပေးတာ တို့…ဘာတို့ ပေါ့လေ..။

ဒီလို အဖြစ်အပျက်လေးတွေ ခဏခဏ တွေ့ကြုံလာရတဲ့အခါ များလာတော့ ကျွန်မက ကျေးဇူးတော်ရှင် ပိုင်းလော့ဆရာတော်ဘုရားသင်ပေး တဲ့အတိုင်း အဓိက တရားခံ ကို မြင်အောင်ရှာ ဘို့ ကြိုးစားရပါတယ်..။

အဓိက ကတော့ ငါ….ရှိတယ် လို့ ထင်တဲ့ အမြင်မှား ** သက္ကာယဒိဋ္ဌိ** ကို ပဲတွေ့ ရပါတယ်..။

ဒါကို ပယ်နိုင်ရင် ဆင်းရဲဒုက္ခ သည်အလျားတစ်ယူဇနာ အနံ တစ်ယူဇနာ ( ၁၂မိုင်ခန့်) ရှိတဲ့ရေကန် ထဲ က ရေ ပမာဏ နဲ့ အဲဒီရေကို နှီးဖျားလေးနဲ့ ကော်ယူလိုက်လို့ တင်ကျန်ခဲ့တဲ့ ရေစက် ကွာခြား သလို ကွာခြား သွားတယ် လို့ ဟောကြားတော်မူကြတာကို နည်းနည်းရိပ်မိသလိုလို ဖြစ်ခဲ့ပါတယ်..။

အဲလို ရိပ်မိချိန်မှာ တော့ ဆက်ဆံရေးအဆင်ပြေ အောင် …ကိုယ့် ရဲ့ ငါ ထက် သူ့ရဲ့ ငါကို ဦးစားပေး မထိပါးအောင်နေဘို့ လည်း ဆုံးဖြတ်မိပါတယ်..။

တကယ်တော့လည်း ကျွန်မတို့ အားလုံး ဟာ…..မသိခြင်း ဆိုတဲ့အမှောင်ထု တွင်းကနေ ငါဆိုတဲ့ဝန်ထုပ်ဝန်ပိုး ကြီးကို ခက်ခဲပင်ပန်းစွာ သယ်ဆောင်ခရီး ဆက်နေကြတဲ့ ကန္တာရခရီးသည်တွေလိုပါ ပဲ…။

အဲဒီအထုပ်ကြီးရင် ကြီးသလို ပင်ပန်းနေကြတာလည်း အမှန်ပါပဲ…။
ပိုလို့ လေးလံ သော ဝန်ထုတ်ဝန်ပိုး ကို သိမ်းပိုက်ထားခဲ့ရင် အပါယ်ငရဲထိဆွဲချတတ်တယ် ဆိုတာ ထိတ်လန့်စရာ သံဝေဂလည်းရမိပါတယ်.။

ငါ့ မြေ..ငါ့ယာ ..ငါ့ဥစ္စာ….. ငါ့သား…ငါ့သမီး…..
များလှစွာ သော ဝင်္ကပါတော မှာ..ငါများစွာ…. သူ့ငါ..ငါ့ငါ ကလည်းခလုတ်ခဏခဏတိုက်..။

အင်းတတ်နိုင်သမျှ တော့ ဖြတ်ထုတ် ..ခါချ…..

အလင်းတစ်စ ရှေ့ဆောင်တဲ့လမ်း..ဖြောင့်တန်းပေါ့ပါး စွာလျှေက်လှမ်းရပါစေသား။

မေတ္တာဖြင့်
သစ္စာအလင်း
ခေတ္တ- ပန်းသခင် တည်းခိုခန်း၊ ဘိုကလေးမြို့
၂၄.၅.၂၀၁၆

နိက္ခမ္မပါရမီ သို့ ဦးညွှတ်ပူဇော်ခြင်း (မာရ်နတ် ၏ ဆဋ္ဌမ တပ်မ- ဘီရူ)

 

((ဆရာကြီး ဦးရွှေအောင်၏ ဗုဒ္ဓ-လောကသား တို့ ၏ အနှိုင်းမဲ့ ကျေးဇူးရှင်( ကိုယ်ကျင့်ဗုဒ္ဓဝင် ) -စာ-၁၅၅ ကို မှီငြမ်း ကိုးကားရေးသားပူဇော်ပါသည်။))

မနေ့က တော့ စက်ရဲ့ ဖန်တီးမှု ဖြင့် အေး မြသော စာသင်ခန်းတစ်ခု မှာ မဟုတ်ပဲ အပြင်သဘာဝ ပတ်ဝန်းကျင် တွင် တနေကုန် လှုပ်ရှား လိုက်သောအခါ…. ချွေးများ အဆက်မပြတ် ထွက်လာကာ သုတ်လို့ ပင်မနိုင်….။ အလေးချိန်တိုးလာသော ခန္ဓာ ကိုယ်ကို ထမ်းပိုး ထားရသော ခြေထောက်သည် နာကျင်ယောင်ရမ်း ခဲ့တယ်..။

ငယ်ငယ် အသက် ၂၀ ဝန်းကျင် ကရေဆင်းမှာ နေစဉ် ၇ မိုင် တောလမ်းခရီးကို မညည်းမညူ ဖြတ်သန်းလျှေက်လှမ်း ခဲ့ဘူးသော်လည်း …။ အခုတော့ ဇရာ က ဇာတိပြလေပြီတကား ။ သုံးစွဲ ခိုင်းစေ လွန်းခဲ့သော ခန္ဓာကိုယ် စက်ယန္တယား သည် ထစ်ငေါ့ တုန်ယင်ခဲ့ပါပြီ..။
ကျန်းမာရေး ဂရုစိုက်နော်….. စသည်ဖြင့် သတိပေး စကားများစွာ ကြားခဲ့ဘူးသော်လည်း ။

ဂရုစိုက်ပါသော်လည်း ကောင်းမလာ တော့သော ဒေါင်ဒေါင်မြည် ကျန်းမာခြင်း သည် *လာဘ် ကြီး တစ်ပါး* ဟူသော နာမည် ဖြင့် အနတ္တ တောမှာ မင်းမူနေခဲ့တာ… ပြန်ယူလို့ လည်းမရနိုင်။ ထိုအခါ ကျွန်မ သည် ..*ဘီရူ* ကိုသတိရမိပါတယ်..။

ဘီရူ ဆိုတာကတော့ မာရ်နတ်မင်း ရဲ့ ဆဋ္ဌမ စစ်တပ် ဖြစ်ပါတယ်..။ ခန္ဓာ ကိုယ်ကလည်းပင်ပန်း ၊ အိပ်ရေး ကလည်းမဝ ဖြစ်သောအခါ ကျန်းမာရေး နဲ့ ပတ်သက်တဲ့ ကြောက်ရွံ့ မှု ဆိုသော * ဘီရူ * သည် ဝင်လာ တတ်ပါတယ် .. တဲ့ ။
ထို ဘီရူ ကို ကြောင့်ကြ စိုက်ပြီး မိမိ လုပ်ငန်းကို ဆက်လက် ဆောင်ရွက်ခြင်း မရှိပဲ ရပ်တန့် လိုက် တယ် ဆိုရင် မာရ်နတ် ရဲ့ ဆဋ္ဌမ စစ်တပ်မှာ ကျဆုံးတယ် လို့ ဆိုပါတယ်..။
အမှန်တကယ် တော့လည်း အများအကျိုးအတွက် ရည် ရွယ်သော စိတ်သည် နှယ်နှယ် ရရ ကုသိုလ် စိတ်မဟုတ် ပါ။။ အလွန်အင်အား ကြီးမားသော စွမ်းရည် သတ္တိကို ပိုင်ဆိုင်သော ကုသိုလ် စိတ်ဖြစ်ပါတယ်..။

ထို ကုသိုလ် စိတ် ကြောင့် ဖြစ်သော စိတ္တဇ ရုပ်များ သည် မကောင်းသာ အကုသိုလ် စိတ်ကြောင့်ဖြစ်တဲ့ စိတ္တဇ ရုပ် အန္တရာယ် များကို ပယ် နိုင်သည်သာ ဖြစ်ပါတယ်..။

ဒါကြောင့်မို့ လို့ *ဘီရူ* ကို ကျွန်မ ဘယ်လို ကျော်လွှား ရမလဲ သိချင်စိတ်ပြင်းပြခဲ့ပါတယ်..။ ရှေးရှေး ကျမ်းပြု ဆရာများက သူတို့ ရဲ့ ကျမ်းဦးပမာဏ ၌ အများအတွက် ရည် ရွယ် လုပ်သောအခါ * ရတနာ သုံးပါး* အပေါ် ကိုးစားယုံကြည်မှု ဖြင့် လုပ် သင့်တယ် လို့ ဆိုကြပါတယ်..။

ထိုသို့ ပြုလုပ်ပါက ဘေးအန္တရာယ် ကင်းရှင်းကြောင်း ယုံကြည်ကြပါတယ်..။
ကျေးဇူးတော် ရှင် ဝေဘူဆရာတော်ဘုရားကြီး ရဲ့ * ဘီရူ * နဲ့ ပတ်သက် တဲ့ မိန့်ကြားချက် ကတော့မှတ်သား လိုက်နာစရာကောင်း လှပါတယ်…။

*** အကျိုးမဲ့ သေခြင်း မျိုး ဖြင့် သေခဲ့ရသော ဘဝပေါင်းကားမရေ မတွက်နိုင်လောက်အောင် များလှပါလေပြီ ။ ယခု လို အကျိုးရှိရှိ သေခြင်း မျိုးဖြင့် မသေခဲ့ ရဖူးသေးချေ..။

ယခုလို အကျိုးရှိရှိ သေခြင်း မျိုးဖြင့် သေချင်နေသည် မှာ ကြာလှပါပြီ။ သေချင်သေပါစေ ။ နည်းနည်းမှ မလျှော့ *** ဆိုတဲ့ခံယူ ချက် ဖြင့်သာ လုပ်ပါက ကျန်းမာရေးနှင့်ပတ်သက်သော ကြောက်ရွံ့မှု * ဘီရူ* ဖြစ်စရာ အကြောင်း မရှိ ပါ***** ဟု ဝေဘူ ဆရာတော် ဘုရားကြီး ကမိန့်ကြားခဲ့ဘူးပါတယ်..။

ထို ကဲ့ သို့ အများ၏ အကျိုးစီးပွားအတွက် ပြုလုပ်ဆောင်ရွက် သော မိမိ ရဲ့ စေတနာ စွမ်းအားကို ယုံကြည်ပြီး လုပ်ကိုင်ပါက ကြောက်ရွံ့ မှု --ဘီရူ ကို အောင်နိုင်ပါတယ် တဲ့..။
အမှန်တကယ် လေးနက်စွာဆန်းစစ်ကြည့်မယ် ဆိုပါက ..။။ ကျွန်မ တို့ အားလုံး မှာ *ငါ---ငါ့ဥစ္စာရှိနေတယ် ဆိုတဲ့အထင်** သက္ကာယဒိဋ္ဌိ** နဲ့ သံသရာ မှာ အစွဲနာ ….ကာသံသရာရှည်လာခဲ့တာ..။

ဒီအစွဲ ကြောင့် ပဲ ….ပရဟိတတွေ..တရားအားထုတ်တာတွေ …ဒါတွေ လုပ်နေရင်…ဘယ်လို စားရမလဲဘုရား ၊ ရှေ့ရေး ဘယ်လို လုပ်မလဲ ဘုရား ၊ နောင်ရေး စိတ်အေး ရပါ့မလား ဘုရား … ဆိုတဲ့မေးခွန်း တွေ ပြန်ပြန်မေးပြီး ….. လမ်းကြောင်းပေါ်မှ သွေဖီသွားကြတာ….. ။

အနိမ့်ဆုံး သမ္မာဒိဋ္ဌိ ဖြစ်တဲ့ *ကမ္မဿကတာ သမ္မာဒိဋ္ဌိ * ဖြင့် ပင် အမှန်မြင် နိုင် ယုံကြည်စိတ်ချ နိုင်စွမ်းတွေ အားနည်းရတော့တာပါ..။

ဒီ *ဘီရူ * ဆိုတာကလည်း အဲဒီငါစွဲ ကြောင့်ပဲပေါ်လာတာ အမှန်ပါ..။ အကယ် ၍ သာ *ငါ* မရှိပါက ငါ့ကျန်းမာရေး အတွက်စိုးရိမ်ကြောင့်ကျ မှု * ဘီရူ* သည် လည်းပေါ်ပေါက်လာ မည် မဟုတ်ပါ..။

ဒါကြောင့်….. အရေးအကြီးဆုံးအချက် အဖြစ် အစဉ် သတိပြုရန်မှာကား ဘယ်လုပ်ငန်းကို ပဲ လုပ်လုပ် *ငါ* မပါ ဝင်လေအောင်….။

အကယ်၍ …*ငါ* ပါဝင်လာပါကလည်း *ငါ* ကို ဦးစားမပေးမိအောင် အားထုတ်ဆောင်ရွက် ကြမယ် ဆိုရင် ….။

*ဘီရူ * ဆိုတဲ့ မာရ်နတ် ရဲ့ ဆဋ္ဌမ စစ်တပ် သာမက ပဲ အရာရာ ကို အောင်မြင် မှာ မလွဲ ပါဘူးရယ် လို့သာ…. ယုံကြည်လေးမြတ်မိပါတော့တယ်..။ 

မေတ္တာဖြင့်
သစ္စာအလင်း
(After 6 days training )