ပိုင်းလော့ဆရာတော်ဘုရားကြီး၏တရားစခန်းအစီအစဉ်-စင်္ကပူ

ချစ်ခင်လေးစားရပါသော စင်္ကပူနိုင်ငံမှ ဓမ္မမိတ်ဆွေများရှင့်

ကျေးဇူးတော်ရှင် ပိုင်းလော့ဆရာတော်ဘုရားကြီး သည် လာမဲ့နိုဝင်ဘာလ ထဲမှာ စင်္ကပူ နိုင်ငံကို သာသနာပြုခရီးစဉ် အဖြစ် ကြွရောက်ပေးမှာဖြစ်ပါတယ်။ မိမိတို့ ရဲ့ အချိန်များကို ကြိုတင်စီမံ နိုင်ကြပြီး အခွင့်အရေးကောင်းတစ်ခု အဖြစ် နှလုံးသွင်း ခံယူ၍ ကျင့်ဆောင်ကြိုးကုတ် အားထုတ် ကြပါရန် တရားစခန်းအစီအစဉ်လေးကို ကြိုတင် ဖော်ပြပေး လိုက်ပါတယ်။တရားစခန်းပွဲ မှာဒုလ္လဘ ရဟန်းခံပွဲ နှင့် သီလရှင်ဝတ် ပွဲလည်း ရှိပါတယ်။တရားစခန်းပွဲ ကျင်းပစဉ်ကာလ အတွင်း ဟောကြားမည့်တရားများကို တိုက်ရိုက်နာကြား ခွင့်ရအောင် *အွန်လိုင်းဓမ္မသဘင်*အဖြစ် ကိုဝင်းမြင့် မမေဟန်တို့ ဦးစီးတဲ့ ဓမ္မသုခ ညီအစ်ကိုမောင်နှမ တစ်စုရဲ့ (http://www.live.dhammathukha.com) ကလည်းကြိုးပမ်း ထုတ်လွှင့်ပေးမှာ ဖြစ်ကြောင်း လည်းသတင်းကောင်းပါး လိုပါတယ်။

နေရာ=== သီရိမင်္ဂလာ မြန်မာသီလရှင်ကျောင်း (Siri Mangala Society), Aloha Loyang
ဆက်သွယ်ရန်ဖုန်း==၆၂၉၆၃၅၄၉-----၉၁၃၉၃၃၀၇
နေ့ရက်===နိုဝင်ဘာ ၉ရက်မှ ၁၄ ရက်နေ့အထိ (၅)ရက်
်တရားစခန်းစာရင်းသွင်းရန်===စက်တင်ဘာ ၁၇ မှ စတင်၍ ဖုန်းဆက်ပြီး ဆရာလေးဒေါ်ကေတုမာလာ ထံ ကြိုတင်စာရင်းပေးသွင်းနိုင်ကြပါတယ်။

မြန်မာနိုင်ငံ မှာ ဆရာတော်ဘုရားရဲ့ မိုးညှင်းသိင်္ဂီ ကျောင်းတိုက်မှာ အမြဲကျင်းပပြုလုပ်တဲ့ တရားစခန်း ကိုဝင်လိုလျှင် ၂ လ ၃လ ကြိုတင်းစာရင်းပေးသွင်း ထား ရပါတယ် ။ အစွမ်းကုန်လက်ခံပေး တာတောင်မှ ပဲ အပတ်စဉ် တိုင်း လူ အမြဲ ပြည့်လျှံ နေတတ် ပါတယ်။ကျွန်မ ကတော့ မိုးမိုး (အင်းလျား)ရဲ့ မသုဓမ္မစာရီ ကို အခေါက်ပေါင်းများစွာဖတ်ပြီး သီလရှင်ဘဝကို ခံစားနားလည် ခဲ့ပါတယ်။ အလှူဒါန ဆို သီလရှင် ဆရာလေးများကို မေတ္တာပို မိုနေခဲ့လို့လားမသိပါ။ ကျွန်မရဲ့ ဓမ္မ လမ်းကြောင်းမှာ သီလရှင်ဆရာလေးများရဲ့ ကူညီဖေးမ လမ်းပြမှုနဲ့ အများဆုံး လင်းလက်ခဲ့ ရပါတယ်။ကျေးဇူးတော်ရှင် ပိုင်းလော့ဆရာတော် ဘုရားကြီးရဲ့ (၂၀၀၅ခုနှစ်) စင်္ကပူ ဓမ္မဒူတ ခရီး စဉ်- ပထမဆုံး တရားစခန်းမှာတော့ အချိန်ပြည့် ယောဂီ နှစ်ယောက်သာရှိခဲ့ပါတယ်။ လူတိုင်း အလုပ်များကြတဲ့ တိုင်းပြည်မှာ ကျွန်မ က ၁၀၉-၁၁၀ ဖြစ်ခဲ့တာကိုးလေ..။ဒါကြောင့်လည်း အဲဒီ နှစ်ယောက် ထဲမှာ တစ်ယောက် အပါအဝင် ဖြစ်ခဲ့ ရတာ ဆရာလေးတွေ ကျေးဇူးကြောင့် ဆိုတာ အမြဲသတိရ ကျေးဇူးတင်နေမိခဲ့ပါတယ်။

ပိုင်းလော့ ဆရာတော် ဘုရားကြွလာမှာ ကို ကြိုတင်သိမထားပဲ ကျွန်မ နဲ့အတူ ကျွန်မ ရဲ့စီနီယာအမ မမဝိုင်း (ဒေါ်တင်တင်နွဲ့ )နဲ့တိုင်ပင်ကာ ဆရာလေးကျောင်းမှာ ၅ရက် တရားအားထုတ်ရအောင် ဆုံးဖြတ်ခဲ့ တာဖြစ်ပါတယ်။ကျောင်းရောက်တဲ့ ညနေမှာပဲ ပိုင်းလော့ဆရာတော် ဘုရားမလေးရှား မှပြန်လည် ကြွ မြန်း လာခဲ့ တာ ကျွန်မ တို့ အတွက် အံသြ ဘနန်းဖြစ်ခဲ့ရပါတယ်။အဲလိုနဲ့ပဲ ပိုင်းလော့ဆရာတော် ဘုရားကြီးရဲ့ တရားတော်များကို ငါးရက်တိုင်တိုင် နေ့ကောညပါ နာယူမှတ်သားခွင့်ရ ခဲ့ရပါတယ်။

ည ကိုးနာရီမှ ဆရာတော်ဘုရား က Topayoh ကျောင်းကြီးကိုပြန် ကျိန်းတော်မူပါတယ်။ ငါးရက်လုံးလည်း နေ့ဆွမ်းဆက်ကပ် ခွင့်လည်း ရခဲ့ပါတယ်။ကျွန်မ ကတရားပွဲတိုင်းမှာ စာအုပ်ဆောင် ရေးမှတ်တတ်တဲ့အကျင့်ရှိခဲ့ပါတယ်( သိပ်တော့ အထင်မကြီးပါနဲ့- ၁၉၉၄ ချမ်းမြေ့ရိပ်သာ ကျောင်းမှာ တရားစခန်းဝင်တော့ တရားနာတဲ့အခါ တရားတစ်ပွဲလုံး ပြီးဆုံးသည်ထိ လက်အုပ်ချီ နာယူရပါတယ်။ ရေရှည် မချီနိုင်တော့ အကြံထုတ် ပြီး မှတ်စုလိုက် ရင်လက်ထောက်ခွင့် ရပြီးသက်သာ ကောင်းရဲ့ ဆိုပြီး ရလာတဲ့ အကျင့်ပါ။ချမ်းမြေ့ဆရာတော်ဘုရားကြီးကို သွားမတိုင်ပါနဲ့နော်) သည်အကျင့်လေး က အစ စေတနာမကောင်း ခဲ့ပေမဲ့ အခုထိ တော့ထောက်ပံ့ပေး နေခဲ့ပါတယ်။ကျွန်မတို့နှစ်ဦးသား တစ်လုံးမကျန် လိုက်မှတ်ကြပါတယ်။ ညဘက်မှာ ဆရာလေးဒေါ်ကေတုမာလာ နဲ့ဒေါ်ကေသရစာရီတို့ ကပြန်ဆွေး နွေး ပေး ဆိုတော့ကျွန်မ တို့ မှာ Intensive Training Course ကို Student Teacher 2:3 ratio နဲ့သင်ယူခဲ့ရတာ အခုထိ ဝမ်းမြောက်ပီတိ ဖြစ်လို့မဆုံး ပါ။ပီတိဖြစ်တယ် ဆိုပေမဲ့ တကယ်တော့ ပုဗ္ဗစေတနာ ချုို့တဲ့ နေပါတယ်။ ကြိုတင်ပြီးဆွမ်းကွမ်း ခဲဘွယ် စီစဉ်မယ်၊ အသံသွင်းတာ မျိုးလုပ်မယ်၊ ဓာတ်ပုံ ရိုက်မှတ်တမ်းတင်တာ လုပ်မယ် စသည်ဖြင့်မစီမံနိုင်ခဲ့တာ လည်းပြန်တွေးမိပါတယ်။

ဓမ္မမိတ်ဆွေများကျွန်မလို မဖြစ်အောင် ကြိတင်စီမံနိုင်ကြပါပြီ။မြန်မာ ကို ပြန်ရောက်တော့လည်း ဆရာလေး ဒေါ်ခေမာ၊ဒေါ်ကုသလ၊ ဒေါ်ဥတ္တရာ တို့ကျေးဇူးနဲ့ လူကြပ်လှတဲ့ စခန်းပွဲမှာ တစ်နေရာ ရခဲ့ အားထုတ် ဖြစ်ခဲ့ရပါတယ်။

သည်စာစုလေးဖြင့် ဆရာလေးဒေါ်ကေတုမာလာ၊ဒေါ်ကေသရစာရီ၊ ဒေါ်ခေမာ၊ ဒေါ်ကုသလ၊ ဒေါ်ဥတ္တရာ တို့အားရှိခိုး ဦးခိုက်ကန်တော့လိုက်ပါတယ်။ဒ့ါအပြင် ကျွန်မ အားတရားရေအေးတိုက်ကျွေး ပေးခဲ့သော Lavender Vipassana Meditation Center VMC မှဆရာတော်ဘုရားဓာတ်တော်တိုက်ဆရာတော်ဘုရားဦးထေရဝံသ၊ တို့အားလည်း ဤ စင်္ကပူ အမှတ်တရစာစုမှ ရှိခိုးကန်တော့လိုက်ပါတယ်။

နောက်ပြီး စင်္ကပူ မှာတည်းခို နေထိုင်ခဲ့ရသော ကျွန်မ ၏ အချစ်ဆုံးသူငယ်ချင်း ဆွေဆွေတို့ မိသားစု ( ဦးမင်းဇော်+ ဒေါ်ဆွေဆွေမြင့် သား မောင်အောင်သူရဦး) မမဝိုင်းမိသားစု (ဦးစိုးရီ+ ဒေါ်တင်တင်နွဲ့)မအေးအေးမော် မိသားစု (ဦးတင်ဝင်း+မအေးအေးမော် သမီး Kaori)၊ဦးခင်မောင်စိုး မိသားစု၊ ဦးသောင်းထွဋ်+ဒေါ်မြင့်မြင့်စိုး မိသားစု၊ မတင်တင်သောင်းမိသားစု၊ မဌေးဌေးမိသားစု၊ မမီမီအောင်မိသားစု၊မစန္ဒာမိသားစု ၊ ဦးထွန်းဝေ၊ ဒေါက်တာကျော်မင်းဟန်၊ ဦးကျော်ဦး တို့ ၏ စောင့်ရှောက်မှု၊ကူညီဖေးမမှု မေတ္တာ၊စေတနာ တို့အား သတိတရ မှတ်တမ်းတင် ဖော်ပြလိုက်ပါရစေ။
ကျွန်မမိတ်ဆွေများအားလုံး သူတော်ကောင်း တရားများ ကျင့်ကြံကြိုးကုတ် အားထုတ်နိုင်ကြပါစေရန် လည်း နှိုးဆော်ပြီး ဆုတောင်းမေတ္တာ ပို့သလိုက်ပါတယ်ရှင့်။
ဆက်ဖတ်ပါရန်
ပြန်သိမ်းပါရန်
checkFull("post-" + "5605676046368221130");