ပညာအလင်း ပညာပါရမီအဖွဲ့ တတိယအကြိမ် လှူဒါန်းမှု
တတိယ အကြိမ် လှူဒါန်းမှု အဖြစ် ကွမ်းခြံကုန်းမြို့နယ်၊ တောကျောင်း ရွာမှ ရန်ကုန်တွင် လာနေရတဲ့ ပထမနှစ် ကျောင်းသား ကလေး များဖြစ်တဲ့ မောင်အေးမင်း (ပညာရေးတက္ကသိုလ်) နဲ့ မချစ်စုပုံ့ (ယဉ်ကျေးမှုတက္ကသိုလ်) တို့ ရဲ့ ပညာရေးအတွက် ဆက်လက် ထောက်ပံ့ ဖြစ်ခဲ့ပါတယ်။
၂၀၀၈ ခုနှစ် ရဲ့ အပူပိုင်း ဆိုင်ကလုံး နာဂစ် ကြောင့် တနင့်တပိုး နာကျင်ခံစား ရတဲ့ ထဲမှာ ကွမ်ခြံကုန်းမြို့နယ် က တောကျောင်းရွာ ကလေး လည်း ပါဝင်ခဲ့ပါတယ်။
ထိုအချိန်မှာ ကျေးဇူးတော်ရှင် ပိုင်းလော့ ဆရာတော်ဘုရားဟာ တတ်စွမ်းသမျှ မေတ္တာ ဖြန့်ကျက်၊ သက်သာစေ ခဲ့ပါတယ်။ ရွာပေါင်းများစွာ ထဲမှ နိုင်နင်းစွာ ဆောင်ရွက်ပေးနိုင်မဲ့ ရွာကလေးတစ်ရွာ ကိုသာရွေးချယ် ခဲ့တာမို့ တောကျောင်းရွာ ကလေးဟာ အဆိုးထဲက အကောင်း၊ ဆိုသလို ဆရာတော်ဘုရားရဲ့ မေတ္တာ ရေစင် ကို ဝလင်စွာ သောက်သုံး ခွင့်ရရှိနေခဲ့ တာ ယနေ့တိုင်အောင်ပါပဲ။ အစားအစာ၊ အဝတ်အထည်၊ နေအိမ် စတာတွေကို လှူပြီး ပြန်မသွား ပဲ အတူတကွနေထိုင်ပြီး ရေရှည် ပြန်လည် ထူထောင်ရေးတွေကို ဘက်စုံ၊ ထောင့်စုံက စဉ်းစား ပြီးဖြည့်ဆည်း ဆောင်ရွက်စေခဲ့ပါတယ်။ ဆောင်ရွက်ပေးတဲ့ တပည့်များကိုလည်း စိတ်ထားက အစပြင်ပေး လိုက်ပါတယ်။
လှူမယ်၊ တန်းမယ်၊ ပေးမယ် ၊ ကမ်းမယ် ရယ်လို့ တက်ကြွနေတဲ့ တပည့်များကို သြဝါဒပေးခဲ့ပါတယ်..။ ငါကလှူရတာ ပေးကမ်းရတာဆိုတဲ့ မသိမသာ အပေါ်စီးဆန်တဲ့ စိတ်ထား လေးနဲ့ အတူ မာန ခပ်ပါးပါးလေး ပါနေနိုင်တာကို ကြိုတင်သိမြင်ပြီး ခွာချ ခိုင်းခဲ့ပါတယ်။ ကျေးဇူးရှင် တောင်သူလယ်သမား တွေရဲ့ကျေးဇူး ကို မြင်အောင်ကြည့်ပြီး သူတို့ ဒုက္ခရောက်ချိန်မှာ ကျေးဇူး ပြန်ဆပ်မယ် ဆိုတဲ့စိတ် ပြောင်းပေးလိုက်တာမို့ တက်ကြွနေတဲ့ နှလုံးသားဟာ နူးညံ့မှုနဲ့အတူ တည်ကြည် လေးနက်သွားခဲ့ရ ပါတယ်။အဲဒီ နှလုံးသားနဲ့ ပဲ ပြန်လည်ထူထောင်ရေး လုပ်ငန်းတွေကို ရှင်သန်စေခဲ့တာ ၂နှစ်တာကာလ ကို ဖြတ်ကျော်ခဲ့ပါပြီ။
ချစ်ခင်ကျွမ်းဝင် ရသော ဆွေမျိုးများ၊ အားထားမှီခိုရတဲ့ လယ်ကွင်းများ ဟာ ရက်စက်ပြင်းထန်တဲ့ ရေပြင်ကျယ် အောက်မှာ ဆုံးပါးပျောက်ရှ ခဲ့ရပါပကောလား။
ဘယ်လိုနည်းနဲ့ မေ့ပျောက်လို့ရမှာလဲ။
ဘယ်လို အသဲနှလုံး နဲ့ လက်ခံယုံကြည်ရမှာလဲ။
နာကျင်တုန်လှုပ်မှု နဲ့ ချောက်ခြား အားငယ် မှု တွေအာက်မှာ အနာဂတ်ဘဝ ဟာ ပျောက်ဆုံးသွားခဲ့လေပြီလား။
ဤကဲ့သို့သော ဘဝများစွာကို နှလုံးသားထပ်တူပြုလို့ အားပေးဖေးမ ပီး မိမိ ကိုယ်ကို ယုံကြည် မှုတွေ ပြန်လည် ပျိုးထောင်ပေးရတာဟာ ပထမဦးဆုံးနဲ့ အခက်ခဲဆုံး ဖြစ်ခဲ့ရပါတယ်။
လယ်ကွင်းထဲကို ပြန်သွားရဲတဲ့သတ္တိ၊ လက်ရှိအခြေအနေကို အမှန်အတိုင်းလက်ခံ နိုင်တဲ့စွမ်းရည် ၊ရှေ့ဘာ ဆက်လုပ် ရမယ်ဆို တဲ့ ဉာဏ်အလင်း တွေကို (ထလိုသူ၊ ထူပေးမည်) ဆိုတဲ့ စီမံချက်နဲ့ ကူညီဆောင်ရွက် ခဲ့ကြပါတယ်။
မျိုးစပါးကအစ ဝယ်ယူပေးတာ၊ စိုက်ပျိုးနည်း စနစ်သစ်တွေ သင်ကြားပေးတာ၊ စပါးစိုက် ရာသီအတွင်း ဝမ်းစာ တွေ ဖြည့်ဆည်း ဝေငှပေးတာ၊ လယ်ထွန် ဘို့ သေဆုံးသွားတဲ့နွား တွေနေရာမှာ လယ်ထွန်စက် တွေအစားထိုး ပေးခဲ့တာ၊ ကျောင်းသားများကို မီးစက်မောင်းပြီး စာကြည့်စေခဲ့တာ၊ စာသင်ပေးခဲ့တာ တွေဟာ ကျေးဇူး တော်ရှင် ပိုင်းလော့ဆရာတော် ဘုရားကြီး ရဲ့ လမ်းညွန်မှုနဲ့ တပည့်များရဲ့ ကျေးဇူးဆပ် လုပ်ငန်းစဉ်များ အဖြစ် ယနေ့တိုင် ဆောင်ရွက်နေကြဆဲ ဖြစ်ပါတယ်။
မောင်အေးမင်း နဲ့ မချစ်စုပုံ့ တို့က တော့ လဲရာမှ ပြန်ထနိုင်တဲ့အပြင် သဲတဆုပ်ကိုတောင် ဆုပ်ကိုင် ထူမတ်လာနိုင်တဲ့ ကလေးများ အဖြစ် ၂၀၀၉ ခုနှစ် အခြေခံပညာရေး အထက်တန်းစာမေးပွဲ ကို အမှတ်ကောင်းကောင်း ရရှိ အောင်မြင်ခဲ့ကြပါတယ် ။ သူတို့လိုပဲ အောင်မြင်ကြသူ ၁၃ယောက်ရှိခဲ့ပြီး ကျန် ၁၁ယောက်ကတော့ အငယ်တန်း များအတွက် စာပြန်သင်တဲ့ နေရာမှာကူညီ နေကြပါတယ်။
ကျွန်မတို့ ရဲ့ (ပညာအလင်း )ကတော့ ရှင်ပြန်ထမြောက်ပြီးဖြစ်တဲ့ သစ်ပင်လေးကို အနွေးဓာတ်ပေးနိုင်ရုံ၊ တချို့တစ်ဝက် အစာချက်နိုင်ရုံ လောက်တော့ ထိရောက် ပြီးကျေးဇူးဆပ်ခွင့် ဖြစ်ပါစေကြောင်း ဆုတောင်းရပါတယ်။
ယခုတစ်ပတ်မှာတော့
၁။ အရှင် တိက္ခဉာဏာလင်္ကာရ M.A (University of Kelaniya, Sri Lanka) --------- Singapore Dollar 50
၂။ ကိုမောင်မောင်မြင့်စိုး M.E (GTE, AIT, 2005,Thailand) --------- 10000 Kyats
၃။ မကျော့ကေကေခိုင် M.Sc (FEBT,AIT 2005,Thailand) --------- 20000 Kyats တို့ ပေးလှူခဲ့ကြပါတယ်။
ဂျွန်လ ကျောင်းဖွင့်ရက်အမှီ ပြန်လာကြတဲ့ကလေးများကို ပိုင်းလော့ဆရာတော် ကျောင်း၊တရားစခန်း မှာ ပဲ (၉.၆.၂၀၁၀) မှာပေးလှူခဲ့ပြီးဖြစ်ပါတယ်။ စေတနာရှင်တို့ရဲ့ ထက်သန်သောသဒ္ဓါတရား ကို သာဓုခေါ်ဆို ရန် မှတ်တမ်းတင် ပါကြောင်း နှင့်ကျေးဇူးဥပကာရ တင်ရှိပါကြောင်း ဖေါ်ပြအပ်ပါတယ်။
ကျွန်မ နဲ့ အတူ လုပ်အား၊ အကြံဉာဏ်များ ဖြင့် ကူညီ ပေးနေ၊ အလှူကောက်ခံပေးနေကြသူ များကတော့ အောက်ပါအတိုင်းပဲ ဖြစ်ပါတယ်။
၁။ ဒေါ်ဆွေဆွေမြင့် (စင်္ကာပူ