--------------------------------
ဒါဖြင့်အာရုံသိသဘော ဆိုတဲ့ဘဝ ဟာ ဘယ်လို ပေါင်းစပ်ဖြစ်ပေါ်တယ် ဆိုတာကို ဘုရားဟော အဘိဓမ္မာကျမ်း နဲ့အကျဉ်း ဆုံးနားလည်အောင် သင်ရအောင် အဘိဓမ္မာ ကျမ်းဆိုတာ အားလုံးသိတဲ့အတိုင်းပါပဲ။ ကျယ် လည်းကျယ် ဝန်းတယ်။ နက်လည်း နက်ရှိုင်း တယ် နော်။ အတတ်နိုင်ဆုံးကြိုးစားပြီးတော့ ဒါကို ခြုံသင်ပေးမယ်နော်။
နှုတ်တစ်ရာ စာတစ်လုံး ၊ စာတစ်ရာ၊ ပုံတစ်ချပ် တဲ့။ ရှေးစကားရှိတယ်။ ဒါကြောင့်မို့ ပုံစံနဲ့သင်တာဟာ ပိုပြီးခရီးရောက်တယ်လို့ မှတ်ပါ။
အဓိက ပရမတ္ထ တရားသည် ဘယ်နှစ်ပါးရှိလဲဆိုတော့ လေးပါးရှိတယ်။ စိတ်ရယ် ၊ စေတသိတ်ရယ်၊ ရုပ် ရယ်၊ နိဗ္ဗာန် ရယ် ဒါပဲရှိတယ် မဟုတ်လား။ဒါသည် တကယ့် အရှိတရားနော်၊ စိတ် စေတသိတ်မှာ တစ်ခါ အာရုံသိ ဖြစ်တဲ့အခါ ဒါတွေ ဘယ်လို ပါသ လဲကြည့်ရ အောင်နော်။
အာရုံဒွါရတိုက်ချိန်မှာ (ဒီပဲရင်းဆရာတော်ဘုရားကြီး အဆုံးအမ ကို ယူရအောင်၊ မိုးကုတ် ဆရာတော် ဘုရားရဲ့ အဆုံး အမ ဟောစဉ် လဲပါရမှာပဲ။ခုလို ဝါရင့်ဆရာတော် တွေရဲ့ အဆုံး အမ တွေ ပေါင်းစုပြီး ပါတော့ ပိုမကောင်းဘူးလား)၊ (ကောင်းပါတယ် ဘုရား)။
ပုဂ္ဂိုလ်စွဲ မထားနဲ့နော်။ ( တစ်ပါးတည်း ဉာဏ် နဲ့ သုံးတဲ့အခါ ၊ စကားလုံးရွေးတာ အားနည်းတဲ့အခါ နည်းသွားတတ်တယ်။)ဒီပဲရင်း ဆရာတော်ဘုရားကြီးလည်း ရဟန္တာလို့ သမုတ်တာပဲ ၊ ရွှေကျင်သာသနာပိုင် ကြီးနော်။)
(အာရုံသိပေါ်တာဟာကွယ် ကျောက်ခဲနှစ်လုံးကို အားနဲ့ခတ်သလို ပဲတဲ့။ ) အာရုံသိ ဖြစ်ပေါ်ပုံကို အကျဉ်းဆုံးနည်းနဲ့ ပြခဲ့တယ် မှတ်ပါ။ တခြားနည်းနဲ့ ပြမယ်ဆိုရင် အကြာကြီးပြရလိမ့်မယ်။
အဘိဓမ္မာ ကျမ်းသာချပြရရင် အကုန် အိပ်ငိုက်ကုန်မယ်။ နောက် သုံးနာရီနဲ့မပြီးဘူး။ ဒါကို ကျဉ်းလိုက်တာနော်။ အာရုံသိသဘောပေါ်တာသည် ကျောက်ခဲနှစ်လုံး ကို အားနဲ့ခတ် သလို ပဲတဲ့။ ကျောက်ခဲနှစ်လုံးကို အားနဲ့ ခတ်လိုက်ရင် မီးလေးပွင့်သွားတယ် မဟုတ်လား။ (တင်ပါ့ဘုရား)။
အာရုံဒွါရ တိုက်တဲ့ အချိန် ။ အဲဒီလို တိုက်တဲ့အချိန်မှာ စိတ်စေတသိတ် တွေ ဖြစ်ခွင့်ရသွားတယ်တဲ့။ တစ်ပေါင်းတည်း ဖြစ်ခွင့်ရတယ်။ ပုံစံနဲ့နားလည် ရမယ်နော်။ ဒီလို ပေါင်း လောင်သွားလုိ့ ဖြတ်ခနဲပေါ်တာကို ဖဿ လို့ခေါ်တယ်။
ဖဿ ဆိုတာ ပေါင်းလောင်တာပဲ ၊ ပေါင်းလောင် တယ် ဆိုတဲ့စကား တခြားက ရတာ မဟုတ်ဘူး။လယ်တီ ဆရာတော်ဘုရားဆီကရတာ မှတ်။ (ခြောက်ပါး ဖဿ ဖြန်းဖြန်းထလျက်) ဆိုတာ လျှပ်စစ်လက် သလိုပဲပေါ့။ လောင်တာပဲပေါ့နော်။ဒီဘက်က အာရုံဖြစ်မယ်ဆိုရင် ဒီဘက်က ဒွါရဖြစ်မယ်။ အာရုံ ဒွါရ ဆိုတာကို မျက်စိ လည်ချင် လည် လိမ့်မယ်။
ဒီ ဘက်က အသံဖြစ်ခဲ့သော် ဒီဘက်နားကဖြစ်မယ် သဘောပေါက်တယ်နော်။ အာရုံ -ဒွါရ တိုက်တဲ့အချိန် ။ အဲဒီ အချိန်ကျမှ ရုပ်တွေပေါင်းလောင်တာနဲ့တပြိုင်နက် ဝေဒနာ၊ သညာ၊ သင်္ခါရ ဝိဉာဉ် လေးခုသည် ပေါင်းစုခွင့် ရတယ်တဲ့။ ဝိဉာဉ် ဆိုတာသည် ဘယ် ကလာလဲဆိုတော့ သူသည် စိတ်၏ အမည် ဖြစ်နေပါတယ်။
အဘိဓမ္မာ မှာ ဝေဒနာ ၊ သညာ။ သင်္ခါရ သည် စေတသိတ်ရဲ့ အမည် ဖြစ်နေပါတယ်။ ဘယ် က လာလဲဆိုတော့ စိတ်တစ်ချက်ပေါ်ရင်ပါပြီးသားတဲ့။
ဖျတ်ကနဲ ပေါ်တဲ့အခါ ဒီမှာ ပေါ်တယ် ဆီလာပေါ်တာတဲ့။ သူ့အလိုလို ပေါ်ခွင့်မရဘူးနော်။ ပင်မစိတ်က ဒါနော်။ အာရုံဖြစ်တဲ့ စေတသိတ်က ဒါတွေပဲတဲ့။
နောက် ၅၂-ပါးရှိတယ် ဆိုတာ ဝေဒနာ မှာ -၁၊ သညာ မှာ ၁၊ သင်္ခါရမှာ ၅၀ လို့ ခွဲလိုက်တယ်။ တစ်ပေါင်းတည်းနော်။ ပင်မစိတ်က တစ်ခုတည်းပါတာ။ တစ်ပေါင်းတည်းဖြစ်တာ ။ သူ့အလိုလို လည်း စိတ် တစ်စိတ်တည်းပေါ် မနေဘူး။
အာရုံဒွါရ တိုက်ချိန်မှာ သာဖြစ်ပြီး တစ်ပေါင်းတည်းပါသွားတာ ။ ဒီတော့မှ သိ ဆိုတဲ့သဘော တရား ဖြစ်လိုက်တာ။ဆိုင်ရာ အာရုံသိပေါ့နော်။ နားမှာ ဆိုရင် အသံအာရုံသိ ဖြစ်လိုက်တာယ်။ မျက်စိမှာ ဆိုရင် အဆင်းအာရုံသိ၊ နှာခေါင်းမှာ ဆိုရင် အနံ့ အာရုံသိ၊ လျှာမှာ ဆိုရင် အရသာအာရုံသိ၊ ကိုယ် မှာ ဆိုရင် အတွေ့ထိ အာရုံသိ၊ စိတ်မှာ ဆိုရင် ဓမ္မာရုံ အာရုံသိ ဖြစ်လိုက်တယ်။ အဲဒါဟာ အဘိဓမ္မာ ရဲ့ အနှစ်သာရပဲ။
------------------------------------------------------------------------------------------------------------
အာရုံသိသဘော ခန္ဓာငါးပါးကို ရှုမှတ်ရန် နည်းပေး ပုံ
------------------------------------------------------------
ဒီတော့ ပရမတ္ထတရား ရုပ်ကို ဘာသာပြန်တဲ့အခါ ဖောက်ပြန်မှု သဘောတဲ့ ၊ ဥပမာ နဲ့ သွားမှ ပိုလွယ် မယ်။ ရုပ်ကို ဘုန်းဘုန်းတို့ရှုတဲ့အခါ ဖောက်ပြန်တဲ့သဘောလို့ရွတ်လို့ မရဘူး။ ရုပ်လို့ ရွတ်ပြိူ မရှု ရဘူး။
ရှုတဲ့အခါ ရုပ်က ဒီလို မတွေ့ဘူး။ ရုပ်လို့ မပြောဘူး။ သူက ရေမြှုပ်လို ပြတယ်။ ရေမြှုပ်လို ဖြစ်နေတယ်တဲ့။ ဘယ်လို ရေမြှုပ်လဲဆိုတော့ အချိုရည် ပုလင်းတွေကို ဖန်ခွက်ထဲဖောက်ထည့်တဲ့အခါ အမြှုပ် မထဘူးလား။ ( ထပ်တယ် ဘုရား)။
လေ ဘောလုံး လေးတွေ လိုပဲနော်။ ကြည့်ရင်းနဲ့ပျောက်မသွားဘူးလား။ (ပျောက်သွားပါတယ် ဘုရား)။ အဲဒီ အတိုင်းတွေ့ရမယ်။ ဟုတ်မဟုတ်ကြည့်ရအောင် ။ မနောမှာ အာရုံသိကို ရုပ်ဘက် ကကြည့်ရမယ်နော်။
ဘုန်းဘုန်း က သစ်ကုလားအုပ် လို့ ပြောလိုက်မယ်။
ဘုန်းဘုန်းပြောလိုက်တဲ့ အသံကို နားကနေ ကြားလိုက်ရတယ်။ ကာလ မခြား မနော မှာ ပေါ်တယ် နော်။ လည်ပင်းရှည် နဲ့ သစ် ကုလားအုပ် ကြီးလို့ပြောလိုက်တယ်။ ကြားလိုက်တယ် နော် ။ (တင်ပါ့ဘုရား။)
ဒီကဖွဲ့လိုက်တော့ ပုံရိပ်ပေါ်မလာဘူးလား။ (ပေါ်ပါတယ် ဘုရား)။ အဲဒါကို နောက်စိတ်အာရုံက အဖြေမှန် ထုတ်ကြည့်လိုက်ပါ။ ပျောက်မသွားဘူးလား။ (ပျောက်သွားပါတယ်ဘုရား)။ ရေမြှုပ်လိုပဲ။ သဘောပေါက်ရဲ့လား။ ပျောက်သွားတာ အမှန်နော်။ရပြီနော်။
နောက်ဥပမာ==(ကိုယ်နေတဲ့အိမ် ) ဆိုရင် မကြားလိုက်ဘူးလား။(ကြားပါတယ်ဘုရား)။ အိမ်ပုံဖေါ်လိုက်တယ်။တဖြည်းဖြည်း ပျောက်မသွားဘူးလား။ (ပျောက်သွားပါတယ်ဘုရား)။ ရေမြှုပ်လိုပဲ။ သဘောပေါက်တယ်နော်။ အချုိုရည် ပုလင်းထဲမှာ ရှိတဲ့ ရေမြှုပ်လေး ဟာလဲ တဖြည်းဖြည်းပျောက်မသွားဘူးလား။ (ပျောက်သွားပါတယ်ဘုရား)။
အဲဒီ အချိန်မှာ ကျွန်တော် ဟာ ခင်ဗျားရဲ့ အိမ်လို့ ပြောရဲ့လား။ (မပြောပါဘူး ဘုရား)။ စကားမပြောဘူးနော်။ ပညတ် စကားလုံးလည်းမရှိ။ ပုံသဏ္ဍန် ပညတ် လဲမရှိ။ အထည် ပညတ်လဲမရှိပဲ ပျောက်သွားတယ်။ တချက်ရပြီနော်။
ဝေဒနာ ဘက်က ကြည့်မယ် ဆိုရင်လည်း ဝေဒနာလို့မရှုရဘူးတဲ့ ၊နာတယ် ကျင်တယ် လို့မရှုရ ဘူးတဲ့၊ ဘယ်လိုရှုရလဲဆိုတော့ သေသေချာချာ မှတ်ပါ။ ရေပွက်လို တွေ့ရတယ်တဲ့။ နာတာ ကျင်တာ မဟုတ်ဘူးနော်။ ခံစားမှု သဘောလို့လည်း မယူနဲ့၊ ဒါက နားလည် အောင်ပြောတာ ။
တကယ်တွေ့ ရတာက ရေပွက်လို တွေ့ ရတာနော်။ နာတယ် နာတယ် ဆိုတဲ့ စကားနဲ့ မတွေ့ဘူးနော်။ အဲဒီလိုဆိုတွေ့ မှာ မဟုတ်ဘူး။ရေပွက်လိုတွေ့မှ ဝေဒနာ ကိုတွေ့မှာတဲ့ သဘောပေါက်ပြီလား။ပူတယ် အေးတယ်လို့မကြည့်ရဘူးနော်။ တကယ် ကြည့်ရင် ဘုရား ကရေပွက်လို တဲ့။
ဥပမာ====ထမင်းအိုးတည်တဲ့အခါ ၊ဆူတဲ့အခါ ပွက်မလာဘူးလား။ (ပွက်လာပါတယ်ဘု ရား) ။ ဒီလို ပွက်ပြီးရင်ပျောက်မသွားဘူးလား။ (ပျောက်သွားပါတယ်ဘုရား။)
ထိဆိုရင် သိလိုက်တာ နဲ့ ပျောက်သွားတယ်။ဝေဒနာ ဘက်ကလည်း ရေပွက်လိုပဲ ပျောက် သွားတယ် တဲ့။ နားလည်ပြီနော်။ သညာဘက်ကကြည့်ရင် တံလျှပ်လို တွေ့ရမယ်တဲ့ ။ မှတ်သား တယ်လို့ မတွေ့ရဘူး။ မျတ်သားဆိုတာ စကားလုံးသက်သက် တံလျှပ်လိုတွေ့ရမယ်တဲ့။
သင်္ခါရ ဘက် ကကြည့်ရင် ငှက်ပျောတုံးလိုတွေ့ရမယ်တဲ့ ။ အနှစ်မရှိဘူးတဲ့။ ငှက်ပျော တုံးကို တစ်ဖတ်စီခွာလိုက်၊ နောက်ဆုံးပိတ်ကိုင်စရာ ကျန်ပါ့မလား။ )(မကျန်ပါဘူးဘုရား)။ အဲဒီ အတိုင်း မှတ်ရမယ်တဲ့။
ဝိဉာဉ် ဘက် ကကြည့်ရင် မျက်လှည့် လိုတွေ့ရမယ်တဲ့၊ တကယ် မဟုတ်ဘူးလို့ သိရမယ်။ သိ ဆိုတဲ့ အရာမှန်သမျှဟာ ခန္ဓာငါးပါးလို့မှတ်ပါ။
ဥပမာ=== ငါးမျက်နှာ အံစာတုံးလို ငါးဖက်က လှည့်ကြည့်နေတာ။ ငါးမျိုးလုံး တပြိုင်နက် ကြည့် လို့ မရဘူးနော် ။ သိဆိုရင် ပေါ်တဲ့အခါ တစ်မျိုးတည်းကြည့်ရမှာ ။ ရှုတဲ့အခါ တစ်မျိုးတည်းပဲ ကြည့်ရမှာနော်။ ဘုရားရှင် နည်းပေးခဲ့ပြီးသား ။ အဲဒီထဲမှာ အများဆုံး ဘုရားဟောပြီး ရဟန္တာ တာက သညာဘက်ကများတယ်နော်။
ကျမ်းအရကြည့်တာ တော် တော် များများက သညာဘက်ကနေကြည့်လို့ ရဟန္တာ တာများတယ်တဲ့။ တံလျှပ်လိုမြင်တာ အရှင်း ဆုံး ပဲ။
0 မှတ်ချက်ရေးရန်:
Post a Comment