ဗုဒ္စ္ဒဂါယာ မြေမြတ်မဟာ

ဒီနေ့ မနက်စောစော .... ဘုရားဖူး တစ်ဖန် ရောက်ရှိခဲ့ပါတယ်..။

ဒီတစ်ခါ တော့ ဓမ္မဘလော့ဂါ တစ်ယောက် ရဲ့ စိတ်လိုလက်ရ တွေ...လွန်ဆန် ပြီး..

ဓမ္မပီတိ ဘုရားဖူး အဖွဲ့ စီစဉ်ရာနောက် ကိုညိမ်သက်စွာ လိုက်နာ ခဲ့ပါတယ်..။

မြန်မာ မှ ကြာသင်္ကန်းကို အားလုံး ကိုင်..ဂုဏ်တော်တွေပွား..မဟာဗောဓိစေတီကို လက်ဝဲရစ် ပူဇော်ကာ ဘူမိဖဿမုဒြာ ရုပ်ပွားတော်မြတ် ကို ဘုရားရှင် ရည်စူးပြီး ပူဇော် ကပ်လှူကြပါတယ်..။

ဒီမြေ..ဒီရေ..... ဒီဒေသ ရဲ့ ထူးခြား မှု တွေ... 

ဘုရားရှင် အဆူဆူ... တိုင်း သစ္စာလေးပါး ကို သိရှိခဲ့တဲ့ သစ္စာအလင်းတွေ ဓာတ်ရိပ်ဓာတ်ခိုးတွေ လွှမ်းခြုံနေတော့တာ..။

ပွင့်တော်မူပြီးသော ဘုရားများ...နောင် ပွင့်တော်မူဦးမည့် ဘုရားအဆူဆူ အောင်မြင်မှု ရခဲ့တဲ့ နေရာပဲမဟုတ်ပါလား ။

ဘုရား ဒါယိကာ က အာသောက ဘုရင် ဆိုသော်လည်း မြန်မာဘုရင် တွေရဲ့ ကောင်းမှု ကုသိုလ်တော် ပြုခဲ့တဲ့နေရာလည်းဖြစ်ပါတယ်..။

ဖိနပ်တော် ၄၈ ပေရှိပြီး ဥာဏ်တော် အမြင့် ပေ ၁၇၀ ရှိပါတယ်.. စေတီတော်ကြီးကို သဲကျောက်၊ ထုံး၊ အင်္ဂတေ တို့ နဲ့ မွမ်းမံအပ်တဲ့ အုတ်ညိုများဖြင့် တည်ဆောက်ထားပါတယ်..။

လေးဘက်လေးတန် နံရံကပ် လှိုဏ်မုခ် တို့ တွင်ရုပ်ထုတော် များထားရှိပြီး ပုလဲ ကုံး၊ ဈာန်ပျံရသေ့ ပုံတို့ ဖြင့် ဆန်းကြယ် စွာ ထုလုပ်ချယ်လှယ် ထားပါတယ်..။

စေတီတော် ရဲ့ ထိပ်ဖျားကိုမော်ဖူးလိုက် တဲ့အခါ....ရွှေရည်ပွတ်တဲ့ ကြေးနီ နဲ့ ပြုလုပ်ထားတဲ့ သျှိသျှားသီးအဖူး ကိုဖူးမျှော်ရမှာ ဖြစ်ပါတယ်..။

အာသောက ဘုရင် တည်ခဲ့တယ်လို့ဆိုရပေမဲ့ မူလလက်ရာ အကြွင်းအကျန် တွေ ကတော့နည်းပါးလှပါတယ်..။ 

ခရစ်နှစ် ၃ရာစု က ဗုဒ္စ္ဒ ဂါယာကိုဘုရားဖူးရောက်ရှိ ခဲ့တဲ့ တရုတ်ရဟန်းတော် ဟူဟင်ဆန် ရဲ့ မှတ်တမ်းများအရ အေဒီ ၆၃၇ ခုနှစ် မှာ ရှိတဲ့ ပုံပန်း သန္တန် သည် ယခုဖူးတွေ့ရတဲ့အတိုင်း လို့ ဖေါ်ပြထားခဲ့ပါတယ်..။

မြန်မာ နိုင်ငံကအေဒီ ၁၁၇၉ ခုနှစ် မှာ တစ်ကြိမ် ပြုပြင် မွမ်းမံ ခဲ့တဲ့ မှတ်တမ်းတွေ တွေ့ ရပြီး..၁၂၉ ၀ ခုနှစ် မှာ တော့ မြေမြတ်မဟာ ..သည် မူဆလင်ဘာသာ ဝင်များ သိမ်းပိုက် ခဲ့ကြလို့ ဘုရား ပရိဝုဏ် တစ်ခု လုံး ဖျက်ဆီးခံခဲ့ရပါတယ်..။

ဘာသာခြားတွေ လက် ထဲ နှစ်တော်တော်ကြာနေခဲ့ရ သော်လည်း အလယ် က မဟာဗောဓိစေတီကြီး ကတော့ကျန်ခဲ့ပါတယ်..။ 

မြန်မာက မင်းတုန်းမင်းကြီး က ရူပီး ၆သန်း နဲ့ ညီမျှ တဲ့ စိန်၊မြ၊ကျောက်နီ၊ ပုလဲ စတာတွေ လှူခဲ့တဲ့ မှတ်တမ်းတွေလည်း ရှိခဲ့ပါတယ်..။

၁၈၇၅ ခုနှစ်ရောက်တော့..မြန်မာနိုင်ငံခြားရေးဋ္ဌာန မှ စေတီတော်ကြီး ပြင်ဆင်ခွင့် ကျောင်းဆောက်လုပ်ခွင့် တို့ပါဝင်တဲ့ အချက် (၈) ချက်ကိုတောင်းဆိုပြီး ....

သိန်းပေါင်းများစွာ အကုန်အကျခံ ပြုပြင်တည်ဆောက်ခဲ့ကြတာကတော့..မြန်မာ တို့အတွက် ဂုဏ်ယူစရာ ပါ..။

ဒီမြေမြတ်မဟာ ကိုထိန်းသိမ်း စောင့်ရှောက်ဘို့ နောက်ကျေးဇူးတင်ရမဲ့ သူတစ်ဦးက တော့ (The Light of Asia )အာရှတိုက်၏ အလင်းရောင် စာအုပ်ကိုရေးသား သူစာရေးဆရာ Sir Edwin Arnol ပဲဖြစ်ပါတယ်..။ 

သူက မြေမြတ်မဟာ ကိုထိန်းသိမ်းစောင့်ရှောက်ကြဘို့ စာပေ နဲ့ လှုံ့ဆော်ရေးသားကျေးဇူးပြုခဲ့ပါတယ်..။

နောက်တစ်ယာက် ကတော့ သီရိလင်္ကာ နိုင်ငံသား အနာဂါရိက ဓမ္မပါလ ဖြစ်ပါတယ်..။

သူက မဟာဗောဓိအသင်း ကိုဖွဲ့ စည်းတည်ထောင်ခဲ့ပြီး မြေမြတ်မဟာ ကို ဗုဒ္စ္ဒဘာသာဝင်တို့ ရဲ့ လက်ထဲ ပြန်လည် ရောက်ရှိအောင် အင်တိုက် အားတိုက် ကြိုးပမ်းခဲ့ပါတယ်..။

ဓမ္မပါလ ကလည်း တကယ်တော့ ရဲရဲတောက်ပါပဲ... သာသာတရားအတွက် မဟန့်လူမျိုးတွေ နဲ့ ရင်ဆိုင်ခဲ့ရတာ..။ မဟန့် တွေကနိုင်သွား တဲ့အခါ မှာ နှင်ထုတ်တာလည်းခံခဲ့ရဘူးပါတယ်..။

သူ့ရဲ့ မလျော့ တဲ့ဇွဲ သတ္တိ ကြောင့်ပဲ ၁၉ ၅၃ အိန္ဒိယ လွှတ်တော် ၊ ဥပဒေပြဋ္ဌာန်းချက်အရာ မဟာဗောဓိစေတီကြီးကို မဟန့် တွေလက်ထဲက သိမ်းယူပြီး ဗုဒ္စ္ဒ ဘာသာဝင် လေးဦး ပါတဲ့ကော်မီတီ လက်ထဲကို ပြန်လည် အပ်နှံ ခဲ့တာ ဖြစ်ပါတယ်..။

ဒါကတော့ ..... မြေမြတ်မဟာ အတွက် ကျေးဇူးရှိသူတွေကိုလည်း ကျေးဇူးတင်အမျှဝေ ပါတယ်..။

တကယ်တော့လည်း ကျမတို့ ဗုဒ္စ္ဒ ဘာသာဝင် တွေ ယုံကြည်တာ က ဘုရားမြင် ဘို့ ဆိုရင် တရားမြင် ဘို့ အရင်လိုအပ်တာပဲ မဟုတ်ပါလား..။

တရားကိုမြင်ရင် ဘုရားကို မြင်ပါသတဲ့..။

ကျေးဇူးတော်ရှင် မိုးကုတ်ဆရာတော်ဘုရားကြီး ကတော့... ဘုရားပွင့်တာ.. ဗောဓိပင် မှာ ပွင့်တာမဟုတ်..ဝေဒနာ နဲ့ တဏှာ ကြား မှာ ပွင်တာလို့ ပရမတ္ထ အသိ နဲ့ ဟော ကြားခဲ့ဘူးပါတယ်..။

သို့သော် လည်းသက်မဲ့နေရာဋ္ဌာန တို့ ရဲ့ အထောက်အပံ့ ပြု ခြင်း၊ သပ္ပါယ မျှတ ခြင်း ကလည်းမေ့ထားလို့မရ တဲ့အချက်ဖြစ် နေတာ မို့..။

ကျမ ကတော့ မြေမြတ်မဟာ အတွက် ကျေးဇူးတင်သင့်သူများသို့ ဦးညွှတ်ရင်း ဘုရားရှင် ရဲ့ ဥာဏ်အလင်းတွေ..သစ္စာအလင်း တွေ ထိန်ထိန်ညီးညီး ပြန့်လွင့်နေဆဲ ဖြစ် တဲ့..

စကြာဝဠာ တံတိုင်းသို့ ညွတ်နူးစွာ ဦးခိုက်ရင်း... နောက်တစ်ကြိမ် ဖူးမျှော်ခွင့်ကို တောင်းဆိုပါတယ်..။

ဘုရားရှင် သစ္စာသိသလို သိပါစေကြာင်း ။သိရှိခွင့်ကိုလည်းဆုတောင်း လိုက် ပါတယ်..။

မေတ္တာဖြင့်

သစ္စာအလင်း

ခေတ္တ- မဇ္ဈိမသုခ ကျောင်းတိုက် ၊ ဗုဒ္စ္ဒဂါယာ