စိတ်ဆိုသည်မှာ မပြေးပါ…ဆုံရာ အာရုံသိခြင်းတည်း

ကျေးဇူးတော်ရှင်မူလဓမ္မဆရာတော် ဘုရား

တပည့်တော်ကစိတ်ကအပြင်အာရုံကို ထွက်ထွက်ပြေးနေတယ်လို့ထင်မိပါတယ်..။

အာရမ္မဏံ စိန္တေတီတိ စိတ္တံ= အာရုံကို ကြံတတ် သိတတ် လို့စိတ်လို့ခေါ်တာပေါ့နော်ဘုရား။

စိတ်ဆိုတာ အာရုံကို ကြံစည်ရုံသိရုံမျှသာ ဖြစ်နေပါတယ်..။သိပြီးကြံပြီးရင်လည်းပျက်သွားတတ်ပါတယ်..။

သိပြီးပျက်ခြင်း ဟူသော အလုပ်ကလွဲပြီး ပြေးတဲ့ အလုပ်ကို စိတ်ကလုံးဝ မလုပ်ပါဘူး..။

တပည့်တော် ရောက်ဘူးတဲ့ ဘုရားကြီး ကို ဘုရားကြီးလို့ကြားလိုက်တာနဲ့ပဲ… အထူး အာ ရုံပြု စရာ မလို ပဲ ရောက်သွားပါတယ်ဘုရား။ ပစ္စုပ္ပန်တည့်တည့် ဘုရားကြီးကိုရောက်သွားတာ မဟုတ်ပဲနဲ့ ကိုယ်ရောက်ဘူးတဲ့ ဘုရားကြီးကို ပုံဖော်ပြန်သိတာပါဘုရား။

ပစ္စုပ္ပန်တည့်တည့်က ဘုရားကြီးကို မသိပါဘူးဘုရား။ အခု အချိန်ဘုရားကြီးမှာဘာ ဖြစ်နေတယ် ဆိုတာတပည့်တော် မသိပါဘုရား။ တပည့်တော် ရောက်ဘူးတုံးကသိတဲ့ဘုရားကြီးကိုပဲ ပုံဖော်ပြန်သိတာပါဘုရား။

ဈေးချို..ကို အာရုံပြုလိုက်တော့လည်းတစ်ခါကရောက်ဘူးတဲ့ ဈေးချိုကို အာရုံပြုလိုက်လို့ပုံဖော် ပြန်သိလို့ရတာပါဘုရား။ဈေးချိုကိုသိတဲ့ အချိန်မှာ ဘုရားကြီးကို သိတဲ့စိတ်က မရှိတော့ပါဘုရား။

အဲဒါကို သိလိုက်တော့တပည့်တော် သဘော ပေါက်ပါတယ် ဘုရား။စိတ်ကလုံးဝမပြေးပါဘူး။တကယ်လို့စိတ်ကပြေးပြီးသိတယ်ဆိုရင် ပစ္စုပ္ပန်တည့်တည့်ကို ပဲသိနေလိမ့်မယ်..။

အခုတော့ရောက်ဘူးတဲ့ အတ်ိတ်အာရုံကို ပဲပုံဖော်သိနေတော့တယ်..။သိပြီးတော့လည်းကြာရှည် မနေဘူး။ ပျက်သွားတယ်..။ ဈေးချို ကိုသိတဲ့ အချိန်မှာ ဘုရားကြီးကို သိတဲ့စိတ်လုံးဝမရှိတော့ဘူး။ပျက်သွားတယ်..။ဈေးချိုကိုသိတဲ့စိတ်လည်း သိပြီးပျက်သွားတယ်..။

စိတ်ကပြေးတဲ့ အလုပ်ကို လုံးဝမလုပ်ပါ..။စိတ်အကြောင်းကို နားမလည်တော့ တပည့်တော် ဟာ ပြေးတယ်လို့ အထင်မှား နေပါ တယ်ဘုရား။စိတ်အကြောင်းကို အမှန်အတိုင်းသိလာတော့ စိတ်ကလုံးဝ မပြေးဘူးဆိုတာ မြင်လာ ပါတယ်ဘုရား။

စိတ်ကမပြေးဘူးဆိုတာ သိလာတော့ သမာဓိထူထောင်ရတာ လွယ်ကူလာ ပါတယ်ဘုရား။မပြေးတဲ့စိတ်ကို ပြေးတယ် ထင်ပြီးအစ ကတော့ ထိန်းချုပ်မှုတွေလုပ်ခဲ့ဘူးပါတယ်ဘုရား။အခုတော့ မပြေးတဲ့စိတ်ကို ချုပ်ထားစရာ မလိုတော့ ပါဘုရား။ ဆွဲထားတာ တွေလည်း တပည့်တော်မလုပ်တော့ပါဘုရား။

အချိန်နာရီတွေနဲ့ဘောင်ခတ်ပြီး ဖိထားစရာလည်းမလိုတော့ပါဘူးဘုရား။အရှင်ဘုရားဟော ကြားသလို..

စိတ်ကရေကြည်နဲ့တူတာပဲနော်ဘုရား။ရေကြည်လေးဟာမူလအားဖြင့်ဘာအရသာ မှမရှိပါဘူး။ဆားနဲ့ရောလိုက်ရင်ရေငန်ဖြစ်ပါတယ်..။သကြားနဲ့ရောလိုက်ရင် ရေချိုဖြစ်သွားပါတယ်..။ရေမှာ အရသာ မရှိသော်လည်း ဆားရောလျှင်ရေငန်၊ရေချိုဖြစ်သလိုပါပဲဘုရား။

စိတ်သည်သိပြီးပျက်ခြင်းသဘော မျှသာ ရှိပါလားဆိုတာ သိလာ ပါတယ်ဘုရား။

(စိတ်ကို မှီတွယ် ၊စိတ်ကို ချယ် ၊မှတ်ဖွယ် စေတသိတ်) လို့တပည့်တော် အဘိဓမ္မာသင်တုံးကကျက်ခဲ့ဘူးပါတယ်ဘုရား။စိတ်ကို မှီပြီး ပေါင်းပြီးဖြစ်တတ်တဲ့ စေတသိတ်များနဲ့ ရောလိုက်လျှင် ကောင်းစိတ်ဆိုးစိတ်ဆိုတာ ဖြစ်ကြရတာပဲနော် ဘုရား။

အကုသိုလ် စေတသိတ်တွေရောလိုက်ရင်တော့ အရှင်ဘုရားဆုံးမဘူးသလို စွဲလန်းစိတ်တွေနဲ့ အတူ စွဲလျှင်ဆင်းရဲ ဖြစ်ကြရတာ ပါပဲ ဘုရား။

ကုသိုလ်စေတသိတ်တွေရောလိုက်တဲ့ အခါ မှာတော့ စွန့်လွှတ်စိတ်နဲ့ အတူ…စွန့်လျှင်ချမ်းသာ ပေါ့နော်ဘုရား။

တပည့်တော်အထင်တော့ စိတ်ကို မစိစစ်တတ်ကြတဲ့ သူတွေဟာအကောင်းအဆိုးအထင်မှားနေတတ်ကြပါတယ်ဘုရား။ ကိုယ်သိခိုင်း တာ ကို ဆက်တိုက်သိနေရင် စိတ်ငြိမ်တယ်ထင်တတ်ကြပါတယ်..။

ကိုယ် သိခိုင်းတာကို ဆက်တိုက် မသိပဲအခြားကို သိနေရင် စိတ်ကပြေးနေတယ်လို့ အထင်မှားနေတတ်ကြပါတယ်ဘုရား။

တကယ်တော့ စိတ်ကို ပြေးတယ် လို့ အထင်မှားနေတဲ့သူတွေဟာ အထင်အတိုင်း ပြေးတယ်လို့ယူဆလိုက်ရင် အတိတ်အာရုံ ကိုလည်း သိခွင့်မရ တော့ပါ ဘူး။အနာဂတ်ကိုလည်းကြံစည်ခွင့်မရတော့ပါဘူး။ပြေးပြီးသိတဲ့ အတွက် ပစ္စုပ္ပန်အာရုံတစ်ခုကိုသာ သိခွင့်ရတော့မှာ ဖြစ်ပါတယ်.လို့ အရှင်ဘုရားရှင်းပြတာတပည့်တော် မှတ်သားထားပါတယ်ဘုရား။

စိတ်ဆိုတာ တကယ်လို့ပစ္စုပ္ပန်အာရုံတစ်ခုတည်းကိုသာ သိနေလျှင် အတိတ်အကြောင်းကို သိနိုင်သော ….ပုဗ္ဗေနိဝါသနုဿတိဉာဏ်နဲ့ အနာဂတ်အကြောင်းကို သိနိုင်သော အနာဂတံသဉာဏ် တို့လည်းရနိုင်တော့မှာ မဟုတ်ဘူးလို့ အရှင်ဘုရားဟော ကြားတာကိုလည်းပဲ တပည့်တော်သေချာမှတ်ထားပါတယ်ဘုရား။

နောက်တစ်ခုကတော့ စိတ်ကပြေးပြီးသိရတယ် ဆိုရင် အလွန်ဝေးတဲ့ သိစရာ နဲ့ အလွန်နီးသော သိစရာကို သိရာမှာ အချိန်တူ လုံးဝ မဖြစ်နိုင်တော့ဘူးပေါ့ဘုရား။

စိတ်ရဲ့သဘော အမှန်မှာ မြင်ဘူး၊ကြားဘူး၊နံဘူး၊စားဘူး၊ထိဘူး၊ကြုံဘူးသော အတိတ်အာရုံများ၊

မြင်ဆ၊ဲကြားဆဲ၊နံဆဲ ၊စားဆဲ၊ထိဆဲ၊ ကြံဆဲဟူသော ပစ္စုပ္ပန်အာရုံများ၊

မြင်လတ္တံ့၊ကြားလတ္တံ့၊ နံလတ္တံ့၊စားလတ္တံ့၊ထိလတ္တံ့၊ ကြံလတ္တံ့ ဟူသော အနာဂတ် အာရုံများ ကို သိပြီးပျက်ခြင်း သဘောမျှသာ ရယ်လို့ တပည့် တော် ပိုင်ပိုင်နိုင်နိုင်သဘောပေါက်လိုက်တာ အရှင်ဘုရား ကျေးဇူးပါဘုရား။

စိတ်နဲ့ ပတ်သက်ပြီးတပည့်တော်အခုလိုသိလိုက်ရတာ တပည့်တော် တော်တော် ကံကောင်းပါတယ်ဘုရား။ဘာကြောင့်လည်းဆိုတော့ တပည့်တော် သမာဓိထူထောင်တဲ့ အခါမှာ စိတ်ကို ချုပ် ခြင်း၊ဆွဲခြင်း၊ဖိခြင်းများကြောင့် ပင်ပန်းမှုမျိုးစုံနဲ့ တပည့်တော် နပန်းလုံးခဲ့ ရဘူး ပါတယ်ဘုရား။

အခုတော့ အဲဒီပင်ပန်းမှုများကလွတ်မြောက်ခဲ့ပါပြီဘုရား။တပည့်တော်လိုမဖြစ်ရလေအောင်သည်တရားလေးကို မျှဝေခွင့်ပြုတော်မူပါ ဘုရား။

အရှင်ဘုရားကို ရိုသေစွာ ရှိခိုးဦးခိုက် ကန်တော့လိုက်ပါတယ်ဘုရား။

(မူလဓမ္မဆရာတော်ဦးဝိဇယ ၏ ...မသိသရွေ့ ဒုက္ခတွေ့မည်..... တရားတော်ကိုကိုးကားရေးသားပါသည်။)